影片
港鐵旺角站 E2 出口, 港鐵油麻地站 A2 出口
繼續閱讀
電話號碼
31628238
開飯介紹
美滋鍋享用香味四溢的火鍋濃湯，結集了養身、美顏精華，提供「120分鐘火鍋放題」的體驗。招牌湯底－膠原蛋白養顏美容鍋，清甜養生。超過100多款火鍋配料，自助餐前小食甜品檯及啤酒飲品無限任飲任食。每日午市時段及晚上9:30pm後入座無限時任食, 營業至2am。
繼續閱讀
營業時間
今日營業
12:00 - 16:00
17:00 - 02:00
星期一至五
17:00 - 02:00
星期六至日
12:00 - 16:00
17:00 - 02:00
公眾假期
12:00 - 16:00
17:00 - 02:00
以上資料只供參考, 請與餐廳確認詳情
有關獎賞計劃
相關文章
打邊爐真係個人最愛，一年四季都可以打邊爐，完全唔會厭🙈 今次呢間火鍋店主打養生火鍋湯底，咁就唔驚太熱氣啦🍲 最平$198就可以任飲任食兩個鐘，我哋呢晚揀咗C餐，貪佢有多啲食物種類可以選擇😎鍋底♦️膠原蛋白養顏美容鍋店員介紹要先飲啖湯底再打邊爐。湯底呈奶白色，感覺又真係幾滋補喎🥰♦️清涼解熱雪耳鮮椰子鍋另一款湯底特別適合夏天，用上清熱嘅椰子熬製而成，味道清清地，配埋蔬菜真係好夾🥥肉類特別推介澳洲M6和牛前腿心，牛味真係好香濃，雖然望落去佢唔算好多雪花紋，但係淥完之後係非常嫩滑👍🏻 另一款主打美國PRIME牛下肩胛肉質較實淨，兩款都各有特色🐮 呢個套餐連羊肉都有兩款，紐西蘭羊肉卷同羊肉卷，鍾意羊肉嘅朋友會好開心🐑 海鮮食海鮮都可以輕鬆回本，鯇魚骨腩冇泥味，入口幾嫩滑🐟 竹簽蝦同蟹籽墨魚滑爽口彈牙🦐 青口同沙白我地都encore咗好多次🐚火鍋配料用餐廳提供嘅平板電腦可以嗌多款嘅火鍋配料，包括有花膠、栗米餃、白菜豬肉餃、韭菜豬餛飩、滑豆腐同埋豬肝😎 各款餃類都幾飽滿，我就特別鍾意佢嘅粟米餃，除咗有豬肉嘅香味仲有粟米嘅甜味🌽自助吧呢度有多達40款食物可以自己夾，每樣嘢都排列整齊，而且有相對應嘅名牌。各款蔬菜、丸類、豬紅、水魷等都有供應🥬甜品呢度簡直係甜品控嘅天堂，有超過30款甜品可以選擇😻 當中一定要推介嘅係新推出嘅燕窩系列，係滋潤養顏嘅首選🥰 燕窩芒果楊枝甘露奶凍、燕窩黑芝麻奶凍、燕窩燉蛋、燕窩檸檬撻等等，每款都係美味又養顏👍🏻 我最鍾意嘅就係個賣相好特別嘅燕窩燉蛋，喺隻蛋殼入面有滑捋捋嘅燉蛋🥚飲品呢度連有得啤酒任飲真係好正，可以同朋友飲飽食醉🍻 唔飲啤酒嘅話，仲有汽水同埋一啲較養生嘅無糖飲品可以選擇🥤呢間火鍋店幾高性價比，特別係鍾意靚嘅朋友，由湯底去到甜品都有啲滋潤養生嘅選擇，真係可以靚住食，食住靚啊😋
繼續閱讀
佢哋依家推出咗全新嘅甜品火鍋放題（$198起）性價比都算幾高🌟🌟我哋嗌咗A餐（正價時段：$258）9點後入座可以無限時任食去到凌晨兩點😱😱首先講咗我哋揀咗咩湯底先啦我哋揀咗要膠原蛋白養顏美容鍋/特濃沙嗲鍋（+$50）呢兩個湯底食落去都真係好濃郁❣️❣️前者飲落去都幾鮮甜特濃沙嗲鍋嘅味道亦都幾重😉😉鍾意重口味嘅人都應該會鍾意呢個湯底咁之後就講吓佢啲肉類啦美國精選肥牛食落去牛肉味道幾濃郁而我自己都幾鍾意佢哋嘅田野鄉村嫩豬花因為肉食落去都幾煙韌😆😆紐西蘭羊肉卷食落去都唔會覺得好羶跟住就講吓其他打邊爐配料啦（超過100款配料同埋嘢飲無限供應）我自己最鍾意嘅就係蝦滑😚😚因為食落去真係幾煙韌彈牙除此之外我覺得佢哋嘅粟米餃/白菜豬肉餃都幾唔錯👍👍唔會一食落去就爛曬跟住就講埋佢哋嘅甜品/小食啦佢哋嘅甜品真係好多選擇（目測至少多過20款）比較特別嘅係佢哋有懷舊砵仔糕同埋pancake機🤩🤩（唔係講笑，都真係好耐冇食過砵仔糕）除此之外亦都有啲地道小食可以任拎例如係咖喱魚蛋，碗仔翅等等
繼續閱讀
朋友無講大話！美滋鍋🔥放題真係好．抵．食！💥（雖然N年前食過散叫，但放題體驗仲正！）🎂今個月我生日🎉，梗係要老公請我食返餐豪嘅！😆💕 雖然係樓上鋪，但🔥超．級．多．人．等．位！🔥 $198起跳真係抵到笑😂，好彩等一陣就有得入啦～✨ 湯底揀咗✨✨「養顏膠原蛋白鍋」x「滋補養生香辣鍋」✨✨ 鴛鴦鍋一次過滿足兩個願望！💖 膠原鍋超濃郁，啜落去黏嘴唇㗎～👄 香辣鍋🌶️就香得嚟唔嗆喉，正！ 🎉 衝啊！甜品控天堂出現喇！🎉一入門口就見到傳說中嘅✨「甜品山放題」✨！真．係．勁．多．款！🍰🍮🍧 超過20款任夾： 👉 提拉米蘇！咖啡香超濃，手指餅吸滿酒香☕️ 👉 千層糕！一層層好軟糯👉 懷舊砵仔糕！ 煙韌紅豆爆棚👉 即製豆花！ 滑溜到好似BB肌😍 👉 🧁自己撈台式芋圓！配料多到滿瀉👉 🤖自動Pancake機！熱辣辣即唧超Funny 🤩 下次必帶埋阿仔嚟！有佢最愛嘅✨開心果糯米糍（外皮煙韌，流心餡爆多！）同✨士多啤梨撻（脆撻底+大粒鮮莓！）🍓 小朋友見到實尖叫！👦💚 🔥 熟食區都唔輸蝕！港式情懷Attack咖喱魚蛋 彈牙惹味！燒賣嘅豬肉香濃！碗仔翅 足料滑溜！仲有✨即炸煎釀三寶✨（青椒/茄子超厚肉，魚肉彈牙熱辣辣！）🍢 飲品櫃仲有幾十款揀，連沙冰都有！🧋❄️ 不過... 我個胃要留俾✨打邊爐 + 甜品✨啊！🤣 🥩 肉食獸重點出擊！狂嗌十幾碟冇難度～主攻必食✨澳洲M+6和牛✨！🔥 雪花靚到發光❄️，入口即溶仲有超濃牛香！油脂甘香爆棚～🤤 仲有✨脆鯇腩✨ 爽脆彈牙冇骨，魚油香超正！叫十幾碟真係秒速上齊⏩，爽啊！😝 🌙 夜鬼注意！凌晨2點先收工！我哋食飽飽走人嗰陣（夜晚10點幾！）✨門口仲排緊長龍！🤯 原來佢每日開到凌晨2點⏰，夜晚9點後入座仲係✨無限時任食✨！難怪咁夜都人氣爆燈啦～💡 抵食 + 高質 = 長龍有理！👍 ✅ 總結：生日飯大滿足！甜品多到癲👩🍳，肉質靚仔🐮，價錢合理💰，重點係超啱帶小朋友嚟放電！
繼續閱讀
全新甜品火鍋放題，最平$198就可以任食任飲2個鐘，真係幾抵座位闊落，環境舒服，自助區擺放的食物好整齊，單係甜品區就有超過20款甜品，而且係每日新鮮製作，一系列自家製燕窩甜品、懷舊砵仔糕、雞蛋仔、格仔餅，超正😍B餐主打美國Prime牛下肩胛、四方肥牛、精選肥牛、羊肉卷、三黄鮮雞、田野鄉村嫩猪花肉，最鐘意肉味香濃的美國Prime牛下肩胛及嫩滑的三黄鮮雞。湯底點咗滋補養生香辣鍋及養生藥膳醉雞鍋，香辣鍋比較惹味，醉雞鍋酒味濃郁，各有特色。火鍋配料可以手機落單及自助區自取，種類都幾豐富，好多選擇，而且食材新鮮。甜品款式真係好多，而且好高質，最鐘意一系列嘅燕窩甜品，特別係個燕窩燉蛋好好味，仲有豆腐雪芭🫶🏻飲品除咗汽水，都有啤酒，適合鐘意飲酒嘅朋友整體嚟講，性價比真係幾高，同埋甜品超多選擇嘅火鍋放題，每日營業至凌晨2時，9pm後入座仲可以無限時任食～
繼續閱讀
《美滋鍋 - 旺角》搜尋旺角推介既火鍋，頭三名就一定會有呢一間美滋鍋，連個湯底都係用上多種食材製作熬煮既靚湯，有多種湯底可以選擇，而且有大大個自助蔬菜吧、甜品corner、飲品吧同埋即製pancake waffle 雞蛋仔corner😉甜品火鍋放題套餐最平只需$198起，喺旺角黎講價格實惠，食物又高質👍🏻怪不得咁多人推介啦🤩今次我就揀左豪華C餐($298/人)，再加$50升級左做鴛鴦湯底，要左膠原蛋白美人鍋拼養生藥膳醉難鍋，膠原蛋白美人鍋個湯似係用左魚肉熬煮，飲落幾鮮味，同豆腐好匹配；另外既藥膳醉雞味道都好濃郁，入面已經有幾件雞件，煮到好入味亦都好嫩滑，湯入面有好多藥材，食得出真材實料我哋個套餐入面有四款牛肉可以選擇，另外仲有不少海鮮、魚蛋、豬肉羊肉等嘅火鍋配料，全部都係任食的👍🏻而出面自助吧都有大量蔬菜、炸物、魚丸等食材，每樣食少少都已經飽到上心口🫣食火鍋又點可以冇嘢飲呢，雪櫃入面有10幾款飲品任你選擇，仲有啤酒㖭啊，鍾意飲酒的話就可以飲返夠本，自助吧嗰度都有餐廳製作嘅水果茶、烏龍茶、芒果沙冰等嘅飲品，個人幾鍾意佢個洛神花茶同埋芒果沙冰，夏天飲真係透心涼😌除咗打邊爐之外，呢度仲有不少小食，有喺下面街買要$20一碗嘅碗仔翅、好入味嘅咖喱魚蛋同燒賣等街頭小食甜品corner有多個20款嘅甜品提供連近期極具人氣嘅開心果糯米糍都有啊😍個皮唔算好厚，入面充滿着開心果碎，忍唔住食咗四粒😜推介👍🏻另外要介紹嘅一定係即叫即整嘅waffle同埋雞蛋仔，有店員喺吧枱上面為你服務，即叫即整脆卜卜，仲可以自己混入糖漿、忌廉、朱古力等配料🥹如果過嚟打邊爐真係要晏晝都唔食先可以食得晒呢度嘅嘢呀🤣唔講唔知呢度每日都營業至凌晨兩點，而家好少餐廳可以開到咁夜，啱晒夜收工之後嘅聚會啊，九點後入座仲可以無限時任食至關門，包你食到回本😜
繼續閱讀