翠華餐廳 (已結業)

自從翠華出名之後, 好多國內同胞都會黎食今次只係去食個lunch, 門口已經排左好多人好彩d人來得快走得快, 好快就入到去今次我點左海南雞飯, 凍奶茶同奶油豬海南雞飯食評：同我好耐之前食既質素差左好遠，已經冇左好好味既感覺，俾既只係雞胸肉，仲要好似未熟透咁有ｄ血水，油飯都係太淋身，完全冇飯既口感，似食緊粥多ｄ，相反個湯又幾好飲，又多材料係湯入面，值得一讚凍奶茶食評：其實好多人話佢ｄ奶茶好飲，我就覺得有點普通，只係茶味比其他濃一點奶油豬食評：不得不吃，吃完個雞飯不算太飽，再叫多左個奶油豬，水準係ｋｅｅｐ到的ｐｓ：ｄ呀姐既態度真係好差，完全係當ｄ客係貨咁，事原我一個人坐緊係卡位度（佢叫我坐的），食食下就突然叫我坐第二度，馬上拎走我個餐去第二張台，非走不可咁，而且冇問過我意見

炎炎夏日,想食個lunch係旺角邊度都排長龍黎到翠華當然要排啦,等左大約15分鐘就入得,今次都算幾快因為天氣熱既關係,所以都唔係好想食咁dry既野所以點左咖哩雞飯,當要係想有d汁送下白飯冇咁dry呢度既咖哩汁係唔辣既,而且會分開上,咁樣就會多d汁可以撈飯食汁味唔算好香噴噴,不過唔會太"杰",送飯一流而d雞同薯仔都大大舊咁,幾好咬口味道ok既,不過都算幾貴!!

因為朋友係外國返黎想食所以去咗魚蛋同片頭都幾爽既，河粉又幾薄。但湯底同魚蛋本身都味道偏清。無乜特別好食唔好食。凍奶茶就茶味唔夠濃，稀到水咁。印象中機場飲過唔係咁。

大熱天時放LUNCH，冇乜選擇既情況下就同同事入左去翠華，估唔到一入就有位點知一坐底先發現奶野，我地坐正係廚房對出，完全係冇冷氣，邊食邊滴汗不過趕時間都冇計，只好頂硬上我今次嗌左海南雞飯食評：翠華個海南雞飯都算係幾有質素，因為佢D雞肉質好嫩滑，而D醬汁同海南雞都幾MATCH，個油飯都係好味之選，輕輕鬆鬆就可以食哂一碗，不過份量黎講真心係少，尤其是D雞件，基本上係食哂D雞都未食哂碗飯，比起之前個份量又縮左水！！

夜深，很多餐廳都關門的時候翠華總是很好的選擇畢竟它是上市公司，食物質素叫做有個保證吧？我發現鹿兒島豬軟骨米線可以轉冬蔭功湯底的時候，我二話不說就轉了豈料…中伏！面頭浮著一層油，這個湯底與我認知的冬蔭功相距甚遠我會說，這其實是中式辣味湯吧？用辣油溝出來的要煮個似樣的冬蔭功難道就這麼困難？幸好豬軟骨入味易咬，依然好食小麥奶油豬($18)幸好有個奶油豬讓我好過一下奶油豬不用我多介紹了吧鬆脆, 咬下沙沙聲，面頭有煉奶(後來發現紅磡的翠華奶油豬比這間好食，居然奶油豬都有「個體差」？）綠茶雪糕紅豆冰($30)面頭一大球綠茶雪糕，店員一開始漏了給我飲筒，飲不到，被我窮追不捨這個綠茶雪糕紅豆冰屬於飲左心情會好的食物之一秘製海南雞飯($65)友人叫的這個海南雞，皮靚肉滑，似模似樣。

朝早去翠華食早餐。三十幾蚊既早餐，唔算係平，但性價比十分高。先黎個火腿鮑絲通粉，都幾足料，食碗飯都已經飽左一半以上。有一個牛油豬仔，說實話，不夠脆，但搽滿牛油既熱烘豬仔包本身就幾好味有一碟炒蛋(我鍾意食炒蛋)，炒得幾滑，而且份量好足。最後有一杯熱飲，我喊左熱咖啡，其實翠華既奶茶同咖啡個質量都唔錯。咖啡方面，很滑，飲落很是香醇.食個早餐分分鐘飽過午餐。

老實說，大部分時間，我都唔鐘意食翠華。香港的茶餐廳文化，大約最後一章就是這裡，我並不覺得這間算是正式的茶餐廳，頂多是一間連鎖餐廳如大家樂大快活罷了。這個早上連續在旺角朗豪坊睇兩場早場，在場與場之間的二十分鐘，吃些東西是必需吧，於是去了最近的翠華餐廳吃早餐。從來這裡的餐廳只有三個選擇，麥皮早餐，沙爹牛肉麵和鮑魚火腿通心粉，唔想咁唔健康成日食麵又唔想口啖啖食麥皮於是我們來了這裡。從來香港的餐廳都是以快靚正為準，不過今日慢得很。晨早十點半都有咁多人，冇辦法，就算香港近來已經少了很多的自由行旅行，這裡還是充滿著來自中國的老闆們。等了十分鐘才到的早餐，如果說時間，我相信這已經是不合格的指標了。先來的竟然是鮑魚火腿片通心粉，我唔明係乜野邏輯。鮑魚和火腿片份量都好多，一口通心粉一口餸的比例絕對做到，那個湯底應該是你吃開某香港大牌子的雞湯，你就好不好吃，是見人見致，不過三十多元的早餐在旺角，是可以更好的。然後是應該容易整好多嘅煎雙蛋和方包，我沒有整多士，只是簡單的牛油夾在裡面，蛋黃點麵包也可以是很美味，但我不明白以為是剛剛煮的蛋卻是無乜生氣同埋唔係勁熱的那種感覺，大約這就是沒有了應有的茶餐廳火喉。最後

翠華翠華服務真係差，一入到去無人招呼，坐好無人執枱，好聲好氣唔該店員清潔枱面反而比佢鬧。叫左常餐，同豬軟骨米線，常餐真係正正常常無咩特別，蛋係炒得滑但無味，豬集包唔脆，螺絲粉亦唔見得同其他普通茶餐廳有咩分別。豬軟骨米線還好，豬軟骨腍身，味道濃郁，米線彈牙，湯底都算入味，但略嫌份量少

翠華，香港地道早餐， 11點半之前就可以食，有ABC餐選擇，選擇左沙嗲牛肉麵。送奶茶，豬仔包好快一落完單，食物就好快到。沙嗲牛肉麵，系翠華食，可能比起其他餐廳會貴啲，貴在佢嘅名氣沙嗲汁唔算多，沙嗲味都唔重，反而個麵都幾大個，但係個湯底就好鹹。附送嘅豬仔包，比我想像中細，不過就好脆，只係搽咗少少牛油，如果有搽練奶就更完美。失望嘅事，奶茶完全冇茶味，飲唔出係一杯好奶茶，十分普通。不過勝在平， ＄50有找。只求飽既朋友，其中一個選擇。

服務員好似唔想做咁。餐廳內有吉枱依舊叫人店外排隊。終於有枱坐低，嗰兩個年輕男服務員好似喪屍咁，行來行去，沒禮貌，淨係識叫人等等，觀察過佢哋成十分鐘都係行來行去冇做過嘢。翠華以往做管理是很好的，為何現在搞成咁？ps 呢間分店食物質素仍然是好啲。

今日要趕文件，所以同個同事遲左走，做完都差唔多七點幾喇，肚餓都唔想揀食咩喇，就近喇，我地去左翠華解決，翠華而家名氣大左，經常要排隊，出品我都覺得無以前好，不過都算OK嘅。我點左個鴛鴦凍奶，我同事就要左個凍檸茶，奶茶出品OK，奶茶仲算香滑，但并無特別之處，不過不失。炸云吞，細個時經常食，但唔系好多地方都有得食喇，炸得好香，又唔油，同我一樣中意食香脆食品嘅就唔好錯過，好脆。牛油菠蘿，我覺得好好食，酥皮做得好松脆，呢度嘅牛油系自己食先放，唔系其他店咁幫你夾好，面包做得唔錯。豬仔包，如果嚟翠華嘅就唔好錯過，兩邊煎得好脆，包身硬，但食落覺得好香，再加上甜甜的煉奶，口感好正啊，算系有小小驚喜。呢度嘅紅燒牛腩都好得嘅，夠入味，又夠火候，香爛軟，又大部分系腩肉，好好食，算系呢間店的特色作品喇，不過呢間店嘅態度一般，如果只為食物唔計較就無咩所謂。

午餐時份，諗唔到食咩。決定試下翠華，上一次食已經係好幾年前。 食物同以前差不多，叫左個沙嗲牛腩米線，好少見沙嗲配牛腩，一般都係咖哩配牛腩多😂。沙嗲色明顯，嗅落去都有少少沙嗲味，可惜食落冇，牛腩煮得幾淋，份量亦多，可惜既係米線太少啦，兩啖就食曬。 最後係加左好多辣油先惹味啲。

全香港咁多翠華餐廳，細冧下都去過好多間啦，每間D野味道都差唔多啦。基本都系開係人旺既地方，又系連鎖老字號，所以穩距一D都無難度。距完全可以代表香港成為港式飲食文化之一，到處都系分店，大部分遊客都好熟悉距啦，係呢度就餐會聽到大部分人都系煲冬瓜，即系多數內地人都嚟呢度食嘢啦，仲可以叫外賣添，生意肯定火啦。呢度最好火爆既系魚蛋同咖喱，魚蛋好彈牙，又夠曬入味，夠曬美味。咖喱味道真系幾正下。平時入嚟，見多數人臺面都會有魚蛋河粉同埋咖喱牛腩，都系慣點嚟既。我都系點翻個魚蛋河粉彈彈牙，河粉淡淡哋同D湯底一齊入口味道剛剛好。飲品最多既系奶茶啦，地道既港式奶茶稱號距可以拿得穩，奶茶仲可以自己適當添加糖。嚟呢度食嘢，叫距系例牌啦呢度另外仲有：幹炒牛河，菠蘿油，豬仔包，水晶蝦餃，雲吞麵，腸粉等等好多款美食任君選擇！！！ 

一個人嘆早餐最好就係去茶記，前排經過翠華，見好多人食早餐，而價錢亦唔貴，就入左去食。雖然鋪頭都幾多人，但店員見我自己一個，都冇安排人撘枱。香滑奶茶，一向都有質素。滑蛋及牛油脆豬，牛油太少，問店員再要多Ｄ，過左陣就比左舊牛油我自己查沙爹牛肉面，本想轉通粉，但原來唔可以隨便改餐既內容。如果可以彈性啲就好了。

翠華茶餐廳收工肚餓想食魚蛋粉，決定食翠華，四寶湯河$37些四寶是魚腐、墨丸、魚蛋、魚春卷，魚湯味道很好，河粉很滑，魚腐很有魚味，整體超正～再來一份必食 奶油豬$18～～個包暖暖地，但很脆，很好味！～又係超美味宵夜～但價格相對比日本料理平❤️️比一般茶餐廳貴少少，但口感味道都很有水準～