群記牛肉圓豬手

營業中

休息中

粉嶺，聯和墟，👧🏻唔洗用腦諗就一定係去食群記豬手麵！今次👦🏻👧🏻Weekend 下午一點幾先去到，好可惜最愛吃嘅炸卷(腐皮牛肉卷)已經賣曬🥲，所以決定一人一碗麵填下肚就算！🌟豬手/牛丸/牛腩河平時👧🏻就好少食豬手，因為冇肉食😨同埋唔食皮。不過群記嘅豬手會有幾舊去骨多肉+幾舊連皮骨，炆得好腍身，食豬手嚟講都算食得好方便！皮亦煮得腍身又充滿骨膠原。再點埋佢地嘅招牌辣椒油🌶️調味，有蒜香🧄+辣得隱晦，辣度慢慢慘出，真係會令人心思思Encore!!至少群記嘅牛丸亦係十分Signature! 全部都係細細粒，幾彈牙同重牛肉味，都係值得一試！牛腩就相對以上兩款冇咁特別。

粉嶺人氣美食, 群記應在三甲之內,究竟有冇言過其實呢?黎! 一試便知龍與鳳，仲食咗從未試過既家鄉炸卷未到12點已見人龍好彩好多係嗌外賣, 等咗約20分鐘有得入舊式港風裝修, 買少見少.瓷磚風扇配摺凳, 別有一番風味.原本仲响openrice研究舊式菜單既上X字即係幾多錢,入黎發現已經變返普通中文家鄉炸卷($40)腐皮卷住d鹹牛肉, 聯想起嗰啲豬血糕之類既野, 但味道又唔似, 呈暗紅色, 食落有啲乾, 從未食過呢樣食物問店員入面呢啲咩黎, 佢答: 牛肉。多謝晒. 應該係有面粉.口感較硬, 不糯. 份量頗大, 3個人各自嗌咗粉面既情況下, 有啲困難先食得晒.豬手面(大)($45)佢豬手既份量比想像中多好多.碗仔細細, 豬手都有5, 6件, 肉質結實, 唔係sell骨膠原, 而係啖啖肉, 富肉淡淡咸香, 調味不重手配埋個辣椒醬真係好惹味.(辣椒醬一入座已經每人一小碟, 可以拎隻碟出去自己再添, 讚!)湯頭較清, 面就正常, 配咗辣椒醬我可以兩、三啖食晒總結我地食完之後都覺得唔錯, 雖然個人較prefer膠感厚既豬手, 但呢度豬手都好好食, 尤其加咗辣椒醬後, 好惹味.價錢亦唔算貴了, 有機會

📍 群記牛肉圓豬手 (粉嶺)粉嶺聯和墟聯昌街5號豐景樓地下麵店係一間老字號小店，仲係平米芝連之選🤩長期都要排隊，但係餐廳上餐速度快 ，所以翻枱速度好快，門口就算長龍，都唔係話要等好耐，就有得入去👌🏾 格內裝修簡陋，都係一種風味嚟。👉 淨豬手💰37😋😋😋😋/5個豬手用上湯烚，份量多！豬手即叫即斬，豬手夠腍，豬皮有咬口，而且多肉少骨，真係啖啖肉，但又唔會肥膩，因為真係肉多，皮爽 。另外一定要加個秘製辣椒油，辣椒油係香多過辣，只要配搭豬手一齊食成件事昇華晒。回頭: yes ，平民地道👍🏻同埋我未試到家鄉牛捲🥲🥲#kermit食在粉嶺

粉嶺名物群記豬手間中都會嚟幫襯，不過假期通常晏晝去到已經冇晒家鄉齋卷，好多次都食唔到，於是趁今日星期六早啲出門口，搭正11點佢一開門就入去食，終於食到啦。佢個清湯豬手固然名不虛傳，因為今日可能要食好多餐，所以只係食咗個大size嘅淨豬手，再加一碟家鄉賺錢，成為$85。佢個豬手雖然係清湯煮，但係個味道都唔錯，好煙韌，點埋佢嘅秘製辣椒油就真係令人回味無窮。至於佢個家鄉炸卷其實就係腐皮包住鹹牛肉然後攞去炸，點啲醋好好味。

今日去左買之前食開豬手和牛肉卷，沒有選擇堂食只買外賣回家。味道大失水準，豬手湯底不夠濃郁，豬手份量減少。豬手骨多肉少，牛肉卷冇香味，皮脆。今日落單時，職員收堂食碟時都發現有客人點左牛肉卷但食左一兩塊，便離開餐廳。我回家品嘗後，都感到失望。😭

粉嶺對市區人士黎講真係幾遠下無咩事都唔會入嚟但係為咗食而入嚟都係一件大事嚟嘅呢間大名鼎鼎嘅豬手米應該所有粉嶺街坊都聽過佢大名仲吸引咗好多區外專登入嚟食添啊！豬手牛丸米其實唔太知價錢，因為唔識睇花碼貼埋個價錢表比大家參詳下講返豬手先，真係好好味又勁多，鋪滿哂碗米粉豬手皮勁彈牙啲肉又軟淋淋而且鹹度適中，唔會醃到過哂龍而牛丸就普通啦，冇咩驚喜冇咩汁同其他地方分別不大下次可以淨食豬手另外不得不提佢一辣椒油簡直係精髓黎！自家製勁香完全將個豬手米再昇華另一個層次見到枱枱都不停落不停加p.s.其實勁想食佢炸卷但3pm到去已經賣哂想食嘅朋友記得早啲去

久聞群記牛丸之名，尤其對其辣椒油感興趣，可惜衹在新年前夕限量供應外賣辣油。今日特地由市區入來試食臨行前還特地致電確認有辣椒油售賣，可惜最後還是買不到😨一場來到試食下牛丸伴辣油。牛丸粉多偏林，肉味不出眾，辣油偏甜，可能伴燒賣吃較合適。重點是服務差，唔憂做。沒有下次。勸大家不要特登來食。

今日黎到粉嶺一帶探親，一場黎到其他區，當然試下呢一區既美食啦。上網搵資料下，搵到呢間豬手麵非常非常出面，堂食既話閒閒地都排一個鍾以上。既然黎到，一於試試一黎到就拎飛等，等左一個鍾，出名舖面多人，都預左，所以都無唔耐煩。入到去叫左一碗牛丸麵。一碗豬手麵。牛丸非常彈牙，一食就知係手造，唔似用機造口感咁假。有6粒牛丸，都算多，而且粒粒都係好正，好重牛肉味。至於豬手就好嫩身，食得出豬骨個種鮮味。我鍾意食骨，所以好正。確實兩種麵都係好味，雖然份量唔多，但質量係超水準。不過大家就預左排隊真係要等等，無計，食好味野係要付出。

長年很多人排隊的老店，清湯豬手確實是美味，點了大碗的淨豬手再加一碗細的淨牛丸，唯一可惜是家鄉炸卷已經賣光，早上11時開始營業，未到下午1時已售罄，真厲害。雖然只是用清湯去烹調，豬手的味道卻出乎意料地好，肉質夠彈牙又不會太煙韌，沒有豬羶味，難怪那麼多支持者。牛丸也不錯，牛味還可以，亦彈牙，當然比豬手稍為遜色，不過亦值得一試。

我係九龍人，黎緊要搬入粉嶺區住，今日趁中午時段，去聯和墟試吓呢間老店。只係叫左個牛丸豬手河，牛丸好爽口彈牙，無渣，肉味濃郁，可惜既係只得幾粒，唔多夠喉。豬手同樣係新鮮爽口彈牙，無羶味。最重要係啲筋唔黐牙，而辣椒油真係呢間老店既精粹所在，本人一向都唔好食辣椒油，但係既然一場黎到，點都要試吓。一係唔試，一試就上左癮，味道唔算太辣，而且有啲蒜香味道。成碗河粉連湯及辣椒油食到乾乾淨淨。到正式搬入粉嶺區都會去呢度買下外賣返去食既。

放假去行山，由嘉道理農場行去粉嶺。聽聞過聯和墟有間老店好好食，終於嚟到食一次。兩點幾去到要等4-5張枱。呢d下午茶時間都好多人。不過最重要就係豬手未賣晒，有得試！等咗15分鐘就坐低，三個人叫左多份淨豬手、淨牛丸同淨牛腩。淨豬手軟硬程度適中，有清清地既鹹香同埋鮮味，係好難食到既一種comfort food 既感覺。可惜都係冰鮮豬手，不過都明白嘅新鮮豬手唔賣百幾蚊都圍唔到本。淨牛丸牛丸爽口，有牛肉味，合格。淨牛腩係廣東式嘅炆牛腩，味道偏淡，牛腩嘅話我都係想濃味潮州腩多點。

粉嶺人氣豬手牛丸麵店✨充滿歷史痕跡的小店🌈雖然餐牌上只有幾款食物，但已足夠！👍🏻小店黃昏前就關門，想吃趁日頭時去呢！☀️店外長期排長龍，證明極具人氣✨《豬手麵》小$37美味豬手鋪滿整碗麵，肥美的豬皮連著啖啖肉的豬手，而且是軟淋淋！很滿足呀！連骨的也很美味！👍🏻《牛腩撈麵》$43正常的原汁牛腩✨《牛丸》大$34爽口牛丸，大碗有14粒，很滿足呀！一口牛丸！👍🏻總結：經典小店，豬手無得頂！✨

群記內部裝潢富有年代感，因為無冷氣，所以冬天去食嘢會舒適D。牛肉圓小小一粒，但係牛肉味香濃，丸子口感Q彈。我覺得好食過豬手。豬手肉質鮮嫩，湯底味十足，不過偶爾會食到一兩塊豬手帶有豬臊味。搭配辣椒油一齊食會好很多。份量有大細可選，同埋可以選唔同嘅粉麵來搭配。

平日唔夠12:30已經有一大班人在門口等候A類餐廳🍴2人一桌餐桌餐椅都係普通摺檯及圓椅坐位唔會舒服，環境可能人太多會有嘈吵的感覺，總之要求環境舒服😌就真係要認真考慮牛丸比我早幾年去食好像真係差了，唔彈牙。口感不太特別。本人對豬手不太喜歡但都覺得唔錯牛肉卷建議大家要試第一啖落口覺得好有牛味又大碟，兩個人分嚟食都覺份量太多不過建議大家都要食大碗麵因為大碗麵其實和其他餐廳麵的份量差不多反而叫細碗就真係好袖珍。

今日有位教會姐妹帶我們去了粉嶺工業大厦購買精品，不知不覺在倉內閒逛個多小時，買了少少心頭好🥰🥰，有位朋友仔就大出血了，為了五個寶寶，就隨心的揀選了很多禮物。好似有預感的一樣，知道自已買的東西要用多少錢？😂😂將銀包有的錢，全數用盡🤣🤣。真喺計都無噤啱。買完嘢後，我們行了去聯和墟找一店吃豬手。這店，朋友對我説了很多次，粉嶺有間食豬手很出名的店，今天終於都可一試。唔到現場都想像不到，在平日2點幾都要排隊等位😅排我們前面的三人，由於要等位，都不等，走了。我們大約等了十分鐘左右，就可入座。我們坐到最後一張枱，店員很親切，見我們攞住一袋二袋，會説可放在汽水上都得㗎。👍☺️一坐下，他們就過來問我們點什麼食物。叫了碗牛腩拼豬手河，食物都要一些時間才送到，溫溫的湯河配鋪滿了牛腩及豬手在上面。先夾了一件豬肉放入口，肉質又腍又軟，但味道偏少少咸。☺️牛丸大小適中，一粒一口，很方式，但味道也是偏咸少少。雖然我不是很喜歡辣，但不能不説的，就是他們的辣椒沺，真的很香，很好味。整體來說，如果啲湯能夠熱騰騰會更美味。