翠苑甜品專家 (已結業)

<#桑寄生紅棗蓮子茶 $20>天氣涼涼地食翻熱糖水好暖胃❤呢度嘅糖水又平又足料😍👅煲得好滾熱辣辣😻難得一間好食嘅桑寄生🤗有桑寄生嘅清甜但又唔會落好多糖過甜💁🏿但希望桑寄生嘅澀味可以改善下🙈然後有好多蓮子💓應該有超過20粒🤤最重要係粒粒都超鬆化入口即溶冇生水 💙仲有幾片百合呢🙆🏽加埋紅棗補血又養生💜📍#翠苑甜品專家 (各分店)#justeat_銅鑼灣 #justeat_中式 #justeat_港式 #justeat_甜品 #justeat_中式糖水 #justeat_糖水 #sweetsoup #sesamesweetsoup #redbeansweetsoup #hkig #hk #hkfood #hkfoodie #hkfoodstagram #hkfoodporn #fotdhk #hkgirl #igfood #igfoodie #foodpics #foodlover #foodie #food #foodstagram #foodporn

宜加出面好多新開嘅糖水鋪都係食冰為主，其次是以生果為主的甜品。有冇人會記得我地香港的中式糖水呢?我認識嘅翠苑係一間老字號嘅糖水鋪，裡面有好多傳統嘅糊類糖水、紅/綠豆沙、喳咋、甚至桑寄生紅棗連子蛋糖水都有。星期六日仲會有限定嘅腰果糊，有健脾補腎嘅功效。而且翠苑每碗糖水都要清晨開始烹調準備，真正係功夫野。我揀嘅喳咋就落足料，裡面由多款豆類煮製而成，味道濃郁，口感豐富，再配合椰奶嘅甜味，真係好幸福呢!有機會大家又支持下中式糖水丫

住港島既朋友都知翠苑甜品好出名，平時食開佢既紅豆沙，食落足料，又起沙，口感十足，d蓮子白合又多，唔會得水，而佢既甜味我覺得啱啱好，唔會甜到漏，恰到好處😁！今日就試下佢既芝麻胡，打開已經熱辣辣出哂煙咁，攤一陣食落口好香好滑，唔似出面食咁稀，匙羹「不」落去杰杰地，唔會太甜啱我口味，簡直食到停唔到口😆😆不過份量就真係唔多，食完飯後食返個甜品，真係好滿足。😌😌用$18既價錢足料又好食，銅鑼灣真係好少有。

前晚食完飯，之後唔知點解仲好想食嘢喎，咁食雪糕又肥，經過呢間中式傳統甜品店，見到價錢非常相宜，就入咗去食啦。天氣熱辣辣，我呢排又比較熱氣，就叫咗凍嘅海帶綠豆沙。我朋友就少少傷風，叫咗薑汁燉奶。👆🏽海帶綠豆沙，海帶好多塊，綠豆反而對比嚟講無咁多，略為稀咗啲唔夠沙，不過甜度適中，無過甜，食落即刻清涼哂。👆🏽薑汁燉奶，非常白滑，入口一啜落肚。薑味飄香，我坐隔離都聞得到，唔怪得朋友食完話鼻塞都通埋😂👆🏽銅鑼灣鬧市中，價格非常相宜嘅中式甜品👍🏽

入去門口諗住買外賣，筆糖水個阿姐見我企響度就問我係咪外賣，咁我就話係。見佢開始筆個糖水外賣但唔係我想order嘅嘢(梗係啦! 根本未有人落我個order)，咁我咪好心同佢講佢做緊嗰個唔係我想order嘅。好明顯佢當時聽到另一個阿姐落嘅一個堂食order，就以為個糖水係我叫嘅。點知佢啤到我實，然後話“問你係咪外賣，你唔好答呀嘛!” 我即刻r哂頭。我話咁我係外賣呀嘛，你問我係咪外賣，我梗係答係啦。佢仲繼續話我答佢搞到佢筆錯糖水。真係火都嚟! 明明係自己冇搞清楚啲單，仲可以無理取鬧。當然我最後冇幫襯佢啦!

今晚喺灣仔食飯，所以同朋友由灣仔散步到去銅鑼灣，臨離開之前，想搵間糖水舖食個甜品先返屋企，行吓行吓就嚟到呢間糖水舖 🥣 翠苑甜品專家公眾假期嘅晚上，餐廳冇擠滿人嘅情況出現，不過食客都係快食快走，keep 住都有食客黎。望吓個Menu，價格都相對平，十幾二十蚊就有碗中式糖水，相當抵食！今晚我揀咗芝麻糊燉奶，燉奶好滑，芝麻糊又唔會太稀，重點係佢唔會太甜👍🏽朋友就揀咗海帶綠豆沙，相當足料，都係唔會太過甜👍🏽

今晚喺銅鑼灣行完街，食完飯，梗係要搵返間糖水食，完結咁美好嘅一日啦。行過景隆街，發現呢間中式糖水，我同朋友都係鍾意中式糖水多過西式糖水。入到去滿座咁劑，甘啱有枱食完賣單，我哋先有位乍。見到Menu全部都係啲大路嘅傳統中式糖水，我就嗌咗個桑寄生紅棗蓮子蛋茶，朋友就嗌咗薑汁燉奶同府足蛋糖水。我碗桑寄生蛋茶一上枱熱辣辣，即刻飲一啖，好好味呀，仲好味過旺角間浩記，碗底有好多粒蓮子，我諗有20粒，真係好足料，至於我朋友碗薑汁燉奶就好一般冇乜薑汁味，不過碗府足蛋糖水都不錯呀！

傳統中式糖水，買少見少👍🏻翠苑是我和嫲嫲的回憶，一碗腰果糊兩個人分☺️💕Times square 個間分店結業之後，仲以為港島區已經無翠苑😮但係有日係世貿附近食完飯，無意中又發現新店👏🏻招牌依舊一樣，然後在門面多加了餐牌跟招牌一樣亮眼我感覺有啲似台灣夜市的招牌😂 大概有八至九張枱 大部份4-5人枱為主 ，但不會太迫坐得舒服。店舖由三個姨姨主理，廚房樓面一手包辦。凍食全部一早雪好係櫃。今次叫左蕃薯糖水和芝麻糊。中式糖水看似簡單，但最巧功夫時間。蕃薯糖水蕃薯鬆軟，煮得剛好。有蕃薯味，不會有根同乾。薑夠辣，冬天食一碗暖洋洋芝麻糊一上枱，wahh一個字，滑要磨幾次先有咁既效果，食到好幼滑。好多時食芝麻糊都會有一粒粒未磨好的芝麻，或者食到底開始鞋。但呢碗由頭食到尾都滑一滑

同朋友食完晚飯，有人話唔夠喉要食埋個糖水先叫完美喎。其實真心飽⋯但係無計啦，女人對甜品糖水係無抵抗力🤣朋友介紹呢間食傳統糖水既翠苑，話佢自己由細食到大喎😅翠苑係一間傳統古早味老式糖水鋪，當晚十點鐘左右，門口企滿晒人等位同等外賣。大約等咗十五分鐘就有位，唔算等得太耐，店舖入面坐位分佈得好密⋯好迫好迫⋯合桃糊燉鮮奶-香濃合桃味道，甜度適中，配合香滑口感既燉鮮奶，配合完美芝麻餡湯圓-好普通，有少少失望，下次都係食燉鮮奶算啦想食既我真心建議賣外賣⋯坐得真係好唔舒服，全程同隔壁桌既食客背貼背⋯食品質素一般，但價錢真係好抵好抵⋯我屋企附近既糖水舖一碗最平都要28-30蚊⋯呢度最平既糖水16蚊😆CP值高到呢⋯

睇到有啲食評話呢間中式糖水鋪啲桑寄生蓮子茶好味， 所以食完晚飯專登嚟試一試，不過感覺好失望。 首先桑寄生嘅味道唔突出，蓮子林bet bet，有啲煲到爛哂。紅棗好細粒，仲要係暗紅色 ，一睇就知係唔靚嘅。隻雞蛋唔入味，雖然係茶色，但好奇怪得啲蛋味，無個隻紅棗蓮子茶味，成碗糖水甜味亦唔夠。呢碗桑寄生蓮子蛋茶十個贊只得四個贊四個贊係因為佢都幾足料，雖然好平但唔好食幾平都無用。

係銅鑼灣呢個黃金地段，想平平地食碗糖水難道真係冇可能？？非也非也，小妹發現係景隆街有間糖水鋪20蚊左右有交易，但當然質數就。。。。翠苑甜品專家，20蚊左右，喺銅鑼灣來講真係平到笑！買嘅係傳統中式糖水為主。老公叫咗腐竹蓮子糖水，佢話好甜，死甜嗰種甜。有一半以上嘅左右既蓮子係未挑芯嘅我就叫咗薑汁燉奶，薑汁味唔夠濃，亦冇乜奶味。滑就係幾滑嘅，不過冇味，食到一半已經放棄。食物嘅質素就真係嘛嘛，不過去開銅鑼灣食飯後想平平地有個地方坐下繼續吹水都唔錯嘅。

落雨天甘啱門口有位泊車，第一次去尼間糖水舖。我食桑寄生蓮子茶，不會太甜， 10分好味。同行友人食燉蛋，合桃露，都好好味。只係＄18一碗，實在有驚喜！下次想食糖水又有多一個選擇啦！如果以前有食過佐敦大X八記嘅朋友，唔知會唔會同我一樣，覺得佢哋好相似呢？ 近期鍾意食龍眼冰冰嗰間，不過偶然食下傳統嘅中式糖水，其實都一樣有好多選擇，下次我會食芝麻湯圓。我哋食得好快，出嚟嘅時候門口已經排晒長龍。實力的表現啊！！

比錢食糖水仲要趕客走，咩態度👿👎🏿👎🏿👎🏿你唔休做咪做啦！叫我地食快d喎，我比錢你丫！又唔係免費，係咪低能丫！燥底！以後都唔會再幫親呢間咁嘅糖水舖！

銅鑼灣有好多特式甜品鋪，不過間間都要排長龍，大熱天時要排一年隊都真係好辛苦。想食普通中式糖水又唔想排隊，翠苑會係個好選擇。店內座位唔算多，星期六九點幾去都坐滿哂人，不過食客都有共識食完就走，所以等左兩秒就入得。之前食過佢星期六日限定嘅腰果露，其實同合桃露都差唔多味，果仁香唔算濃郁，但都夠滑。今次想食啲冇咁heavy嘅就叫左個桑寄生紅棗蓮子茶。桑寄生茶出名甘甘澀澀，加左紅棗百合平衡甘味，變得香醇順口，蓮子煮得甜又鬆化，粒粒都挑去蓮心，蓮子要挑蓮心係基本，但卻唔係間間店都做到，老字號就係有一份對食品嘅尊重先可以多年屹立不倒。一直對翠苑嘅楊枝金露冇咩期望，畢竟佢主打中式糖水，覺得佢個楊枝金露唔係太靠得住。同行友人一叫，即刻瞄準個碗畢左一啖食有驚喜喎！基本楊枝金露要有嘅野都有齊，芒果甜柚子酸，最重要係$19就有一碗，邊到搵？呢個價錢，銅鑼灣真係唔知邊到仲有平過佢？最貴都唔過三十蚊，有呢個質素，又唔洗點排隊，唔想食太花巧甜品果陣，翠苑係個好選擇

小編喜愛吃甜品，有時候吃得太多西式和日式的，偶然也會想吃中式糖水！小編想介紹一間位於銅鑼灣地段的平價中式傳統糖水店，在銅鑼灣景隆街，就在總統戲院附近，不太難找！店內面積小，只有十張枱左右！但內裡的中式糖水有很多款，基本上想到的糖水也能在這裡找到！而且重點是，價錢非常便宜，只需十零廿元就買到一碗糖水，在銅鑼灣地帶也算是很實惠了！這次我們點了三款甜品，分別是腰果糊、大良燉鮮奶和綠豆沙，以下會逐一介紹：這裡的腰果糊，只有逄星期六、日才能買到。平時小編常吃花生糊、芝麻糊，而這些都是較常見的，但說到腰果糊，小編真的很少找到呢！實在難以想像腰果糊是甚麼味道，於是選了這款甜品了！腰果糊，吃落非常香滑，稠身足材，有淡淡的腰果，有點像花生糊但沒它那濃味, 但我幾喜歡的！此外，店內標此腰果糊有助健脾補腎，對身體很好的！大良燉鮮奶，在炎炎夏日，小編選了凍的，吃落像牛奶布甸，香濃牛奶味，吃落超滿足，也很養顏的啊！另外，平日吃得多煎炸食品的人士可以食用綠豆沙，有清熱，解毒的作用。我最愛綠豆沙和香草的配搭了，平凡之後有了餘韻，齒頰留香！是次介紹了平日我最愛的平價中式傳