群記牛肉圓豬手

營業中

休息中

屹立粉嶺聯和墟多年的老字號「群記牛肉圓豬手」，以豬手馳名，每日午餐時間都人頭湧湧，外賣訂單接不停，大部分食物4:00就賣晒，店舖嘅豬手爽滑彈牙，秘製既味道好香濃入味，今日已經冇晒豬手，佢嘅辣椒醬入面有香濃嘅蒜頭，非常出色，而且係不外銷售的，每次經過都會入去食番碗，特別要注意店舖好早關門，5:00前己經打烊。牛丸米$35牛丸係自己手打，香濃彈牙，米粉同湯底真係好好味。群記牛肉圓豬手 (粉嶺)粉嶺聯和墟聯昌街5號豐景樓地舖

粉嶺必食嘅群記難得平日可以去得到梗係要叫家鄉炸卷啦，我地1點幾去到竟然已經係最後一碟，我地後面仲有人叫不過廚房已經話賣晒。呢碟家鄉炸卷其實就係腐皮包住鹹牛肉然後炸到佢脆口，基本上星期六日公眾假期都唔整，又或者一開門已經賣晒。不過今次係近期第二次食到，口感同味道都係差咗，下次黎未必會再叫。不過佢D豬手同牛丸仲係好好食，值得咁遠入黎會一會佢嘅。

群記牛肉圓豬手麵位於粉嶺聯和墟多年，沒有冷氣，但經常排長龍，只做早午市，豬手賣完即止，怕熱嘅人真係要秋冬先嚟試。豬手厚汁原味爽口，處理得乾淨，大啖肉，仲有滿滿嘅骨膠原。店內經典白綠瓷磚，木枱摺櫈，天花吊掛大風扇，牆身貼揮春紅紙手寫餐牌，賣少見少嘅地道懷舊裝潢，好有舊香港電影氛圍。嚟過嘅一定知， 除咗爽口豬手同牛丸必食，其實最好食係佢哋嘅辣椒油，香辣惹味 ，細碟辣椒油隨上菜上枱，唔夠食嘅話辣椒油係自助無限任添的。《 大手aka 豬手麵(大) 》

🔥是日30度群記豬手🔥食群記係需要睇溫度大手一碗因為之前試過連續兩次食到極極極極極硬豬手所以都好耐都無再幫襯而今次本身係想食旁邊既海南雞飯但撞岩佢公休所以轉陣群記試多次30度...都仲可以ge🚬只係未食就已經抹緊汗☺️群記每次例牌叫大手(大碗淨豬手)事關覺得個米粉都唔係特別出色食豬手都夠飽好彩今次既豬手回復水準!唔硬已經開心左!啖啖厚厚既豬手皮!仲有幾舊啖啖肉(個人鍾意呢幾舊仲多D)!!!滿足!!!

好多年前食過一次，時隔多年又再黎探佢，大西北對九龍區人士黎講真係好很遠，用咗差唔多一小時搭火車入黎，黎到粉嶺站之後仲要再行多15分鐘先到達，2:30黎到店門口，正想講一位之際，店員已經話3:30先再有豬手，山長水遠黎到就梗係選擇等啦。眨下眼黎到3:30，坐低之後被告知只有豬手同牛丸可以點，order咗兩大名物之後，店員先送上兩碟仔辣椒油，如果食哂可以出去再添，跟住等咗唔洗5分鐘豬手同牛丸就上檯啦。🐮爽口牛丸米（大）- 一個細碗入面裝住足足12粒牛丸，視覺上真係好震撼😆😆😆。牛丸細細粒唔係實的的果種口感，牛丸味唔係話好出但勝在易咬開。🐷美味豬手米（大）- 期待已久嘅豬手，成碗滿滿骨膠原，起碼有7件以上豬手，食完咀唇張住，係幸福嘅味道。其實兩碗味道都好清淡，靠佢碟細細辣椒油吊起個味，但又唔好點太多，因為都真係幾辣下。雖然兩碗都叫咗大，但入面除咗大量餸，其實都係得好少米粉，食完唔係話太飽，之後都係要搵其他嘢食😆群記牛肉圓豬手新界粉嶺聯和墟聯昌街5號豐景樓地下回頭指數：⭐️⭐️⭐️⭐️⭐️抵食指數：⭐️⭐️⭐️⭐️⭐️人均消費：$47

聽講係粉嶺好出名食豬手幾間舖頭，豬手白烚，分量十足，非常入味。咬落口唔會林晒。想試原汁原味嘅朋友可以嚟呢間。如果想重味啲嘅可以落辣椒油，各有各風味。另外呢間舖頭係要排隊嘅，想去嘅話要提早出門排隊。

有一日，朋友問香港邊度有好的辣椒油賣， 我就介紹了群記的辣椒油。這個辣椒油好吃嘅地方不在於他的麻或辣，而是他的辣度比較接近XO醬一類。在麵舖當中，算是比較少見的。山長水遠去到粉嶺買辣椒油，本想點一個豬手麵吃。 但因為已經三點幾，接近四點，所以只有牛丸或牛腩剩。 點了個細牛丸麵， 牛丸的的色色的，一碗有五粒，牛味不太出眾，但是彈牙爽口。

群記牛肉圓豬手📍粉嶺聯和墟聯昌街5號豐景樓地下🥄炸卷入面個餡係鹹牛肉，外面係脆脆既腐皮一咬落去咇晒d肉汁出黎，份量又多又抵食🥄豬手米加牛丸米豬手咬落去好淋，出面d皮又爽口，至於牛丸都好大粒好彈牙，加埋佢地既辣椒醬真係好正總括黎講，地方同一般粉麵檔一樣，但食物我覺得好抵食份量又多

朋友介紹豬手好好味不過勁多人等. 我特登揀非繁忙時段,遠遠見到冇人等,心諗‘好野,唔使等’. 點知原來係豬手未ready. 好彩店員好好,叫我大約20分鐘之後返去.終於食到,真係好好味. 大大舊, D肉好入味.個湯好清,可以飲. 點個sauce 係另一個感覺,都好好味. 係我食過最好味嘅豬手.

行完山響粉嶺落一搵有咩好嘢食上網問朋友 即刻個個不約而同推介群記星期六1:00去到都吾算排好耐大約排咗十幾分鍾就有位雙拼 豬手牛丸米牛丸夠彈 豬手又好食炸卷～ 牛肉卷名物辣椒油個個人都加大呢個辣椒油的確又係同外面食嘅吾同係好惹味環境都係一般粉麵檔但係呢度冇冷氣不過佢又唔會將D枱放得好密枱同枱之間個社交距離都好足夠所以因為咁 無冷氣都吾會覺得好焗會再有下次ga😝😝😝

出面好多地方食到嘅豬手都係南乳或者柱候將炆，呢一度嘅豬手腳係清湯烚熟，直接試到豬手嘅味道，完全冇掩飾。佢呢度嘅豬手唔係蚊到好林嗰種而係有少少煙韌有啲咬口，雖然唔係有好重骨膠原嘅感覺，不過豬手白烚之後反而有一種原汁原味嘅感覺，而且一啲都唔覺得肥膩。另外必試佢呢個辣椒油，香辣兼備，配豬手一流。

以前從未食過清湯豬手，因為覺得沒有南乳不會好食，會有說不出的怪味。今次完全改觀，豬手超過鮮甜，骨膠原豐滿，配上自家製辣椒油，簡直係perfect。適合愛美的女士們。牛腩也淋滑，咸度剛好，配河粉一絕。今日平日時間已經一點多仍然大排長龍，可想而知其實力。如果揸車過去，好彩的話門口便是錶位，如果泊街可到對面馬路，店後街有一時租地車場，所以尚算方便。絕對值得推薦的地區小店。要注意的是營業時間，早上11:00至下午五時十五分，沒有夜市的，沒有夜市的，沒有夜市的，重要嘢要講三次。

秘製辣椒油同豬手真係絕配呢句說話真係講得無錯。呢間長期都係要排隊等位的麵店以清湯豬手及牛丸作招來，人氣一直非常旺，如果你去到唔洗排隊，通常係因為當天的豬手已經售罄，只淨番牛丸比你叫。呢度D清湯豬手味道真係唔錯，不過因為始終都係豬，好多時都會有少少豬的酥味，幸好有佢嘅秘製辣椒油，雖然唔係好辣，但係就啱啱好闢走嗰D豬酥味，令到D豬手更加好食。呢碟就係秘製辣椒油，點完可以再添架，仲可以成樽買走，如果未試過就真係要試吓。

今次入去粉嶺探朋友，見到一間舊式粉麵店門口大排長龍，原來佢哋嘅豬手每日係限量，賣完就冇，餐廳只有幾款餸 - 牛腩牛筋、牛丸、豬手，今次一次過試晒。餸同麵份量好足，街坊價錢，性價比極高，豬手非常爽口，口感十足；牛腩牛筋牛味濃，咬落去淋身；牛丸份量多，不過不失，咬落去比較軟身。比較推薦牛腩牛筋同埋豬手。

去到粉嶺聯和墟就一定會黎呢一間老店朝聖，今日仲好好彩竟然叫到炸卷，因為通常星期六日公眾假期佢嘅炸卷只係開舖頭一兩個鐘供應，今日成2點先去都仲有真係超Lucky。我們二人前叫了一大一細淨豬手加一碟炸卷盛惠$125，清湯豬手煮得夠淋，一邊食一邊feel到有豐富骨膠原，唔洗用到南乳去炆都夠晒味就係呢度D豬手的特色，加埋佢嗰碟秘製辣椒油真係回味無窮。至於個炸卷今日整得麻麻，唔夠乾身唔夠脆，佢其實係腐皮包住D鹹牛肉去炸，由於花時間同功夫所以一多人幫襯就會唔做，平日去食到的機會大好多，假日就真係食頭圍先有機會叫到。