翡翠拉麵小籠包 (已結業)

在這裡吃晚餐,之前試過無數次habour city分店,食品和務都每況愈下...開始對呢間失望時.見呢到有間新開分店就即管試試,點知好驚訝..極好..不論服務和員工的服務態度都是上佳...無期望過會咁好呢!担担麵排常好食,詠黎園無得比! 小籠包一樣..三疏都係..茶都好飲!

翡翠我全部都食過,又第一間太古,銅鑼灣,尖沙咀,沙田,九龍灣,IFC,大有,世貿,我排得冇錯啦!!我又第一間食到第八間,大有點心最難食,我自已係日本都有開上海菜自己都做過廚房,小龍包皮厚汁少其他我都唔想講,要食小龍包係唔洗醋薑就咁食就得,咁先可以食到佢原汁原味,但係最值得一提就係蘭州拉麵又我第一間到依家都咁好食,我曾經在太古問過待應那位拉麵師的名字好似叫魏師父希望我冇記錯啦!四年幾前我已經見過佢,好難得一個師父可以係一問鋪頭做咁多個年頭,因為飲食業會經常過埸(自己經驗),希望翡翠老闆可以改善一下,鋪頭越多品質越難保學到原本既味道,如果廚房師父睇都會留言一樣會同意我睇法,你要令到師父有心係你公司做,你必要凡事都要親力親為做,廚房同員工了解所有野唔單止係大佬,我已經移民希望幾年返來會有改善啦,我睇過貴公司的介紹老闆是葉先生,錢係重要但係如果你冇用心既員工去做你再出名都係冇用,好似魏師父四年來都係用個心來拉麵你會重視咁用心既員工!!

大友商場開左間翡翠拉麵小籠包, 又係旗艦店, 經過就去試下o拉.叫左4樣餸:1. 脆鱔: 幾好食, 送酒佳品, 不過冇酒飲2. 菜(好似叫三味菜): 個樣幾靚, 味道清淡3. 排骨拉麵: 排骨與麵分開上, 排骨炸得較乾身, 麵質好, 浸得耐仍然不會發漲, 口感唔錯4. 兩籠小籠包: 皮不會太厚, 包內湯汁亦不易漏出來, 肉質亦令人回味這裡的食物是不錯, 但服務態度實在不太好. 這裡叫完食物之後是會給客人一張清單, 以落單無誤. 落左單之後, 我們因為坐風口位而要求調位, 調位後我問那位比較高級的經理, 那長清單會否再給我們(他調位時收了那長單), 他悔氣的回答"o個單我可以俾你, 但冇乜用o羅", 我不知道原來對他來說, 這是一個無禮的要求. 但我相信那不是應有的服務態度.

啱啱經過就上黎食, 叫左菜肉雲吞湯, 黃金蝦同鱔炒麵. 個湯比想像中好味, 個湯幾清, 我喉嚨痛飲落好舒服, d雲吞亦好滑. 黃金蝦就比較差, 因為冇乜鹹蛋, 令佢唔夠香, 不過d蝦都炸得okay既. 個鱔炒麵味道都okay. 整體黎講都okay, 比較想像中好食.咁大個場, 見d伙記忙到嘔, 都替佢地辛苦.

1/6(五) 6:30pm久聞此店的服務生態度何其冷淡高傲,面口何其猙獰;故這"冷翡翠"從非我的首選!承蒙同事的小籠包優惠卷,才跟它聯繫上.先由接待員規矩地招呼,繼而被安置在角落的二人座,座位縱非寬敞,但環境佈局屬新派中菜館的富中國味道而不老套.翻開菜牌,菜色價格走中檔次走線,其陣容亦頗豐富;我倆點了原盅雞湯雲吞$42,上海冷麵$32(干蔥撈麵$30),蟹殼黃燒餅$26,原盅雞湯雲吞--湯頭的確頗鮮甜味濃;反之雞肉稱不上嫩滑,菜肉雲吞更是拙劣之品;浸泡過久,外皮腍爛,肉餡鬆散!上海冷麵--餐牌上沒標明該道乃辣菜,一入口那股麻辣令對座的那位點到即止;撇開辣度,畢竟麵質挺高,青瓜甘筍豆干絲配上其自家醬汁,本人可欣賞的一味.干蔥撈麵--上海冷麵的頂包;乾蔥絲炸至富光澤的啡棕色,配以索盡甜醬油的白身幼拉麵彈牙有嚼勁,平易近人的美味!蟹殼黃燒餅--色,香,味皆欠奉!水油皮毫不鬆脆;火腿及蔥粒糊作一團,不堪入口!小籠包--贈送的小籠包一人一隻,水準像樣;細小精緻,餃皮柔軟,湯汁香濃,肉餡鮮美,教人有點意猶未盡!未知是否新張原故,服務生及經理均彬彬有禮,全程並沒遭白眼或無理對待,抑或其服務水平經已有

今次食左酸辣拉面, 雖然加左價, 但個面加大左好多, 一個人食哂既話真係乜都五使食其他野. 個面真係好好食, d酸辣湯五夠辣.個紅油抄手就得個咸字.醉雞五夠酒味, 雞肉太瘦.重有個三蔬, 明明張圖係花菇, 到來的是香信, 大佬呀!價錢差幾倍, 重要剪到一條條, 分明呃人, 甘既價錢$58食水深!重有d伙記好像全天侯監視你甘, 一見到你挾完最後一件, 即刻快過劉翔好似鬼魅甘出黎收你隻碟, 我試過一起最後一個小籠包諗住點醋, 條友就拿拿聲收起個籠同醋, 五係得我嗌住醋都無得點.唯一好處呢度五使等太耐位

呢度開了翡翠，幾好，又唔算多人排隊。和男友黎食，等了五分鐘，就有得入座。黎翡翠，因喜愛它的麵點，做得真係好。 點了油豆腐粉絲湯，小籠包，擔擔麵，菜肉雲吞油豆腐粉絲湯，一般啦。小籠包，熱辣辣，湯汁又多。好味。擔擔麵，麵底唔錯，夠彈牙，湯汁夠辣，豐富花生味。好開胃。菜肉雲吞，皮薄，餡軟，口感真唔錯，好好味。

去過幾間翡翠食,食物都ok.呢次同女友去,終於坐到卡位最喜歡翡翠的拉麵--軟硬適中湯真係鮮甜小籠包汁多好味!!!醉雞夠酒味...正比較環境不太迫，坐得幾舒服服務都幾好可以一試...

今日.......落大雨.........所以去0左大有新0既翡翠拉麵.....太令人失望..........雞絲粉皮唔夠涷......又好多油.......冷盤唔夠涷......好難食架.......個蟹肉燒餅.......menu 上面無寫有豬肉架喎...............點解蟹肉唔多條, 豬肉就一舊舊........唯一可以話ok 0的0既個小籠飽同酸辣湯........唔會再去..........

試過幾間翡翠小籠包, 水準都差不多; 不過早兩日去上址覺得好嘈, 好難同友人傾計, 加上服務好差,我都未食完佢\就收野,好似好趕...食物就一般,都係小籠包最好味...應該冇下次

因為係二樓食不飽，唯有跑上來三樓。這裡地方比其他店大，更有望街單人bar檯，有趣。1. 咸肉炒年糕，年糕太油，切得太厚太大件難以入口。2. 乳鴿，忘記了這個是不是叫做樟茶鴿，同年糕一樣，太油。3. 這是不是火腿雙方？味道比上兩個都好，但那個醬有點怪。4. 小籠飽，水準和其他分店一樣，4隻裡有1隻又穿底了。5. 排骨麵，水準和其他分店一樣，拉麵好吃肉不好吃。說實在翡翠的點心好吃，但大菜的火候實在未到家，人家留園雅敘一個鮮魚羹賣$40，這裡的宋嫂魚羹也$35。你話我揀邊到？這樣說，食點心拉麵之類，食得過；叫小菜食飯，食唔過。至於服務水準，都繼續係一般水準。

食物味道同其他分店無大分別, 一樣係碟大大食物少少, 但係一講到服務態度就...我打電話訂位嘅時候, 接電話嘅人已經態度差, 我訂3位, 佢一定要齊晒人先至可以入, 少一個都唔得, 唉! 仲有連訂位嘅時間都可以聽錯, 真係唔知點做生意的!

水準同其它分店冇乜分別,但唔知點解D service 同causeway bay 一樣，但今次D伙記好,但經理永遠黑面,十問九唔應。同埋見過有一斑人話19個,到左17個都唔比入,依個rule真係不知所謂。噤?service幾好食都係噤話。