翠華餐廳 (TKO Gateway)

營業中

休息中

衞生環境一次比一次差，服務員服務態度不友善，食物品質不知所謂，但價錢不斷上升，漏單經常出現，我一定不會再去，等了食品很久 還是沒有來 服務人員態度很差 我希望大家都不要再去

#翠華餐廳 (將軍澳)將軍澳常寧路2號TKO Gateway 1樓65號舖～～～好久沒吃翠華早餐 這天下雨天 一早被雨睇聲吵醒了 就跑去附近吃翠華早餐 這次我叫了a餐 有火腿鮑魚通粉 炒雞蛋 腸仔 奶油豬還有一杯飲料 飲料我要了好立克 通粉煮得剛剛好 沒有太硬 炒蛋好滑好滑 腸仔就是白煮的 不會像煎那麼上火 奶油豬好脆好脆 入口喀聲的 真的好完美啊 另外好立克雖然是沖出來的 但不得不說他們沖得非常濃郁呢 如果我起得來真想天天吃這早餐啊～～～推薦度：🔥🔥🔥🔥（5🔥最高）*貴了些

又係假日午餐，又係周圍都要等位，本身想食大碟又飽肚嘅碟頭飯，就決定食翠華。2點來到都有十幾人喺門口排緊隊，但見職員們執檯都好快，等左唔係好耐就有得食。叫左最愛的咖哩牛腩飯！翠華的咖哩牛腩飯真係無得輸，咖哩汁香濃帶小小辣，牛腩炆得又淋，而且都唔少，正到一個點呀！老公點左我另一個至愛，鐵板黑椒牛柳絲意粉，意粉到嘅時候仲係「炸炸」聲架！份量仲好多添！牛柳絲唔會炒得太老所以一啲都唔韌，配埋啲青紅椒絲同芽菜真係好香好惹味仲有不得不嗌翠華的涷奶茶，質感香滑茶味濃！！！不過略嫌多冰左少少。

本身住開將軍澳，呢度商場好多間早餐都食過曬好幾次 ，唯獨翠華呢間， 每次經過都唔想入去也無食過，今日忽然想幫襯下佢，只希望食物有改善，估唔到 一樣係冇乜點變 ，講真啦!女性通常鍾意食米粉 ，翠華早餐係唔可以轉粉麵，要跟指定餐落單， 咁多年都唔變，唯有食A餐啦，侍應生態度也唔耐煩，覺得我哋好似唔識叫早餐咁 !哈哈 !我哋真係第一次嚟幫襯食咋！只好快快脆脆 A餐B餐便算了。環境就真係幾好，地方寬敞，冷氣仲好夠凍添 ，只係服務還需要很多進步空間，就算set死咗餐我相信客人都會滿意嘅。味道一般， 鮑魚片也比較少得幾條奶油豬可能放得耐淋咗條腸仔就不敢恭維冇食到

想快快脆脆食個午餐，今次嚟到翠華食咗個米線。叫咗一碗豬軟骨米線同埋一碗魚四寶米線，陪左兩杯嘢飲，一杯熱杏霜同埋一杯凍檸水。本身見到碗米線得30幾蚊以為好平，原來加埋杯嘢飲成五十幾$60 ，個杯嘢飲值成20幾蚊，我不如去買台式飲品仲好。不過佢玩豬軟骨米線有幾好食，豬軟骨份量多，個湯好濃，米線都夠滑，呢個價錢食呢個質素係抵食。至於碗魚四寶米線就令我好失望，除咗舊魚腐之外，其他我覺得冇味道，夠預付就尚算好食，一咬落去有魚湯流出嚟，入面嘅魚肉都打得夠彈牙，魚腐係好食，但係其他例如墨魚丸魚春卷就真係唔太好食。不過餐廳環境尚算乾淨，侍應做嘢快，趕住食晏就OK。

市面上咁多間鏈鎖快餐店，我承認我係偏愛依個品牌旗下既。因為好幸運，是但走入佢地其中一間，佢地啲食物都保持應有既水準，基本上冇失望過。 今晚叫咗個晚餐-華盛頓豬扒 配 薯菜 飲 熱即磨咖啡塊豬扒放入口，有少許豬味既，唔會話放入口就鬆肉粉味道。不過，碟上有一塊疑似菠蘿既物體，但點知係蘋果，即刻由滿心歡喜跌至試試既心態。白灼秋葵 配 芥辣䜴油 廿幾蚊，覺得價錢合理過叫碟炒菜。沙嗲肥牛炒河唔會太油，但沙爹味不重。 海南雞飯雞飯飯唔太油，啲雞既雪藏味有點重。

今晚去左坑口e間翠華餐廳, 環境都算大, 黃燈格調柔和。😎 Menu圖文並茂, 易明。👍🏻今晚想食牛, 叫左個牛柳餐, 同一碗雙併米缐。👭😊待應服務快, 好快就落左單。👍🏻等左~5mins, 米缐先來。 湯底奶白色, 淡淡魚湯味, 成碗份量都ok! 菠菜餃大大隻, 餡料算多同新鮮！😎魚蛋略遜, 不太彈牙, 魚味不夠香。 牛柳餐有跟餐湯、牛油朱仔包同餐飲。落左5成熟, 牛柳扒成吋厚, 味道濃郁, 肉質有口感, 食得出冇落鬆肉粉！👍🏻😊 整體滿意, 只係魚蛋一般, 而魚湯再濃d就很好！

I highly recommend the Rocky Bun made in Tsui Wah Restaurant. The Bun coveredd a golden crispy with the pattern of pineapple skin. The crust is very crunchy and sweet and the bun is very fluffy and soft.

晚餐時間，來到坑口，商場內行過見到翠華兩大個字，已經有信心行去攞位場地夠大，坐位舒適，卡位最鬆動！我好想讚一讚這set調味盤設計！小巧精緻不阻定，攞放整齊，細節位係開蓋位無鏍絲釘！即是不會藏污糟！紙巾餐具也乾淨，拍拍手掌👏🏻海南雞飯，小巧一碟，鮮嫩無骨👍🏻隨附湯水不求其，有湯料，一喝便知絕不是普通有渣例湯，有誠意👍🏻紅、白蘿蔔，青瓜，醋酸甜爽口，滋味在心頭掂醬汁連飯食哂，幾有衣食咖哩雜菜飯，飯面個蛋好奇怪，看似生，但蛋底是燶和脆！應該是舊油兼無洗矱上打蛋吧？薯仔雜菜有西蘭花秋葵，咖哩香，偏辛辣，不好辣者小心食到出哂汗帶位，落單，斟水幾位服務員也很樂意

行過呢間翠華都好幾次，但次次都好多人冇機會入嚟今次行過見冇乜人排隊就決定嚟試試，成日聽人講好出名咁。。好彩早入嚟，遲5分鐘都要排隊，基本上都要搭枱坐第一次嚟食緊係揀佢啲top10，我點咗個豬軟骨撈麵其實我一心諗住係食乾撈麵lol不過份量真係好多，對得住個價錢啦但味道就比較重，偏咸，可能因為佢預你撈湯嚟食啦雖然本身係想食乾撈，不過最後都忍唔住加左好多湯先覺得食得落佢豬軟骨有落陳皮一齊煮，覺得都幾特別，開胃不過太多客啦，服務都比較麻麻同埋污糟

今天要到將軍澳醫院探病，可是放工後趕到坑口站，已經是18:30。這時候，醫院餐廳很大機會無野食，所以先在附近商場晩餐。看到翠華，即是有熟悉的食物，加上有大量座位，於是馬上入座。　晚市套餐份量很大份量，為免過飽，思前想後，點了豬軟骨米線餐。這個米線餐，由以前的36蚊，漲價到現在接近60蚊。升幅超過六成！！　人工又唔見加咁多！！！！　　下單後，職員呈上清水一杯，然後熱奶茶來到。秘製豬軟骨魚蛋米線  以前係配菠菜餃子，現在變為魚蛋几粒。魚蛋可以大量生產，以機器＜必＞出來，慳水慳力，成本低。反而更懷念以前那漲卜卜的蝦肉菠菜餃。　潮州魚蛋好彈牙，少少鹹，是否加左落左Ｄ＜水ＸＸ＞。秘製豬軟骨　肋骨部份有軟骨和筋腱等膠質。而且煮到軟棉棉，無需牙力，即可享用。秘製豬軟骨加了陳皮，帶點甘味。秘製的醬汁混在雪白的湯底之中，配軟棉棉的米線一同品嚐，慢慢食慢慢嗒，真係好飽。　這就是熟悉的秘製豬軟骨米線餐了！不過價錢就～～～～

翠華餐廳講得上係茶餐廳界嘅LV，雖然價錢比一般茶餐廳貴少少，但一定比到好食有質素嘅嘢比您食，所以一定唔會失望。今日就去會一會翠華嘅咖哩吉列豬扒飯，咖哩汁好香濃的咖哩味，送飯一流，啲薯仔好淋好入味，吉列豬扒外脆內軟，啲肉好鬆軟又有口感，仲要勁Juice 多汁，白飯軟硬適中，仲有叫咗杯凍檸茶，茶底好香濃紅茶味，吉列豬扒飯係冇餐，要散叫，個飯就67元，檸茶好似係14元，全部食物都好滿意，環境都算坐得舒服，唔會好迫，去翠華必食推介。

Always a safe bet when venturing into the suburbs, with plenty of healthy veggie options available. Recommend the okra-egg-rice, spinach-shrimp dumpling, or sauteed veggie with olive oil. Famous for their Hong Kong style milk tea as well.

今晚同老公喺坑口上堂，落堂都差不多9點，我倆決定食個快飯便回家休息。我地決定食翠華，因為屋企附無，想試試翠華嘅晚餐。我倆肚仔餓所以點了西冷牛扒餐及蕃茄焗豬扒飯。羅宋湯材料多，夠香。牛油豬保持水準，但奶茶唔夠熱，上枱時只是暖暖的，沒有茶香，街上茶餐廳也比它好喝。牛扒份量超大，隨著鐵板送通時還滋滋聲好吸引。淋上黑椒汁即時香噴噴咬一口。。。思考一會。。。再望一望塊扒，到底我在咀嚼什麼肉呢？為何完全感受不到牛肉味道，肉十分腍但一點肉味也沒有，可能是被醃肉粉醃得太久，這個價錢的質素還比不上快餐店的鐵板餐😞除了份量驚人之外都沒有賣點。我們吃了意粉和幾口牛肉便放棄了。蕃茄焗豬扒飯焗得比較燶，味道和快餐店相近。首次到翠華試鐵板牛扒，質素真的有待提升。

自從冇係中環返工後, 好耐都冇去過翠華食早餐, 記得當年一班同事一星期差不多幫襯五次翠華。🙈今朝經過坑口見到有一間新開張的翠華, 即刻入去嘆個早餐, 懷愐一下那些年的味道。坑口呢間翠華都幾大。裝修新淨企理, 細枱比例較多。幾年冇食, 早餐款式都好似冇變過, 變的只係價錢, 不過比起其他茶餐廳或快餐, 而家翠華早餐的價錢已經唔算特別貴。我當然點返B餐, 脆豬同炒滑蛋水準都keep到, 蛋夠香滑蛋味濃, 脆豬夠鬆脆。牛肉麵味道都可以, 不過湯底唔夠熱, 呢樣要扣分。😞去翠華食早餐當時要飲奶茶啦, 好穩陣。👍可能而家年紀大左, 感覺一份翠華早餐對而家嘅我黎講, 太大份, 好飽。😌