美心Food2 (德福廣場1期)

營業中

休息中

忘記打從哪年開始這位置歸入美心名下, 新裝修後的收銀位分為人手操作的一個位同兩部自動販賣機, 內部裝修由快餐格局轉為稍稍偏向西餐廳的樣式, 有點似Simply Live 的風格, 當日柯打兩個套餐:黑豚豬扒南瓜飯$78 附有小蝦沙律/ 南瓜湯, 小蝦沙律好少, 小蝦都算爽口, 豬扒只係用咗基本醃料沒有什麼梳打味, 所以肉質有一定程度上的咬口, 而又不致死實嗰隻, 肉汁較少, 再加上旁邊有一堆沙律菜伴下碟, 豬扒下仍有一小碗蛋炒飯, 份量是足夠一個晚餐有多的!蔥爆牛肉$58 中式套餐則有個燉湯: 蟲草花燉雞腳, 湯內除了有蟲草花/雞腳,還有豬骨, 湯色呈深啡色而清徹, 味道頗濃, 這是燉湯的特色, 湯料的味道很完整地轉移至那清湯內, 蔥爆的功夫做得不錯, 只是爆時下的味料重手了, 整個菜幾咸/ 味濃下, 食到中段會感覺越食越咸, 而牛肉片尺碼剛剛好一口過但肉質就偏硬要幫趙多幾下, 醃味也只是下了基本味, 但因為個汁個味濃, 牛肉就好自然也會覺得咸, 白飯好大碗, 不過太庭嫌美心的飯質地不好, 她說平時食美心快餐的飯都覺得好差- 太鬆散沒有黏力之餘還乾巴巴的! 這間似乎稍為高級的但用的米依

學生時代有「大滿貫」伴我, 今天在同一位置卻變成了美心food2... 早餐大大份, 炸魚柳拼雞扒, 多士茄汁豆及熱飲...炸魚柳的外皮被炸到金黃香脆, 內裏魚肉片片白雪雪, 嫩嫩夠質感；雞扒煎香, 肉不硬...經濟實惠早餐此中尋!

這份吉列豬扒拼薄牛扒早餐， 配厚多士及茄汁豆， 跟熱飲 (我叫"茶走"，茶味香而不澀，甜味適中， 煉奶落得剛剛好， 因為甜與滑都兼顧得好平衡) ; 薄牛扒是有被鬆肉粉過但是吃到底都有吃到牛味及牛脂的甘香.吉列豬扒竟然是炸到外脆內軟，肉質食落會覺得是軟帶爽口， 有肉味而非化學味，直情是沒有預期的預期...以上總總都只需付出$28, 可恨就是分店少

美心food2都系第一次食 開頭諗住廢事成日食大快活甘寡 原來都系不外如是。選擇吾多 好快甘揀左野食就搵位坐低〜話就話有sofa坐下 但系有少少爛左 淨系用膠紙痴住 坐落吾系好舒服炸：（毫無特別 好彩個黑椒汁夠味 吾系真系貴到離譜。份量吾多 個飯好細 出去食茶記可能仲大碟。一拎到台果下幾surprise 因為睇落去賣相好靚 焗到個面好似好脆好香甘：$ 雞球都算幾多 同埋好大粒 芝士味都入左落意粉到 呢個幾好味！

基於有功務在身於工作日也能跟他共進午飯這些時候人總太多 要四處遊走張望方找到二人座位收銀小姐的語調快速 我們亦快速點餐棒餐再用餐他點的"紅咖哩豬肉飯" 辣味有點over 但豬肉頗嫩的 我這位男士吃的份量剛好==============================我點的"葡國雞意粉" 開始時出奇地看到有芝士(因之前在茶餐廳吃的都沒有) 芝味不濃但多到可"拉扯"條長長"芝線"後來發現雞塊比較肥 而且很多皮 大失所望 都通通轉移到他的嘴巴裡 (沒逼的 是他會吃 我是吃了雞皮感嘔心的人/.\)如果沒那麼多雞皮 我下次都會點 但應該都不會再吃了==============================飲品要另加錢 熱的是$6 凍的我不確定 不好意思呢!凍奶茶味很淡 bad 熱檸茶的檸量還好總括來說 雖算不上實惠物美但有正常的服務態度及不難找的座位 通常於工作日想不到哪裡用膳都會選擇這裡

早餐加塊牛扒 好似好豐富咁今次試的美心FOOD2 早餐炒蛋比麥當勞及SUPER SANDWICHES好味扒的味道不過不失吉列魚柳不會有厚粉漿還有厚多士和茄汁豆沒有影 但也不差這個早餐總算沒有失望

是夜跟大爺放工後在MCL睇戲, 大家都比較懶之下, 臨開場前就隨便在隔壁的美心吃個便飯算了.這家美心因為就在我家樓下, 所以有時候都會來吃下早餐或晚餐, 感覺食物質素不會十分差, 但價格比其他2家快餐店都要貴一點.這晚大爺吃的是海南雞飯 (HKD$45)雖然是晚飯時間人都幾多, 但買了票後不用5分鐘便可以去拿飯了, 都幾快.套餐除了有主角海南雞之外, 還有例湯, 油菜, 油飯跟熱茶一杯.其實都不會對這裡的雞有太大的期望, 所以沒期望下來吃, 味道就覺得還可以的. 雞肉肥瘦適中, 是有點鞋口不過以這價錢算係咁了. 而且份量都幾多, 雞味就沒太多的了.油飯反而入口幾香, 飯粒飽滿分明. 生菜都幾大碟, 油不太多.我要的是魚香茄子雞煲 (HKD$45)雞煲同樣也有白飯一碗, 生菜一碟及例湯. 雞煲內的雞有4-5件, 都幾大件, 還有不少洋蔥跟矮瓜. 雞也是有點鞋的, 而且偏瘦, 不過底下的矮瓜很淋很入味. 汁不多但用來送飯很對味也夠濃稠.例湯十分普通, 味道有少少咸, 內裡有4-5舊紅蘿蔔都幾淋的.另加了HKD$9要了杯石榴梳打都幾大杯, 味道又不錯, 有著淡淡的石榴味, 不會很甜.埋單2個

睇戲前來個晚餐，剛巧是晚飯人流等位最多的時間要避過等位潮唯有只能選快餐類，唯有放棄食壽司。男人又懶得行十分鐘過淘大走走，於是就選戲院附近的美心來醫肚就好了。男人點了個鐵板餐，而我就千選萬選之下終於說了個冬瓜盅飯餐。鐵板餐選了牛扒，配有焗薯，酥皮湯及時菜。在美心吃得的牛扒就不能抱有什麼期望，就是平價牛扒，配黑椒和燒汁進食，不會難吃。男人喜愛飲酥皮湯，可惜這餐的酥皮湯是紅湯。我們二人也覺得酥皮跟白湯才配吧？湯的味道還可以，茄味不算太濃配有數塊椰菜。伴碟的時菜是沾滿油分的秀珍菇和翠玉瓜，好一個中式配菜！雖說是快餐店不應挑剔太多，但我們也覺得也要配得「似樣」少少吧。焗薯，是開了半邊的薯仔，薯上有少許沙律醫，除了沙律醫的味道外，什麼味道也沒有薯仔「焗」得很淋，男人說這是烚薯。至於我的迷你冬瓜盅飯餐，蕃茄煮紅衫魚配白飯。先說冬瓜盅，材料方面只得瑤柱，鴨肉和鴨皮等，湯底略嫌偏油和有點鹹，但冬瓜好鮮甜。可惜這個冬瓜盅只是暖暖的，如果熱一點會更好！主菜方面蓄茄煮紅衫魚的醫汁充滿著濃列的茄汁味道，酸酸甜甜非常開胃（雖然我expect係鮮茄味＞茄汁味）大概因為快餐店吧，不會為你花心機慢慢煎一條魚？這菜的面是

第一次幫襯美心food²，我仲以為跟美心MX一樣，原來有啲唔同，環境裝修得雅致少少，燈光營造得柔和啲，有啲假花假樹，又擺咗啲座地燈，掛吊扇，扮吓歐陸氣氛。不過食物方面，擺脫唔到快餐店式嘅食物，跟美心MX差唔多。因為過嚟MCL睇戲，所以先晌度出現，時值啱啱好下午茶時段，都幾多人。同老婆叫咗兩份下午茶餐，都係廿零蚊一份，包埋嘢飲，但服務方面就比美心MX好啲喇，取食物嘅櫃枱分開幾類，其中我所叫嘅炒意粉係即叫即做，需要等一陣，如果美心MX就等叫號碼出嚟自己拎，但依度就相反，俾個號碼牌你，整好之後就有人親手送嚟，抵讚。 燒鴨瀨粉 $23老婆較為鍾意食粉麵，所以要個燒鴨瀨粉，配熱奶茶。瀨粉都幾大碗，湯底就唔好有太多期望，清清哋都幾好啦；美心燒味一向都唔差，份燒鴨亦都幾OK喎，油潤帶少少羶香，鴨肉又唔嚡，$23一個餐，收貨喇！XO醬叉燒炒意粉 $28我就要咗依個炒意粉跟杯即磨咖啡，雖然係下午茶餐，都唔會太細份量，賣$28抵食啦。個炒意粉新鮮即炒，所以送到嚟熱辣辣，幾香噴噴，不過面頭加咗啲紫菜絲同芝麻，懶靚仔，感覺有啲無謂，又唔係和風炒意粉。好彩，個意粉以XO醬炒，少少辣，夠晒惹味，叉燒又唔肥，整體算

今日到美心食個豐富早餐先上班, 美心早餐真係五花八門, 單單睇個餐牌想食咩早餐都睇左好耐.最終選左個美心排包早餐, 單單只係為左唯一一個早餐有茄汁豆.個早餐都算豐富, 有一片排包, 炒蛋, 豬柳, 茄汁豆,還有一碗正常份量既腸仔蕃茄通配上低糖綠茶.平時食一個包作早餐既我,今日既早餐就好似做冬至咁豐富.為左個茄汁豆叫既早餐, 點知茄汁豆係凍冰冰, 無來誠意, 翻熱都無做, 浪費.平時食開既豬柳都係好似M記既口味, 估唔到美心又用上另一款豬柳, 比平時既厚身大塊最重要無咁多油, 成個早餐最欣賞這塊豬柳.另外炒蛋都做得好滑, 又一驚喜!嘆完個早餐就回公司開工, 真係先甜後苦!!!

打完風回到公司都成12點, 忙到2點幾先食覺肚餓.想快回公司所以去左美心買左個下午茶回來食點知間美心人山人海, 叫外賣一份公司三文治都等左20分鐘, 想快都無得快.回到公司食到一半先記得影相, 其實個三文治仲有薯條, 薯條認真麻麻炸得偏乾同硬唔算好食.至於個公司治理應有烘底, 應該係太多單既關係想快D出貨, 所以個麵包只係好似求奇烘幾秒就算.幸好D餡料都算新鮮青瓜爽口蕃茄清甜, 有半份公司治我等到6點再食都唔會出水, 總算合格

星期日既下午茶時段，好多人呀...搵位比較難~~因為唔係好肚餓，我就叫左個下午茶餐(碗仔翅+燒賣6粒+汽水)男友就叫左個鐵板肉絲炒麵一見個炒麵，完全感受到通脹既壓力T^T"就算係下午茶，都唔洗咁少掛**我zoom近左黎影，睇落幾多，但男友兩三啖就食晒@@"仲要覺得冇野落過肚咁...不過味道都唔錯既(肉絲炒麵)燒賣就.../_\""真係唔係幾好味... ...碗仔翅粉漿一舊舊食食下成日食到一舊粉團(透明狀)噢...美心幾時變得咁差？@^@

星期六仲要工作都幾折磨, 自我調節之下來到美心買個下午茶回公司鬆一鬆.叫左個日式又燒炒意粉+汽水($29), 原來即叫即炒保証熱騰騰講明係日式面層都會作樣放上紫菜絲同芝麻, 芝麻令到整碟意粉額另香, 而且又燒半肥瘦好好味, 整個意粉都幾好味又配上少量蔬菜都幾健康, 而且唔多油.食完個tea都輕鬆好多, 再次工作.

家住九龍灣廿多年但幫襯呢間美心food2真係十隻手指數得晒！呢間美心food2嘅前身係由大家樂集團旗下管理嘅“大滿貫”經營。由於是由大家樂集團管理所以質素都有所保證，我閒時亦會幫襯！直到幾年前轉手到美心集團的美心food2，小弟已甚少光顧，因發覺味道實在一般。近年通貨膨脹，餐廳價格加完一次又一次，但食物質素沒有進步反而退步了。相比一般茶餐廳美心food2的價錢是偏貴的，但食物質素卻是中下！當日由於趕時間出門，所以唯有與太太落美心草草了事算罷，點了一客“白汁雞皇焗意粉+熱奶茶“及一客“叉燒飯”，看上來沒什麼問題，吃上便有好大問題。“白汁雞皇焗意粉“白汁淡而無味，表面焗的部份有些焗燶了甚至起了硬塊，乾硬得難以入口，下層意粉離奇地與白汁分開，所以意粉只有白烚的味道，雞件數落原來得只得果三件。本身對奶茶質量是有所要求，但對美心的奶茶已沒有什麼禱望，但估不到失望中有驚訝的失望，茶無茶味，奶不夠滑，奶與茶味道分開，還差過用奶粉開的即溶奶茶。到太太的叉燒飯，餐廳很為我們顧客們健康著想，叉燒連一點肥肉也沒有還乾硬到有渣，不知是否近排的鼓汁價格起飛，成碟飯只有極少量鼓汁。最健康的還是少量的配菜，白烚得來

中午，有急事趕了來九龍灣處理。在早上同公司的Project Team準備好資料，老闆簡單及急忙地審批了以後，我們要趕去九龍灣。是次路程，真的要多謝那個的士大哥，讓我們在灣仔出發，只花了15分鐘的時間，到達德福花園的平台巴士站。搞拈了，二人都放輕鬆，輕鬆了，當然也要大食一餐啦。可是，在德福花園的平台，確實是冇乜野好食。沒有多作考慮之下，算是平平地，近近地，就只有這美心Food 2了。美心集團，好喜歡把同樣的服務，分了不同的名字，分了不同的等級。Canteen、food2，實際上同美心MX，分別不大。再說food 2，根本同MX，沒有分別。美心的燒味一向都是不錯的，所以特地叫了他們的叉燒燒鵝飯。燒鵝，幸運地分配了一隻鵝脾，所以食到啖啖都是肉，鵝味香，皮脆兼鵝油十足。自從美心推出了飛機燒鵝之後，他們的燒味質素，的確追返近少少大家樂。可是，叉燒依然是以全瘦為主。簡簡單單，說真，我又真的好耐冇食過連鎖快餐了.....