老北京

營業中

休息中

就算幾唔舒服都堅持要食既片皮鴨🦆即日好想去食片皮鴨打左去好多間食店,間間都FULL BOOKING唯獨係呢間有位感就即刻搭車出去食啦一入門口,個感覺好中式亦都明顯係舊式京菜店好懷舊既感覺見到有好多外國人都黎一嚐中菜既風味🏮兩個人,試唔到幾多野所以淨係叫左兩碟🔸片皮鴨一心就係為左片皮鴨而去既我叫左半隻但有D失望所謂既招牌菜連得太多肉,失去左片皮鴨既意義而包住既皮,竟然唔夠包晒所有肉如果要額外叫就要加錢🔹手撕雞呢一碟就真係有驚喜叫佢就一定要叫飯因為撈飯食真係好好食佢個醬汁秘制得黎好惹味雖然唔係招牌,但竟然好味過招牌2個人食既分量實在太多啦..最後,唯有打包回家

這晚約了朋友吃飯，本想挑個好坐些的餐館用膳，方便談天。没想到，餐館只有我們用餐，變相包場，難道幸運之神保守了1124的正義之戰，也將祝福延伸到之後一星期的午晚餐？老北京走樸實路線，不像現今的强國人般窮奢極侈，華而不實。從門面至內在裝修都貫徹這種古樸實在的味道，店在播放着梁祝的聲帶，營造一份懷舊的格調。晚飯吃不了多少，只隨便叫了兩道不那麼北京的菜式。豆芽花生是凉菜，一坐下便供應，頗為開胃。然後是紅油抽手，上面鋪了很多波菜，非常解膩，下面有7隻菜肉雲吞，但味道只属普通。紅油Dressing集辣，麻，酸於一身，但稍嫌太辣，每吃一隻抽手也要狂灌水。京醬肉絲配春餅，猪肉切絲佐京葱與面酱同炒，是北方人一道非常傳統亮麗的春菜，頗為冶味。但這道菜調味略為不足，包裹的春餅皮蒸得不够太硬，有些更是破了，是難以接受的缺憾。甜品本來點了酒釀丸子，但侍應說缺貨，我們改叫了高力豆沙，味道普普通通。等待需時，因為厨師要攪蛋白，頓時又覺得誠意可嘉。埋單三佰七十元正，不便宜，但有民衆的支持，無事是不可能。商業如是，政治也如是，新一屆的區議會席位是用人民的犧牲，用血和肉換回來的，這些榮耀是人民賦予的。若果政客只想坐享其成

之前公司聚會經過呢到，同事話想試下呢間主打北京菜的餐館🍴早早訂左位因爲午餐一人都係做緊90蚊，算便宜而且係半自助形式，每人可簡一款小菜/麵/餅類，之後再出去自己任夾。怪味雞🐥：話就話叫怪味雞，但當然沒有怪味，味道係又麻辣又酸又甜，百味陳雜，係四川個邊常見既冷盤。送飯一流酸菜魚🐟：酸多於辣，不過好惹味，超多酸菜，同事大愛，大推，因為可以當湯入，好開胃蔥爆牛肉🐂：爆得好香，真心吾錯，好夠鑊氣，而且上菜速度好快😳自助區：有大量炒蔬菜🥬同飯/湯可以任添，仲有綠豆粥可以簡，水果方面多數得西瓜🍉價錢便宜，食物款都算多，重點係乾淨衛生，難怪座無虛席

裝修只是一般的餐館，價錢就大餐廳價格跟了酸辣湯及北京烤半隻酸辣湯不正宗，有筍絲，肉絲，木耳絲，豆腐絲，蛋絲，跟葱花？味道像加了酸辣的碗仔翅味然後到烤鴨，我是有期待的，一進門就有大大張烤鴨海報，店名又老北京⋯⋯不過上菜就是烤黑及乾的感覺，用來包著吃的皮也不熱，又乾巴巴的好吧⋯⋯也把鴨肉包一包嘗一嘗⋯⋯一陣鴨騷味⋯⋯其實都算了！當見識下，埋單走人但個店員意自守話今日隻鴨烤過火太乾了⋯⋯噢！原來你們知道出品有問題⋯⋯點解仲賣？不過我都唔會想再黎食，bye

每次想吃上海或北京菜的午餐，都必定會前往老北京，因為配菜是自助餐的，通常都有我喜歡的拍青瓜，這次剛剛沒有。但有中式的湯無限添加，所以我很喜歡午餐到這間餐廳進食。四季豆是我每一次都必選的午餐菜式之一，份量適中，和同事們一起分享都非常足夠。花菜是很有驚喜的，看他樣子不太漂亮，但是他味道實在太有鑊氣了。其實我的朋友是吃素的，所以她才點了這個菜。不過上面鋪了肉，所以如果是素食者就不建議到這間餐廳進食了，因為每一個菜都差不多有肉類的。

因為老公生日，見團購又抵，所以買左6人餐來一家大細一起去慶祝，行入食店前要經過好幾間night club, 對帶住小朋友既我地感覺唔係太好。入到去見到有點古典既裝修，已晚上7時多，但都唔係好多人，但因有好幾間包房， 所以都有d嘈。論到食物4色冷盤味道普通，北京田鴨味道不錯但可惜太瘦 ，松子魚出奇地出色好食，外脆內滑，個酸甜汁調味好適中，忍唔住叫左個白飯來送汁食，好開胃，老水牛好入味，但份量太少，蔥爆羊肉夠鑊氣，但羊肉唔夠so味，雞絲粉皮，粉皮太多雞絲太少，雲吞雞全無驚喜，不過碟頭夠大，所以都食得飽飽走，尚算抵食，但係服務普通，服務生竟然無將我地既生日蛋糕放雪櫃，最後蛋糕d cream和芝士奶凍溶左一半。。

這幾天突然很想食片皮鴨，於事在網上做下功課 ,看看灣仔/銅鑼灣區有沒有好食的片皮鴨餐廳。發現「老北京」位於銅鑼灣和灣仔均有分店，而星期五晚上灣仔應該比銅鑼灣店較小人，因此我們一行五人便訂了位於灣仔的老北京和烤鴨一隻。到達時發現餐廳真的有「老北京」風味陳舊的裝修。餐廳不算大，但原來有多個房間供私人聚會，房間內大多是國內人仕（聽到他們說流利普通話- 北京腔）我們點了食物約廿分鐘才有第一道菜上，是北京餃子🥟。餃子皮太厚 餡料份量不多之後每隔了十分鐘才有第二、第三道菜上，大家都餓得發瘋了 最後， 酸菜魚和片皮鴨終於在點菜後約一小時上菜 酸菜魚的確很好食！魚很滑，酸味適中，而且配了薯粉 粗身薯粉十分有口感！可惜的是 薯粉份量太太太太小 （只有約五條 ）！？主菜-北京田鴨竟然在最後才上菜！但有驚喜的是包著鴨的皮是超薄的鴨的皮和肉不太油，配上薄皮 蔥 和醬 味道很好 👍🏻另外，用餐完畢的時候還送上湯圓湯水 （只有一粒的芝麻湯圓）整體用餐感覺不太良好，雖然酸菜魚和片皮鴨味道真的好食，但點菜等候時間真的太太太耐，而且其他食物質素不吸引，所以我不會再光顧

聽朋友講老北京好正，昨天沒好高興地購買左團購$888，約咗今日去食，如果非常之失落～～～前菜雞絲粉皮一般，蔥油海蜇好食，期待已久嘅北京片皮鴨，又老又小又難食，黑醋鰉魚好食夠酸，幾入味～～～黃金蝦球都可以，上湯時菜冇味，唔難食🙃，雲吞雞麻麻哋，五香醬牛肉拼醬豬肘一般，蔥爆羊肉好味，今日整體來講都係一般般，沒有下一次，服務方面一般，環境麻麻地，只有得幾台人食，一定唔會推介俾朋友🤬🤬🤬冇下次冇下次冇下次冇下次冇下次冇下次

今天來到這間吃京菜的餐廳吃晚飯裝修得很有中國風 😄首先點了半隻北京烤鴨鴨皮烤得很脆👍🏻而且鴨的油脂和肉汁非常甘香加上熱哄哄的薄皮 青瓜 蔥和醬料清除了所有油膩的感覺 特別一提鴨肉味道很濃郁這裡的北京烤鴨值得一吃的👍🏻另外點了酸菜魚酸菜魚很有驚喜因為魚肉非常嫩滑 之前吃過的都是龍利柳但這魚是鮮魚 讚讚👍🏻除了魚之外還有大量的酸菜和薯粉這個酸菜魚的辣度比較淡很適合一家大小吃😌而且湯非常清甜 不錯不錯😄

同同事預早慶祝中秋節，諗住食好啲，就比我地搵到哩間一人只需$80就可以有一個主食加一碗飯，再任食京式涼菜、粥同任飲例湯嘅北京菜嚟試。我地一行5人揀咗以下主食：🐔雞絲粉皮：所選用嘅粉皮係比較厚身嗰種，口感非常好，QQ的~🐑蔥爆羊肉：羊肉唔會太膻🐖京式回鍋肉： 好惹味，送飯一流，可惜回鍋肉件數較少👵🏼麻婆豆腐：選用嘅豆腐係略為硬身嘅，個人較喜歡軟滑型嘅豆腐。另外，醬汁唔會太辣，而係偏麻嗰款🥟高湯小籠包：小籠包嘅肉餡有鎖住肉汁，不過就唔係咬開會爆湯嗰種。同埋佢係比較京式風味，用嘅皮係較厚身的🌱京式涼菜：涼菜之中我地最鍾意個拍青瓜，除咗味道帶酸夠醒胃外，佢仲有好多粉皮喺入面，換咗酸味嘅粉皮，同頭先配雞絲嘅比又有唔同嘅滋味～🍲粥：粥係以綠豆同小米煮成，餐廳仲放咗一盒白砂糖比大家加落個粥度食。本身味道偏淡，加咗糖之後，食落好似綠豆沙咁，都幾特別，不過啱唔啱口味就真係見仁見智。🍲例湯：好有住家感覺嘅紅蘿蔔粟米湯，都幾足料。總括嚟講、老北京又抵食又有多款主食可以選擇，有時諗唔到食咩，不妨去食吓~

在香港，一般常見的提供中菜的餐廳一般都是粵菜或潮洲菜，其次便是京川滬菜了。今次想介紹的是位於灣仔區的老北京。這間老北京位於有酒吧街之稱的駱克道，與灣仔地鐵站非常近。餐廳要行樓梯上一層，有點不方便，而餐廳環境、內部裝修都很有特色、有一種懷舊的感覺。我是平日午飯時間來的，所以是半自助形式的。 有3-4款凉伴小菜，綠豆粥和老火湯供應。最多人選擇的是豬頭肉，每次添加後都有很多人拿取，但我個人覺得有點肥膩。來到主菜。分別點了宮爆雞丁和雲吞雞。宮爆雞丁的雞嫩滑，味道合適。而雲吞雞亦不錯，可惜湯有點鹹，半自助中的老火湯更好喝，清甜。我認為這間餐廳的午餐在質素、性價比都十分高，值得推薦想試京菜的人。

灣仔lunch time食嘢要飽隨時過一百蚊 但係呢間每位80蚊就可以食到好飽 餐廳提供幾款前菜係可以任拎 例如有青瓜椰菜豆角同豬耳生菜味道ok不過就有少少太油同啲同事嗌咗幾個餸食麻婆豆腐好重香料味又夠辣好惹味 攞嚟送飯簡直一流小籠包入面個湯雖然唔係好多但啲肉汁好重好好味酸菜煮魚個湯 亦都好香 魚亦都夠滑嫩 煮得啱啱好反而水煮魚個湯就有少少淡味道唔夠濃 魚亦都唔係太入味有少少美中不足至於蔥爆羊肉亦都係好好味 又係送飯一流 雞絲粉皮個麻醬都好夠重 啲粉皮亦都好煙韌係性價比幾高嘅一間餐廳

晚餐時段來到「老北京」，直上一樓唔駛等位。入面的裝修都算幾古色古香～都有套餐餐牌上湯津白，正正常常啦我覺得，不過男朋友話d蝦有少少唔新鮮因為得2個人所以無叫北京烤鴨，但都點左羊肉串！有少少羊膻味好正！左邊係蒽油撈麵，估唔到都有少少辣。右邊係蒜泥茄子，但望落同食落都好像花生醬，哈哈係幾有趣既！都忍唔住食晒食碟！整體來說，呢間餐廳可以一試，不過晚餐既話就未必會再來啦～反而見到佢lunch time有$80 set lunch，在灣仔區來說價錢算ok, 可以考慮再試試呀！

在進食期間，有一道菜叫：銅鍋酸菜白肉中發現一隻死曱甴，超嘔心。隨即叫經理，一個男經理（穿T shirt) 稱昨日，即2018-01-02廚房曾進行滅曱甴，我隨即跟這男經理理論，此男經理即取消此菜，共免茶介為解決方法。此餐廳不論服務及水準，以及衛生情況令人失望。

非常有特色的一家京菜館，裝修挺精緻的！食物色相味俱全，老闆是正宗北京人，和藹友善，據說經營餐飲已有20年，還有地道的北京火鍋，可以涮羊肉，預定的話還有各式包間，挺適合朋友或著家庭聚餐的！