美心西餅 (觀塘站)

營業中

休息中

武漢肺炎搞到大家屈響香港， 冇得出去玩， 大家都一片愁雲慘霧，適逢姜濤誕， 一於買個蛋糕happy吓~講起就嬲嬲豬，我一心諗住拎d餅卡同美心coupon買個靚d嘅蛋糕，佢唔俾我一齊用喎， 有冇搞錯呀，都係美心，點解要分得那麼細。。。。 算數， 照買 咁我訂蛋糕，佢好高智能咁用部平板電腦嚟order, 點知真係虛有其表，部嘢係低能嘅，超慢，超難用，慢到我完全order唔到，全程要個姐姐搞，都唔知俾個客嚟order做乜？！ 好彩個姐姐冇發老脾，好有耐性，可能佢知部嘢咩料，佢已經習慣咗最後到寫生日牌，我真係一個字都寫唔到，完全要姐姐代勞，本來好開心諗住同姜b慶生，訂完蛋糕搞到我焫焫焫焫焫焫著到拎蛋糕， 好彩實物都好靚，要嚟開party影相都幾好，不過兩層蛋糕真係得個樣，影相就靚， 切同食都麻麻地。 切就要分兩個切，佢中間有個難食朱古力支架，開頭唔知，真係唔識整，。佢又冇講點切，搞到下層切到爛晒，好核突，成件事錯晒囉。。。。 error 404.....栗子又淨係得甜味，都唔好食嘅， 好彩有姜b搭夠，如果唔係真係要投訴佢。。。 大拿拿成3舊水個蛋糕，真係唔抵食又唔好食。。。 呢次教訓我唔好睇樣

本身入去諗住用咗張餅卡去，就咁岩見到今年出左新月餅，就係拔絲蓮蓉蛋黃月餅。佢嘅拔絲喺指常溫狀態下，入邊嘅蛋黃都可以做到拉絲嘅效果，佢早鳥價係$128 ，一盒四個迷你月餅。咁我貪得意，咪買盒試吓囉。返到去我就冇加熱或者再焗熱佢，就咁常溫食。味道就真係一般啦，冇特別，佢個蛋黃係真係做到拉絲嘅，但係蛋黃個味唔太濃，同埋蛋黃量都唔係好多，滿足唔到我呢啲鍾意食蛋黃嘅人。純粹貪新鮮試吓，都覺得有少少伏。不過好在係做緊早鳥價買黎試。如果用正價好似要二百幾蚊，如果用咗正價買黎試就真係好伏啦。

七月份有多頓生日飯，是日選了美心的鮮果蛋白脆脆。蛋糕以一層簿簿的忌廉以接合生果，蛋白蛋糕香軟清甜，配合簡簡單單的水果，不錯吃。惟獨朱古力脆脆略硬，鬆脆一點的話更加分。如果一大伙人以晚餐為焦點，蛋糕純作點綴的話，算是簡單又穩陣的選擇。

今次有機會食到呢個栗子果撻 一直都好鍾意食栗子 食落去軟綿綿 好似入口即溶嘅感覺個栗子味都好甜 除咗栗子佢個cream都好正 果撻底咬落去係曲奇 又脆又香又甜超好食😆😆

7人行生日飯局～天氣太熱嘅關係唔太敢買忌廉慕士之類嘅怕溶同變質～簡個大眾喜愛嘅唔需要太花巧嘅芝士蛋糕凈買1磅都夠食～食完飯一人一小塊剛好～由於大部份人都唔太鍾意食甜嘢～上次買2磅一人一大舊仲要食唔晒攞返屋企上面嘅藍莓偏甜～中間有一層白色fondant固定藍莓唔會碌落嚟～芝士蛋糕唔會太乾～Cream cheese味濃~餅底偏乾加上壓唔實一切碎晒～有D難攞起～芝士蛋糕食落唔會太甜所以唔會好“漏”～一件剛好1磅價格嘅蛋糕算划算

一向中意吔包/糕點類，行過邊間餅店都會望一望，原來美心岀左Minions 系列！都岀左好耐啦，因為係澳洲返黎唔知，亦冇留意，見到果陣好驚喜！行過見到即刻買左小黃人Bob！Minions迷你兵團Bob(曲奇慕絲杯) $39仲有另一隻係Stuart(芒果慕絲杯)，都係$39，老實講味道就好麻麻，完全冇乜曲奇味，質地軟得黎好空，好似食空氣咁，真係比39蚊係為左買佢隻公仔，食完洗乾淨之後入面都可以裝下濕碎野或煮純粹做裝飾

只從上個月在美孚分店與它相遇，那時候因為要外出而沒有把它買下，自始便再未有在其他分店遇過。  恨了吃很久的3D蛋黄哥蛋糕，終於得償所願的買到了，真心的很高興！對於喜歡蛋黄哥的我來説，蛋糕的外形當然是煞食，不過製造出來卻不是以雞蛋的味道為主題，若然是的話相信會十分特别。蛋糕是由多層次所組成，外面是雲呢嗱慕絲，中層是比利時軟心朱古力包裹着香蕉片，下層是濕潤的海綿蛋糕。吃蛋糕並没有嚐出好假的香蕉精油味道，香蕉味是淡然的，好真實！味道 4環境 3服務 3衛生 4抵食 4 (美心咭會有八五折優惠)

男朋友生日, 買生日蛋糕真係諗到R爆頭...🤔原本諗住自己親手整一個, 不過出現嘅蛋糕課程做嘅蛋糕不如我所想😒😒😒好好彩竟然琴日美心推出左最新嘅Star Wars系列蛋糕! 😍😍😍😍男朋友正正最鍾意Star Wars❤️ 呢個蛋糕完全好似為我而設咁😂 點可以唔買!事先偷偷地放咗個生日蛋糕落雪櫃, 最可惜嘅係男朋友竟然無啦啦開雪櫃搵野飲😒😒😒 當唐冇晒驚喜... 呢個蛋糕真係岩晒男仔!🎂蛋糕附送既黑武士係個輕觸式蠟燭燈, 又有得食又有個黑武士小禮物❤️ 真係大人細路都會咁鍾意朱古力脆脆慕絲蛋糕 $253.3因為有enjoy卡所以買蛋糕會有折扣優惠, 美心近呢幾年推出嘅蛋糕質素其實都有返咁上下! 😀成個蛋糕都係以朱古力造成, 食落朱古力味香濃無比, 不過食落去完全唔會覺得好甜👍🏻👍🏻😊慕絲口感細滑, 內裡包住表面嘅朱古力蛋糕, 仲有脆脆底層, 雖然簡簡單單一個朱古力蛋糕, 不過有着唔同嘅層次, 形成咗強烈嘅對比! 😋😋😋 正呀真係唔錯架! 連我家姐平時對甜品不太好都表示呢個蛋糕幾好食❤️😆😆😆

又到一年一度既中秋節喇🌕中秋佳節當然要食個月餅, 屋企收到一盒流心奶黃今日食飯前切左一個試試～細細個好袖珍, 個口大d真係可以一啖一個😂😂😂切左出黎入面的確好流心啊😍月餅包含左奶黃之外仲有少少流沙奶黃🍼 提升晒成個觀感👍🏻流心奶黃月餅味道濃郁, 奶黃味都幾香!😍😍😍👍🏻口感唔算十分細滑, 不過都唔錯架味道適中, 整體都ok! 好在size細細, 每次食一個都唔會太過份❤️

今日突然間心思思想好想食蛋糕，經過官塘地鐵站就去美心買左個蛋糕返屋企喇😄3.9澳洲牛奶蛋糕🐄 $178價錢其實唔算平，不過食落就知對得起個價錢。蛋糕面整到真係好似乳牛既圖案蛋糕好creamy而且好濃郁既牛奶味，蛋白蛋糕份量好少好似啖啖都係3.9牛乳咁，牛奶味真係好香濃😍👍🏻而餅底係Oreo餅底，成個蛋糕奶味雖然好重但唔會覺得好甜好膩，不自覺咁一個人食左3舊cake 😂😂😂自從彩虹蛋糕之後都慢慢發覺美心蛋糕既質素係明顯比以前高左！值得一讚😋👍🏻

排包一向都是佢嘅皇牌出品，呢款新出嘅香濃牛奶排包，被佢加入牛奶吸引了我買佢 一包六片（$15）每片唔厚，質感軟熟，每次食2片份量剛好，牛奶味幾重，同排包味道好夾，作為早餐或下午茶之選都唔錯！

很快便到情人節，美心西餅出了3款情人節蛋糕，粉紅色的這個蛋糕十分漂亮，我當然買了一個回家吃。這個蛋糕是士多啤梨忌廉蛋糕，整個蛋糕都是粉紅色，十分漂亮，女孩子一定十分喜歡。味道方面，雖然這個蛋糕是士多啤梨蛋糕，但卻只有1-2片十分薄的士多啤梨。蛋糕cream份量適中，不會太多cream，不會太漏。蛋糕是士多啤梨味蛋糕，蛋糕有點乾，而且味道比較淡，味道一般。蛋糕中間有啫喱層，啫喱是士多啤梨味啫喱，和蛋糕一起吃味道不錯。整個蛋糕味道一般，但未至於難吃。價錢方面，這個蛋糕$98，價錢中等，不過整個蛋糕差不多連1片士多啤梨都沒有，有點不太值得。總結來說，這個士多啤梨蛋糕十分漂亮，味道尚算可以，各位情侶可以在情人節買1個回家吃。

親友太多月餅, 送左一張月餅券俾我地原來換環保裝(即紙盒裝)就另外送一個朱古力流心月餅美心o既傳統月餅好多人食過今次就唔講了反正想講下個朱古力流心月餅為左可以令朱古力比較流心建議食之前烘返熱少少一切開, 真係有朱古力流出來不過我都烘得未夠熱外表仲未熱, 如果烘耐少少應該更好食落外皮其實就同平時o既心太軟差唔多都係蛋糕質地, 質地係比較硬身少少, 唔算好林朱古力醬好杰身, 好濃朱古力味

又到阿媽一年一度既生日大壽，我今年除左為佢準備勁豐富既韓國大餐外，亦都買左個蛋糕俾佢，係預期會食到好飽之下，就買左呢個美心仲夏青檸MINI蛋糕，講真呢個size黎講真係貴，會員咭又無折，如果唔係食唔到咁多就真係唔會買，單係貌相黎講，個2片青檸就好似放係雪櫃入面用黎癖味個d檸檬咁乾，所以我無食，係阿媽切完之後就掉左，食落去味道都ok，酸酸地唔會太甜，入面仲幾有層次，分別仲夾雜住青檸醬同蛋白蛋糕，食耐d會覺得幾清新，但再食耐d就會有少少青檸既苦味，唔算係好好食，試1次都可以，但就唔會再買喇！

母親節, 我請媽媽飲茶, 妹夫就買左個蛋糕俾佢。去到都要等10分鐘先攞得, 因為間舖比較細同埋多人買野。飲茶前試下啲蛋糕, 賣相都唔錯既! 入面有芒果, 我諗都有5至6塊度啦, 大大塊。cream 都比較多, 口感鬆軟。厚度唔係好厚, 因為佢係呈倒梯形, 所以份量唔多。比較上, 始終我鍾意食啲硬身少少既蛋糕。