翠亨邨 (新世界大廈)

營業中

休息中

我跟家人不時在星期日晚上這家館子晚飯,次次他們的服務都很好很細心,就是端菜的服務員也很有禮貌,這是很少見的.食物方面,這兒的叉燒是很好食,新鮮烹調,很嫩,調味很香,不是一味的蜜糖.清湯牛腩也是這兒的名菜,很嫩滑入味.手撕雞也不錯,沒有骨啖啖肉.桂花炒蟹肉很有獲氣,很多蟹肉,粉絲很香蟹味.不過他們的燒鱔不太好.

估唔到中環啲酒樓，服務可以咁差原本同一班同事去酒樓飲茶都幾開心，點知個呀姐態度實在太差，叫佢攞個碗嚟盛洗碗水，佢話”頭先已經倒咗，無咗囉”，咁唔可以再攞個呀，咁寶貴？？？只此一次呀你唔比大碗，我哋咪自己洗自己個碗仔囉，洗完叫佢倒咗啲水，佢話”又倒呀”以為自己係大酒樓，就注意吓ｄ碗筷清潔啦，作為客人就唔想自己洗碗先放心食嘢啦．

本月13號跟同事們吃團年飯，由訂枱開始，服務員的態度不但沒貴氣酒家應有的條件，連一般酒家也欠奉，"唔該"，"唔好意思"，"多謝晒"完全沒有聽過不但止，語氣更令我討厭，--- 冇喎、唔可以、睇吓點....。但無奈同事們一致想去，唯小數服多數。錦繡玉鴛鴦--- 冷盤，好古怪，好肥膩，大大碟，賣相精美，但唔好食杏皇玉帶珠 --- 菜多肉少，家常小菜鱸魚球 --- 好好味，大大件，好滑好鮮味﹗鎮江排骨 --- 多骨，好味，但好肥﹗紅燒豆付---清淡餸，不過不失﹗中山靚一雞 --- 沒骨的，好滑，有驚喜﹗蛋白炒飯 --- 普普通通的﹗生磨杏仁茶 --- 肯定不是 "生磨"，好難食﹗一圍$2,300全包，其實唔貴﹗呀，在3月31日前還可申請儲Fun咭，儲滿$3,000可作100元使用記得申請。

good place for team lunch as there are large tables for almost 15 persons. the dim sum is delicious but the variety is limited. it would be better if they can provide more choice for the dim sum.

約大狀食飯﹐ 唔係美麗華翠亨就係新世界翠亨﹐ 大大話話有十幾年了。中環食飯﹐ 無乜驚喜。 睇怕要姑公同馬會贖番個會員牌﹐ 下次到跑馬地食。老火例湯仍然OK 少味精﹐ 但無乜湯渣跟上 (just)加 部長點的 竹笙豆腐﹐ 大狀戒左豆腐。 姑姑唔鐘意食竹笙。 原碟無郁過。泡魚卷都OK燒味拼盤OK加碟果盤﹐ 幾貴 但大大碟﹐ 有幾塊芒果﹐ 好食三個人$750 今時今日標準價。

還有兩天，美食團一位成員便要離隊了。雖然如此，但是我們不斷去嘗菜的活動是不會受到影響的。因為不想走太遠的關係，所以選了頗出名的翠亨邨為午飯地點。上次來時大約是在新年左右，但是那次的經驗不太好，上菜也頗慢，我們都認為有可能是新年時，原來的大廚都放假回鄉而令水準下降。不過，或者事實又是另一回事呢，因為今天的點心也有點問題，以如此價錢得到這樣質素，實在是不值得再來。或許真的是小菜才是這裡的主打項目，而非中午點心吧....豉油王炒腸粉、椒鹽尤魚、帶子燒賣、山竹牛肉和味菜炒麵的味道一般，較特別是牛肉比較軟滑。那麼蝦餃究竟出了甚麼問題呢﹖當侍應奉上時，蝦餃的體積只比公仔點心的蝦餃大一點，但最難以致信的是所有的蝦餃皮都"爆"開了，直覺告訴我一是蒸得太久所致，不然這些蝦餃就是不新鮮的。因為午飯時間剩下不多，即使侍應表示可以換掉但也來不及。怎知吃下去後，真的嘗到蝦肉絕對不是用上新鮮蝦肉的，因為有點點"霉"......日水最後上的是甜品-杏仁露，微甜、很香滑，整個午餐最滿意的就是它了。以同等的消費，但只有這樣的質素，不知是我們剛好遇到霉運，還是它一向的質素如此.....

周日在中環嘆茶又唔想等位, 這兒可能是一個好選擇, 預早訂枱坐於vip房, 不用在外嘈吵飲茶老友最愛的鮮竹卷, 皮脆料多, 木耳爽口的感覺, 加上不油不膩的脆皮, 值得推介, xo醬炒蘿蔔糕, 標榜自家製作的蘿蔔糕, 粉多質硬, 臘味及蘿蔔欠奉, xo醬是只油多味淡, 外貌多於一切, 差! 蘿蔔絲酥餅的酥皮做得鬆化, 外層亦十足, 可惜蘿蔔饀的味道做得不好, 汁不夠吃落整體太乾身, 其他的傳統點心也不見出色, 如义燒包太乾身, 不論包身及饀料都是. 燒腩肉選肉的位置肥膏太少又不均勻, 皮是翻叮的脆, 不是即燒的水準, 蝦餃皮薄蝦鮮又大隻, 算是不錯的item, 招呼很好, 但是食物水準overall只是很很很一般, 不值一來

從來未去過翠亨邨飲茶或者食過晚飯，聽人哋講都幾貴，去到睇張點心紙既價格又真係唔平既。點咗瑤柱鮑粒菜苗$26、鮑魚皮蛋酥$26、欖仁馬拉糕$18及香荽魚滑腸$38。呢個所謂既馳名腸粉其實好普通，唔知點解要收成$38一碟。反而其他點心就ok，最好食就係鮑魚皮蛋酥，食到有鮑魚，酥皮亦非常香脆，值得推介。

今天本來去鏞記午膳﹐但竟然在的士前往時收到電話﹐轉了地點(因為某人的秘書忘了訂位!)﹐來了這裡。一行十人先後到場﹐第一批到場的等不了﹐就先叫了些點心/小食:XO醬腸粉-- OK (遲了影﹐只淨少許)燒肉-- OK﹐喜歡那些豆豆多些(想著鏞記的燒肉﹐上檯時皮脆得要命)蝦餃-- 無福消受﹐但叫了三籠﹐應該幾好味叉燒包-- 汁太濃﹐怪怪的﹐皮反而鬆軟﹐好吃半隻燒鵝-- 不是不好吃﹐只是還是想著本來要去的鏞記。。。蛋白炒涼瓜-- 可以更好(還是想著鏞記﹐它們做得更好)竹笙豆腐-- 賣相很好﹐但吃時覺得在吃翻版(對不起﹐鏞記做得實在太好了)鮑魚汁粗撈-- 這個第一口還好﹐之後覺得太鹹﹐和鹼水味很重蟹籽炒飯-- 這個是全程最好吃的一味﹐炒得很鬆﹐不錯不錯燒羊鞍-- 要叉燒汁做﹐很香﹐羊本身質也不錯﹐第二最愛甜品送紅/綠豆沙﹐杏仁露﹐馬蹄露(沒吃)。我們還有一個Cova 蛋糕帶來切﹐反而那是我最想吃的﹐亦因為吃了﹐才覺滿足。午市實在太多人﹐很吵﹔侍應服務算是不錯(如果你有幸把他們叫到過來)﹐但可能要3-4個人一起舉手才會被看到。埋單$1558 (連加一﹐用citibank 及另一張不知是什麼card

食物一般, 同出面普通酒樓差唔多, 只不過係D材料貴D, 唔係特別好食~但係D服務都唔錯, D侍應同接待員都好有禮貌~ 最正係有好多款糖水任揀, 亦都好好味~ 我食左碗合桃糊, 正~不過價錢真係貴~所以整體係OK...

今日uncle 同auntie帶我去lee度食lunch，今次係佢地第二次帶我去勒，同上次差唔多，我唔覺得d食物有乜特別好味，仲有，lee間中菜館每日提供個張點心紙得一行咁多，會唔會少得dd，不過d點心每日都唔同，好在可以換下口味.......最impress我既係d服務生態度very good，環境亦唔錯，傾到計，其次就係d茶幾香，(我叫左壽眉)，另外小菜錦老雲吞都算幾夠味，其他食物ex 柑桔排骨真係好一般，唔講都唔知原來係同埋d柑桔一齊整囉，最強差人意係隻椶，味道唔夠。Anyway，我唔可以話佢唔好味，但三個人食左400幾蚊野，食完之後味覺唔滿足，唔值~~

極難得星期天下午不用工作, 可以和家人歎茶. 到處茶樓都不易找到位, 很傷腦筋. 與其難有把握, 不如到中環碰踫運氣. 來這裏等了只若十分鐘便可坐下, 算是可以接受.侍應推薦各式花茶, 只加$15, 便選了玫瑰香片, 可惜茶味太淡, 結果要再加茶葉, 早知就不用白花15大元. 試了多款點心, 包括雞紮、鳳爪、叉燒腸粉、梅子蒸芋頭排骨、錦鹵雲吞、芋頭蝦腰、椒鹽茄子、雙皮奶. 本來想試試叉燒和蝦米腸粉, 可惜已經售馨罄.各款點心中以腸粉和雞紮最好吃, 用料新鮮味道可口, 腸粉韌度適中又有米香, 雞紮的腐皮也吃到陣陣豆香, 魚肚也很爽口. 鳳爪較乾身, 不會太多醬汁, 味道傳統但就減去了油膩. 梅子蒸芋頭排骨賣相不佳, 水汪汪的顏食也不鮮明, 不過食味卻不錯. 雙皮奶也是優質的, 但$26稍貴.錦鹵雲吞算是大堆頭, 錦鹵汁有很多海鮮但味道略嫌太酸, 海鮮和炸起的雲吞也無甚驚喜. 不過, 最失望的是蝦腰, 如沒記錯要$40, 只是三粒蝦丸, 包了三兩條芋頭絲炸起. 芋頭炸得太乾太硬, 也已經沒有芋頭的香味. 蝦肉算是彈牙但香味不足.老實說, 如果價錢大眾化, 對質素當然不應荷求. 但如果價錢高

中環翠亨村是很特別的，特別在只有五款點心，仲要1點前拿，1點後就連一籠點心都拿不到。冇計，d老闆鍾意去，話係恆基開的(又點?)。佢地大讚d义燒，不是很特別，但實在沒什麼其他好食，d义燒都叫有水準，我地清得好快。d老闆就話: “都話义燒好食啦，幾快食晒!”下次來的時間，又叫多碟--- 一個loop 就咁形成。

在中環的幾間酒樓一向都較貴和少食物選擇, 特別是點心的選擇是少得可憐, 翠亨村亦不例外沒有什麼特別出眾的美食, 即使是其招牌炒米亦只是普普通通但亦沒有什麼難吃的食物, 只可以說是普通水準「沙薑手撕雞」味道不錯, 全枱沒有人願意吃雞皮, 我義不容辭為大家擔此重任, 雞皮簡直是極品埋單超耐, 間中亦有漏單的情況出現, 真不明白為何這麼多中環人光顧

六個人翠亨村食lunch，見點心$26一籠，咁喇俐，唔敢叫太多，另點幾味小菜好過。點心其實冇乜特別，小菜質素反而唔錯，相對較為抵食，其中我覺得最正係鎮江排骨煲同「?」杯雞：前者味道調較得好，排骨亦幾淋；碟雞(半隻)好滑，淨係嫌酒味輕。服務方面，無論樓面或者傳菜態度都好好。