翰騰閣

營業中

休息中

星期六晚七時點幾，去太古城中心食飯，北京樓，西苑，海天全部full晒，惟有去呢間睇吓．去到竟然即刻有位，仲有好多空枱．餐牌是兩張紙，冇咩選擇，要了套餐，每位三百幾，　另加一碟蒜泥白肉，三十幾．先來火朣翅，一般’豆粉翅’，唔覺食到Ｄ翅；跟住係鵝掌＋鮑魚，每人一隻，鮑魚細隻到好似罐頭鮑貝，兩啖食完，唔知比刀叉我做咩！　蒜泥白肉是將肉包住ｄ菜，每人兩，三件，男朋友呢碟話叫做ＯＫ啲．豉油王煎蝦，呢個真係比佢嚇親，原來得兩隻，係每人一隻，唔係每人一隻龍蝦，係好鬼細隻，應該比中蝦仲細啲，已經有被搵笨感覺．之後個菜係甚麼竹笙火腿津白，是但啦，每人幾條到，到呢個時候只希望快啲食完走人．最後甜品係湯圓，我地估有一粒定兩粒，原來只只係一粒，好難食，個皮又厚．埋單790元，一個仙貼士都唔比，唔會再來，但會唱衰佢．　　

約左我自己父母同埋我既太座, 星期日去太古城既翰騰閣, 飲茶, 我早幾日夜晚打去book位, 佢居然留我名X太. 我$%@#%#@!! 結果去到搵左一大輪先搵到我既booking, 算!等多三張檯, 我地一家就可以入座都唔係等好耐, 以book左檯計.我地一行四人叫左六個點心, 一個湯米線, 全費$320,都算ok, 唔係平, 又唔算太貴.1.蒸鮮魷好新鮮好爽口正!!2.瑤柱莧菜餃好香滑, 都係蝦餃既變種幾好食!3.小籠包頂! 樣樣三隻連小籠包都係? 離譜食味只係OK. 冇咩特別, 皮嫌過厚.4.露筍帶子餃幾好食幾鮮味及特別正!!5.家鄉蒸豆腐普通野冇特別豆腐Ok滑. 普通啦.6.香芒糯米卷特色甜食以前好正依家好似水準下滑, 值得一試.7.魚湯魚腐米線, 因為魚湯所以加重胡椒驅風驅寒, 魚腐好彈口, 唔係一般淋batbat果種, 加埋雜菌極之解甜好味.中肯一句, 水準比起以前差左好多, 不過以$320食既野及質素, 都算合格, 驚喜冇咩, 特色冇咩.蒸點18款炸點10款腸粉包括煎5款粥2款甜點8款甜品8款****************其中小點只有兩款(*離譜!!)小食22款花巧掠水既

和同事午膳吹水，想找地方飲茶，這裡算區內一處坐得比較好又不是太貴的地方．四個人食點心、鼓油王义燒炒麵、淥菜和燒腩仔．點心平均水準不錯，蝦餃燒賣腸粉等大路點心味道俱ｏｋ．淥菜無特別，燒麵是將义燒放在炒麵上，麵炒得不錯，义燒亦唔差．可惜燒腩仔稍肥一點，麻麻．之後重叫咗甜品桂花糕，唔太甜幾香．招呼方面人手頗為不夠，但仍算可接受．

20070121與舊同學一行共七人，book了來這裏飲茶，又是貪圖方便之選，因為隨後要由筲箕灣出發行山。位處大型中產居住區內，時為天陰欲雨的慵懶周日，這裏意料之中的人滿為患，門口等位之龍不斷。侍應們也顯得格外忙碌……應該是這個原因吧，否則怎麼解釋背靠走道的我為什麼幾次三番被他們撞到……還沒有一句“對唔住”……在我入座的十分鐘內已有三次，後來的，我都麻木了。來得晚，只負責吃，總體來講覺得既不特別好吃，也不特別難吃，什麼味道……很快都沒有印象了……只約摸記得一個瑤柱菜苗餃和一個蒸糯米卷還不錯；燒賣與菜心都太肥膩；另外有一半是煎炸，沒有碰……最後只是七分飽……也好，謹遵古人教誨之“常帶三分饑”：）行山時才知道另一同學也有此感……以未飽之分量收過飽之價錢（與昨日皇廷匯相比），非“價超所值”為何？遺憾這裏竟然是我推薦我訂位……簡直損我一世英名……當然，中立一點說，也可能純粹是被開始的那些不禮貌待遇影響胃口使然……

Booked a table of 5 at Sun 7pm to celebrate birthday of mother-in-law.The place was crowded as there was wedding banquet being held. The dishes were okay but I think they could do better. Tea was $10 per head and the dish were small. If you have 5 or more people, you better order the set.

上星期六做完野同一班同事來飲茶食晏, 剛好有檯唔使等.8人檯上面是風口吹得個個叫凍, 無法, 太古城中心內店舖樓底不高, 始終舊商場唔似新樓設計咁周詳. 說回食物, 點心唔錯, 燒腩仔亦得, 海鮮泡飯料足好食, 不過在太古城飲茶就間間不便宜, 來食要有預算.

一行十幾人o黎飲茶.. 叫左好多o野食呢..蝦餃.. 燒賣..义燒包.. 奶黃包.. 馬拉糕.. 排骨.. 小籠包.. 海鮮卷.. 蛋撻仔.. 蝦賜.. 义腸.. 春卷.. 鮮竹卷.. 咖哩魷魚.. 好多好多呢.. 多到唔記得.. =)大部份都幾好食呀.. 我最記得有一個叫做"蛋糯米雞".. 平時用荷葉包.. 但係今次係用蛋包住.. 好似"um 烈" 咁.. 幾得意..不過呢度d 點心都幾貴o羅..

地方- 樓底矮, 比較噪吵, 座位迫服務- 只及低價茶樓質素, 尤其是男火記食物- 老虎斑: $238, 肉地唔得, 似死魚or 就死魚芝士焗龍蝦伊底: $138, 最cheap的南非龍, 得4舊脆皮黄油雞半隻: $130, OKXO迷網鴛鴦螃: $90, 珊瑚螃得2舊

中午和同事在這裡飲茶,味道一般,點心種類少,竟然沒有鳳爪.炸饅頭沒有跟煉奶,鮮竹卷是灌湯的,味道淡,要了涼瓜花枝牛肉炒河,但無得食!因為漏了單!!等候埋單時間超過十分鐘.一個月內有居然兩次同樣遭遇.

再o黎呢度飲茶，發現點心紙內選擇越o黎越少，除一般蝦餃燒賣叉燒包，已經冇乜o野好揀lu~~卒之叫o左點叉燒加個淨米粉飽肚；可惜賣成$4x一碟o既叉燒實在冇乜特別，比唔上西苑。Service反而ok，點心都o黎得幾快，也冇漏單~~不過俾成百多元一個人食D咁o既o野，唔抵lor！

又是吃開年午飯的時候，今年選址翰騰閣。以往感覺這是間水準不俗，但價錢比較貴的酒樓；今次卻發現價錢沒變，但水準卻差了。最喜愛的糯米雞翼不及以往好味；最好笑是所謂海皇燒賣，加少左魚翅，少左髮菜便叫頂點。腸粉算滑，新派點心如兔仔餃也不俗；甜品卻只是一般，沒甚麼特別，也不＋分好味。埋單平均每人大概$130，在太古城一帶算是standard price了。（最貴的是同樂軒，午飯最低消費竟要$170？多元！！）

好好好好好好好好食啊！！！！！！