美心Food2 (德福廣場1期)

營業中

休息中

今年的平安夜,妹妹他們想在家開個小型派對,相約友人W一家三口及兩位表弟約10人,為了配合節日氣氛,妹夫提議買隻火雞來應節這隻火雞的確較斤兩,應有7,8斤重(信用卡折價後$328/隻)附送兩樽醬汁打開保鮮紙後,漫漫散發出火雞的香味,但唔太濃郁.火雞肉質粗糙,只有雞胸部位比較少少幼滑,而且肉身味淡,要釀些醬汁食才覺得好味些至於兩款醬汁,黑醬汁味濃郁些,燒烤汁味淡些,其實兩種味道都一般般最後這隻火雞我們只食了三份之一,剩餘的部份媽咪拆骨之後用來煮了幾道菜餚,分開三餐煮,有京蔥炒火雞肉絲~~火雞骨煲粥~~火雞肉絲炒米粉~~炸火雞球~~咖哩粟米火雞粒,簡直物盡其用,絕不浪費,而且每道菜都得到我們一致稱讚媽咪今次真係好讚呀

早上腦內突然好想吃喇沙, 中午時份馬上周圍找找看. 可惜逛了一會九龍灣工業區都找不到....不甘心, 唯有走上德福再找一下.經過美心FOOD2, 突然看到它有幾款喇沙,二話不說馬上外賣回公司吃.海鮮喇沙湯米 + 青檸梳打 ($42)湯跟喇沙分開裝, 不會浸淋米粉, 不錯.配料比我想像中要豐富呢, 有2大隻蝦, 有3-4塊魚還有2隻雞翼好油而且淋了.湯底很重椰奶味, 相對地香料味道就不太吃得出來. 辣的程度是吃了一半巳經汗流浹背了.蝦算彈牙, 魚塊也沒腥味好吃. 米粉份量也算多, 吃畢巳很飽了.但感覺喇沙應該配檬粉才對味.....還好有杯青檸梳打中和一下不太甜, 青檸味也不太重, 不錯.近年美心快餐越做越想走高檔路線, 價格就越訂越高說實在, 對於快餐店來說, $42吃個粉真的是很貴, 還好味道不算差, 但實在應該有調低一點價格的必要.

今天早上來了這裏買外賣,因為冇飯帶,所以想一次過買埋早午兩餐,見到條龍都幾長,跟住買左份粥加豆豉油王炒麵餐,22元有一碗細既柴魚花生粥,一個豉油王炒麵,一杯熱奶茶都幾抵呀!因上次買外賣係有個編號等叫,跟住有條外賣既人龍在等搵既,但係今次我見唔到有編號,但照係條外賣人龍到等左一陣,發覺唔係好對路,因為我聽到服務員係叫號碼的,咁我就去問下,佢叫我係2號窗攞,原來2號窗係中式食品,然後叫你攞去搵人包,呢度有點混亂,應該清淅一點會好d.返到公司食左個粥先,碗粥雖然唔算好大碗,但都好多料喎,另外有一小碗薄脆可以加埋一齊食,好多花生及柴魚呀,都好味呀,好豐富的配料,正!!杯熱奶茶都熱辣辣及幼滑的,好味道.下午再叮返熱個炒麵食,都好大份架,配料都有火腿絲,椰菜絲,芝麻,都幾好味呀,唔算好油,食完好滿足.今日的兩餐加埋都係22元,好抵食呀!!

這店以前是大滿貫快餐，賣的食物好味又大份。但美心被Ruby Tuesday取得舊鋪，就跑來開間Food2擠掉大滿貫。價錢也慢慢的漲了。我經常吃上海餃子米粉。餃子時好時稍劣，不過也是沒選擇中的選擇。但米粉這麼便宜的東西，為什麼份量放得比全蛋麵還少啊 而美心的奶茶、咖啡...... 不提也罷。還有，最近的糖包好像少了！

同事個個都有住家飯食, 我唯有自己出去行下啦!!! 同事 suggest 我去食美心, 我就聽佢講啦!!去到太多人迫埋一個位, 都無心機睇喇, 是但叫左個沙薑受雞飯囉!! 隻碟好大....變左隻雞脾好細咁...講真, 真係唔好食囉....d 雞又唔太熟, 有小小血, 不過可以接受, 係 $39 一個咁既 lunch...有d唔係好抵...如果好食都ok, 不過....係唔好食囉.我見到其他人食蒸飯都 ok, 下次又食下睇下會唔會好d?

Generally, I hate lunch boxes. 叉烧饭，Curry Chicken/Curry Beef Brisket Rice or Pork Chop Rice are the THREE eatable lunch boxes. I used to work in Admiralty and I remembered the 叉烧饭 in Canteen (one of the Maxim group's fast food place)... those were always GOOD!! Now I work in Kowloon Bay, based on the previous experience with Canteen and quality by Maxim... I have ordered a 叉烧饭 with Maxim food 2 this afternoon.... Disappointing... 1) 叉烧 was hard and tasteless... 2) Soya sauce was very DARK but

12月23日, 黎到德福, 到處餐廳都人山人海, 和民同意粉屋都要等位, 冇選擇之下黎咗美心 food2. ::: 鐵板牛扒 ::: $40好耐都冇食過呢類快餐廳嘅鐵板, 乜貴咗野食又少咗?! 記得以前仲有個酥皮湯跟添… 好彩牛扒都幾大塊, 係冇乜肉味架喇, 勝在有2種汁點下咁啦~ 底下嘅蔬菜索咗好多油, 麻麻地… 而個焗薯都可以接受. 總括係冇以前咁好食. 一個鐵板餐$40, 寧願去花x餐廳用多$20食得好d…

好耐冇係香港食美心, 滿心期待呢一餐, 點左 3 樣野食1) 日式叉燒拉麵連飲品, 價錢 $38 * 叉燒約 6cm 長, 但肥膏位約佔 4.5cm, (從未見過咁肥既叉燒, 試問香港仲有冇人會食咁肥既''瘦肉''); 其次, 叉燒仲係凍凍地既, ('叮'' 一 ''叮'' 都好丫), 湯都只係暖暖地.... * 之後拎返去換左個日式照燒雞拉麵, 可憐得很, 只係隨手將叉燒換做雞扒, 不過今次既雞扒直頭食到係o係雪櫃拎出黎既凍!! 過份 2) 燒味雙拚, 燒鵝叉燒飯連飲品, 價錢 $30* 乾既燒鵝 + 肥得很既叉燒 (觀塘 x x 坊 既燒鵝叉燒飯冇呢個問題!! 點解呢??)3) 焗豬扒飯連餐湯 (龍蝦湯), 價錢 $36 * 豬扒還可以, 可惜飯太濕* 龍蝦湯太咸, 飲左一啖之後要狂飲水 總結, 以呢個食物質素, 唔值呢個價錢

第1次食, 入到去唔似平時食既美心, 感覺grand 左~價錢貴少少啦, 正常既!叫左個海鮮拉麵+ 青檸疏打$38, 魚翅鮑魚湯飯+青檸疏打$34。2 個賣相唔差, 好吸引下。海鮮拉麵, 好足料啦, 有蝦, 有炸魚, 有冬姑, 有蛋..麵質都ok! gd~~魚翅鮑魚湯飯. $34 唔好期待有真野食啦, 但睇落可以俾佢呃到,食落似沙窩雲吞雞, 幾好味!

這間已經來過這間美心吃過很多次，但至今還未試過他們的燒雞脾飯，所以今天決定要試一試。從前淘大美心快餐的燒雞脾飯的味道真是不錯的，但當今天我試德福美心food2的燒雞脾飯只覺味道一般，燒雞脾不夠滑，又不夠入味，跟當年淘大美心的燒雞脾飯水準差很遠。

每逢假日會比較遲起床，所以這個時候只會吃到兩餐，既然這樣這個早餐+午餐就要吃得飽肚一點了。而我今天就來了美心，正好是下午茶的時段，我吃的是公司三文治，這裡的公司三文治好大份而且好足料，入面夾著青瓜、蕃茄、雞扒、火腿和蛋沙律，非常豐富，麵包好厚身而且烘過的，正！食哂四件同薯條包保飽哂。

行街街行到攰, 我和J走進美心FOOD2試下茶餐, 休息一下.二人order了公司三文治茶餐, 要熱檸水@28.三文治有烘底, 即叫即做, 內有碎蛋, 雞肉, 蕃茄, 生菜, 用料豐富.熱檸水有4片檸檬, 新鮮OK啦.環境OK, 都幾多人, 內有大TV, 可一邊食一邊睇TV.

我要左個....炸雞髀+薯條 配 汽水($20)個雞髀有d炸焦左...不過好大隻薯條唔多好食..因為好硬..而且冇咩味男友要左個...日式海鮮炒烏冬 +汽水($26)有d唔抵牙...細細個都要成26蚊...食得果幾啖個烏冬好油...麵質唔係貴野...d海鮮只係..獅子狗好在佢係新鮮炒起..唔係俾擺左好耐果d個場咁大...汁野既人..得果幾個...搞到有得食果陣..都未汁

九龍灣德福一帶，適合一個人而又經濟的餐廳選擇極少，或者因為咁，所以呢間餐廳o的o野咁難食都仍然客似雲來。食左個「水餃麵粟米瑞士雞翼」茶餐，餐茶係可樂，$25，茶餐黎講唔算平，第一眼見到裝食物隻碟好大，但份量好少。粟米：食落乾爭爭，無牛油跟都算（如果粟米本身夠甜的話），但弊在支粟米係無味呢！瑞士雞翼：味道尚可，不過真係細隻得好交關。如果叫「超迷你瑞士雞翼」會較為適合。水餃麵：呢個真係成個茶餐最驚嚇的一樣！水餃本身食落一陣雪味，但煮到爛哂，好明顯係急凍櫃雪左好耐，一拎出黎就放熱水煲，跟住怕中間唔熟煮得過籠，結果散哂！麵本身就類似壽X牌擔擔麵，但又係太焾，如食漿糊。成碗麵本身好鹹，而且完全唔熱，肯定係煮左一大鍋，有客要就上。真係......好－難－食－呀！可樂：成個餐最好的東西，因為唔係呢間餐廳的出品。呢間野我會放佢入黑名單，永不錄用，以後下午茶時間想食o野真係去宜家食熱狗好過。

我經常也會到快餐店吃早餐，今天就來到德福美心food2試試這裡的早餐。在這裡點了滑蛋雞扒早餐，另外加了一個炸菜肉絲米，取餐後，第一個印象已經很失望，雞扒是超細的，同時味道也是不太好的。沒有拍照所以不能給大家看看。炸菜肉絲米的湯很少，而且味道非常淡，加上炸菜和肉絲的份量也是很少。總括而言，整個早餐的份量都是很少，而且味道不太好，令人失望！試過幾間快餐店的早餐，最好的還是大快活！