翡翠拉麵小籠包

營業中

休息中

昨午原想到金鐘某日本餐廳下午茶，可惜有人包埸而不得其門而入，唯有在附近揾食，見翡翠拉麵有位又有下午茶就入內幫襯。入座後，用手機落單，看到每位茶錢$12，但只給我們每人一杯清茶，沒有茶葉品種選擇，飲完再由侍應加添。我們選擇滾水，他們就換每人一杯滾水，幾經爭取後，才放下一壼滾水讓我們自行加添。落單後，差不多所有食物已到，唯獨生煎飽未有，向一位較年青的男侍應查詢，只是回應叫我們等等，但未有跟進。我們再加單的食物也到齊，生煎飽也沒蹤影，在16:00看到生煎飽落單時間是15:15，即是45分鐘也未到，再問那個男侍應時，另一位路過的女侍應才說幫你們看看，過了5分鐘左右，看來似較高級的侍應話不好意思午市時生煎飽已售清。每次侍應放下食物時，看到不會主動收拾枱上已吃完的食物碟，服務質素真的有很大進步空間。整體食物質素強差人意，炒飯不但不乾身，更竟然有水份，菜肉雲吞麵好少麵條，一個人也不飽，炸醬麵不過不失， 鍋貼和高力豆沙不錯。

呢間位於金鐘廊嘅翡翠拉麵小籠包係附近打工仔嘅一個選擇🫢如果早少少等位都好大機會有得食店舖面積都算大 唔會覺得擠迫而且價錢唔算好貴 大約$100-1️⃣上海炒年糕份量十足 煙韌嘅炒年糕加埋蔬菜🥬食落唔會覺得肥膩-2️⃣小籠包小籠包係上海菜必食之選🤭一籠有四隻小籠包 皮夠薄而且有滿滿嘅湯汁🤤如果可以我會想自己食一籠-3️⃣嫩雞煨麵清澈嘅雞湯加入左好多蔬菜同菇麵粉吸晒湯嘅精華 加上雞絲🐓味道清新健康👍🏻

玩到盡興.離開海洋公園已經6點幾.阿女搵左金鐘廊嘅翡翠拉麵食晚飯.用apps訂枱,去到就可以入座.點左上海生煎包:生煎包煎得香脆可口.唔油膩.瑤柱賽螃蟹:有蛋白、江瑤柱和蟹肉,撈埋一齊食.好滑,好好味.今次叫咗兩籠上海小籠包:每次去到喺必選食物之一,熱辣辣.皮薄多汁又有肉香味.上海排骨拉麵:排骨酥脆,拉麵煮到啱啱好.唔會太淋.美中不足個湯底較鹹.蒸銀絲卷(一條):包有一絲絲的,沾上煉奶,好食.鎮江肴肉:有入口即溶嘅感覺,唔錯.嫩雞煨麵:雞肉切得太細粒,湯底就好清甜.

uncle antie 回港後去食上海野，去開金鐘買嘢，就順道去呢度食，一開始order，但侍應話電腦問題再出單，結果所有野黎，張枱細放唔到，其實佢係所有嘢黎2份，想同侍應講黎錯雙份，結果，叫極無人理，仲越叫越走，最後要走出去講。後來，黎担担麵，碗麵亂糟糟好似摷亂咁，以為佢係咁樣，誰不知，佢黎錯第2份時望到碗麵係整齊架頂，已經食咗，無得嘈！ 再上松子魚，真係真心唔好味，太酸佢哋嘅服務同食物質素，真係唔值得黎

無論係服務定係菜品質素都越來越差！ 茶杯好污糟，想嗌服務員過來換，點知佢企好遠大大聲問我需要D咩，好無奈🙄。另外有三隻抄手無煮熟，都無謂再換，求其食幾啖，以後都唔想再幫襯。

年30晚個日中午 食左呢間野 叫左碟蔥爆牛肉價錢100幾蚊 上菜個時 碟野一隻手掌遮得哂 仲要差唔多全部蔥 牛肉得過幾塊 諗住呢個價錢 味道會好好 點知 仲難食過我自己煮 d 冷盤又係 賣相係靚既 但味道同份量完全唔店 3個人食 食左770蚊 你話好食既話 2000都比你 反正年30晚 但無諗過可以真係差到咁日 仲要最後埋單個下 個服務員真係態度差 好似啞左唔識講野咁 look完卡放張卡落張檯到就完左 咩都唔講 你至少都請句ok 我其實要求唔多 唔洗你講多謝 但起碼比我知道 埋好單 我可以走得

今日去金鐘睇展覽，之前醫下個肚先，好耐無來，行左一陣，最後都系去翡翠因為佢有好想食的羊腩煲。12點前去到，無乜人，正。坐低馬上來兩杯熱茶，加一碟收費$8的小食，雖然吾知道系乜，但又幾脆幾好食。可以電話apps點餐，但仲系未可以電話結帳。好快D野來啦！菜肉雲吞拉麵（$70）3分- 拉麵又真系吾錯，幾有彈力同咬口，口感幾滑，加埋個湯一起食又真系幾好，唯一差小小系有部麵好厚，可能系麵頭最邊，師父拉斷時將幾條黐埋的原因。- 雲吞有5隻，涵料真系無特別，可以話系屬於中下品質，另外應該煮過龍，皮都開始爛。支竹羊腩煲（$168）2分- 睇相大家自己認為系你平時食開的羊腩部分嗎？骨頭好大。- 羊腩又系過火，太”淋”，似煲完湯的肉，但都吾入味。-中意食羊”蘇”味的一定非常失望。- 支竹就反而吾夠火候，有D 硬。- 味道帶辣！吾系一般羊腩煲味道- 無腐乳跟亦系另一個失分的地方。

今日約左班朋友去金鐘食個lunch，知道翡翠拉麵小籠包可以用app攞位，就二話不說揀左佢。你要知道金鐘食飯真係唔係人咁品，12點半左右去到已經企滿哂人，好在出門口前有用到個app攞飛，去到等多5分鐘就入去了。其實翡翠拉麵既食物唔洗點介紹啦，一直都保持住穩定既質素！今日叫左個匯豐信用卡二人優惠餐，再點左幾樣自己平時都會食既野食，有四季豆呀、上海年糕等等，中途淨係掛住傾計都冇咩影低相，所以真係野食其次，朋友見面先係最緊要，哩樣野喺疫情期間真係好大感受。下面簡單講返幾樣有影低既野食:-金銀蛋莧菜—調味很好，但個人私心想要多點咸蛋黃！上海排骨麵—只係影左排骨，炸得非常好，而且咬落啖啖肉汁，正！麵就正常，但唔記得叫佢剪麵...小籠包—皮會比鼎泰豐厚身，但湯汁都豐富，而且夠熱，平均水準以上啦！黃金炸蝦球—全場最出色，蝦身彈牙，蛋黃掛滿蝦身，可惜份量唔多，大約每人一粒多點。乾煸四季豆—鹹淡適中，肉碎好香口！上海炒年糕—正常發揮，冇咩特別。我地重叫左紅油抄手、雞絲粉皮、炸銀絲卷、酒釀丸子等等，四個人埋單每人剛剛200，但每次都係頂住走，真係大滿足！不過餐廳真係比較嘈...想要慢慢坐耐D傾計就唔好了。餐

好耐無食過上海小籠包，適逢餐廳做緊期間限定蟹粉系列，對於鍾意食蟹既我黎講非常吸引，即刻去左試🧐😆🧡蟹粉拌毛細面 $98呢個拌麵組合非常新鮮，有驚喜🤩蟹粉份量比想像中多，連埋新鮮炸起既蔥油食落超級香口😋😋撈埋個麵一齊食啖啖都好rich，不過個人認為油左少少，如果蔥油份量減返少少就perfect 啦😆🧡小籠包 $48 （4隻）呢個就正常發揮，皮唔算話真係好薄但入面湯汁真係好多，食落去大滿足😝😝🧡上海排骨拉麵 $78呢個咁classic既拉麵都唔expect會有咩特別，點知個排骨又真係幾impressed😗炸到金黃色，外脆內軟，略嫌少少乾，放落湯度一陣仲好食🫠雖然叫排骨但其實啖啖肉，無骨都無咩肥油，好食😋除左食物唔錯之外，位置都好闊落，好多卡位，好坐又有空間感👍🏻味道：8.5/10性價比：8.5/10📍翡翠拉麵小籠包（金鐘店） 金鐘金鐘道93號Lab Concept 金鐘廊1樓E01至E06號舖📌人均消費: $101－200#hkfoodie #hkig #hkfoodieblogger #美食 #pasta #foodiegram #foodiehk #foodblogger #foodi

要係金鐘晚飯搵食，比想像中容易，可能係商業區又或者疫情關係，都唔駛等位直入。今次咁啱行過間小籠包店，諗起平時都少食，就試吓食餐。頭盤先食個雞絲粉皮，粉皮爽滑，啲醬又唔癡口，份量算正常，不過搵下搵下都唔多見啲雞絲。雖然無雞絲都食得好味，但係硬係爭緊啲嘢囉。跟住再嚟過雲吞，呢個做得唔錯值得推介，皮有啲厚但不至於硬，呢一樣嘢已經做得比其他好。𥚃面肉質新鮮，食起嚟都冇痴牙。呢個賽螃蟹就凍左少少唔夠熱，同埋味道差少少，因為蟹肉唔夠多，所以食起嚟冇蟹味又冇蛋味。唯有加少少陳醋，將味道提升番少少。呢個獅子頭就啱啱相反，好鹹～個獅子頭由裏面肉鹹到出外邊個汁。其實個肉質真係唔差，就係濃味咗啲。炒飯都係直得推介，平平無奇嘅炒飯，食落好有層次，一粒粒飯無癡埋又煙靱，呢個飯最緊要趁熱食，凍左味道就差啲。主角出場～小籠包，真正做到皮簿多汁，而且有肉香味，的確無丟佢嘅招牌㗎。至於呢個甜品桂花酒釀丸子，就唔多得，略帶古怪酸味，桂花又係唔多見。整體來講，食物質素唔差，不過味道偏濃，未必個個食得慣。而佢招牌嘅小籠包，真係唔失禮，其實佢仲有一個蟹粉小籠包，價錢又貴少少，不過都可以值得一試。

在金鐘找地方吃飯不容易，看到這裡有位置，試試吧！兩個人點了菜單推薦的鎮江排骨，賣相不錯，味道是行貨，很甜，勝在肉質夠鬆軟，瘦肉多肥肉少，如果能調整一下味道，酸甜適中就更好。

叫個外賣自取午餐要等10-15分鐘。okay,我去行下先番黎攞。問題係你又唔平，得嗰幾樣野，仲要tick埋都可以漏咗個湯。Are you kidding me? 唔方唔潤肺啦，我依家頂住咗添😡

「翡翠拉麵小籠包」金鐘店，長期多人等位，食品價格偏貴，環境偏暗，嘈雜。。。實在並非與朋友飯聚的好地方😌。但佢位置優越 - 太近筆者寫字樓 - 如果冇時間、冇約人、又遲咗食晏，翡翠係最佳選擇😆那天走進去，揭著餐牌，目光又再偵測無肉食品⋯⋯快看完之際⋯⋯嘩嘩嘩有大發現⋯⋯看著餐牌最後兩頁，頓時眼球發亮最終選了兩款：1. 西湖翠玉（素西湖牛肉羹）湯羹材料多樣豐富，最愛香滑豆腐和蛋白，未來牛肉份量精緻，沒喧賓奪主。湯羹夠熱，營養充足又滋潤2. 善玉（新豬肉）雲吞湯雲吞皮超級順滑，配著熱騰騰的湯，香味四溢。今天主廚下鹽稍重手⋯⋯適合愛咸一族六粿雲吞下肚，已夠飽足店子做菜有功夫，認真；能顧及素食選擇，周到。色香味美，非常難得，必試之選感恩有未來肉系列（Beyond meat ）和OMN!PORK（新豬肉）的先進生產，配以給力推廣，讓素食增添色彩，部分無肉不歡一眾覓得替身，對植物性食物減少抗拒，也為素食常客或願意間中跑素的人提供更多選擇。我們都珍惜生命，常愛互相問候，祝願身體健康。多跑一點素，動物家族的生命能一併關顧，自已也身心清明☀️請一起行動

邪惡指數: 🐽🐽好食指數: 🙆🏻‍♀️🙆🏻‍♀️平時見到呢間翡翠拉麵小籠包好多人，見好耐冇食過呢間野又見到唔使等位就入去食個快lunch，不過唔會有下次囉。❌ 雞絲粉皮 - 麻醬算多夠撈晒所有粉皮，不過啲雞絲真係小到可憐，唔知仲以為食緊麻將粉皮😫❌ 酸辣湯 - 呢個湯係我落完單之後1分鐘就送黎，我都想講有冇快到咁呀，果然一飲落去個湯一啲都唔熱！⭕️ 小籠包 - 不過不失，有啲啲湯嘅。⭕️ 金銀蛋浸時蔬 - 呢個正常嘅，青青甜甜，菠菜都新鮮嘅。總之呢餐都幾失望，同埋絕對唔值呢個價錢！

用了餐廳的APP拿位，午飯時間等了大約十分鐘就有位了。餐廳非常旺場，人來人往，侍應忙得不可開交。☛松茸菌醬蝦仁拌麵很清的拌麵，完全不會覺得油膩，不過松茸菌的味道不濃，味道稍淡，適合吃得清淡的人。麵條屬於幼麵，有點彈牙，有水準，河蝦仁則沒有特別。☛小籠包味厚了一點，敗筆是不夠熱，但有肉汁，還可以，但不次會試其他菜。☛蒸素餃裡面的菜有一陣草青味道，不太喜歡。除了青菜，裡面有紅蘿蔔蓉，草青味更甚。☛陳醋雲耳酸酸辣辣的很開胃!