翁記上海館 (已結業)

星期六去了朋友屋企，佢帶了我去附近這間食上海菜的餐廳。午市除了有套餐外還有多款上海小食及前菜，價錢就比外面的大型上海菜館平一大截，而且味道都不錯。食上海菜必點小籠包，這裏的小籠包皮不算太薄，但勝在不易夾穿而且裏面湯汁豐富。大熱天時最鍾意食拍青瓜，冰涼又清爽而且還帶點辣味，令人覺得很開胃。另一小食花鵰醉雞亦是我至愛，但這個醉雞酒味很淡，似乎是未浸得夠時間，勝在雞肉嫩滑。最後叫了三鮮炒拉麵，炒麵望落去一點都不油膩，有蝦仁、雞肉、火腿及芽菜做配料，拉麵炒得很爽口，完全唔糊，最重要係無油淋淋，非常健康。豆漿20亦都要必讚，豆味濃郁，似係用腐皮煲開，而且唔會太甜。

今日行過見到依間上海菜館，見到都幾多人食野，望望價錢又唔貴，職員又好熱情咁介紹。一於黎食下啦。 反正我同朋友都挺喜歡食上海菜-每次去食上海野，點都要食小龍包！🌟小龍包 4隻 熱辣辣新鮮出爐的小龍包總是令人著迷😍大大粒既小龍包，熱騰騰既濃郁肉汁吃罷令人有種幸福的感覺-🌟雞絲粉皮 這個非常開胃的涼拌菜，絕對是夏日必吃！雞絲份量很多，滑溜粉皮拌上香滑的花生醬消暑佳品👍🏻 令人一口接一口停不了😋-🌟花雕醉雞（例）雞肉夠新鮮，帶著淡淡的酒香 $52 抵食亦有水準-🌟鮮肉鍋貼 最喜歡吃底部煎得香酥既鍋貼鍋貼大粒，麵皮Q彈, 而且肉餡多汁-除了一些前菜，我們還叫了兩個午飯套餐🌟奶油雲腿津白 煮好的白色奶油襯托白黃色既津白，給人很嫩滑既感覺。上面灑上帶咸香既火腿，提昇口味。勾芡亦不會過多，不會太膩。配上健康菜飯👍🏻P.S 菜飯都相當大碗呢-🌟蝦仁炒蛋飯 雖說是簡單既材料，但這道菜火候及速度掌握都很重要呢。餐廳這份蝦仁蛋，蛋炒得都很鬆嫩，蝦仁份量多，加上青豆有彈牙既口感-餐廳既老火湯都唔錯呀 冇味精又足料-今餐超級大滿足😍

宜間上海餐館平靚正，好味得來又合乎經濟原則！難怪客遲雲來！椒鹽骨客飯有餐飲，又有餐湯，非常豐富！值得一值餐湯真材實料，唔會太鹹，好有住家菜feel呀！椒鹽骨炸得香見香口，加上小小既辣勁，令人愈食愈滋味！上海菜必食既指定動作當然是小籠包喇！小籠包皮薄肉汁豐富，入面既肉餡餡料脹卜卜，啖啖食，非常好食！四川擔擔麵辣辣的，又充滿花生麻醬香味，是我最喜歡的口味呀！麵條粗幼適中，口感煙靭，正呀！喜歡食辣既我再order了紅油抄手。辣得黎又帶點麻，麻與辣之間平衡得唔錯！！薄薄既餛飩皮，包裹著多汁入味的肉餡，無得輸呀！

慈雲山中心附近的毓華里，是今日少有保留著一些傳統街坊食肆的地方，特別喜歡一些街坊小店，一家人用心經營，特別有人情味，特別親切呢間位處慈華里的上海鋪，雖然位置並不當街，但正正因爲咁，個人覺得特別有味道，特別係佢地親手做嘅小籠包，真係可以話讓我尋回兒時的回憶，特別係少年時在屋村長大的我，那時候的上海舖感覺，今天彷彿重現眼前細個時候，去上海舖食嘢，飲一杯冰凍豆漿，已經覺得係最大嘅享受，今天當然不會錯過喇先來一客賽螃蟹，色澤如白雪，上面加了少許蟹籽，質感像蟹肉，送飯一流翁記小籠包，絕對是這裡的招牌菜，上湯肉餡份量夠，挾起时候要特別小心弄穿，盡量挾著包的上端，點上一點醬油浙醋，美味可口小食煙鴨絲春卷，金黃外皮，脆卜卜，咬開內層，肉香味美，配料豐富酸辣湯是我必點上海菜之一，加埋麵又可滿足兩個願望，湯底酸、辣味道恰到好處，料頭十足，麵質彈牙爽口小炒銀芽鱔糊，起了出來的黃鱔肉用來做了銀芽炒鱔糊，非常好吃，而且又滋補，吃出癮頭，必點菜式小店風情，人情味濃，服務街坊，特別值得支持，價錢經濟實惠，食咁多嘢，埋單唔使2百元，就算唔順路，特登過來都抵啦

今日難得放假，晚上約了媽咪食上海野，最近聽朋友講慈雲山有間平靚正既上海野食，我和媽咪一於試下先！入到去餐館環境比較窄，但都有幾張大枱，尚算唔錯啦，人流都算多，餐館老闆都欣勤招呼，介紹不同菜色，服務都不錯👍上海小籠包4隻（跟餐送）期待已久的小籠包送上，打開籠蓋，煙冒出來的樣子，未食已被吸引。肉餡非常鮮味，湯汁豐盈，值得一試，若皮能再做薄一點，則會是一流級數。紅燒獅子頭$68獅子頭以大而圓、嫩且鮮著稱，醇香味濃的肉塊與汁液，是肉食愛好者們無法抵擋的美味，再配上小白菜食起來不會太油，很好食！份量都算多！排骨粗炒麵$48粗麵煮得剛好，彈牙有咬口，而醬油均勻掛在每條粗麵上，炒得香口，粗麵微咸有咬口，非常好! 排骨鬆軟脆口，超正!份量足夠一個大男人的胃口！花鵰醉雞 $52有時食醉雞好驚太醉，令雞肉變苦；但今次品嘗到既醉雞就醉得入味，恰到好處，雞肉又夠大件又嫩滑，係好合適既開胃小菜。四川擔擔麵 $32呢個四川擔擔麵認真辣得過癮，初初食時唔係好辣，但越食越辣...越辣越想食。個醬整得唔錯，花生名香濃，麵條爽口彈牙，口感一流！

平時都唔係好食魚但呢個糖醋魚，酸甜度適中用黎送白飯非常開胃魚肉都好嫩滑👍🏻，無雪味唔食魚既朋友都可以試下叫左個小籠包麵既套餐一籠小籠包加一款麵本身想試酸辣粉，但賣晒唯有試下個雪菜拉麵唔知係咪太多外賣單既關係所以堂食出餸有啲慢小籠包黎到唔算好熱，皮亦有少少硬湯汁都夠既，唔算太濃雪菜拉麵，麵質都滑既湯底都好清，雪菜味比較淡唔想食太濃既，都係唔錯既選擇炸銀絲卷，略嫌多油，比較普通總共$100，價錢黎講都好親民！

翁記雖然係小店，但絕對唔比一般連鎖店差，甚至更好！食過好多客飯 ，其實樣樣都唔錯。今次朋友介紹佢常叫的水煮牛肉。首先，味道夠辣但唔係只係一味加辣椒油個辣。一碗裡面都搵到兩種唔同辣椒。我估佢有自己秘方水煮湯底。牛肉🐮🐮份量多之餘，配菜都好多。芽菜，薯粉好多！有咁多薯粉咁多仲要跟埋飯~感覺淨係碗餸都已經係一個正餐。大大份！套餐仲有中湯+飲品，加埋$49。中湯味精唔算重，還可以，未至於係例水。如果揀豆漿就+$2。小插曲:食既時候發現俾少兩碗白飯。打去舖頭姨姨好緊張，話即刻送返俾我地。腳程起碼10分鐘，佢極速5分鐘就送返俾我地~值得一讚！

今次第2次食，叫咗兩個餐，四川擔擔麵餐同酸辣麵餐，每個餐分別都有一碗麵，四隻小籠包同埋一杯嘢飲，每個餐$46四川擔擔麵有小小肉碎炸菜花生醬湯底，一黎到已經聞好香嘅花生醬味，炸菜爽口唔鹹，麵質唔會唔糊口酸辣麵有筍豆腐蛋木耳，湯底唔會好辣，麵質都唔會過淋小籠包呢個比上次食嘅口感差咗，入面啲肉入口比較散唔係要佢好實但係舊肉令到覺得唔似食小籠包，好彩個皮唔厚同唔硬，入面都可以保持juicy凍豆漿唔會太甜，豆味喺街黎講可以接受(因為屋企有整豆漿嘅習慣，所以本人對豆漿嘅要求比較高)凍檸茶(+$2)唔會太甜，茶味可以

因為有朋友介紹，過黎新蒲崗村道睇跌打，作為一個小籠包追隨者，睇到有一間上海菜館，緊係去試下啦！我同朋友兩個人，叫左1碗酸辣麵送豆漿-同我平時食開既唔同，佢呢道係比較水狀，無豬肚、豬皮，啲麪比較有咬口，但我本身鐘意食淋啲的😌4隻鍋貼-煎得好脆但無肉汁的8隻小籠包-我相信正宗上海小籠包係咁既樣，啲皮係比較厚身，都算多汁既，但兩籠包各有一粒爛皮🙄=$96埋單，都算抵食既題外話，我見隔離幾檯啲白飯、同菜飯都裝得好滿，有一個小山丘，飯量十足👍🏼

呢到小籠包算唔錯,味道本身已經好,湯又多,味道濃, 最大原因係價錢都唔貴!我地叫左2籠黎食! 去到既話必試係呢個~醉雞, 雞肉都算滑,酒味好重下,肉身都係新鮮同鬆軟擔擔麵係比較大碗,麵身有D過軟,如果爽口d會更好食同彈牙!湯底算唔錯,夠濃~炒牛肉,都係比較好食既菜式, 唯份量有點少不過牛肉偏貴無計啦~菜比較香, 因為用左好多料去爆香佢~牛肉係軟身為主~配埋佢d汁好味~整體餐廳比較細間, 坐得會比較逼d 價錢平民價,服務算熱情~!

今日熱到乜 街都唔想出HEA左成日冇咁熱先出街行下上網睇下有咩好食咁岩搵到尼間食小籠包既又唔算貴 決定一試40蚊 一個小籠包+個擔擔麵麵質似拉麵  個湯底傑多小小會好好多個小籠包真係好正 多湯 又簿 夠晒味 難怪個個都叫我叫左一個雞湯麵麵就少 料就超多 個湯超好飲雞又好滑 唔似出面果D 又料少 麵多 雞唔滑咁我見隔離台個湯餃幾靚又叫多客A_A22蚊5粒 都幾足料 個湯又係好好飲下次會試個飯 我都見好多人食 

慈雲山不嬲多野食 但又點諗過食上海野既店係咁少。最重要係尼間小小地既舖頭令食客讚不絕口！Tea三個人食左個小籠包餐 配擔擔麵 加飲品都只係$44 呀真係好抵呀！平時出去食個麵都要30-40 小籠包即叫即蒸 湯足 不過我覺得個皮可以進步啲薄番啲！而上海粗粉份量多 唔會太咸！！麵煙煙un un的係驚喜 三人食個tea 都係$80😍😍❤️❤️

As we are rushing for a movie this evening, and so, right after we parked our car on the road side, we spotted this little shop that offer reasonable Shanghainese, and value set at dinner time, so we give it a try.Quite a surprising thing to us is that, the portion offered by this shop is great, there are four of us, and the starter comes in with quite a good size for us to share.  Chicken in wine (Drunk Chicken) was nicely done, although some may find the chicken pieces is a bit too big, but it

掃墓完, 在附近找找有没有好吃的看到這間食評不錯的店舖~故去嚐試一下店內小小的環境, 坐滿了客人, 看來這小店在這區亦算出名!!喜歡吃肴肉的我, 點了這個小吃~賣相非常討好~晶瑩通透的!啫喱部份及肉的比例剛好~吃落口感一流!另外味道我亦覺得已經足夠, 基本上不用沾任何醬料也夠味!另外點了小籠包及鍋貼, 點了這兩個後才發現每枱人均點生煎包看來生煎包才是這裡招牌, 可惜點了太多主吃, 吃不下...下次要試一試這裡的鍋貼及小籠包不過不失~較喜歡鍋貼足滿肉汁的的口感及味道~最後點了一客醬鴨~這個真的超超超濃味!不吃飯真的吃不了很多建議必須配飯吃..而且不接受濃味的可能不太喜歡吃

到慈雲山找老朋友，他帶我來了一家新開張的上海食店。店面小小，座位不算太舒適，但兩個男人也就不用介意吧！環境不算很高級，但食物卻很好吃，價錢也是意外的便宜。餐牌上大部分的食物也是20-40大元不等，物價彷彿是倒退了二十年一般。小籠包餐更是「抵到爛」，晚市的麵餐配上一籠小籠包，竟是四十多。我點了麵餐後，朋友發板點了好幾款食物。最好吃的是紅油抄手，辣味只佔一小部分，更突出的是蒜香、蔥香，和肉餡的鮮香。雞絲粉皮用料也十分豐富，滿滿的雞絲鋪滿粉皮面，涼涼的很開胃。說回麵餐的小籠包，湯汁十分多，一咬開即溢出，要小心進食。如皮能薄一點更佳。四川擔擔麵有基本的水準，雖然沒有太大的驚喜，但性價比是很高的。最後來了一盤水煮牛肉和津白，兩款菜式也做得不錯。牛肉煮得很軟很入味，辣味當中有一點點的麻，有點刺激。奶油津白很重奶油白，質感也是偏濃厚的。整體而言，食物不算非常突出，但也蠻好吃的。而價格是每位一百大元，真的很抵。