群記牛肉圓豬手

營業中

休息中

終於試到聯和墟群記豬手牛丸.中午時間，好多人排隊好彩唔洗10分鐘就有位.問阿姐咩出名阿姐話：牛丸豬手都出名來個牛丸豬手米.一上枱，即配辣椒醬👍🏻牛丸入味又香，真係好味！豬手好夠爽，配米粉好飽肚！.試完心情大滿足🤗💛😄

每次入粉嶺, 我都忍唔住要去群記食返碗手丸米.食左三十幾年我都冇辦法抗拒. 佢連裝修都係同我細個O黎時一樣.要食佢O既豬手要較啱時間, 一係一開門11點就到, 一係就食第二轉下午時間, 預三點多就會賣晒.必吃的係佢O既辣椒油.  而每次都問佢有冇得賣不過佢自己都唔夠用, 可惜.另外個牛肉卷都好好食不過今次我一個人, 食唔到咁多, 只可以加個油菜同豆漿.

冷冷的天氣 最好坐低吃碗碗 大大碗豬手米 多肉得黎又爽口 唔乾唔柴啖啖肉 加埋我吃麵必配辣椒油 又辣又順口 成日都坐滿人 香港地食都甘道地既豬手麵真係唔係好多地方搵到 黎粉嶺一定要試

位於聯和墟的馳名豬手麵店「群記牛肉圓豬手」真是客似雲來，店外總是站著等位的，取外賣的顧客。 行完山乘小巴到聯和墟品嚐老字號出品，沒有特別的餐牌，牆上貼上紅紙寫上幾款食物，簡簡單單，一目了然。叫了兩個豬手麵，一大一細，上面都鋪滿着豬手，豬皮爽口彈牙冇肥膩感，咬落脆卜卜，充滿骨膠原，除了皮之外還有很多軟腍的豬肉，加上少許特製辣椒油，更好味。辣椒油香濃但真的很辣，可以自助添加，個麵也不錯，爽口彈牙。大家都配了一罐可樂，是罐裝的，現在再沒有瓶裝的可樂，懷念。

難得黎到粉嶺，一於試下好出名既群記。呢度裝修好似八九十年代咁，用紅紙毛筆字寫上菜式名，同埋係冇冷氣嘅。好彩佢嗰日都唔算好熱，佢嘅風扇其實都係幾大風。不過炎炎夏日的話，未必係一個好嘅選擇。講返食物先，因為我係一個人黎，叫咗佢最出名嘅牛丸豬手麵+可樂。牛丸食得出係自家造，新鮮不過牛味唔算突出；豬手整到好軟，唔係好濃味果種，少少調味；湯底都係屬於比較清淡嗰款，所以都忍唔住加少少本身跟埋嘅辣椒油。個辣椒油簡直係神來之筆，令到成碗麵生色不少，相信過辣椒油都係自家製，平時嘅辣椒油好少會有一種蒜蓉嘅味道，辣椒油亦都可能比出面一般冇咁辣，由於個辣椒油太出色，埋單嗰陣問佢哋可唔可以買一樽，佢哋用咗個外賣兜畢咗一半俾我（HKD70/半斤）。

下雨都無阻我去吃豬手的熱情今次不但食到牛丸豬手連牛肉炸卷都搶到最後一碟昨天打風呆在家一天 貫常掛念街外的食物🫢🫢下次來會再加多一個可樂我覺得就最高享受啦🫣🫣🫣

今日經過粉嶺去試下群記！中午去嘅時候有多好人排隊，以為要排好耐啦，點知原來啲人係排外賣，所以好快就入到去坐。入到去係舊式麵店嘅裝潢，好有feel！佢嘅豬手麵有大（$45）同細（$40）可以揀，因為唔太肚餓，所以嗌咗一碗細豬手麵試下。但係唔好睇少佢係細豬手麵，佢比咗好！多！豬！手！多到要問店員拎多個碗仔裝住，如果唔係就食唔到啲麵，可想而知有幾多。豬手肉淋又爽，又好多骨膠原，食到個嘴jer住咁。豬手肉質都好好，用咗好簡單嘅調味醃製，唔會有太重嘅調味蓋過豬手本身嘅味，又唔會有豬肉嘅腥臭味，好食！

好耐冇食群記嘅豬手麵,今日粉嶺行完山,特登黎碰吓運氣,睇下仲有冇得食豬手麵,去到時己經差唔多4點,好彩豬手仲有得食,見到d豬手就黎賣哂,就拿拿臨叫左個豬手牛丸米（大）$45,食到中途,都要打包兩份淨豬手和一份淨牛肉外賣返屋企講返今日食嘅豬手牛丸米,豬手都仲係咁高質,豬皮都夠淋,好豐富嘅骨膠原,豬肉味都好夠,牛丸係自家手打嘅,食落牛肉味相當濃郁,又爽口彈牙,個湯飲落好正唔鹹,其實淨叫豬手/牛丸,唔使加粉麵都已足夠如果想食豬手嘅話,就要早少少去食啦,因為豬手好搶手,太晏去食有機會摸門釘…

群記喺聯和墟非常有名，即使唔係粉嶺人都有所聽聞，係一間屹立多年嘅老字號。今次中午去到果然經已滿座，不過大家去依啲粉麵店通常食完就走，所以真正等位嘅時間唔算太耐，大概等咗15分鐘。依碗雙拼麵有齊出名嘅豬手同牛丸，豬手看似比一般嘅店鋪連多啲肉，唔會淨係吮骨頭，豬皮好爽，牛丸都有肉味而且彈牙，但兩樣食物未至於令人覺得好驚艷，另一樣出名嘅就係依度嘅辣椒油，辣椒油係比較香嗰款，鹹多於辣，配搭豬手嚟食就會惹味啲，第三樣名物係家鄉炸卷，可惜今次食唔到......

I believe this is a must try restaurant in Fan LingBoth the signature pork knuckle and beef ball were as good as expected (we preordered an additional portion of pork knuckle as takeaway). The traditional deep fried beef roll however was not impressive, it was dry and hard... we couldn't finish it

35度走去食群記，係愛定係為食？同以前食既感覺仲一樣？一坐低即刻嗌炸卷😋好彩快人一步，我地係最後一碟🤫🤪🤪開心🍀炸卷即係腐皮卷捲着啲鹹牛肉，再點啲醋食，外皮脆，內裡就肉汁juicy👍 一碟好多舊，兩個人食真係好飽 (最後外賣)豬手皮彈牙肉質好林，識落好有質感，爽口～至於牛丸冇咩太大特別🙈麵底其實係清湯嚟嘅，不過加埋佢嘅辣椒醬，一啖麵一啖辣椒醬 真係冇得頂😋🌶🌶🌶🌶呢度嘅辣椒醬係最惹味，一入去職員就會放低兩疊係張枱度，食完就可以再出去refill總括嚟講，經開粉嶺可以食下老店，始終老店買少見少🫶一定要加辣椒醬啊👅

今日終於可試到群記的豬手及牛丸, 因最近多次經過都沒有開舖及有時又未有特別想吃吧, 今日叫了豬手牛丸米, 豬皮夠爽, 肉夠淋, 湯不咸, 不過辣椒醬卻很配合, 令肉味層次升級, 牛丸可不行, 質素和豬手相差太多, 完全無牛味, 希望店家可以改善

這食店在聯和墟已經好多年 一直以來都獲得好多好評 當然都有一定數量嘅負評 但其實都係好評比較多 再加上國內旅行書嘅宣傳 根本這裏就不愁沒有生意 對上一次光顧嘅時候 我都係叫淨食 牛丸還可以 但豬手就真係令人失望 那個家鄉炸卷得真的很差 硬到好似石頭一樣 最後係放棄唔食 今日特登來舊裁判法院參觀 因為那邊添飲咖啡廳結業了 所以重回這裡揾食 今次兩個人點了淨牛丸和豬手 沒有點選家鄉炸卷 今次來到第一印象超好 和以前嘅印象簡直係180度轉變 可能係因為冇晒國內遊客 淨牛丸我哋點了大碗 到來時真係超驚喜 真係大量 Size對比出面街外嘅就比較少 但如果女士應該就夠食了湯底普通 口感彈牙 比元朗勝利優勝很多 粒數又比尖沙咀海防道街市多好多 希望會繼續維持 今次份量真心多 $45絕對無投訴 這次比較多豬肉 上次去時只有大量豬骨 所以非常反感 今次突然之間那麼大方 真係好驚喜豬肉食落都算滿意 味道唔太鹹 都住得幾淋身 豬肉湯無咩味道 嗰啲骨都冇咩骨膠原 只可以講係食緊一推豬肉 但都算合格 食店裏有飲品售賣 全部都係盒裝和樽裝 沒有手沖飲品 都有清水任飲 可以再試

喺粉嶺,  經常都會食群記,   真係由細食到大,   的確係久唔久又會再想去食一次嘅小店,  佢地到今時今日都係無冷氣..    呢下係真係堅 星期日friend子又喺粉嶺, 決定又去食一次,  排隊就基本喇,   但係明顯真係無以前咁多人,  可能因為而家少左人出街食?  或者可能真係太熱都唔會食群記 ? (當時室外體感溫度係39度)我嘅「例牌」一直都係 豬手牛丸米粉 加 家鄉炸卷,     佢嘅湯底同牛丸,   真係咁多年都 keep 到,   豬手就無以前咁濃肉味,  但係處理上都依然係做得好好,  好腍, 基上都係啖啖肉.   如果可以食辣嘅朋友, 記得食佢個辣油,   係出色嘅,   佢唔係好辣嘅啫~   但係連肉食真係昇華到成件事嘅..    同埋辣油可以自助添食的,  但係記得用返你坐低果陣佢畀你隻碟仔出去添..  唔好攞過隻新碟,   如果唔係店員們會好唔開心架好多食左群記好多年嘅人都話佢嚟到呢一代 質素唔同左,   個炸卷就真係最明顯喇,     以前係色香味脆一應俱全 ,   而家一上枱果下就已經散晒,   切又切得求其,  仲係幾舊連住晒嘅..   外皮完全唔脆

今日陪貓貓身體檢查，原來附近有間粉嶺街坊推介必食餐廳。所以等貓貓嘅時候順便去試吓呢間人氣店。當時11點，去到門口已經有好多人等外賣，而一入去餐廳已經全場滿座。聽聞去到一點已經會賣晒。我見餐牌好簡單，主要食豬手牛丸同牛肉。我就叫咗豬手牛丸麵同油菜。👅 𝓜𝓮𝓷𝓾𝓼🌟豬手豬手皮好彈牙，肉質好淋，豬手沒有豬羶味，食落好有膠質。雖然只用清湯煮，反而突出左豬手嘅味道。再配上自家製辣椒醬油，好惹味。🌟牛丸麵（大）相對牛丸沒有豬手咁出色， 牛丸冇汁亦不覺彈牙，有牛味，比較一般。湯麵係普通鹼水麵同埋湯底味精味好重。勝在牛丸份量有12粒，加埋辣椒油食就好食好多。～整體黎講🍽～豬手好食，如經開粉嶺還是值得一試。