翡翠拉麵小籠包 (已搬遷) 新店位置

媽媽鐘意食小籠包，鍋貼等上海點心，趁有時間便回家陪伴家人，位於馬鞍山新港城的翡翠拉麵小籠包開業數月，每次經過都企滿食客等位，於是便早幾天訂座，小籠包，皮薄，都算多湯汁，但食到少少肉腥味三鮮鍋貼，有幾隻味，分別有原味，香菇，鮮蝦等，外表睇唔出，最特別係鮮蝦，夠多及彈牙上海排骨拉麵，其實係炸豬扒切件上，豬扒幾香口，可惜偏乾，拉麵幾滑，配清湯不太溜

店名：翡翠拉麵小籠包地址 : 馬鞍山鞍祿街18號新港城中心2樓2103號舖好味指數：7.7/10價錢：$58 （下午茶）酸辣湯拉麵🍜酸辣湯拉麵勁大碗，麵質爽滑入味。湯底夠濃稠，配料豐富，而且份量極多，岩曬勁鐘意飲湯既我😝套餐仲包飲品一杯🍷（3選1），可以揀豆漿／羅漢果茶，我揀左檸檬薏米水，足料之餘又夠清潤解渴，飲完感覺好健康。

係呢啲咁窮既日子，咁岩同事俾左兩張coupon我，唔係唔黎食啊? 不過真係唔明香港人點解咁鍾意上海野?間間都要排隊最少排半個鐘，而我地今日就等左成個鐘...3個人嗌左唔係好多野，可能等得太耐食龍肉都無味! 每人嗌左個麵，一份小籠包同一份鎮江骨。小籠包黎講，我食左幾間香港出名既其實都係差唔多味@@ 皮係薄既，肉黎講就有啲少，入面既湯汁幾好飲，不過飲完係咁飲茶, 姐係味精湯?鎮江骨-其實我都幾中意食，好似每一次黎都會嗌。不過份量就太少啦，$58得幾舊，人多都唔夠分添啊!但真係幾好味，酸酸甜甜，入口即溶，又唔痴牙。炒年糕，呢個份量又好多喎，我自己食係完全食唔哂既!不過我就唔係太中意佢個味，好似普通味極炒咁，有啲咸，而年糕又唔夠煙軔，最後食哂啲肉同菜算哈哈如果唔係有$200 coupon，排咁耐隊既話我應該唔會再食，食物質素普通而己。

見住馬鞍山的舊同學經常幫襯仲話好食,已經想試好耐,其實分店都開到好多大型商場都有,今晚在附近就嚟試試;我覺得想知食上海嘢舖頭水準,小籠包、粗炒同鱔糊係最好測驗方法,所以先點的係小籠包、芝士小籠包,皮唔算好簿嘅程度,但肉汁鮮味,而有芝士嘅芝士味濃郁,有上佳水準,下次可以放心點價錢較貴的其他小籠包;粗炒相對小籠包就失色DD,但唔係難食,只係合格,真係好難搵返幾十年前三六九嘅水準了;奶油津白呢度做得唔錯,夠creamy亦夠淋身;而醉雞呢度酒味較重,合格水平;賽螃蟹煮得好滑,好考功夫,証明廚房係有心機煮俾客人食,抵讚;太座無辣不歡,點了酸辣湯拉麵滿足佢,真係超水準,建議大家試試

唔知是否因為做街坊生意，服務員的態度真係嘛嘛，唔單止笑容欠奉，語氣態度差，上菜時'拍'一聲將食物從後放上枱，真有驚嚇! 雖然知道醉豬手係冷盤，但是不應該冷到好似剛從雪櫃攞出來咁，d豬手雖然已經斬咗件，但是我們要合力用筷子一齊撬，先可以將一舊舊嘅豬手分開。No good ! 菜肉雲吞湯拉麵，麵煮得時間太長，麵嘅質地太淋，冇哂口感，應該作出改善。北京水餃和椒鹽小黃魚就不過不失。但是水餃上枱時，服務員唔出聲突然間從後擺上枱，而且仲要'拍'一聲。嘩，咁都得!? 咁樣食物很容易會不小心地倒在我身上，而家真係好難揾到間咁樣上菜嘅餐廳喇。

它在馬鞍山開業了一段日子，某天突然想吃多年沒有吃的小籠包...雖然它有招牌四色小籠包，但還是想吃最原始的，皮薄而且湯汁也完好地包好，絲毫沒有漏出來，湯汁鮮甜，可能太太太太久沒吃了，我們都覺得非常好食。 多年沒吃的雞絲粉皮，很滑很香口。五香牛拉麵，牛肉有點甜，味道比較一般。金沙蝦仁，可能因為沒有連飯一起吃，覺得很鹹，但外層美味。有點酸辣，我覺得好好食...鍋貼大大隻。裡面的肉汁也是完好地包好，底部香煎表層軟軟，非常好食。或許太多年沒吃上海菜，久別重逢所以更滋味?

星期日晚兩個人去翡翠拉麵小籠包食，嗌咗三個餸，連加一，好似$200 倒鮮茄蝦仁鍋巴 $82總共有六塊鍋巴~哈哈哈～咩係鍋巴？其實佢係脆卜卜嘅飯嚟㗎~好得意！鍋巴佩鮮茄汁簡直一流。建議有三至六個人先好嗌呢個餸，因為兩塊鍋已經令到我有少少飽。而且啲蝦仁嘅數量都唔少，食得幾滿足，哈哈。不過總括嚟講，鍋巴佩酸酸甜甜嘅鮮茄蝦仁係唔錯！上海生煎包$36size 幾好。 有啲黑色、白色嘅芝麻係包面到。熱辣辣食好好味！啲肉都幾多吓，重有少少肉汁！唔錯唔錯 $62^_^不果啲菜同菇清清淡淡都好好味，賣相又不差~都ok既 yeah!! overall2個人食呢三個餸真係好飽、好滿足！

這晚與娘親相約到青衣城晚飯，當作預早慶祝母親節星期五約6:40分到達因為時間尚早，可以即時入座上海小籠包 $36(4隻)吃上海菜時小籠包是必吃的吧…一上桌已被吃光…皮不算薄，但勝在熱騰騰內裡又多湯上海排骨拉麵 $60看見鄰桌的炸豬扒很吸引於是也點了一客但為何豬扒肉是粉紅色的？加工過度？還是變質了？與想像不符，肉質有點老，而且味道也只是家中普通炸豬扒的味道吧雞絲粉皮 $54有點甜甜的麻醬很稠身，分量剛好夠拌勻一碟味道足夠之餘還拌以不少雞絲和青瓜絲，口感豐富整晚唯一的亮點！山東手抓餅 $30一上桌熱騰騰，但與Menu相片不同(少了蔥啊！)熱的時後餅心偏軟，再加上捍得不夠薄，又厚又軟有點難入口，幸好多放一會待其冷卻便變成香脆口感。可惜味道還遜於一般超市有售的印度薄餅，倒不如再叫一客小籠包或生煎包呢！以這種質素來說實在不值$200多！下次不會再光顧。

阿姨生日請吃飯，我們放工便來到馬鞍山。大概要遷就婆婆的口味，平時吃飯都是以中式菜餚為主，這晚也不例外，而選中的便是翡翠拉麵小龍包。等候的時間，能入座的大底只有2人及3-4人，我們8人足足等了個半鐘才有位，看來要吃這家，在輪候上人多是不著數的。 媽媽那邊的親戚有個很奇怪的習慣，就是生日飯的點菜任務都是由壽星仔/女負責，所以我們要做的就只有等吃~ 上海小籠包 (四隻) $36 x 2由於有8個人，兩籠小籠包剛剛好。小籠包奉桌後，皮身看來有點乾身，而墊底的點心紙則充滿油光。原來是一粒小籠包穿了之過！輕輕夾起看似飽滿的小籠包，最先覺得的是摺口位很硬很乾，大概是蒸過時了吧。另外小籠包未及放在碗裡時已然穿底，還好餡料跌在碗中！最後堅持將皮及餡一併放入口中，不過汁液早已溜走，所以只有豬肉味，令人沒趣。 上海生煎包 (三隻) $36 x 3灑上黑麻芝的生煎包，底部煎得金黃，令人垂涎。餡料雖然跟小籠包相同，但包點比小籠包的皮香口得多，再加上黑芝麻的微香，不錯吃！ 賽螃蟹 $72不知怎地，始終認為賽螃蟹的靈魂是放在中間的生蛋黃。少了拌勻蛋黃這個動作總是差一點點。沒了蛋黃，蛋白仍夠香滑，但賽螃蟹出名

翡翠拉麵小籠包貴為米芝連推薦食府, 老實說我還沒有食過, 原因係永遠都見到長長的人龍, 如果肚餓的話, 必然不會考慮, 今日因為要同男友的家人食lunch, 不想食日本野, 更不想食連鎖店的快餐, 結果揀了這裡, 下午未到一點, 取籌已經要等30張檯, 認真誇張!!!  晚市相信更加多人.....等左7~8個字, 終於叫到我們, 幸好旁邊有些商店可以邊行邊等, 因番d時間回去就差不多可以入座原來入面唔算好大, 安排左最入面既一張四人檯俾我地, 每個位都奉有一杯熱茶, 將餐牌翻閱後, 三個人只點了買四樣食物, 小籠包必定要點吧!小籠包一客有四件, 用筷子挾起冇穿, 而且個皮厚度適中, 先咬一口, 小籠包內的肉汁好熱要小心喔!! 肉汁好香好juicy!! 正~不愧為招牌必點接著是炒飯, 有菜碎, 蛋碎同蝦仁, 貪佢清清地先叫佢, 結果令人失望, D炒飯偏硬身, 縱使材料有幾好, 如果主角是不行的話, 也難成大器> < 食完呢個又乾又硬既炒飯, D牙咀嚼到乏力了豆腐蝦仁, 又一清淡小菜, 豆腐超嫩滑, 蝦仁亦屬爽身, 仲有紅蘿蔔同青豆, 雖則有話上海菜濃油赤醬, 但間唔時食番

翡翠拉麵小籠包四式小籠包從來都覺得顏色多樣化既小籠包都只係啲gimmick野，可能有啲味會好食，但一定會有味道唔夾既時候！今日就同屋企叫左呢籠四式小籠包，分別係：黑松露、芝士雞肉、口水雞同四季豆鮮肉味。湯汁夠多亦夠香，豬肉餡都幾新鮮，不過皮較厚，好快變硬，死實實咁。黑松露味湯汁夠多，黑松露味亦幾出，豬肉餡好重菇味！不過皮太厚，好快變硬。但黑松露味係四個入面最正常！

炸醬麵…一味得個辣字…完全唔覺有炸醬…麻辣牛肉撈麵…麵仲生既…條菜凍既…d牛肉就咁俾你食你以為係大陸既即食麻辣牛肉粒…叫三樣野…只有小籠包似d樣…最差係佢杯茶…求倫其俾杯茶你…收你五蚊茶錢…仲要加一…即係五個半…連埋茶錢加埋一共172蚊…唔知食左乜…以後都係返隔離和民好過…食完起碼有個滿足感…

其實新港城中心有幾多好野食，大家真係心知肚明。所以lunch好去處真係唔多，能夠揀嘅只有翡翠拉麵小籠包，同2位好朋友坐左入去食lunch~ 呢度嘅調味料好充足~~~ 一坐低，侍應生已經俾左杯玄米茶我地飲，上海野多數濃味，所以呢杯茶最啱~~~見到個咁厚嘅餐牌，一啲lunch menu都無，我就知道呢度係唔會為左做午巿而推出set lunch~ 封面好似好舊咁.... 本來我曾經有諗過食呢度嘅4色小籠包，最後都打消左呢個念頭~ 朋友堅持要叫呢客炸銀絲卷，的確呢客炸銀絲卷唔係好油膩，裡面仲係軟嘅，如果唔係點左啲鍊奶，其實真係一啲味都無，呢道菜實在係一道甜品咁。另一推介係呢度嘅上海小籠包(4隻)，皮唔係厚，但係清楚見到小籠包入面嘅上湯，裡面嘅鮮肉亦非常入味，無索哂啲水，算係我近年食到最好食嘅小籠包。又係朋友堅持要叫嘅嫩雞煨麵，老實講，睇個賣相真係覺得麻麻，我唔明點解我朋友要堅持叫。後來試左一碗，啲雞油滲左係啲湯度，個湯底已經係好夠味，另外嫩雞真係嫩，每一舊都唔太大舊，真係幾唔錯! 

一直都聽聞過呢間鋪頭，但遲遲都未去試，終於有這個機會了，抱着興奮的心情。首先係銀絲卷，佢地切得大小不一，加上內裏好似已經痴實哂，無左一條條絲的風味。個人認為最好味係芝士味因為最有味道，其他都是普普通通這個都算最欣賞，因為個人較喜歡麻辣，而佢既皮又吾算厚，入哂味最後當然吾小得甜品拉，但係佢整得太甜，加上原本應該係鬆脆既外層，佢整得好硬，食完個口損哂對呢間野都幾失望

馬鞍山最近開左好多新餐廳，不過好多都比較貴價，而且暑假到，好多１家大細齊齊去食飯，lunch hour得１個鐘跟本等唔到位，所以打去問有無得book位，原來星期一至四可以book，五六日就唔可以，所以就book左星期四lunch~~~3個人叫左上海小籠包,蘿蔔絲酥餅,擔擔面,蝦仁炒飯都夠飽wo~上海小籠包:好多湯汁!!!肉都幾嫩!!!好食~~~蘿蔔絲酥餅:一向係我至愛~超鬆化...仲有熱辣辣既蘿蔔絲,必食!!!擔擔面:麵軟硬度剛剛好~湯有好香花生味!蝦仁炒飯:炒到一粒粒分明,味道剛剛好~唔油膩~最後叫左甜品豆沙窩餅:紅豆蓉好滑,但個皮少少唔夠脆~失水準埋單原來要茶錢$5@...已經無得揀飲咩茶...杯茶又普通...有d唔值...間中一餐每人$100既lunch都可以既...