美胃餐室

營業中

休息中

近住荃灣廣場嘅大壩街 真係餐廳林立既地方📍成條街都係餐廳 可以算係食街🤤美胃呢間茶餐廳新開左一段時間 望落企理乾淨行完街 之後就最啱食下午茶啦 三點三tea time 🍵🔹燒鵝湯瀨$42其實喺茶餐廳黎講佢嘅燒味算係唔錯👍🏻燒鵝調味啱啱好 又五香味 師傅咁啱比左鵝肶位我地 咬落啖啖肉！佢個湯底唔錯 有少少係胡椒雞湯味🐣加埋秘製辣椒油🌶yummy !同朋友兩個人各自嗌咗一個🔹金磚混醬西多士🍞$34好邪惡啊！西多士上係滿滿嘅朱古力醬同煉奶🍫每個西多士都炸到金黃色 西多士處理到每個都係長方形 兩啖就ko 好懶人friendly 💓唔使落手落腳切🫢西多士有小小入口即溶嘅感覺 記得要趁熱食啊！如果攤凍咗個口感 同埋味道都會差好遠😭🔹熱蘋果紅茶☕️呢個我都十分推介！茶底非常濃厚 再加埋好fresh 既蘋果味🍎真係暖入心 裏面仲有啲蘋果粒粒！

諗住求其食，門口望下餐牌時，職員話送老火湯，仲話佢啲湯唔落味精，好咁就即管一試啦。間餐廳做街坊生意，小本經營，但係一啲都唔馬虎！一坐底就拎兩碗湯來，係蟲草花湯，好甜！真係冇味精味！食完唔會口渴！見到晚餐有煙三文魚忌廉意粉先$68蚊，所以就即刻叫左來試試😋$68有cafe的味道，十分抵食！熱飲仲要唔加錢，仲有老火湯飲，勁抵食！見到附近好多人叫燒味飯或鐵板燒，好似好好食咁，下次一定會再來試佢個鐵板餐同燒味飯！！

美胃餐室主打燒味飯，之前試過滑招牌滑蛋叉燒飯，滑蛋夠滑，叉燒夠甜，加上甜醬油撈飯，味道不錯。今次第二次幫襯，朋友話燒腩仔不錯，所以今次叫了個雙拼燒味飯，選了燒腩仔同薰蹄飯，燒腩仔皮夠香脆，瘦肉不會硬，食得出幾新鮮，一塊塊燒腩仔大小適中，一口一塊，燒腩仔質素不錯，但係薰蹄不太好味，薰蹄酒味太重，我覺得薰蹄精粹係爽脆咸鮮的豬皮，呢度薄皮同瘦肉不例不太好，豬皮太薄不爽口沒有存在感，瘦肉太多而且有點鞋口，瘦肉不太夠味，成片薰蹄食落如食白灼瘦肉，薰蹄不推薦。燒味飯會奉送例湯，例湯質素倒是不錯，不重味精，但食材味道濃郁有飲住家湯的感覺，另外，叫飲品如叫汽水會跟一杯冰底，不怕汽水不夠凍，大熱天時汽水加冰夠消暑。

美胃茶餐廳坐落喺荃灣廣場一個好熱鬧嘅街道，經常好多人喺度等位。我特別欣賞佢午餐同同下午茶有好多嘅選擇，除咗一般茶餐廳會有嘅常餐之外佢亦都會有一啲西式嘅選擇，例如肉醬焗薯，適合男女朋友一齊去，男嘅可能會想食常餐女仔就會想食一啲唔同啲嘅西餐嘅選擇。而佢嘅燒味就係佢其中一個好大嘅賣點同埋主打，試個唔同嘅燒味搭配都好好味。佢嘅下午茶仲會有燒鴨賴提供，係我星期六嘅必然選擇。仲有值得一讚佢既服務態度,非常熱心有禮。

下午同家人去荃灣廣場行左陣街 就係附近搵餐廳休息下 食個下午茶對面街 好多餐廳都排長龍見呢間咁岩有位 😎見燈光光掹 似新開就入去試吓員工們態度和藹親切 見我哋一家大小 佢哋都好細心安排我哋坐位見我哋有選擇困難症 主動介紹我哋食咩好葱油雞扒飯超級大塊既雞扒 好入味😋葱油汁送飯一流😆佢仲配左少許酸酸甜甜醬既沙律🥗更開胃常餐 沙嗲牛肉通心粉 配雙煎蛋 火腿 吐司🍞仲以為配雙蛋 會冇火腿上碟有齊好驚喜好少茶餐廳會配雙蛋仲可以配多款食物通心粉份量都多 沙嗲汁好好味 食飽飽下午茶 炸魚柳配薯條🍟薯條份量唔少炸得剛剛好 魚肉好滑溜 都幾大舊西多士 😋好驚喜份量多賣相吸引 佢有蜜糖仲用朱古力醬淋上面👍🏻💗好好食😋奶茶係茶餐廳靈魂呢度奶茶☕️ 沖得不錯😍

一個就咁蒸完拎出黎既所謂焗薯仔，只係上面加堆肉醬，完全無焗既意味。上到台都已經嚇親，眼見一個薯仔完全無焦味，無熱度原隻咁拎上黎。用刀一切開，果然係普通蒸出黎既薯仔。係食街既荃灣夠膽咁樣開門真係聽以立足。

平日上班大家都吃不少茶記，現在的茶記套餐少不免都要60元，所以質素也不算太好，而且一般的碟頭飯都是食肉獸為主，令一眾打工仔感動不健康，但如果在上班時去吃健康餐也許都不便宜。這間近來發現的餐廳竟然有沙律菜在旁，而且有和風醬，令午膳的感覺即時讓健康度提升不少，有少許菜總比沒有的好。這個意粉都是午市的快餐之一，一眼就能看出是葡汁雞意粉/飯，葡汁是辣的十分有趣，雞都嫩口以一個茶記水準來說實在不錯，而且店舖每次一入座都逢上例湯，服務有號於其他，我亦加了3元選一個蘋果紅茶，當差不多喝完才發覺有蘆薈粒，實在感到很有誠意

初次幫襯，下午茶食义燒米，义燒好食，肉質好靚，肥瘦適中，但湯淡囗少少，見隔黎檯D燒鴨都好靚。奶茶D茶味帶少少苦，在茶膽方面要改善下。但不得一提佢地D服務好好，每個員工都好好，有 heart既人，在食物方面多改善一下，相信好快上軌道。荃灣既食店競爭好大，希望佢地食物快D進步啦！

又回到荃灣餐廳的Battlefield ... 大霸街，有新店，放馬過來！“霸王叉燒滑蛋飯”，像倒瀉豉油一樣，賣相嚇人，如果豉油讓食客自己下，又或者用濃稠的珠油，就不會這樣，失敗。把蛋揭開，發覺飯不夠乾身，又不夠熱，死罪！蝦和蛋還好，雖然是雪蝦，但不會淡而無味，也沒沒有雪藏味，但賣相和飯已把這碟頭飯徹底翻車了！“霸王蜂蜜叉燒脆脆豬”，义燒夠嫩，但無什麼炭燒味，蜂蜜塗在包面上，包又要用手拿著吃，手指就變得黏手，如果蜜糖在义燒𥚃面就不會弄髒手，味道也會好些 。不過义燒也是用心薄切成幾片的，進食時义燒就不會掉出來，挽回點分。

行過見到見到有新茶記就入去試試啦裝修都ok，幾光猛叫左個炸雞髀薯條炸髀大大隻，都ok，不過有少少雪味薯條上面灑左d香料，略嫌太咸凍奶茶整體嚟講有進步空間，見d燒味賣相唔錯，下次可以試下

荃灣大壩街不嬲都多嘢食，今日行街經過呢間新開嘅餐廳，門面好似幾整潔，就入咗去啦！本身以為呢間餐廳淨係食燒味，原來都有其他菜式嘅食物，例如有撈丁、鐵板扒餐、常餐等等，好有港式冰室嘅味道！我地就揀咗招牌叉燒滑蛋飯同埋肥牛撈麵，上菜速度算快，10分鐘之內已經嚟齊。叉燒滑蛋飯啲蛋真係好滑！而且個汁好適合撈飯，叉燒就不過不失，冇乜特別。肥牛撈麵揀咗咖喱汁，麵質算煙韌，唔會淋pat pat，肥牛普通，咖喱汁唔係我預期嗰種味道。整體都算滿意，而且服務態度好殷勤，主動拎張凳俾我哋放袋。不過可能新開張，食物款式較少，希望下次黎，有更加多新嘅嘢食。

燒鵝瀨粉好出色，鵝皮脆肉滑，瀨粉個湯底唔會好油淋淋，仲食到有小小胡椒味👍🏼👍🏼义燒滑蛋飯，义燒好食唔會鞋口，蛋好滑好香，大人小朋友都好鍾意食🥳軟殻蟹忌廉意粉都好好食，蟹好脆，意粉亦唔係太林，鹵水雞翼拼薯條，個雞翼加左麻辣汁,感覺好新鮮好特別，又唔會太麻辣，雞翼肉質亦都好滑，好惹味開胃🥰是日例湯飲完唔會口渴，証明唔係味精湯😋😋杯咖啡都好飲有咖啡味，唔會太鞋口👍🏼下次再試埋佢嘅鐵板餐先得

荃灣廣場後街越來越開得多食店了此店有啲跟旺記餐廳食物相近不過內裡坐位置有啲迫，說真的不太舒服點了燒味及叉燒蛋飯但⋯⋯⋯沒有想像中好食燒味係燒肉雞 但汁也重要，沒想到比較冇味，招牌叉燒蛋飯也一般，蛋不夠滑⋯不過湯可任點，味道也不錯👍🏻唯一讚既地方😂😂

荃灣新開嘅茶記 當然要一試如何叫左佢招牌嘅壩王叉燒脆豬 + 熱奶茶一上到枱 已經心感不妙賣相同openrice相差咁遠豬仔焗唔夠耐 唔夠脆 冇乜牛油打開個豬仔睇睇 有2舊叉燒一睇就知唔掂叉燒乾 瘦 冇焦香 仲唔熱明明門口有燒味檔都做得咁差？生菜苦苦地 可能唔新鮮最後試埋杯熱奶茶 一入口茶底好苦澀 質感係嚡口 好似冇乜落奶咁 飲兩啖已經冇飲奶茶質素連連鎖快餐廳都不如水吧真係有待改善總評： 雖然只係試左下午茶但招牌菜都做得差 比人印象唔多好個人已經blacklist左佢 荃灣實在太多茶記 如果佢水準係咁都幾難立足

今日經過荃灣大壩街，見到1間餐廳新開，1枝公冇人陪，便走 入去試吓。坐落覺得環境唔錯，地方都幾乾淨。睇餐牌期間，突然靚女侍應送上一碗湯放喺枱面，話係送嘅，蟲草花煲瘦肉。心諗送嘅都唔好期望太高，但飲落都很高水準，冇味精，真材實料，有家的感覺！跟住叫咗碟拿破崙車打芝士雞肉意粉同凍奶茶，等5、6分鐘，意粉到，賣相都幾好，只係碟邊冇抹好，不過又唔係高級餐廳，不能要求太苛刻。食落味道係唔錯，茄汁同芝士都好配合，意粉對我來講就淋咗啲，都係嗰句，不可能苛刻要 Al Dente 。如果做到Al Dente， 又會有好多人投訴唔熟。但呢個意粉係有水準嘅，起碼唔係汁還汁，意粉還意粉，大家完全唔認識對方。給我感覺係1間很用心嘅餐廳，成餐飯63蚊，係絕對物超所值了。👍😋