美滋鍋 (家樂坊)

營業中

休息中

天氣仲未回暖，無論係同朋友定係家庭聚會，都想圍爐取暖嘅😮 呢晚嚟咗旺角呢間火鍋店，最平$198就可以任食兩小時😎 而我哋就叫咗$218嘅A餐，咁就連肉類都可以任食啦 。鍋底♦️膠原蛋白養顏美容鍋呢個係勁高質嘅鍋底，店員建議我地先飲一啖湯，再打邊爐🍲 飲落又真係幾滋補喎，啱晒而家呢種天氣呀。♦️養生藥膳醉雞鍋一上枱已經聞到嗰種酒香，藥膳味道都唔錯，食落口唔會太苦🙈肉類雖然A餐只有四款肉類，但係已經齊晒豬、牛、羊同埋雞🥩 四款肉類分別係精選肥牛、田野鄉村嫩豬肉、羊肉卷同埋雞件🐥 個人幾鍾意羊肉卷，真係幾嫩口🐑 餐廳仲好貼心，寫咗肉類嘅建議烹煮時間，咁就唔驚煮到太老啦😙海鮮呢個餐都包咗幾款海鮮，包括有鯇魚片、鯇魚骨腩、竹簽蝦、沙白同埋蟹籽墨魚滑。竹簽蝦係我encore再encore嘅菜式，因為都幾大隻同埋食落口幾彈牙🦐 另外喺外面嘅自助區仲可以攞水魷魚，呢樣同樣係我都幾鍾意食嘅海鮮🦑火鍋配料可以用枱面嘅平板落單或者係出去自助吧自己夾。韭菜豬餛飩、栗米餃、白菜豬肉餃、白柏葉同埋滑豆腐，呢幾款食物就係我喺平板度撳嘅，都冇漏單嘅情況🫢 自助吧令人花多眼亂，呢日有接近10款蔬菜，仲有好多丸類嘅火鍋配料☺️

🥘好耐冇同朋友黎美滋鍋打邊爐啦~ 見佢推出全新$198起嘅甜品邊爐放題, 即刻約fd過黎食😙 我哋揀咗基本嘅套餐A已經好夠食, A餐已經包任食肥牛, 豬花肉, 羊肉同鮮雞~ 六款湯底任揀兩款, 我哋揀咗營養滿滿嘅維他命C粟米湯底同特濃沙嗲鍋~ 自助區除咗有平時見開嘅蔬菜, 丸類同飲品外, 仲有超過20款嘅甜品小食可以選擇!!!甜品有西式嘅tiramisu, eggtart, 芋圓, 懷舊嘅砵仔糕, 仲有Pancake機可以整pancake食! 而地道小食仲有咖喱魚蛋, 燒賣, 豆腐花, 碗仔翅等等, 完全飽住個肚走呀!呢度最正係開到凌晨兩點, 9點過後入座仲要無限時任食添, 夜一夜過黎食放題同朋友滾一滾都冇問題呀!📌 美滋鍋旺角登打士街56號家樂坊8樓803號舖

🔍 美滋鍋📍 旺角登打士街56號家樂坊8樓803號舖▫️📝 ★★★★★ 👍▫️▪️▪️▪️▪️▪️▪️▪️▪️▪️▪️🌸充滿少女氣息既火鍋店🛋️環境乾淨整潔，坐得好舒服📍位置係旺角家樂坊，油麻地地鐵站行一條巷過黎就到，好方便！▫️🫚特別在有養身湯底可以揀🥩食物方面：牛肉﹑豬肉﹑羊肉﹑海鮮﹑熟食﹑蔬菜好多選擇▫️🧃飲品、甜品種類勁多 任拎，全部甜品都係一口size，每樣都可以試下。🎃節日有相應主題甜品，我去個時係萬聖節，有啲南瓜造型既甜品好得意。▫️⏰9:30pm 後無限時任食🤩仲營業至凌晨2點▫️完！

最近同屋企人去咗「美滋鍋」，養顏滋補 真材實料！🍲 餐廳環境非常舒適，裝潢高級有格調，適合朋友聚餐或者家庭聚會，無論係食材、湯底定係服務都非常出色，值得一試👍 性價比好高，下次一定會再嚟食！❤️今次試咗最抵食嘅套餐A，包括美國精選肥牛、田野鄉村嫩豬花肉、羊肉卷、三黃鮮雞，牛肉質素都好唔錯！湯底方面我升級咗人氣鴛鴦湯底，膠原蛋白養顏美容鍋+清涼解熱雪耳鮮椰子鍋，女士必揀 味道非常鮮美，打完邊爐都唔會熱氣～食材方面，選擇非常多樣化，有新鮮海鮮、肉類同埋各種蔬菜🥦 特別推薦佢哋的肥牛，肉質鮮嫩，煮熟後口感滑順，真係好好味！😋 另外，海鮮方面的蝦同埋花甲都非常新鮮，味道一流！🦐🐚 自取區亦都好豐富，有大量甜品選擇好有驚喜😍😍 仲有好多港式美食，例如碗仔翅、茶葉蛋、炸饅頭，仲有砵仔糕🤤 全部都好吸引，食到好滿足💖

係旺角想食個養生鍋放題，即刻掛住美滋鍋🇸🇬出名性價比高，位於旺角家樂坊，裝潢靚位又闊落，自助區好多款甜品選擇，仲有Pancake機😍生果、醬料、即食小食都好齊，炸午餐肉同炸漢堡扒即食香口正，冷泡茶同啤酒爽👍🏻膠原蛋白養顏美容鍋，黎依度必叫💕奶白養顏飲濃湯，好好味好養生🥳養生香辣鍋，飲就太辣但配食材就好惹味👍🏻開始食牛！🐮上菜好快，美國精選肥牛好大件，啖啖肉爽😎美國四方肥牛油脂好夠，配辣湯好味😋美國PRIME牛下肩胛，牛味好濃，最鍾意依款👏🏻三黃鮮雞件，嫩滑厚肉，幾好😌海鮮時間🦑蟹籽墨魚滑必食，超足料又夠鮮👍🏻蜆相當肥美，夾養生湯底正，串串鮮蝦，好鮮肉彈又夠爽，好味🤤韮菜豬餛飩，餡料味道幾好，記住食菜都係重點，皇帝菜、唐生菜同菠菜都鮮到有機咁，超正🤩選擇多質素高，而講緊全新甜品火鍋放題係$198起，性價比高到一個點🫶🏻開到凌晨兩點9點後入座係無限時🤔真係，抵佢排晒隊咁，要試下啦！😇

新加坡過江龍美滋鍋，每日營業至凌晨2時，仲有全新$198起甜品火鍋放題，配料小食飲品甜品無限量食超值今日叫咗豪華C餐，價錢最平$258起，主打美國Prime牛下肩胛、澳洲M6+和牛以及花膠等，海鮮方面亦推薦沙白、大蝦、墨魚滑😳膠原蛋白養顏美容鍋及養生香辣鍋湯底，足料之餘真係可以當湯咁飲，即炸響鈴一定係其中一個賣點之一，特別香脆！😚甜品放題例如提拉米蘇，懷舊砵仔及自動Pancake機都好豐富😀

｜旺角抵食甜品火鍋放題🍲｜» 🐝 美滋鍋 🐝» 📍 旺角登打士街56號家樂坊8樓803號舖» 整體評分：🤍🤍🤍🤍» #bee11foodie旺角 ༶ ༶ ༶ ༶ ༶ ༶ ༶ ༶ ༶ ༶ ༶ ༶ ༶ ༶ ༶ ༶ ༶ ༶ ༶ ༶ ༶ ༶ ༶ 🫧同朋友又去左打邊爐，諗起之前食過呢間又抵好多選擇！👅所以就嚟encore📣啦，水準都keep到😆環境舒服，適合聚會😍✨我哋揀左套餐B，有齊豬牛羊雞肉，都算係最抵食嘅set，牛仲有4款！肉質都唔錯😌cp值最高~ 所有set價錢從$198起👍🏻👍🏻✨最驚喜係佢勁多甜品，簡直係甜品火鍋放題，特別吸引嘅係自助甜品區，😱有超過20款選擇，包括tiramisu、奶凍、懷舊砵仔、仲有自動Pancake機😭✨地道小食如咖喱魚蛋、燒賣同碗仔翅都好好味，好少見火鍋放題自助區有呢啲提供🤣🤣✨每日營業到凌晨2點，9點後入座無限時任食，啱晒大家嚟食宵夜😎🤍仲有全新午市無限時供應，真係唔好錯過！😋

🍴🍽🍴🍽🍴🍽️🥘🥘🥘🥘🥘🍴🍽🍴🍽🍴🍽豪華套餐 $258 (19:30前離座)經朋友介紹今次去咗旺角試一間高質火鍋餐館，餐廳裝修簡潔、環境闊落、職員有禮、肉類同海鮮都非常新鮮，喺一間性價比幾高嘅火鍋餐廳😋。🥢芫荽皮蛋鍋、松茸野菌鍋🆗芫荽皮蛋鍋湯底清香四溢，皮蛋嘅滑嫩完美搭配芫荽嘅鮮香。松茸野菌鍋湯底則濃郁醇厚，松茸嘅獨特香氣同野菌交融，味道濃郁清新。🥢美國四方肥牛🆙牛肉質極為鮮嫩，油花分布均勻，入口即化。🥢紐西蘭羊肉卷、田野鄉村豬花肉🆗紐西蘭羊肉卷鮮嫩多汁，風味獨特、豬花肉肉質嫩滑，香氣撲鼻😋。🥢海鮮🆗大蝦鮮甜多汁，口感彈牙、鮮魚片則肉質細膩，入口即化、花膠口感滑嫩，富含膠原蛋白，滋味醇厚、青口和花甲鮮甜多汁，肉質彈牙，搭配醬汁更添風味😋。🥢丸類、蔬菜、烏冬🆗各式丸類、蔬菜、烏冬、麵😋。🥢飲品🆗各款汽水、啤酒、飲品😋。🥢雪糕、甜品🆗多款香港製造雪糕同地道精美甜品，尤其推薦懷舊砵仔糕😋。😇 評價 𝗥𝗮𝘁𝗶𝗻𝗴𝘀 😇
食物 𝗙𝗼𝗼𝗱 8.5/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 8.5/10
服務 𝗦𝗲𝗿𝘃𝗶𝗰𝗲 9/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 9/10
整體 𝗢𝘃𝗲𝗿𝗮𝗹𝗹

旺角美滋鍋依架做緊全新甜品火鍋放題🍲，套餐價錢$198起，甜品自助區有超過20款甜品選擇😍，有開心果糯米糍、鮮果撻、椰汁紫薯糕、泡芙等等，仲有懷舊砵仔同自動Pancake機，pancake可以自己加糖粉同糖漿，估唔到咁好食🥞！另外仲有小食自助區，有咖喱魚蛋、燒賣及碗仔翅等港式街頭小食🇭🇰。美滋鍋每日營業至凌晨2時，9點後入座無限時任食‼️我地叫咗套餐B，裏面嘅肉類有齊牛、豬、雞同海鮮，用iPad自助落單📲。呢度人氣嘅膠原蛋白養顏美容鍋，入面有紅棗、杞子、瑤柱、豆腐同菇菌，湯底豬骨味香濃，感覺好補身💕！🌟推介食物🔅PRIME牛肩胛：入肉味濃郁，肉質特別結實細嫩。🔅三黃鮮雞件：肉質滑嫩，充滿鮮味，雞皮好爽彈。🔅竹簽蝦：我地叫咗幾次，每次都係蝦肉新鮮，爽口彈牙！🔅沙白：蜆肉脹卜卜飽滿，洗到無沙，非常鮮甜！🔅白柏葉：口感非常爽脆！🔅開心果糯米糍：外皮唔會好厚，夠晒軟糯煙靭，裏面嘅開心果炒得好香口！🔅鮮果撻：士多啤梨同芒果都係新鮮好甜㗎📍 美滋鍋旺角登打士街56號家樂坊8樓803號舖

我哋揀咗C餐晚上9:30後$278，有6款火鍋湯底選擇，我哋揀咗✨養生藥膳醉雞鍋及蕃茄玉米湯底🍅肉類🥩有齊美國及澳洲牛肉，我就最鍾意澳洲M6+和牛、美國PRIME牛下肩胛，味道特別濃郁😋另外仲有豬肉、羊肉及雞肉！海鮮有🦐蝦滑、蜆、青口、鯇魚、魷魚、花膠等…..🤗自助區除咗丸類、蔬菜類涼拌雲耳及蘿蔔熟食仲有炸饅頭、咖喱魚蛋、茶葉蛋等等街頭小食❣️記得留肚食埋甜品🍮雪糕、豆腐花、台式芋圓、葡撻、多款蛋糕🍰仲可以自製班戟🥞一按掣即造熱辣辣！飲品有啤酒🍻汽水🥤仲有竹蔗茅根、洛神花茶、另外有咖啡機添，真係大滿足啦👍🏻

📍應該係全港最多開心果系列甜品嘅火鍋放題，只係$198起就可以任食兩個鐘，九點入座仲可以坐到凌晨兩點，仲要係旺角勁方便！入到去見到自助區好多嘢食，甜品有開心果系列嘅糯米糍、曲奇、Brownie、砵仔糕同埋可以自製pancake。仲有啲地道小食茶葉蛋同咖喱魚蛋，菜同埋丸嘅選擇都多，除咗炸午餐肉仲有炸漢堡扒。揀咗套餐A可以任食肥牛、羊肉、竹籤蝦、沙白、鯇魚腩等。今次揀咗鴛鴦鍋蕃茄粟米同藥膳醉雞湯，蕃茄比想像中濃味清甜淥菜一流，出邊有幾款自家飲品，竹蔗茅根馬蹄水打邊爐，而且又唔會好甜。

FD推薦咗哩間放題好耐，話佢嘅湯底尤其好味，一定要試試。餐廳裝修得好靚，有隻大大嘅熊仔，好得意。晚上7點已經full咗7成，之後仲要排長龍TIM，好彩有book位。今次揀咗B餐，除咗數款牛肉豬肉任食，仲會包埋海鮮，好抵食。鴛鴦湯底，揀咗滋補養生香辣鍋同養生藥膳醉雞鍋，醉雞鍋鍋底豐富，落咗數款藥材同雞肉，飲落藥膳味重帶有少少酒香，真係好養生。可樂同芒果汁，飲品櫃都幾豐富，除咗傳統汽水同果汁，還有現做沙冰，好驚喜。醬料，用馬卡龍色餐具裝埋D醬料，品種多到數都數唔過來。除咗最傳統嘅調味，還會提供泰式酸辣醬汁，用來點海鮮一流。牛肉，套餐包括5-6款肉，其中最like係美國精選肥牛。肥牛薄切雪花分明，微燙已經可以食。食落彈牙爽口，特別係肥膏部分還有陣陣奶香。海鮮，海鮮揀咗海蝦，魚片，大蜆等，全部海鮮都好新鮮，特別係海蝦。海蝦個頭大隻，蝦肉鮮甜彈牙，叫多幾轉。前菜同配菜，櫃檯有幾十款配菜可以揀，出面少見嘅陳皮魚蛋都提供TIM。水果同甜品，食得幾飽，都要食埋的甜嘢，甜品櫃的甜品多到揀唔曬。臺式芋圓可以自己DIY，強烈推薦佢嘅豆腐花同爆珠，豆腐花嫩滑，爆珠Q彈，同黑糖汁好夾。

呢間邊爐湯底認真麻麻地，:¯⁠\⁠_⁠༼⁠ ⁠•́⁠ ͜⁠ʖ⁠ ⁠•̀⁠ ⁠༽⁠_⁠/⁠¯無咩味，肉同其他野都正正常常，但係服務質素差啲，環境幾靚既，適合打卡，但係真係無啲reels個講到咁好囉。(⁠T⁠T⁠)

呢個係自助式火鍋 睇完廣告之後覺得應該幾好入到去完全唔係嗰回事 一部iPad就要你等 乜嘢都要等 蝦蟹海鮮 可能要三四份 但係只會嚟兩三隻(一份兩隻）食嘅時間係兩個鐘 但係等嘅時間已經一個鐘 嘢食質素同出面差唔多 所以會考慮去其他火鍋店度食 難聽啲講我去食海底撈仲開心 （唔係賣廣告）

新年又到🧧要忙住四圍約朋友食飯聚下😝今次book咗呢間邊爐放題，地方又大又寬躺😍好啱一大班朋友聚會😌任食邊爐就最啱啲大胃王，而我就最欣賞嘅係佢有勁勁勁多甜品，打完邊爐再狂食多幾轉甜品，好滿足🥰🥰九點半後入座仲有無限時任食到凌晨兩點，依家真係好少有🤩🥘放題B餐：🥛膠原蛋白養顏美容鍋×🍅維他命C蕃茄肉米鍋($278)🥩美國四方肥牛🐮美國PRIME牛下肩胛🥓美國精選肥牛🐖田野鄉村嫩豬花肉🐏羊肉卷🐣三黃鮮雞湯底揀咗餐廳推薦嘅骨膠原湯底加蕃茄湯🍅味道清甜仲有大量豆腐，感覺好養生🥰🥰放題套餐有唔同價錢，今次揀咗第二平嘅B餐，六款肉類同自助區嘅蔬菜、甜品、小食、丸都係任食，最特別嘅係有大量港式小食、涼茶、沙冰、Pancake機、豆腐花、涼粉、水果撻、泡芙、咖喱魚蛋、茶葉蛋、砵仔糕，甜品好多款式又高質，我哋就最欣賞開心果糯米糍😍😍細細粒一口size，食多幾粒都得🙈🙈