美心皇宮

營業中

休息中

成日都好多人，要排好耐隊😢 今日竟然難得有位，就同婆婆黎以到飲茶❤️樓地高，地方大，感覺好闊落，今日仲安排到窗口位，所以坐得好舒服😁有懷舊點心推車仔，好特別！荔芋燒煵卷好少係出面茶樓見到，好味道😋

早市去諗住皇宮應該唔會太差，之前去過其他分店幾好。點知服務差，等左好耐先有人開位，就咁放低成疊碗碟就算。食物更是麻麻，選擇不多，燒賣蒸過火晦晒，其他食物好一般。收咁嘅價位咁嘅茶錢，真係唔會再幫襯，唔會再幫襯

本身都喜歡到呢間酒樓食嘢，因為個景不錯，而且食物質素都ok.但食過不同點心，當然都有一些好食，有啲不好吃。之前食呢間芋角，糯米包，炸魷魚鬚都好食。今日試左個「銀魚肉片飯」同「紫菜百花卷」。由於呢間之前食過一次「鳳爪排骨飯」，味道ok, 但飯略嫌太過多水，比較軟身，沒有飯香。於是，今日決定試多次蒸飯，但改咗食「銀魚肉片飯」。一開蓋，賣相ok! 但一食啖飯，又是軟身都不得了，好似食緊軟軟粥咁。😔但個銀魚是好食的。可是，個豬肉片，碟原來是「豬頸肉」，而且好肥。。。。之後食左個「百花紫菜卷」，見到是最後一碟，心想，真幸運，一直想食都沒機會食。 這次食到，原來內部有好多芫荽，而且得少少蝦肉，而且放咗好多肥豬糕，好油膩。食完以上兩樣嘢都已經頂住個胃啦。不過，至少試下新野（我未食過的）。希望下次可以試吓其他野，會好味道啦！

記得細個嘅時候去酒樓飲茶通常都係好多依依叔叔推住車仔叫賣，所以我哋搵位通常都會想要近住廚房嘅位置，咁就會見到最多嘅點心車。後來有咗點心counter可以自己出去攞點心，之後有咗點心紙，每台自己喺枱面度tick tick tick，之後就有得食。慢慢，點心車就買少見少。天氣熱熱地一疊涼菜係好好嘅開胃菜，茄子皮嘅顏色依然保持着紫色，日式麻醬係一個冇得輸嘅調味，簡單開胃易用。雖然見到點心車實在開心，但點心車嘅另一個問題係食物擺喺點心車道可能要兜好耐。保溫效果要顧及，有時點心會蒸得太耐。好似呢一度碧綠帶子腸粉本來好鮮味，但由於蒸得太耐腸粉皮嘅質感就已經唔好食了。廿蝦餃亦面對同樣問題，倒汗水浸住蝦餃嘅底部...栗子西米布甸細細碟唔係太甜我幾喜歡，而西米布甸加上一粒粒切碎左嘅栗子甜到保持得剛好之餘亦有口感，不過溫度提高一點會更好。我會唔會好fancy為咗點心車嚟呢度飲茶呢？帶外國朋友來可能會嘅，自己就未必嚟啦，因為我見唔到架煎腸粉蘿蔔糕車。

啊媽話想飲茶先至會黎原先我都唔太想食可能因為嗰時3:00 入到去 冇人咁濟 超靜不過亦有機會係同宜家政治情況有關依間特別在佢有姐姐推車仔 然後可以去攞 已經無咩茶樓用依個形式 多數寫紙點點心一睇就叫咗6籠點心有碧綠帶子腸粉 叉燒包 芋粒糯米飽 北菰綿花雞 潮州蒸粉果 芋角個人覺得唔太好食😕冇咩特式帶子腸粉 帶子唔鮮甜 腸粉唔算滑 有好多豉油但係又無味芋粒糯米飽 糯米唔夠黏 冬菇或其他料唔夠多 無口感 芋粒太粉 令個飽有啲乾北菰綿花雞 啲雞好滑嘅 味道都唔錯 不過就好油...其他都無興趣試嚕-整體點心真係好麻麻選擇又唔多 唔啱食不過服務就幾好嘅 見啲姐姐都幾悶 係咁企起我地隔離問我地要唔要依樣嗰樣因為無咩人 好靜 所以坐得舒服嘅但係唔抵食 6籠3個人 已經$290 問題係我完全唔飽 得5成左右😶

讚1. 環境真係闊落，樓底高，家下好少酒樓有，仲有推車仔點心，少有2. 有唔少懷舊點心，沙翁好味道，夠蛋香，蛋黃餃其實幾好味，感覺上好過同系既翠園好多彈1. 推車仔啲姐姐行既路線好難捉摸，好多次都要自己行出去截2. 完全無人加水，舉手都無

位於沙田大會堂附近的美心皇宮酒樓常常擠滿食客等位，但原來在星期一至五日十點前來飲早茶便不用排隊，可即時入座。今早九時許來到這酒樓飲早茶，可自由選枱，雖然食客亦不少。~北菇綿花雞北菇只有一隻，魚肚份量不少，魚肚非常入味，而且爽口。雞肉已醃過，不肥膩而肉滑。~帶子腸粉腸粉皮較厚，帶子雖不算細粒，但不算新鮮。不沾豉油來吃這腸粉便會覺得味道淡了些。~芋角賣相似蜂巢的芋角炸得松脆，饀料的芋蓉綿綿的，非常軟滑。吃起來外脆內軟的芋角真是美味無窮。~叉燒包一籠兩個的叉燒包外皮不算太厚，叉燒粒饀料不會過咸。~鮮竹卷鮮竹卷的蠔油芡汁較濃，鮮竹卷的饀料豐富。亮點是鮮竹卷還伴有一小棵黃芽白，這菜已吸收了汁，煮得淋滑，非常討人！

金銀蒜原隻吉品鮑有成10隻咁多鮑魚全部大大隻，可蓋過湯匙，蒸到剛剛好，鮮美易咬啖啖肉，一口食晒一隻超滿足！金銀蒜好惹味，粉絲索晒豉油，全部撈埋一齊食絕對係正解！就咁食金銀蒜同粉絲就會太咸了。芝士上湯焗大花蝦冇花冇假，真係手掌咁大隻大花蝦！蝦肉爽口彈牙勁新鮮、非常鮮甜，蝦膏從蝦頭爆出，芝士上湯都好正不過一稍為冇咁熱就立即「擎」晒，所以後尾碟嘢有點兒難分難解好難夾。豉蒜翠玉爆鴛鴦翠玉瓜真係好爽脆！火喉剛剛好豬頸肉啲汁太濃味了，豆腐就有啲辣。煎蓮藕豆皮卷望落有啲似天婦羅，食落有驚喜！咬落唔會有好油炸好熱氣嘅感覺，蓮藕同豆皮融合晒一齊，味道咬口都夾，有啲似芋絲春卷，點埋喼汁，正呀黑白胡椒雞落單時完全估到會係咩，結果原來係上面加左黑胡椒粒嘅白切雞，冇乜特別，亦冇乜技巧，都幾嫩滑。錦繡冬瓜盅超。清。甜！好耐冇試過喺茶樓飲到又唔會杰撻撻、面頭又唔會浮晒油嘅湯了！　仲要勁多冬瓜肉，配埋金華火腿同瘦肉鮮冬菇扒翡翠冬菇得幾粒，又唔係咩貴嘢，俾多啲會再開心啲，生菜油水比例非常好，好味道～花膠蝦乾浸翡翠苗唔講都唔知面頭白色細細條嘅就係花膠，冇乜味又爽爽地，似豬皮魚肚多啲。翡翠苗份量好多，不過唔夠嫩，咬落韌，有

今日Farewell Intern, 因為好想食豆腐花，所以揀左呢間。十一個人，又想要圓枱方便傾計，仲有得訂位，真的只有酒樓。新城市八樓的酒樓最近又食過，這兒又有推車點心，可以不用等就有得食。部分人點食物，部分人去拿點心，就最有效率！食物推介：1. 芝麻卷，好滑，不厚皮2. 豆腐花，好滑，分到十二碗，好抵食3. 咖哩蒸土魷，好入味，好滑，爽口不算太嘈，可以訂位，最舒服坐到十二個，Max14都得，但唔去記住要打去取消，唔係會😉以下這個甜品，我覺得個蛋太甜😖 但幾靚

一直以黎都好鐘意呢茶樓，食野好味，環境好但諗唔到今日lunch黎食飯，伙記態度整差 仲要唔只一兩個，野食keep到，但伙記態度冇諗過差過屋邨茶樓唔通依家連茶樓都唔鐘意港客，定鍾意趕客

小賣，蒸🉐️太久了，一咬下，散了。豬肉咸，為什麼呢？炸竽角，太油，一夾下，巳粉身碎骨，😖😖棉花雞，棉花好堅固，差只有你，芝麻卷，依然出色終於明白點解此酒樓小了咁多人等位了，人手有不足龍蝦湯鮮竹卷，豬肉也是咸的，師傅今日搞什麼鬼，咁重手

四寶雞扎，眼看也不錯，大大件件，以為大件夾抵食，怎知道偷工減料的雞扎隻雞，細到沒有朋友。唔同是小春雞蟹子燒賣四粒大大件，蝦大大隻，嫩滑。不錯鮮蝦韭菜餃，入面好咸，師傅今天搞乜鬼懷舊千層糕，沒有以前咁好食，蛋黃也很少、完全冇味，冬瓜粒甜爆豆沙角，蓮蓉香，好食，很久沒有吃了。黑椒鴨掌，很重的黑椒味好食😂

蟹子燒賣，又來了。今天好似細粒了，但是味道也好食。黑掓鴨掌野味，整。陳村粉排骨，入味，但是㨾衰衰，好彩好食。炸云吞，炸細了，肉也缺乏了，差差差鮮蝦腸粉，蝦大大粒，還不錯。第一次下午茶可以吃到麻蓉包是我的至愛，但是不熱辣鍋，收晒皮

普洱茶唔該來一個蟹子燒賣先，蝦大大粒唔錯，四寶雞扎大大件鮮蝦韭菜餃，入面好鹹完全唔得豬手唔入味沒有口感炸雲吞細件了很多又唔卜卜趣最後甜點是芝麻卷，有芝麻味還算好下午茶一盅兩件又來啦但埋單發覺點心有九折，希望點心也會在好食啲

今晚一家四口去沙田大會堂隔離美心皇宮食飯, 食HSBC信用卡💳個四人晚餐(HKD800), 五個餸加甜品都非常豐富.>蜜汁叉燒拼油雞頭盤係肥瘦適中嘅叉燒, 加幾件好入味嘅鼓油雞.>XO醬蝦球帶子蝦🦐同帶子好大粒, 蝦球新鮮又彈牙.>花膠雞絲燴仿翅美心集團係唔賣真翅的(讚!), li個仿翅口感絕對唔輸蝕過真魚翅, 花膠同雞絲比例平均, 食落感覺骨膠源滿滿.>欖鼓蒸白玉海斑海斑size啱哂我地人少少, 蒸得剛剛好, 魚肉食落嫩滑, 豆鼓嘅濃味係bonus, 幾塊豆腐滑捊捊的.>糖水-紅豆沙