美心西餅 (康威大廈)

營業中

休息中

食過美心嘅生日蛋糕好多次，每個朋友或者屋企人生日，都基本上係食美心蛋糕。原因好簡單梗有一間喺左近，朋友生日，就去附近買個蛋糕慶祝，非常方便。而且屋企人生日食心蛋糕，主要係因為媽咪儲埋好多美心現金卷，所以又係選擇美心。老實講食美心蛋糕食到悶，係就算佢哋出唔同款式嘅蛋糕，只有變個造型，蛋糕本身一啲都唔好食。海綿底嘅美心蛋糕，普遍都係咬落去冇軟熟感，蛋糕又係偏乾。忌廉又偏甜，放幾個生果就算。今次如果唔係因為又係因為有美心禮券，真係唔會想嘥錢去買美心蛋糕。造型係幾靚，二百幾蚊一磅，值錢既地方係邊？食落去，紅色既海棉蛋糕又係乾身的。中間係普通嘅忌廉啫喱同士多啤梨碎，無特色， 夾心就係夾幾舊士多啤梨就算數。甘樣賣二百幾蚊？真心希望佢哋學習下日本人做嘅蛋糕既精神。日本人造蛋糕，係真係為咗令人食咗會開心而俾心機做，香港嘅美心蛋糕，係為咩目的而做蛋糕既？年年去買蛋糕，都覺得佢哋雖然造型越嚟越好睇，但係價錢亦都越嚟越貴，越食越唔好食，去到一個直頭過分唔值嘅價錢，如果唔係因為有現金券真係唔會再幫襯。

美心最近推出四款菠蘿包造形的「脆脆曲奇包」，曲奇麵包內分別夾着原味、朱古力、抹茶和士多啤梨的忌廉芝士醬。小妹一直都想一試，可惜只於全港15間美心西餅出售。是日，無心插柳下，路過英皇道，竟然遇上了脆脆曲奇包，天助我也！六點左右，只見麵包架上，仍然放滿了綠黃粉黑四色的脆脆曲奇包，予人繽紛歡欣之感。店員阿姐甚為親切有禮，猶豫了好一會兒，最後要了一件士多啤梨味脆脆曲奇包$12.5。咬一口，因為不是新鮮出爐之故，「脆包」入口毫無溫熱可言，上層稍稍仍算微脆，下層既厚實又不香不脆，且質感有點乾硬，枉負「脆脆」之名也！包內的忌廉芝士醬，據說是以澳洲忌廉芝士和Mascarpone Cheese芝士調製而成的，粉紅色醬，應該是再混入士多啤梨醬調配之故。忌廉芝士醬入口細滑且輕盈，且夾雜了偏甜膩的濃稠莓醬，只嫌忌廉味道不夠天然，讓人沒有吃下去的意慾。

在總公司上了五日課程，結業日大家都想請幾位導師食件餅！所以午餐後同個同學去附近餅店買餅，西餅款式多！叫店員幫我揀30件餅（唔要最cheap嘅切餅）店員好爽手分成4盒盛載！ 茶會開始！我食到兩件！ 咖啡切餅：外面圍邊嘅膠紙好難移走！咖啡忌廉幾香！蛋糕鬆軟！好味！ 朱古力撻：好厚嘅朱古力殻包住，朱古力微甘，夾雜合桃，增加脆脆口感！中間蛋糕鬆軟，好味！呢間西餅唔會款款好味！呢次兩款都好味！

As this very well may be the last time I'll be celebrating my birthday in Hong Kong for quite a while, my mom thoughtfully ordered a mini-sized cake. But I still found it overwhelming and could hardly finish it  I'm really not much of a cake person (unless it has crunchy elemts to it)6/10The only difference in texture was the cream and cake, with only a few rasberries interspersed in the middle section. The chocolate pieces surrounding the cake tasted as though they'd been dipped in wine, but ot

未吃早餐，經過美心便順道買個包吃，看見這個綠色的包包每次也所剩無己，今天一於買來吃吃!綠茶紅豆包$7.5應該是用混了綠茶粉的麵粉來做的，包身聞起來很香綠茶味，表面灑上了麵粉所以白白的，咬下去第一口，包身軟軟的，綠茶味清新，加上紅豆蓉一起吃，中和了紅豆蓉少少的甜膩，這個最佳配搭是不可能難吃的吧~但如果紅豆蓉份量可以多少少便更佳了!怪不得每次也所剩無己，美心的麵包比聖安娜好，所以下次會再試其他包的!

美心最近推出全新的法式撻，每個$7，有六款味道，賣相很靚我試了其中兩款。杏脯撻，入面原來係蛋糕，唔好食，乾(真真)，無味檸檬芝士撻，入面同樣係蛋糕，只有少許檸檬味，一d芝士味都冇

公司同事是好好先生一名，平日對我們幾位女同事亦照顧有加。由於早前得悉他即將在下週生日，所以就由我出個鬼主意，這天在渣華道新開的「食為鮮」吃完午飯後，決定去「美心」捧個迷你蛋糕回公司為壽星仔慶祝生日。其實近年「美心」都推出咗唔少 mini cakes，如人氣頂盛的天使、魔鬼；被譽為皇牌的芒果脆脆；朱古力迷至愛的法國千層、石板街；以及用澳洲忌廉芝士焗製的藍莓芝士等，全部都個子的的骰骰，小巧精緻，頗適合人少少一起分享。不過要數大熱的，當然是近日 hit 爆的一紅一黃 「憤怒鳥」喇。「Angry Birds」 熱爆全球，早前於中秋期間，美心已推出過憤怒鳥造型的月餅，今次 mini 系列就加入了紅桑子慕絲蛋糕及芒果慕絲蛋糕，每個 $98，好，就一於試試紅桑子味道如何。這款3D立體造型的大頭 Angry Bird，個樣雖然嬲爆爆，但外表夠曬趣怪可愛，而且亦頗有節日氣氛，皆因每個蛋糕頭頂都綴以一頂聖誕帽。試了一口，原來頂帽是用朱古力做的，好彩入口不算太甜膩。至於蛋糕內裡餡料，據說是以朱古力蛋糕及士多啤梨肉打造，可惜入口朱古力味唔夠濃，而果肉就真的完全沒品嘗到，尤幸牛油曲奇餅底甚為酥香鬆脆，配上個紅

尋日(13-9-2011 Tue)中秋節翌日,同男友行完孫中山紀念公園同香港大學後,男友話返北角探佢媽媽,佢o黎呢o度買幾個冰皮月餅,我就因有啲啲餓,順便買少少o野食,就一個$7.00o既豆沙燒餅啦.買到去佢媽媽屋企就開餐lu,打開睇睇,豆沙餡好似幾多,食落,燒餅厚o左啲同冇乜味,麻麻,豆沙唔太甜都可以o既.

早前美心餅店門市做優惠，買餅卡 10 張起有 8 折，而 20 張就送多 1 張，100 張更多送 7 張。買咁多餅券，要娶媳婦嗎？ 當然不是，兒子還在求學階段，發夢都未有咁早啦，不過買十張留待閒時與家人取餅吃也是不錯的。上月中美心推出一系列以呂宋芒為主題的甜點，受到網上 blogger 熱捧，而且聽聞只會供應到五月四號，加上餅店在報章上大賣廣告，保證時令期內，芒果產品香甜，並承諾如未符合要求會作出更換，所以我和老公當然亦沒有錯過這個香芒熱潮，也連吃了數次。佛誕假期後下班經過美心餅店，看看玻璃櫃，咦，原來這個「呂宋芒系列」仍在發售中，好，反正身上有餅卡，就趁這芒果當造季節，來個最後衝刺。由於人丁單薄，要試那個以芒果忌廉包著雪芳蛋糕，中間夾著片片芒果肉的「香芒雪芳」又或者以芒果肉砌成美艷花朵的「香芒盛放」，確是無能為力的了，但兩口子享受一吓同系列的其它款式，仍是蠻不錯的。這個香芒脆撻 ($15)，撻面鋪滿了大量新鮮的呂宋芒果粒，吃來甜度剛好，而且每一口都滲透著芒果的清甜，吃完口中仍留著滿滿的果香，很有夏日的感覺。至於果撻底層，雖然我是放工後才去購買，但擺放了一整日

發現自己原來好耐無食過美心面包，今日有Ｄ肚餓就回個三文魚包醫下肚，包身幾鬆軟，係白面包，牛油味無乜，但係勝在三文魚好多，細細口咬左兩啖就出現左，而且伴隨住餘下的食包過程，都算幾足料，以前覺得七元一個包很貴，但係而家間間面包都加晒價，七元已經變得中等偏平了～不過個人都係鐘意delifrance的三文魚包多Ｄ～

除了紙包蛋糕外，許久沒吃美心西餅了。有些外型漂亮的西餅，名字也漂亮，有情迷意大利、至尊意大利芝士餅、經典咖啡……忘記了它們的名字。但吃時感覺有些失落和空虛感，脂肪相信增加了不少，但又說不出有那款令人回味又難忘。現在往美心西餅，多是買她的麵包出品。無論如何，美心西餅曾經和我們的生活分不開，回味小時候的生日蛋糕、聖誕蛋糕，還有約友人於地鐵站那句： “美心等。”

天使蛋糕 ~ 今日友人生日 , 因為有美心既優惠券所以就提早一日訂左個新推出產品天使蛋糕黎慶祝 , 之前都有見過蘇絲黃介紹過另一間高級麵包店出品個個好似真係好好味道咁 , 所以對美心呢個都有d期望 , 好彩蛋糕的確冇令我地失望 , 外層塗上全白色厚厚既幼滑忌廉 , 形狀整成一個圓形中空 , 模仿天使光環 ; 內層係鬆軟細緻的蜂蜜味清蛋糕 , 淸香不膩 , 加埋灑上已壓碎的鬆脆魔法脆脆 , 帶有焦糖的甜味焦糖夾心既甜味互相交融 , 口感更富有層次 , 值得推介大家一試。

尋日上堂見到有個女仔買左個麵包. 個麵包樣好鬼得意 落左堂咁耐個心一直係咁諗住個麵包. 今日上堂之前忍唔住就走左入美心決定買番個黎試下喇.哦. 原來叫吞拿魚蟹柳包＄６.５個心一直心大心細. 有好多款揀全部都係同價.黑芝麻吞拿魚火腿包、吞拿魚包. 最尾都係揀左個女仔個麵包.見到個麵包頂部一格格咁. 個心一直幻想一定好好味. 點知 ... 勁勁勁勁勁失望.個麵包好淋. 唔知係咪因為未凍就入袋造成.麵包底個張紙太實喇. 我「就住就住」撕開. 都冇左大半忽麵包. 失望１面頭一格格個D冇乜味食到出黎. 真係食唔出. 失望２咬到一半先開始見到右邊有小小蟹柳絲. 真係加埋都冇六條絲！蟹柳絲拌有丁屎咁小的沙律醬. 仲有三小粒洋蔥粒.我覺得個味道怪怪地.食完個包就知道岩岩側係右邊個幾條蟹柳絲已經係個包的全部. 失望３吞拿魚餡個方面就係側埋係左手邊. 得三小啖. 冇講錯.我咬左三啖仔就冇哂D吞拿魚餡. 失望４第一啖吞拿魚有小小辣. 第二、三啖就係得小小沙律醬味. 咁奇怪既.基本上食完個麵包. 就係抱住呢４大失望上堂！早知唔買呢個麵包啦.

行過美心入去買返幾件西餅食下 , 雖然見到加左價 , 宜家要成$4一件 , 不過都OK啦 , 諗住美心d西餅不嬲都唔太差既 , 點知一食個椰撻 , 真係太甜囉...就連我最鐘意既雲石蛋糕都好似比以前甜左...拿破崙就過得去啦 , 咁個人認為好食過檀島比較中式既拿破崙可能我本人唔太鐘意食d過份甜既野 , 估唔到加左價之後連味道都唔同丫 , 而且又冇左芝士撻wor , 真係可惜呀~~~

美心西餅的包類食品愈出愈高檔, 幾乎跟她的 boutique line Simplybread 看齊, 既有精緻得像藝術品的包點, 也有沉實的歐陸式麵包, 這家分店就把這兩類包放在透明麵包櫃內, 進店第一眼就見到, 其他的款式都要靠邊站。這天又買了兩款包: 1. 寶石王子 ($16) - 早前見其他食家推介, 早已引死我, 但價錢也是有點駭人, 好在有人肯 share 才敢買了。一條幼長法式麵包內鑲滿無花果、乾果、杏脯和果仁, 果然像七色寶石鑲在寶劍上, 差在沒閃閃生光。食落都 OK 嘅, 乾果香甜, 感覺健康, 差在法包本身比較韌。2. 香橙燕麥法包 ($10) - 這個好像抵一點, 大大個, 內有點蜜餞橙皮, 麵包本物是全麥包來的, 而燕麥是鋪在包上面的。齋食會乾一點, 搽果醬配 coffee or tea 就最正嘞。又借位, 早前同事請食餅, 我吃了一件芝悠焗餅, 即是焗芝士蛋糕; 我的是藍莓芝士蛋糕, 芝士味比較淡, 藍莓味也不足, 普通喇。