翠華餐廳 (香港國際機場)

營業中

休息中

今曰同朋友一齊飛機去泰國，我們辦理登記手續後，找過地方休息嘆下香港早餐，機場選擇吃早餐地方算多，但價錢就很參差，我們揀左茶記，臨離香港回味一番。我們各人叫左沙爹牛肉公仔面配香葱炒蛋，沙爹牛肉公仔面裡，牛肉足料但公仔面唔夠熱，面質地尚算可以，香葱炒蛋沒有葱，炒蛋唔熟，不太想吃了，有點兒失望，牛油豬仔又係凍冰冰，至於地道港式奶茶，幾好喝，夠熱，水準不錯，奶味濃郁。希望下次其他地方可以改善。我最喜愛的奶茶

叫人換位一句唔該都無 冇禮貌 咁多位仲叫人換位 仲話陣間就好多人 我趕飛機諗住食十分鐘姐 啊嬸態度好啲都算 又冇唔好意思 又冇唔該 又冇問我意見 咪指意我會去多次 我仲會叫朋友都咪去。上巿後服務同食品質素大跌

久未上翠華食飯，但是它在我心目中仍是香港茶餐廳的代表，那杯奶茶仍是記憶中的牽掛。今早去機場，順便重溫舊夢，不料大失所望。翠華已經從港式茶餐廳的佼佼者，淪落為一部快餐傳送帶。早上八點多上到翠華機場店，惦念著它那玲琅滿目的早餐menu，怎知除了黑松露炒蛋等幾款外，menu上的菜品都要十一點後才供應。勉強叫了一份，食品質量完全不知所謂。服務員推著車子送菜，車上放著一大批同款菜品，送往不同的餐檯，完全是傳送帶形象。菜品也就算了，服務更佳離譜。餐廳裡有不少員工，不是送菜的就是收碗的，唯獨找不到為你服務的。舉起手來，每一位員工都自然地將視線移開，無人理睬你。知道翠華上市後面臨盈利壓力和客戶流失。它又成功地將一位客戶趕走了。

去完日本十幾日，啱啱落機想食茶餐廳，於是揀左機場翠華，門口女仔比左張飛兩位，但行入去完全無人理你，坐低都無餐牌。落單時又唔覆單，又完全無回應, 我以為佢係啞㗎，最精彩係年輕伙記無視客人存在，大大聲講粗口，真係完全表現真我，佢哋既質素好低劣。由於太餓無影相，叫左個焗豬扒飯，瑞士汁牛河，凍奶茶，味道比旺角差，而且價錢特別貴，以咁既服務態度，以後落機都係去第二間好過，無謂貼錢買難受。

自問都比較少食翠華既早餐今次入到機場搭早機好奇佢既早餐到底係咩就去左幫襯LU點知就係中伏既開始一入到去個店員就帶我們去無雷公咁遠既seating area坐我地明明又拖gip又多野拎都要我地行到咁遠(明明就有好多空位)我就嗌左個醒晨早餐有一杯野飲, 炒蛋, 炸魚柳, 牛角包就係得咁就已經要5x蚊wa...一上到黎不得不說就係個魚柳都幾大份既不過總括黎講就唔抵食炒蛋唔算係好好吃煮得太耐都已熟透了牛角包算是正正常常而已未到話好好味魚柳係大塊但係得個大字口感乾如柴!!總括而言係唔抵吃的, 最多只值30元

本來開開心心同老婆去旅行，食完真係心情跌左一大半。一來到出面要排隊，以為好多人。點知入面好多空位。到點餐，點完黎餐時，d野黎到錯哂，亂哂大龍。一枱4個人黎6個餐，睇都唔睇，求奇丟低頭都唔回就走左去。同佢講叫佢收番又黑哂面咁拎走。3枱客既單撈埋哂一齊，黎又黎唔齊，催極都唔到。想佢地幫幫手，叫佢可以永遠只拎背面同你講野。d人又闊佬懶理。個通粉竟然上到枱係唔熱，係暖既！真係火都黎埋。絕對唔使旨意有下次再黎

今天全家到機場，趕坐早機去台灣。但朋友表示，＜惡曬航空＞來回香港台北的飛機餐大縮水。縮皮到只係得一個包，一塊曲奇和一盒紙包檸檬茶。所以在上機前，一定要食飽飽。７點多來到餐廳，大部份座位已經有客人佔用，要往裡面走，才找到一張四人枱。點了A 餐& B餐。等了一段時間，食物才呈上。小餐包配牛油變為乾爭爭凍冰冰的牛角包。　　蛋呢！就變為＜炒蛋溝煎蛋＞的混合體。其中一隻蛋看似有蛋油，可是蛋黃大部份都是凝固了！流不出蛋油呢！　印象中的翠華Ａ餐太陽蛋，係會勁必蛋油嫁！！！！沙嗲肥牛肉即食麵是豆丁之父心頭好。　牛肉片變了肥牛片，配味道較濃的沙嗲，是絶配。而豆丁喜歡通粉，自己就跟豆丁分享這碗腿通。這店的通粉比較煙韌／有咬口，需要多咀嚼几下，應該是烚通粉的時間太短。也許是太多客人光顧，廚房趕著起菜吧！　　終於等到餐飲來到！一架手推車放著十多杯飲品，方便又安全。看到職員由餐飲手推車到呈上的熱奶茶的過程，真係打左個突。職員是單手４隻手指直接抓著／鉗著杯口，把杯子放在碟子上。即是職員手指上的ＸＸ，已直接轉移到杯口上。二杯熱奶茶都係以４隻手指抓著／鉗的方式呀！　即是二杯奶茶的杯口都有ＸＸ。因為這杯熱奶茶，衛生比低

20160910--越南5天之旅，寄存行李後，又是吃早餐的時侯，近來離境前吃早餐，不想到大家樂，多是選擇翠華，不是因為食物特別美味，因為旅行的原故吧，當作行程已經開始，坐下有侍應招呼和送餐，可以好好的放鬆心情。二人點了:沙嗲牛肉即食麵配嫩滑炒無公害雞蛋+小麥牛油豬仔($40)--當時無留意呢隻蛋個名咁特別，食又唔覺特別味道，嫩滑又真是做得到的，牛油豬仔很脆，加上咸咸的牛油，味道很好。麵質未煮透，太硬身，味道一般。仿鮑魚火腿絲湯通粉配無公害煎雙蛋+牛角酥($40)--湯很咸，應該是味精吧。雞蛋放點鹽，有蛋香，牛角酥咬了一口，不酥不脆，無心機吃，家人主動跟我交換了牛油豬仔，牛油豬仔好吃得多。每份早餐$40，食店座落機場內，價錢算是合理，味道一般。

凌晨機往美國，心情十分興奮，此行大約兩星期多，赴美前一於臨別秋波，嘆杯地道港式奶茶才上機，港式茶餐廳，翠華應該穩陣之選吧！將hand carry行李放在大門，便被安排入座，裏面非常闊落，當然～機場嘛！不過，這裏環境沒我想像中衛生。才九點多，還有幾個小時才登機，晚一點可能會肚餓，不如就點一個輕盈的米線餐吧，反正看來都挺吸引，又跟一杯餐飲，正中下懷。還以為非常輕盈，這個鹿兒島風豬軟骨拼鮮蝦菠菜餃米線（＄58）實在有點深藏不露，驟眼看以為份量不多，原來吃着吃着就都覺甚為飽肚，要老公出口相助。豬軟骨有幾大件，燜得軟稔又入味，軟骨部份，入口更是又香又滑溜，湯底超級濃稠，我感到嘴唇被那豐富的骨膠原弄得黏黏的。米線掛著如此濃郁的湯底，那會不好吃？鮮蝦菠菜餃也很有誠意，餃子皮薄餡靚，隻隻飽滿，餡料包成一邊是鮮味彈牙的蝦肉一邊是清甜爽脆的菠菜，能鮮明地吃到兩種餡料的口感和原味，有心思，這碗米線的水準比我預期高。翠華的奶茶很對我的口味，茶太多，我會覺得苦澀，不夠滑溜，但奶太多，茶香又變得遜色，這杯茶和奶的比例恰如其份，我對這杯2016的最後港式奶茶非常滿意，暫別香港兩星期，回來時已經是2017了。

可能是下午茶時間，所以雖然一直看到服務生，但卻是叫很久才來點餐，人手有點少。也難怪那麼多桌吃完了都沒人收拾。其實一間店乾不乾淨，看桌面就知，到處都是食物殘渣，玻璃下都是流乾的飲料液體，其實就可知餐廳不是很乾淨了。不過翠華的片頭魚蛋確實是有一定水準，環境改善一下會好一點，不然就浪費了這麼漂亮的裝潢了。

今晚1030回香港，一行9個人去了翠華，出面放牌11點半last order,樓面侍應說廚房嘢無晒，只得湯面類，無問題，我們只想食完就回家休息，我點左豬軟骨菠菜餃米粉，又話米粉賣晒，咁照嚟米線吧，算！落完單5分鐘後樓面侍應同我講豬軟骨無晒，我話無晒唔緊要，咁有無嘢轉比我，佢話無，佢意思係就算無豬軟骨，他們只會比原有個3粒菠菜餃我，一陣樓面侍應應該問過他上司，佢話加多一兩粒菠菜餃當替豬軟骨，好吧！算啦，我都知夜，無謂太多要求，但我已經覺得你們公司好有問題11點半last order,11點未夠你們已經好多食物無，我已經好不滿，一陣結果嚟到得3粒菠菜餃，我立即叫主任處理，主任服務不錯，佢表示廚房同佢唔合作，所以出現左情況，全場得佢似返個服務員，他立即處理，但其他普通樓面侍應服務質數實在太差，埋單又找錯錢，都唔係旺，幾張枱，都算數，個侍應話得啦得啦！你地自己出錯仲一副不知悔改既樣對客，隔一陣佢話比左85折你，我地真係上火，我唔係嚟乞食，唔係嚟R折，仲話上市集團又連鎮餐廳既名氣，用咁既質數既人，我實在覺得丟香港人既面，機場係國際性既地方，我身為香港人，仲要自己都係做飲食業，我肯定！我一定唔再去

食物還好 但係趕飛機 一入位帶我入到去最裡面員工用餐處 想落單 等左十幾分鐘都無人來 入去時仲有早餐供應 但係一直無人來落單 搞到想食既早餐食唔到 仲要趕唔徹飛機 咁既服務處理 叫旅客點樣來

離港前最想食下啲香港風味野食翠華有沙嗲牛肉麵所以黎左呢度食物預左貴，同埋唔係特別好好食但呢間啲阿姐態度非常差企係佢隔離想問下個位係邊度，大聲嗌左幾次唔該都唔應人，態度咁差啲野食好食到曉飛都無用機場係對外國人黎講最後一個守關咁無禮貌既員工只會留底一個壞印象俾人

估不到那麼欣賞機場翠華門外明碼實價裝潢大方寬廣十分雅致價錢老實麻辣雞絲面我選擇蛋面48元連奶茶好好麻得招積全隻重慶辣椒干 真是經典我最好辣翠華用上心思抵讚非常夠麻,痺,辣 而且雞肉沒有雪味面一向好嘅在機場令人倍驚喜有常餐這裡全日不加一嗜辣的我好奇試枱上辣醬完全貴價潮州辣醬放下一大匙至高麻辣覺得自己抵左辣椒醬都不菲 真的而家什麼都貴翠華經典粉面水餃大多數餐都供應豬仔包什得我心一奶茶即是好翠華奶茶不太濃而得我中意可能校味真正在下過心機滑香奶茶向不放糖如我說那些奶茶得相信都值得7至80分仍是同一茶胆凍茶 所有紅茶都夠茶味也是香滑冰奶茶喜歡他們同市內一樣收費

坐11:55分機回鄉有朋友送機所以係離境大堂是但搵一間野食下咁就上左翠華近收工時間 想食既野都無哂咁我簡左鐵板餐雞扒味道尚可肉身滑嫩可惜唔知點解個皮有DD濃味但比起樓下大集團好食好多但價錢又真係貴過出面20﹪