翠河餐廳 (已結業)

上堂前早餐！去呢間因為唔使等！店好大！坐近門口小圓枱！枱面黏黏的餐牌都係平常茶餐廳早餐！叫個火腿通粉，再加錢配個腸蛋，每樣食物要加錢！可以叫有彈性，但價錢唔低！感覺唔抵！火腿通粉：原來係火腿片，唔係火腿絲，味道普通！通粉好粉！一啲都唔彈牙！又唔入味！咬到成口粉！too bad!腸蛋：好似煎咗好耐，一啲熱氣都無，腸皮都縮了！蛋又凍又油！煎得好老！熱檸茶：夠濃唔澀！好味！服務正常勤快，不過唔會再食早餐！食物唔得！成份早餐得一杯茶得！

店子裝修後第一次來感覺衛生舒服令胃口大開星洲炒米有鑊氣但不夠乾身料頭豐富有叉燒火腿雞蛋青紅椒洋蔥青蔥調味適中 有淡淡的咖哩香奶醬朱豬仔包夠鬆脆採用粗粒花生醬令口感更豐富香甜煉奶的滋潤不可少黑白奶茶香濃幼滑

以馬名命名的餐廳, 店主必定喜歡賽馬. 翠河, River Verdon 馬主是夏佳理, 是Hong Kong 的三冠馬王 96年退休, 於05年6月係澳洲逝世.午餐與下午茶, 用同一張餐牌, 而只是收費不同, 果真十分有效益喎… 午市時段, 收$38, 下午茶時段, 收$32. 好耐無食過干炒牛河了. 今天就放縱一吓…. 有些少罪惡感…上檯時, 熱氣十足, 河粉炒得彈口, 洋蔥爽脆, 牛肉醃得不過份, 但師傅未夠功力, 炒得略為多油.上年紀的員工, 大多是有性格, 較冷.....COOL... , 但服務水準不差.

想起呢到有芝士大虾伊麵, 就黎呢間食, 點知佢話D大虾無晒無得食後尾又第2個服務員, 同我講可以轉虾球, 我當然OK啦~仲好啖啖肉另外叫左個西檸雞, D汁超好味, D雞又炸得脆, 忍唔住食人地D飯虾球伊麵個汁好好味~唔知食咩真係可以入翠河食, 叫咩都有

和弟弟撐檯腳，到對面茶仔食tea！ 我呢個編號「0630」的 tea set：有兩塊豬柳漢堡、煎雙蛋、厚牛油多士、熱飲，都只係 $22 咋！整體來說，只差一點茄汁豆就完全與英式早餐無兩樣，多令人愜意的t ea set 呀！ 豬柳：估唔到有兩塊咁多！雖是急凍那種豬柳，但仍煎香而且 juicy，少油！ 多士：厚身的多士又熱又軟身，Ｄ牛油半融的，塊包索晒牛油香！

星期六趕project成11點先食晚飯，天寒地凍，好多舖頭都關門！雖然如此，對面街嘅翠河仍然燈火通明，裡面有好多客人，可謂人氣非常旺盛！由於飢寒交迫，明知咁夜唔好食得太飽（怕難消化瞓唔著），但我都忍唔住想叫個飯！所以，我就叫左＂宵夜特區＂其中之一嘅窩蛋免治牛肉飯，連埋餐飲凍奶茶，只係$37！ 食食下，見電視突然轉台，哦，唔怪之得越夜越多人客啦，原來今晚有曼聯對狼隊添，最後紅魔鬼以4：1大勝添！講番個飯，食得出佢Ｄ免治牛肉係用蕃茄汁襯底，好香口入味之餘，份量亦絕對足夠撈晒成碟飯；加埋隻窩蛋，無論搗勻落Ｄ飯度食，抑或先啜左個蛋黃先，一樣咁惹味！

九月上旬‧陰天在附近有會議要開，在這裡先吃點東西。要了奶油脆豬，豬仔包烘得脆口，奶多油也多，雖然塗得不太均勻，但香甜，也好吃的。熱咖啡苦苦的，不算濃郁，還可更好。算是這樣，至少這裡有電視看。

噚日看見兩個外國人係度等買佢賣麵包個邊...已引起我好大好奇心......再看看..有我愛的合桃酥wor>.....忍唔住買來試..好味呀.....然後今日......忍不住食埋我呢期好中意食的老婆餅......簡直覺好好味......................令我一試..............再想試.......!!

　　七點半上課，我五點半就下班了，知道這裏的下午茶至六點半，於是便來這裏了。座位很多，空間很寬敞，可是冷氣有點大。　　我要了魚湯牛丸米線，配杏仁霜，杏仁霜很大杯，很熱，最重要的是，食物要夠熱。　　至於魚湯米線，魚湯沒有放味精，沒有太鹹或太濃，可能是真的用魚來熬製，很清甜。而米線沒有因為泡了太久而發漲。牛丸用料也不錯，很爽口，而且有牛的鮮味。　　整體感覺不錯，２３元就能享受到了。

新地方, 揾飯堂, 翠河食過一次, 6個人坐咗張8人檯, 但佢又叫其他客搭我哋枱坐低無耐出面已經要等位午飯時間好爆場, 重要人齊先俾入座, 我叫咗馬來咖哩牛筋腩飯(唔可以轉意粉)+熱檸茶($40)食物好快上枱, 牛筋腩好淋, 唔嚡入味, 牛筋有2大條, 煙"un"入味, 正咖哩汁泛紅油, 香濃不辣, 撈飯一流有好多薯仔, 唔係平時煮完放落咖喱汁內煮, 而係事先煎完再落咖哩汁, 好味洋葱得1塊, 都好味, 我清晒成碗熱檸茶茶味濃, ok! 服務响午飯時間好似打仗咁, 但唔係差, 粗聲粗氣我又唔覺佢無禮貌

一個自在得黎…坐得舒服既街坊茶記翠河, 四週裝佐好多部大電視,由咩角度睇都得…真係岩哂睇ball人士,正!叫佐個芝士焗肉醬意粉and奶茶…. 奶茶味道岩岩好…又唔會太重味…又唔會太淡…唔錯! 芝士焗肉醬意粉就更加唔洗講…芝士既味道岩岩好…又唔會太鹹…完全好味得黎抵食啊!

2010-5 (weekday)玻璃外見到人地食豬仔包我又想食, 不過終於又選了翠河的魚米湯牛腩豬軟骨米線茶餐.米線太腍了, 魚湯又被肉汁混蓋過了, 除了牛腩仲有牛筋喎, 唔嚡算係咁, 豬軟骨兩大舊ok呀, 最憎搞到 d 軟骨軟晒腍pat pat 嗰種, 兩者都不錯, 份量唔算少, 未食完已覺飽了.原來奶茶更有大柸的, 嗰個一定係熟客; 喜愛翠河多於翠華, 平民無扮高檔, 下次再試埋$9奶油豬仔包先.

到港運城後隨便到七姊妹道食晚餐, 由於一點心水都無 於是事但搵左一間坐得舒服既街坊茶記翠河 成間店有成5-6 部大電視, 使唔使咁多呀 ? 晚餐最平 $30 又有湯老火湯:　粉割湯, 幾夠老火加下火, 飲完都無口渴揚州炒飯 : 大碟, 料也落足, 火腿; 蝦; 雞蛋絲, 菜絲,乂燒齊備, 只是飯身有點油膩和鹽粒未炒溶餽鬼托世... 所以成碟清袋

常餐食物:豬扒米: 好大碗，豬扒都幾大塊，幾好味 火腿奄列: 好多蛋，但太多油 厚多士: 勁厚，好味 凍檸茶: OK！味道唔錯 $$$: $32, 份量算多, 幾好味, 算抵食.環境: 座位寬敞, 清潔, 中午lunch有電視睇睇, 都幾好

又係幫襯翠河早餐，今次的經驗就認真麻麻。叫了雞蛋鹹牛三文治，加焊底，一咬，真係旱，不過係乾旱個旱，好韌，好難食!!!! 真係激死人，超簡單既食物，最基本的茶餐廳出品，竟然可以差到咁，失敗!!!!凍檸茶一向不錯，好在冇退步。凍奶茶都ok。麵可以，豬扒腸仔都幾好味。唉......煮lee d野，其實真係好簡單，點解一份三文治都唔用心做好呢?!!!希望佢會改善，否則不會幫襯!!! 反正佢隔嚟又就開另一間新既茶餐廳lu，希望好味。