翁記上海館 (已結業)

最近係慈雲山搵到間抵食同好食既上海飯堂 無論叫客飯定還是小籠包擔擔麵等都非常抵食小胖女一向夜晚都有舖想食飯既心癮,所以去到坐低見到有回鍋肉同埋乾扁四季豆,都流曬口水話要食,小菜即叫即炒 可以加錢配白飯同豆漿,白飯仲可以轉做健康既菜飯 回鍋肉好大碟,唔算好辣炒得幾香,乾扁四季豆惹味得黎仲好夠鑊氣但食上海嘢冇理由唔叫擔擔麵同小籠包㗎嘛所以冒住飽到頂上喉嚨既風險都一定要叫小籠包同擔擔麵有套餐 五十蚊唔駛就有四隻小籠包同一大碗麵 味道仲要有返咁上下 送埋豆漿 難以置信咁抵食食埋個練奶銀絲卷做甜品 飽到不得了

是日放工後去慈雲山換領禮品而慈雲山真的不太清楚有什麼好吃,決定問問朋友來陪我一個快速覓食之旅。呢晚我們六時點多就來到了,慈雲山發現週邊小店都幾多，但呢間上海菜館望落相對感覺吸引一點門面簡簡單單內外都勝在夠光猛同埋非常整潔！望多望價錢又唔貴就選擇了食上海菜啦。入到去就明顯係家庭式小店，屋村小生意入面大約有8到10張圓檯，檯數不多，反而令空間變得舒適，絕不會有背貼背既壓力，岩晒落街食飯舒舒服服。坐得舒服自己食都開心點，對不對呢！呢度既雲石紋既圓木檯木椅子，在簡潔之中略增一點貴氣因為好少屋村會對檯木椅子有一些特別的要求而且見到檣上貼滿所有菜式既close up，看圖點菜，唔怕點錯菜啦。但餐牌上都有多種選擇的套餐、散叫什麼都可以，街坊價錢完全超平！阿翁上湯小籠包(4隻) $15畢竟是招牌菜又係親手做嘅小籠包，熱辣辣岀蒸爐眼看小籠包製作手工唔錯，夾起黎而又唔穿已經先過一關裏面湯汁超級多，而且餡料豐厚，同岀面其他大牌上海館相比，完全毫不遜色，最重要係夠抵食。$15，$15，$15.......有(4隻)...點醬油浙醋美味可口,唔點就一般，因為相對淡口，肉味不夠濃。宋嫂魚羹 $65宋嫂魚羹係正宗既

來到慈雲山搵食, 見呢間野都幾多好評就試下。叫左個口水雞麵SET, 不過我地加左10蚊, 將個飲品轉做酸辣湯。口水雞麵: 口水雞有好多花生醬, 同少少辣油, 完全唔辣GE, 不過加左花生醬都好惹味, 岩我呢D 唔食辣GE人。麵就是普通清湯+麵, 所以我地轉左酸辣湯, 用來溝來食。酸辣湯: 估唔到咁大碗, 淨係食佢都飽.... 不過唔夠酸同辣, 入面都是豆腐呀, 海帶呀果D LAW, 正正常常。'蔥油餅: 都幾大個, 佢地應該特登翻熱, 所以好熱辣辣, 上面好多芝麻, 入面好多蔥, 不過味道淡左, 令到蔥味唔夠突出。

世界這麼大，今日到達慈雲山，先做完公事，朋友就相約不如食下午茶，當然恭敬不如從命，一定要會一會佢。朋友就介紹食上海嘢，一開頭行咗好耐都搵唔到，本身仲諗住放棄，加上見到網上面門面，好似唔算華麗，仲有啲擔心。食物點咗好多，其實每樣都幾好食。水晶肴肉， 夠曬凍，完全冇骨，入口唔肥膩。花雕醉雞， 花雕味十足，加上用了新鮮。阿翁上湯小籠包， 冇諗過咁出色，一口入口已經成後都係湯，最重要夾上手，完全唔會爛。上海生煎包， 一樣都係最重要嘅就係個包皮， 完全唔淋口。紅油抄手，入辣味十足。奶油雲腿津白， 煮得充滿上海味道。上海粗抄（精選）， 一樣都係上海菜必食。有機會都要在食，味道都唔錯，最重要價錢唔貴。

今日和朋友往翁記上海館食晚飯慶祝朋友生日, 我們點了銀牙炒鱔糊, 酥炸雞扒菜飯、阿翁上湯小籠包8件、香酥排骨、鮮肉鍋貼、凍奶茶和酒釀桂花湯丸。銀牙炒鱔糊食落味道香濃, 銀牙爽口, 鱔糊食落惹味；酥炸雞扒菜飯雞扒食落香脆, 肉質鮮嫩啖啖肉, 配上醬汁食落惹味, 菜飯食落軟綿, 菜好爽口, 菜飯套餐配上例湯, 今日是菜乾朱骨湯, 菜乾味道適中, 湯味道鮮甜, 朱骨美味；阿翁上湯小籠包賣相一流, 皮薄餡靚, 湯汁味道鮮甜, 肉質鮮甜味美；香酥排骨炸得金黃, 食落啖啖肉, 食落惹味；鮮肉鍋貼煎得剛剛好, 鍋貼皮落香脆, 食落不感到油膩, 口感味美；凍奶茶茶味香濃；最後酒釀桂花湯丸食落酒味香醇, 桂花味道適中食落不會感到太甜, 丸子皮薄, 食落醒胃。餐廳座位舒適, 食物美味, 賣相一流,價錢合理, 我和壽星仔食了一頓美味上海菜。

星期日上左去慈雲山 聽啲朋友講而家嗰邊好多嘢食 行完慈雲山廣場落到下面嘅橫街見到有一間阿翁上海館 六點幾已經好多人食 我諗應該唔錯掛 所以入去試下睇佢啲餐牌好多嘢食 種類好多而且價錢仲好平叫咗個水晶餚肉 餚肉整到一層啫喱一層肉 加啲黑醋好好味花雕醉雞 啲份量都好多好大碟 醉雞整得幾香同滑 有酒味食上海嘢點少得小籠包同埋擔擔麵嗰度個夥記好好 提我地小籠包可以同擔擔麵轉套餐 兩樣嘢加埋都係48蚊 抵食小籠包入面係有湯嘅同埋啲肉都頗滑個四川擔擔麵轉咗套餐都好大碗 個湯都做得好夠濃味 麵亦剛好唔會太淋其實本身諗住叫小籠包就算 但落單嘅時候見到餐牌上海菜肉雲吞五隻都係28蚊 又忍唔住叫埋值得一讚就係菜肉餛飩既皮同小籠包一樣 好滑同唔會太厚再食埋百頁結烤肉 真係飽到頂上心口 即使見佢啲甜品又平又多款都已經飽到食唔落 唯有下次有機會再試

滂沱大雨的一天，我們又去了慈雲山的翁記，上次晚餐令人回味，今次就是午餐了。先來一杯熱豆漿，非常熱，不過豆味不算太濃。小籠包+麵食經濟套餐，依舊要點。酸辣湯（小）$42份量比想像中多，4個人分享也可，酸辣湯是少辣，黑木耳、豆腐、竹筍等配料十足。四川擔擔麵上檯已傳來陣陣花生香味有肉碎、酸菜等，麵質適中，不過辣度太小。小籠包即點即蒸，份量比一般的大小小。皮算薄，豐富豬肉餡料有肉汁，不錯。再encore生煎包 $28好似比上次大隻左好多，哈哈。生煎包上層是鬆軟，底下是香脆肉餡仍是juicy美味，是值得一試的美食。

係附近剪完頭髮之後搵咗間上海菜館食飯餐廳既食物款式好多，大大份而且超抵食職員個個都好親切，唔怪得好多人黎食，仲不停有外賣咸肉炒年糕 $48好耐冇食過炒年糕，淨係年糕都有八款，花多眼亂最後朋友揀咗咸肉炒， 年糕煙韌，連埋半肥瘦豬肉一齊炒非常香， 大大碟50蚊都唔使宋嫂魚羮 $65好大湯碗既魚羮又足料，有6,7碗既份量味道唔錯，魚肉嫩滑，成個魚羹都好香濃椒鹽骨 $60椒鹽骨有少少偏乾，不過肉質都幾嫩阿翁上湯小籠包 $28小籠包既皮較厚，裹面包住熱辣辣既湯汁，湯汁好鮮甜，肉餡美味又大份

兩公婆最近去左慈雲山食野，尤其喜愛家庭式小店今次主打上海野，經濟實惠，因為做街坊生意都人來人往，當晚天氣差落著旁跎大雨，食飽回家較方便！店員好窩心，點解咁講呢，我雖然唔係成日幫陣，但我揾位先坐低而老公拍好車先入黎，店員就整碗例湯比我嘆下先，仲要好足料添！青紅蘿蔔豬骨湯 冷盤~ 水晶肴肉鹹香肉嫩還有著入口慢慢溶化嘅肉汁凍，醮點醋同食即時提升口感！上海排骨粗炒 鑊氣夠即叫即炒，惹味有著濃油赤醬的上海食物特色！ 小龍包肉汁較少皮偏厚身 炒回窩肉客飯老公每次食上海野時必叫，但今次嘅回窩肉無左豆乾點都差些少，味就夠不過無辣味！飽到連甜品也都無位裝！

今日又嚟食上海菜❤️位置都唔算難搵，由觀塘搭巴士嚟半個鐘頭車程左右，一落車行多兩分鐘就到非，常之方便㗎👍呢個海蜇味道偏淡，如果可以雪凍番啲就好喇😁唔好以為細碗係一細碗，係一細個大碗如🤣果冇三至四個人好難食得曬，而且非常之多料，味道亦都非常之濃郁🤤個粉皮都幾彈牙，而且好大份加上爽口嘅青瓜同埋雞肉絲，夾埋啲醬汁食都幾開胃㗎😍一來到就標曬煙，一咬開啲湯汁流到成碗都係🤣雖然餡料唔算好多，但食落都幾鮮甜😎一啲都唔咸，而且每粒入面嘅餡都非常之大粒，夠曬香同嘢味😀魚柳一啲雪藏味都冇，而且好嫩滑，外層依然咁香脆，加上酸酸甜甜嘅糖醋汁，非常之開胃，咁嘅價錢仲會跟個老火湯，豆漿同埋一碗飯非常之抵食👍豆漿都幾香豆味，一啲都唔會死甜。老火湯真係幾足料，又唔會好油膩💖呢個甜品真係一大窩黎，年糕非常之嫩滑加埋淡淡清香嘅桂花香味同埋酒，仲有蛋絲，係非常之好味，亦都唔會覺得好漏😘😘

平時好少上到黎慈雲山今日送朋友返屋企傾傾下就上左黎行到餓就要覓食就黎呢到食一入門口已經見到大大塊banner好明顯小籠包係呢度既主打就叫左個套餐小籠包好快就送到一咬落去肉汁爆哂出黎係好正宗皮入面有湯汁爆開既小籠包外皮唔算超簿食落有少少煙軔口感好特別 連埋套餐有個酸辣拉麵呢度既拉麫係正宗既上海拉麫質感比較厚實食落好飽肚而且份量十足大大碗就算係大食男都夠食最正係個酸辣湯味道超正宗唔會得酸味冇辣味而且好足料食落好惹味 另外我地都叫左啲小菜呢碟糖醋魚柳嘅糖醋味道好香甜酸同甜味夾得好好又開胃又可以送飯食魚柳炸得好好咬落去魚肉好新鮮熱辣辣而且魚油甘香 食落太開胃叫多左個魯肉炒飯本身係因為未試過所以先想試一試點完先醒起應該只係普通既豬肉炒飯一黎到果然係五花腩炒飯點知超級有驚喜只係四十幾蚊好大碟好足料炒飯只係用普通既豉油炒但功架十足粒粒都精瑩飽滿豉油既香味十足魯肉既滷水味好入味食落有少少肥膩但真係好香口好好味 平時食上海野都要飲豆漿今次都唔例外呢到嘅豆漿係自家製冇落糖雖然冇平時飲既咁甜但豆既香味更加出而且更加健康

人長大了總會懷緬過去，學生時代生活簡樸，中午飯亦沒有太多選擇，最愛到屋村的上海舖、鍋貼、客飯、酸辣湯已經是很另類的美食。翁記上海館位於慈雲山慈華里3號，是一間家庭式的上海小館，主要是做街坊生意。餐牌有多種選擇，套餐和散叫種類也多，重點係價錢也很街坊。這兒的小籠包賣點並不是皮薄，只要你初嚐一口，確確實實是兒時的味道，或者師傅是我的年齡界別，學藝源自當年。輕咬小籠包，燙熱的上湯有如破壁一樣，肉汁爆發，新鮮熱辣，已經好好味。四川擔擔麵，麵線粗幼適中，微辣開胃醒神，最愛花生碎及濃濃的湯底，每吃一口麵都帶著湯汁，啖啖惹味👍👍👍紅油抄手的靈魂是醬汁，醬醋辣油調製非常出色，會令你不知不覺的吃多了，推介呢鮮肉鍋貼，脆軟外皮煎得恰到好處，再配上肉質鮮味的豬肉，忍不住嘴饞，前後柯打兩牒，足足吃了八隻才感覺滿足每次到上海店用餐，必點上海粗炒，最愛掛上了醬油的上海麵，偶爾一條肥美肉絲同樣有咬口，粗條椰菜亦係我所愛。春卷亦然，新鮮即炸，貪其脆口鬆化，餡料都是素菜為主，多吃也不會太膩醬油鴨配搭菜飯，鴨味濃郁，菜飯清淡，特別開胃，豐富又大體今晚這餐飯實而不華，款式多又經濟，吃飯期間，看見店員(應該是老闆)和街坊有傾

以前細細個屋企人成日會帶我去上海舖食飯，但時代變遷，很多舊式老店都逐漸式微，現今存活大多數是連鎖集團，實力雄厚，令一眾小本經營的餐廳越來越艱難。今日去了慈雲山的這間翁記，以上海菜為主，價錢大眾化而且款式多，食物味道亦不俗。竹笙火腿雲吞雞有4隻菜肉雲吞，亦嫌皮太多，餡較少，有大半隻雞肉，肉質尚算嫩滑，還有很多娃娃菜及竹笙，湯甜且鮮，飲完都唔會口渴。葱油拌海蜇海蜇爽脆，簡簡單單的香葱及麻油伴勻，一碟涼菜已經好好味。京醬前蹄元蹄跟燻蹄外型相似，不過是多了一個京醬，切成薄薄一片的醬蹄，膠質甚重，京醬皂山配搭一絕，再加上點酸菜，非常開胃。咸肉小唐菜咸肉是豬肺肉做成，令平平無其的小唐菜增添了咸香的肉味。炸銀絲卷外脆內軟，炸得不會太乾，點上煉奶，真是絕配。

今晚去左慈雲山探姑姐, 佢話同我食上海野, 就帶我黎到翁記上海館~我地先一人一杯豆漿解渴，然後叫左幾個餸一齊SHARE~小食方面有小籠包、醉雞～小籠包多汁，皮唔厚亦唔會好易穿，唔錯。而醉雞肉質嫩滑，充滿酒香味，讚！之後叫左個湯年糕，麻婆豆腐、咸肉津白．湯年糕好煙煙靭靭，而且湯好清～麻婆豆腐有D 麻味，但又整得幾多唔會話好辛辣，而且份量都好多。咸肉津白唔會覺得好咸，食落幾香，又甜。呢度食野一D 都唔貴又好食，難怪姑姐極力推介！

雖然成日黎慈雲山，但唔講唔知呢度竟然有上海菜食。餐廳位置唔算當眼，雖然鋪仔細細，但五臟俱全，無論係點心，甜品，冷盤，小菜定湯麵都有齊，鍾意食上海野既人千其唔好錯過呀！因為唔算特別肚餓，所以就無嗌到主食，反而嗌左冷盤，小食同小菜作為午餐。蔥油拌海蜇，份量超級多，三個人先岩岩好食得曬！蔥油味唔算濃，青瓜清新又開胃。上海菜又點少得小籠包～個皮略嫌厚左少少，但個餡都唔錯，咬落去熱辣辣既湯汁爆出黎。雲吞雞係今日既主角！上湯有金華火腿香，咸咸地，好好飲。娃娃菜吸收曬上湯既精華，忍唔住一啖接一啖。好大舊雲吞呀！雞肉唔算非常滑，但一啲都唔鞋口。呢度既小菜款式種類多，有得跟餐同散叫。今餐食咁多野都唔洗$170，價錢真心平！而且份量都幾足料！