老三火鍋雞煲海鮮放題

營業中

休息中

早前看youtube的美食channel看到這間放題認真抵食，又鄰近旺角站A出口，數分鐘便到，非常方便。可以六人一枱，下次可以跟一大班朋友吃。不得不讚一下，侍應會主動更換新的碗碟和清空垃圾桶(每枱也有一個小桶)。海鮮雞煲火鍋放題 - $228順序推出十款項目，不夠的話還可以任飲任食追加，而且用餐時間是沒有限時的。自助區有多款飲料，當中有較特別的本地品牌Summi果汁；甜品有本地品牌CoCoberry的多款口味雪糕；醬料區除了基本豉油外，還有麻醬、沙茶醬、麻辣醬等等。香辣滑雞煲雖然可以走辣，但重慶雞煲當然要有點辣才過癮。芬香撲鼻的花椒香味和辣椒味，味道香辣惹味而不嗆喉；即炸脆響鈴非常酥脆，沾醬汁一流；雞件有一隻份量，入口好新鮮，完全沒有雪味，好嫩滑彈牙。值得一讚，店員會幫忙煮雞煲。蟲草竹笙鮮菌鍋八款湯底選擇了這個較為滋補強身的湯底。再將健康素什菌和田園時菜放下，更顯清甜。鮑魚花膠海鮮盤(隨機6款)餐廳內有魚缸飼養，海產特別新鮮。新鮮的海蝦上碟還會跳動，好鮮甜彈牙；花甲、刀貝和番薯蜆均會吐舌，鮮甜不帶沙；雪白厚身的帶子好嫩滑，裙帶位爽口，月牙位軟糯；原隻鮮鮑魚頗厚身爽身，有鮑魚鮮味。生劏龍

早前同朋友都想去一間大家都方便就腳任食放題，發現咗呢間位於旺角鬧市嘅任食放題，$228加一可以任飲任食，有雞煲同打邊爐，仲有幾十種配料任揀，而且仲係無限時添，同朋友傾偈唔使就住時間啦，晚市仲開到凌晨12點，價錢同性價比極高，簡直係同親朋戚聚會嘅首選。值得一讚嘅係，呢度所有店員都好主動積極同有有禮貌。麻辣雞煲首先坐低後侍應就會先黎一個雞煲，有小中大辣度任君選擇，侍應將雞煲焗完再炒，炒完再焗，打開煲蓋香味已經出晒嚟，雞件份量估計有一隻雞，份量好多，雞件肉質嫩滑入味，雞煲醬汁配上花椒丶洋蔥，同埋大量嘅芫荽，辣得黎好有層次，再落埋新鮮即炸響鈴，索曬雞煲入邊嘅既醬汁黎食，勁香濃惹味。濃膠花膠雞鍋呢度湯底起碼有10多款選擇，我哋選擇左濃湯花膠雞鍋，女侍應首先會提醒可以先飲碗花膠雞湯然後再打邊爐，花膠雞湯味道濃郁得嚟好清甜，湯底仲有花膠丶雞肉丶鮮冬菇丶杞子及粟米等，勁足料。鮑魚花膠海鮮盤海鮮拼盤有好多唔同嘅海鮮，包括有鮑魚、蜆類、扇貝丶花膠、大蝦等，全部食材都好新鮮，鮑魚勁大隻，上枱時仲喺隻碟度郁吓郁吓，食落鮮味彈牙；蜆肉無沙，同樣好鮮味，帶點微微咸水味，其他滾熟左啲海鮮唔使加調味料就咁食，已經食得

賣點好強，但多面看不要抱太大祈望，就不會有失望什麼也不多說了，又是看見網上推廣😅😅😅，所以信網上平台，這就躺著也中槍😬，信小編最忠誠🤣🤣🤣真心食物質素真是一般，優點就是1：服務態度真是頂呱呱2：不限時間湯底沒什麼特別食物質素一般其實附近平價高質雞煲火鍋多的是，所以變相這cp值真是媽媽的緊記😬，第一round是雞煲先，食完雞煲再自選湯底打邊爐，之後會送上一個海鮮盤，還有丸餃，牛肉，菜，菇類，魚類等。。 。所以盡量唔合口味，早點同服務員提出或問一下當日會送出既食物是否合味道（不要浪費食物啦）唉😅，雞煲味道👌 唔夠入味，比起附近某間池名雞煲相差太遠了😢海鮮拼盤，新鮮程度一般成個火鍋最出色就是手打蝦丸Ps: 這火鍋優點，就是不限時間，可以慢慢享受，服務態度👍👍👍，朋友聚會真是一個好去處，如果真是一班朋友聊天，喝酒（啤酒另計），真是非常捧這個價錢和食物質素真是性價比差點

昨晚為了慶祝朋友生日，訂了這間老三火鍋，一開始有雞煲，可以選擇辣度，我地有人唔食辣所以選了唔辣，雞煲滾了後打開蓋香氣撲鼻！ 食完雞煲打邊爐，我們選了花膠雞湯底，未開始落嘢之前試飲少少湯，有雞味，不錯 最正係個海鮮盤，有每人一隻鮑魚，扇貝，花甲，蝦.... 等等，全部都好新鮮另外重點一提最好味是手打蝦丸，可以無限追加的，黑椒牛丸也好好味！ 而且無限時任飲任食，唔洗趕住走 🙂 雪糕方面，海鹽味 (藍色真係好靚) 乳酪味都好正👍🏻

旺角有唔少雞煲放題呢間就標榜唔限時任飲任食不過就唔包酒精飲品一坐低就會揀雞煲嘅辣度由於得兩個人食我哋就只係要咗半隻雞，中辣雞煲幾香，但完全唔辣食開辣嘅人應該要大辣或再加辣隨煲附上響鈴一碟阿姐話係點雞煲汁食🤤飲品有一般嘅果汁，汽水，茶等較特別就有呢2款熱情果汁好飲，不過老公話偏酸我就覺得啱啱好，解膩食完雞煲就換花膠雞湯打邊爐湯底一般，雞肉似急凍雞扒切片，較失望海鮮拼盤一般鮑魚就幾新鮮任食嘅龍躉，鱔片，菜籃水餃雲吞肉丸同安格斯牛肉牛無乜味，好一般反而魚就好好食，我食咗好多😆另外都嗌咗鵝腸，雞子，水魷等都幾好食食咗2個幾鐘，飽到郁唔到嘢食一般，不過無限時同老友食飯吹水一流

勁抵🤩推介～～仲好近旺角地鐵站🚉好方便！海鮮雞煲火鍋放題～無限時 ♾ $228/位其實包咗嘅配料已經好豐富🤩， 估唔到連龍躉片、鱔片、及安格斯牛肩胛都可以不停追加，抵到爆🥳 飲品都係任飲🧃🥤 服務仲都好好好🥰1️⃣香辣滑雞🐔煲+2️⃣即炸脆響鈴呢個係我食過最好味最脆嘅響鈴🌟點雞煲汁，味道更惹味。雞煲材料豐富，好夠味又唔會太鹹，辣度可以調整。3️⃣濃湯花膠鍋雞湯底味道濃郁鮮甜，一啲都唔馬虎，放配料前要先品嘗湯👍🏻4️⃣飽魚花膠海鮮盤海鮮好生猛，鮑魚同蜆仲郁緊㗎😆 花膠放入鍋滾咗一陣就已經好腍身😋 蜆有三款，仲有帆立貝及海蝦🦐5️⃣生劏龍躉片拼鱔片龍躉片拼鱔片份量都幾多，每片都晶凝通透，新鮮又甜味😍6️⃣安格斯牛肩胛牛牛都好讚， 有牛肉味又嫩滑喎，仲可不停追加😛7️⃣手打蝦丸+8️⃣特色招牌餃9️⃣健康素什菌+🔟田園時菜原本都飽飽地，但係一食蝦丸，就停唔到口，彈牙鮮甜，仲食到蝦肉。 而招牌餃韭菜餡， 脹卜卜又香口

耐唔耐就想任食放肆下，既想食雞煲又想食海鮮，但又想食埋火鍋配料，呢間老三火鍋雞煲海鮮放題就啱哂我心意，選擇多仲好好味😋。餐廳近門口位置便是自助區，有各種調味料，仲有酸青瓜同白蘿蔔開開個胃先。旁邊雪柜任取汽水、果汁，仲有自家制的羅漢果菊花茶添。先上麻辣雞煲🥳，可自選辣道，我選了少辣，雞滑滑的夠味又惹味。再來自選湯底再打邊爐，我選了養顏的花膠雞湯底，店員說加了材料便先嘗一碗湯，真係好濃郁又清甜。海鮮拼盤有還在郁動的新鮮鮑魚、鮮甜大蝦、花甲、蜆、帶子都好新鮮大隻好味😋。生劏龍躉拼鱔片，龍躉很滑口又冇骨，牛肉薄片又嫩, 輕輕焯一焯己食得，蝦丸同招牌餃子都好足料。火鍋食物種類選擇都很多，牛、豬、雞、蔬菜、丸同麵類都有得叫，連生劏龍躉片都可以番叫，真係食飽飲飽😘。最後甜品有雪糕，今次食了海鹽雪糕🍦，假日大滿足。店員招呼很貼心，會周不時看看爐火同換碟，番叫的食物上菜效率都快。仲要係冇限時任食，啱晒大胃王啊！

同朋友聚舊，好多餐廳都限時，有時真係食得到喉唔到肺😔舊式大風檔有風味，但又唔多衛生、兼唔夠涼快！位於旺角呢間老三火鍋有風味，又處於大廈好涼爽，最重要係唔限時！！！真係坐到零晨2點都仲得，可以慢慢同老死吹水！餐廳格局唔差，有卡位、大圓枱、貴賓房，汽水、火鍋配料自取！一開波先食雞煲，有3種辣度可揀，我地食中辣，唔算好辣，但真係好香口、雞肉都好嫩，食雞都飽左一半！之後轉火鍋喇，超過10款湯底可供選擇，心大心細嘅我地，掙扎一輪先揀左花膠雞湯底，好鮮甜啊！ 火鍋跟一盤海鮮，有鮑魚、大蝦、扇貝、鱔片等，跟職員教我地落火鍋先後次序去處理，海鮮入口又嫩又鮮，really ichiban! 食埋海鮮🦞，真係超級飽！但跟餐仲有碟安格斯牛肩肉，又係好好味！真係唔使再加其他火鍋食材，已經夠晒飽。呢一餐食左3個餐，同老友吹水吹到夠晒本😙😙

性價比超高嘅老三火鍋充滿港式火鍋風味🍲$228就可以任飲任食「海鮮雞煲火鍋放題」仲冇限時添😍招牌香辣滑雞煲色香味俱全，啲雞肉真係好滑好juicy, 而且入味得嚟唔會太咸，再點埋佢哋嘅新鮮即炸響鈴索晒啲雞汁精華，真係好正呀❤️食完雞煲再嘆埋個必叫既濃湯花膠滑雞煲滋潤一下🥰花膠好足料呀！個海鮮拼盤都非常吸引😍有海蝦、帶子、花甲、鮑魚仲好生猛識郁㗎！生劏龍躉拼鱔片都好新鮮。店員教路將啲海鮮放晒落去個花膠雞湯之後等佢大滾，然後再嘆碗湯！講真，花膠濃雞湯本身已經充滿骨膠原，再加埋啲海鮮滾完嘅精華，鮮甜到無法形容，冇得輸！！總之我飲咗四碗，打呢篇食評都仲覺得回味無窮呀！😍隻鮑魚都幾大隻下！食火鍋又點少得牛肉呢！呢到既安格斯牛肩胛牛味濃郁又唔肥，夠晒健康，西班牙豚肉片豬肉味好香濃又夠滑，仲有韭菜豬肉餃、爽口彈牙既手打蝦丸同芫荽控必試嘅芫荽牛肉雲吞，真係好滿足呀！最後追加左一客花雕醉雞子，可惜酒味唔算濃，以一般雞子…不得不讚呢度店員服務真係好好，好細心❤️尤其男士們暢飲一番兼大飽口福絕對唔會失望，因為真係超抵食！大家有機會嚟旺角記得試吓！

旺角好多任食邊爐 ，難得見到間係食完雞煲再轉打邊爐（多湯底選擇）每位都係$228/位幾抵食。就和朋友一齊來，來到8點沒想到差唔多滿座，幸好仲有張2人桌，入到好清楚寫有咩食之後追加款式。今次我哋叫咗雞煲少辣，雞幾嫩滑又啖啖肉，自制響鈴堅脆口好味之後再選擇煲底，我哋要咗花膠雞嚟到飲啖雞湯唔錯，海鮮盤（有6款海鮮）堅新鮮，好鮮甜啲海鮮仲識郁添。牛肉肉味濃有口感（之後再追加質素一樣咁正），餃堅足料，再追加都有四十幾款，每樣食啲都已經勁飽，最後再加多個雪糕岩晒。飲品同醬料都可出外取，款式都不少，而且坐得幾舒服，待應都十分快手執桌不錯。

今日收工約咗朋友佢呢間老三火鍋雞煲海鮮放題之前睇到介紹見到呢度可以食完雞煲再打邊爐但價錢優惠就過嚟試一試，咁我哋嗌左個唔辣嘅雞煲隻雞好亂畫有好香嘅香味咁冇辣味啦因為我哋眼冇啦咁我哋嗌左半隻雞嘅都好好味咁食完雞之後呢我哋就叫佢上呢個火鍋啦火鍋嘅湯底有好多選擇嘅我哋揀咗比較之之寶啲就係花膠雞嘅湯底，咁咪包一隻鮑魚扇貝顯鮮蝦花膠呢度係每人一份嘅份量咁另外呢可以嗌任食嘅就係前邊啦龍躉片啦豬紅啦牛啦豬啦仲有即炸嘅響鈴啦台灣豆腐啦魷魚啦仲有最尾呢可以食雪糕嘅嘢飲呢都包括有可樂啦⋯⋯自家製嘅羅漢果茶啦

對上一次喺外面食火鍋已經係一年前，呢段時間買咗個蒸氣火鍋嘅架後，想打邊爐都係喺屋企，始終要洗嘢，每次食完都搞到好晏。前排朋友話呢間任食嘅火鍋店有我鐘意嘅白鱔片，而且價錢都幾抵，即刻重燃出去打邊爐嘅熱誠。餐廳都幾多卡座，另外有幾間房，中間係圓枱，我覺得坐得都算唔錯，落單後食物好快到，質素都幾好，另一點好滿意係所有職員都好有禮貌，比我感覺好好。先食雞煲，份量唔會太多，每人幾件，我哋呢個雖然走辣，但係都好惹味。之後點咗個清啲嘅芫荽皮蛋鍋，第一次見會落埋粟米蕃茄，菇類。每人會上一份鮑魚花膠海鮮盤，每份6款海鮮，鮑魚好新鮮喺隻碟度仲識得旭，亦有洗刷乾淨，蜆無沙，蝦都幾大隻，扇貝就普通。開始唔洗畫紙，職員會按人頭上一啲食物，食過好味再落單。白鱔片，龍躉肉係我最期待，鱔片雖然唔係好肥，不過都幾滑，唔鞋。龍躉肉都幾新鮮。安格斯牛肩胛，唔肥，又唔韌，不過牛味唔濃。手打蝦丸幾彈牙。呢度嘅鵝腸好味，雞子都幾大粒。仲有雪糕任食。飲品好多都啱我飲，除咗罐裝，仲有一渣渣嘅自家凉茶。

無意中在社交平台看到介紹廣告，任食任飲無限時，嘩！好抵喎！疫情影响，10時必走，很久沒出街吃飯，而最喜歡無限時，無需急趕，可慢慢食，先吃雞煲，BB辣，好野味，再來打邊爐，叫左個花膠雞煲，湯底好正，侍應話用雞煲左3，4個鐘，我信架！因為真係好好飲，似媽咪煲嘅湯一樣咁好味，再來海鮮拼盤，有6樣海鮮，隨機的，食物選擇需然不多，但已經夠食，最想講係粟米好甜，午餐肉似兒時味道，因為現今的午餐肉，最多只食2塊，味道便有些怪，環境清潔，待應態度很好，應會再去。第一次寫那麽長嘅食評，但相片不多，三五知己，聚舊好地方

疫情放緩，本來一早bookmark定老三火鍋，而家終於可以約朋友食雞煲加打邊爐喇！每人$228 (另收加一)，任食任飲，唔使勒住銀包既感覺真係好爽！去到就先黎一個雞煲，有BB /小/中/大辣，任君選擇！我地唔太食得辣就揀BB 辣，一上檯就要焗三分鐘，再打開蓋，香味就湧哂出黎！好正呀！雞件啖啖肉，又香又嫩，侍應話用另上既響鈴索煲內既汁黎食，確係正！食完雞煲，稍稍清理檯面後就準備打邊爐，我地揀左花膠雞湯煲，侍應提醒可以先飲碗湯再打邊爐。嘩，無諗過打邊爐既湯底係可以咁濃郁架！套餐包埋海鮮拼盤、龍躉片、牛肩胛、蔬菜盤等等。另外仲有幾十款食物可以追加，真係抵到爛👍🏻海鮮拼盤有唔同蜆類、鮑魚、花膠、仲跳跳紮嘅大蝦，全部材料都好新鮮！淨係食完雞煲同海鮮拼盤都已經飽咗一半啦😂 之後我哋叫多一轉牛肉同丸類就已經飽晒啦😁飲品類亦好豐富，值得一題係有兩款低糖果汁，女士們一定鍾意！配埋個雪糕就大功告成，攬住個滿足嘅肚腩走人😂

雞煲嗰種麻麻辣辣嘅感覺真係好正㗎！但係如果同時有得食海鮮喎，又唔錯喎！有咩開心得過食完雞煲再有豐富嘅海鮮餐等住你呢？老三火鍋嘅雞煲，雞肉質鮮嫩而且啖啖肉，我之前食過其他雞煲肉小骨多又唔新鮮，食完真係好冇癮㗎！食完雞煲之後，我揀咗花膠雞湯底嘅海鮮打邊爐任食套餐！每個套餐都已經包海鮮拼盤（鮑魚/聖子/蝦/蜆）、招牌餃子、安格斯牛堅、龍躉配線片同埋菜，其實食完呢一個套餐已經飽咗啦但係佢仲可以無限任任加其他配料呢個價錢來講佢真係太抵啦雖然飽到咁，我都食埋甜品先收手！佢嘅甜品有幾種特色雪糕，包括奶茶同埋海鹽味雪糕！今日真係太滿足啦！