翠河餐廳 (已結業)

今日早左，趕得切嘆個早餐先番工。叫左腸蛋麵及最愛的凍檸茶。腸蛋麵﹕腸仔應該係廚師牌既，所以有保證，而且仲炸得剛剛好，個皮都脆脆地。蛋好滑，煎得剛剛好。麵的軟硬度亦ok。這間翠河裝麵個碗，同堡壘街那間有d分別，係細個d既，所以d湯唔會冇味，都有d色，不錯不錯。以前我唔鍾意飲凍檸茶既，但自從飲過翠河，就改變左個習慣。有時，仲會因為掛住佢既凍檸茶，而去幫襯。

今早本想試試「精點心」，但到十點都未開門，唯有惠顧隔鄰的「翠河」。三人被安排坐卡座，環看四週，兩傍都安裝了多部大電視，可從任何角度觀看，另外，在牆上的玻璃圖案還會隔半分鐘變不同顏色，現在的茶餐廳看來較夜總會還要花弗，祇是來吃個快餐，有必要嗎？早餐如其他茶記有多款選擇，小妮子要火腿通粉，煎雙蛋及熱阿華田，愛人要茄汁珍寶腸煎蛋，午餐肉公仔麵及熱奶茶，而我要豬柳煎蛋，菠蘿油及熱咖啡。火腿通粉太腍，可能一般人都習慣了茶記的通粉意粉軟硬度，所以如有稍煙韌的便以為未煮透，茄汁珍寶腸煎蛋有兩塊切片的珍寶腸，味道還可以，不過太少，公仔麵亦過腍，煎蛋方面無難度，無煎穿，全部都合格，豬柳是急凍產物，菠蘿油是我近十年不敢沾手之物，偶爾一次也不過份，皮脆、暖、夠大個，夾著一小塊半溶的牛油，啖啖都很誘惑，亦感到滿足，難怪菠蘿油在茶記界歷久不衰，實有其原因。熱飲方面都中規中矩，咖啡味道可人。在星期天的早上，發覺家庭客甚多，一家四口來吃早餐差不多要一百元，如今做父母真不容易！

焗飯:基本上係飯+汁,焗一焗就比你味道極一般,雞朳參差,極多筋,基本上無乜得食,又得一舊飯約一碗份量我覺得比一般既茶餐廳水準更差!連熱飲$33豬朳飯:豬朳又係得一小舊，薄到嘔,但就有條腸仔老實講,汁就夠飯就ok夠連熱飲$33飲品,熱杏霜幾好味,夠濃有大大部lcd tv,最大賣點係佢另外，冷氣唔夠,一路食一路熱大家樂仲正,味道差仲好

昨日lunch去左食碗魚旦米線 $21, 湯底係鯊骨魚湯, 清清地都唔錯. 一碗有魚旦5粒+魚片4片, d魚旦好香魚味, 可能多魚關係, 都幾多碎骨下, 都算彈牙既. d魚片切得幾厚下, 每片有成 3"x2" 咁大塊, 都一樣咁好魚味. d米線我覺得就淋左d, 碗魚旦粉都幾大碗下, 我食淨左2片魚片添. 加多杯少奶既熱奶茶$7 (跟餐先係$7), 少奶得黎都幾滑喎, 唔錯.我最唔鍾意係, 佢地張張卡位頂頭都有好多射燈射照晒, 樓底己經唔係高, 好辛苦囉. 仲有d匙有少少漂水味, 點都係食之前沖下d匙, 筷子好d既.

作為都市人，生活忙碌，放工回家後往往十分疲倦，冇可能經常在家中煮食。雖則算不上是「無飯夫婦」，但筆者與太座都有一間備用飯堂。每當太座唔想煮飯或筆者唔想洗碗嘅時候，可以在屋企附近祭五臟廟。筆者屋企位於七姊妹道附近，附近嘅茶餐廳不少，不過筆者較喜歡的是呢間翠河。唔係因為食物特別出色，之不過平均水準在附近眾多食肆屬中上，而且水準比較穩定。是晚由太座發辦，簡單的叫了兩味小菜，包括「上湯浸肉鬆時蔬」及「西檸雞」。前者除咗肉鬆之外，還有鹹蛋及菇，成碟餸清清地，唔會太鹹但有上湯味，都算健康。「西檸雞」炸得香脆，雞肉唔會「乾爭爭」，唯一嘅批評就係檸汁唔夠酸。過酸嘅西檸雞經常試過，唔夠酸的印象中都係第一次。每碟小菜都附送白飯一碗及老火湯呢啲基本動作，每碟餸三十七蚊，都可算是筆者比較懶惰但穩健嘅選擇。

某個星期六長週，例牌同男友食 lunch， 男友想去 Big Bite，我死都唔制，因為再上次先去完，硬拖他在健威坊後面的七姊妹道來回行了一轉，由於正值下午茶時段，好多茶餐廳都放咗易拉架出來，見這間的下午茶餐不俗，又有電視看，所以便入內。男友叫了下午茶餐，有厚多士、豬柳扒、蛋，我恐他不夠飽，於是叫了鮮茄牛脷燴意粉。幸好有叫意粉，因為個茶餐份量好細，塊厚多士得一半，試了豬柳扒，煎得幾香，有微焦，面頭還有少許黑椒粒，不錯；來到鮮茄牛脷燴意粉。牛脷本身無味，但個鮮茄汁太稀，變咗整碟粉就係淡口。雖然真係有鮮茄，不過啲味就似地捫茄汁