老北京 (渣甸中心)

營業中

休息中

香港嘅地道特色菜，莫過於中式餐館！呢間夾雜上海同北京嘅風味，非常推薦俾中菜愛好者。呢道最特別喺有一兩個類似包廂嘅房，好適合一大班親朋戚友相聚暢談嘅好地方。老北京賽螃蟹一定係京菜嘅特色菜，利用蛋白炒出似蟹肉嘅口感，再加入蛋黃模仿蟹黃，味道鮮甜爽滑，色香味俱全。高湯小籠包，一籠6個，粒粒多肉多汁！一啖咬落去，爆漿的湯汁充斥口腔，肉餡食落相當juicy！京燒羊肉，實為整頓飯嘅精髓！軟嫩嘅羊肉沒有半點羶味，抄起嘅羊肉亦非常下飯，香氣撲鼻！老山東燻手撕雞（半隻），雞肉肉質緊實，涼拌後帶股麻香，涼茶令其不油膩，絕妙滋味令人陶醉。蔥油海蜇，麻油味重，惹味無窮，口感彈牙、爽脆。薑茶湯圓，食完一整頓油膩味濃嘅食，最啱有個薑茶糖品暖胃助消化，湯圓嘅芝麻餡亦非常細滑！

同老婆好耐冇出去食過飯喇，難得出一次，去搵啲北京菜試下，尤其事水餃，搵到間位於銅鑼灣老北京菜既地方，雖然地方不算好大，但環境好有舊式中菜館感覺。坐底之後，都係要睇下有咩想食，發現都好多好想食既野，之後點幾道菜先，唔夠先再叫。【老山東燻手斯雞(半隻)】手斯雞燻香肉細嫩，內裡有甘筍絲、芫茜、青瓜絲等，加了秘製醬汁，帶點麻辣味道，非常惹味，估不到這道菜比想像中出色，仲要份量唔算細。【和菜戴帽(配春餅八塊)】這個和菜戴帽真是第一次食，裡面有大量粉絲、筍絲、木耳絲等炒埋一齊，之後再鋪上一塊芺蓉蛋在餸上，食落這個蛋勁有蛋香味，再張春餅包住這些餸一起食有另一番風味。【煎白菜豬肉水餃(10隻)】這個水餃雖然不算好多餡，但是實在係好難忘的美味，每隻都是手工包製，再放在鑊煎得表面的餃子剛剛好，有少少脆皮效果。

去銅鑼灣同Supplier傾野，點知傾完野已經到收工時間了，咁岩兩條友都冇約人，索性一齊食個靚飯。 Supplier佢推薦左呢間老北京，佢話平時經常去呢度食飯，咁有地膽介紹就一於試試佢。希慎行過去都係幾分鐘路程，商業大廈樓上鋪，上到去見到環境都幾好，商廈就預左樓底矮少少，但裝修都幾骨子，可能係預左好多商業客黎傾野，間開左好多房仔。都幾襯間店個名"老北京"，好有下館子既感覺。🔸北京烤鴨(半隻)北京烤鴨當然係連肉一齊片果種，唔係廣式片皮鴨。外皮係有厚度而且好香脆，鴨肉香味好出，除左鴨本身，配料同個餅皮都好緊要，特別係個醬，好影響片皮鴨的味道。呢味烤鴨處理得唔錯，餅皮甜甜地，京蔥絲夠幼，醬都好香同埋係我鐘意偏甜味道。🔸芫爆里脊絲芫茜控既我，見到呢個就即刻想試，肉絲份量都幾足，每條肉絲都嫩滑，芫茜熟度剛剛好，食落唔會有太生或者太淋既感覺，最重要係好夠味，不論芫茜味同咸味都好乎合預期。🔸老北京炒餅第一次試炒餅，其實就係將麵餅切粗條，再用炒麵既放式去處理。餅本身有D厚度，口感比較燸，要出少少力去咀嚼。調味本身就要重少少，咀嚼完先唔會覺得冇味。我幾鍾意會食到果個麵粉香。乎合有"老北京"既格調，沉實得

8點幾入座已經講明無晒鴨食 成餐飯得兩個侍應 基本上係serve大房客人 不斷出出入入 我地坐正房門口係超嘈 已經無咩心情最誇張係等個甜品拔絲香蕉🍌 等咗45分鐘 如果唔係我催幾次 起碼等個鐘 佢念住等晒全部枱叫先肯做 特別係大房客人 我地係同一時間出甜品 但我地係臨食完已經叫定 夾硬逼人坐成個鐘..等咗咁耐 都會期待下⋯成碟野得5舊香蕉 咬落去成pat野同水 甜到爆 加一後個甜品都要1xx呢個價錢同等嘅時間 我出去糖水鋪仲好-到埋單 兩個人食都要8xx 已經無得叫烤鴨 全部菜都係勁少 食完係唔飽 得個烤羊算ok臨走仲發現個超市小籠包包裝袋 未試過成餐飯嬲住走 一定無下次

今晚過老銅買衫，買完就去食下北京烤鴨啦！地方古色古香，好像去了中國茶居一樣。等點餐時聽到職員用好純正的普通話，一問之下才知原來這裡開了十幾年呢！🤗大蔥羊肉餡餅熱騰騰上台，煎得金黃的餡餅，一口咬開薄透少少帶酥脆的餡皮，羊肉正宗鮮活有油香，大蔥出了一份爽脆感，同時地，蔥段濕潤亦減少了羊肉餅的膻氣。入面肉菜參半，拌得亦均勻，挺有羊香的。大蔥的青脆碧綠沒有喧賓奪主，羊肉餅還是主角屹立不倒，沾上喼汁油膩感立消。北京烤鴨要了半隻，上桌份量沒有我想像的那麼多。鴨香撲鼻而來，皮烤得光亮色澤誘人😍烘過的鴨子，基本上不帶什麼肥油了，只剩一點點保留在鴨皮之上，再嚐一口，肉質細嫩，鴨味特濃。再吃一啖，皮肉味道香氣不少，有肥美的油脂，沒肥鴨的油膩肉濟。麼麼皮綿密軟熟，裹著鴨肉脆青瓜絲同食，更飽肚滿足。食後感：菜餚地道有風味，令人懷愐北京菜的味道。

今晚下班後，約了朋友在銅鑼灣渣甸中心五樓的「老北京」晚膳，就在銅鑼灣站出口斜對面，非常方便。餐廳裝修得古典雅緻，甚有中國特色。服務員的服務也很貼心，態度友善兼有耐性。我已經很久沒有吃京菜了，很懷念，於是就點了幾個特色小菜，嚐嚐老北京的味道。“雞絲粉皮”，材料有爽脆的青瓜絲、蘿蔔絲、甘筍絲和手撕雞肉，伴以惹味的芝蔴醬，是一道低脂健康，美味可口的涼拌菜。“糖醋里脊”，中國經典傳統名菜之一。豬里脊肉就是與豬脊骨相連的瘦肉，肉質富有彈性又不肥膩。這裏的糖醋里脊做得特別幼細，炸粉非常薄，火候適中，豬肉肉質嫩而不老。味道甜酸可口，令人口齒留香。“老北京炸醬麵”，起源於山東，後來傳至北京，成為北京飲食文化不可缺少的一環。「炸醬」----炸過的黃豆醬。正宗黑溜溜的炸醬，鹹鮮和濃郁豆香，混合爽滑的上海粗麵條，特別滋味。“薑茶湯圓”，最後來過甜品，湯圓飽滿皮薄，黑芝蔴餡特別香，糖水又「夠薑」！一嚐久違了的京菜，朋友都讚不絕口，我們相約下次再來吃“午餐半自助任食”，嚐嚐其他老北京口味。

很久沒吃京菜。想起即約朋友，朋友介紹到銅鑼灣「老北京」。店舖以中式裝潢，有卡位和廂房，私隱度頗高。❣️ 京醬肉絲(配春餅八張)  以豬里脊肉為肉絲，經醬爆烹調，有鑊氣。醬香濃郁，味道鹹甜適中。以春餅卷起來吃，滋味非常 ❣️ 糟溜魚片滲着酒香的厚身魚肉肉質滑嫩。濃郁的酒香突出了魚肉的天然味道。香郁鮮嫩，美味無比。❣️ 京燒羊肉  色澤紅亮， 散發出無法抵抗的香氣。皮酥肉嫩， 濃郁的羊肉味道，不羶，亦不油膩。保存傳統鹹鮮味的風味美食。❣️ 高湯小籠包(6個)高湯鮮味，肉餡新鮮。我們離開時，見到一枱食客以銅鍋涮肉，真的別有一番風味。下次都想來試試

晚上跟朋友在灣仔見面後，找到一間傳統風的中餐廳「老北京」，門面的裝修十分吸引，古色古香，佈置中式傳統，有很多寬敞的卡位及房間，連餐具用品也很中式精緻，很有情調！餐牌選擇很多，主打北京烤鴨招牌菜，涼菜小食，主菜小炒還有乾鍋，羊肉火鍋，中式甜品等！北京烤鴨(半隻)，必試招牌菜，賣相甘香吸引，份量十足，烤鴨半肥瘦，皮燒得香脆而肉質夠滑，油脂感十足，配上薄皮、京蔥、青瓜和特色烤鴨醬，馬上中和了油膩感，百吃不厭。高湯小籠包，有六大隻，足夠二人份量，薄薄的皮口感煙韌，包滿著肉汁上湯，入口濃郁，豬肉口感彈牙，值得一試！清炒萵筍，口感爽脆，萵筍獨有鮮味突出，賣相翠綠鮮嫩，簡單清炒已經很美味，清而不膩，健康之選！整體來說，食材質素及環境很好，菜式都吃得出廚師功架，認真的製作，令食客感受到傳統，正宗製法的中菜，實屬難得，加上幾位員工十分主動有禮，對這間走傳統風的中菜十分滿足，值得推介!

呢間北京風味家常菜，雖然環境唔算大，但勝在有房間間隔，私隱度高，一家大細嚟食都可以坐得好舒服~ 裝修古典風格，好有特色👍🏻 北京烤鴨 $258半隻半隻份量都幾多下，正宗北京烤鴨烤鴨皮又脆又薄，鴨肉都幾厚肉下，餅皮薄到透，仲要冒晒煙熱辣辣，配上甜醬，蔥同青瓜好夾～酸辣湯麵 $88酸辣湯比想像中大碗，兩人食啱啱好。酸辣湯係好濃稠口感，配料多多，豆腐絲木魚絲，口感豐富，然後麵條掛滿湯，酸酸地又辣辣地好開胃～

今天和太太在銅鑼灣買東西，之後順道在附近吃晚飯，記得友人介紹的這家老北京，就去試試水準。餐廳面積不大，位置空間感足夠，裝飾是以傳統中式為主，環境令人放鬆，正好可以舒舒服服地傾計，平日晚市亦全院滿座，記得要先訂位。餐牌選擇極多，有傳統的京菜、冷盤、小食、麵食、小菜、飯類以及甜品一應俱全，價位適中。老北京賽螃蟹 $128先點一客經典的賽螃蟹，一上枱賣樣十分對辦，蛋白呈現一絲絲而沒有水汪汪，拌入澄黃的蛋黃及以陳酸同吃，一入口品嚐到蛋白的滑膩柔美，鮮香軟嫩，火候掌握可見工夫。酸菜白肉鍋 $158點了另一東北名菜酸菜白肉，湯底一呷鮮香酸爽，可以品嚐到東北酸大白菜獨有的香氣，加上泡椒的微辣口感刺激味蕾，令人一口接一口，豬肉片半肥瘦脂爽肉軟，有大量的凍豆腐收吸湯底的鮮味，以及粉條帶有嚼勁的口感，十分有水準。大蔥羊肉水餃 $90水餃皮薄而餡料紮實豐富，內餡加入新鮮羊肉，所以特別富有羊脂羶香，味道自然鮮美，入口層次豐富，清甜不膩口，配上的陳醋、辣椒油，絕對有驚喜。

為左食好耐冇食既片皮鴨今日就同朋友去食老北京一出lift見到老北京既牌匾已經好中式餐廳內部裝修得好有味道有著老北京既牌匾餐具同裝修同做到古色古香座位闊落識合同朋友一齊傾計餐廳有好多北京名菜今次我地得2個人食 就淺嘗一下先黎得食北京菜 梗係要係片皮鴨啦！餐廳既片皮鴨油香味十足鴨肉亦充滿肉汁餅皮亦都做得好薄要黎夾片皮鴨食好夾食左咁多肉 就叫返個紅燒豆腐豆腐好滑紅燒汁好惹味加上我最鍾意既盧荀配合得好好最後食多一份小籠包肉汁牢牢咁鎖係小籠包既皮入面皮薄餡靚

我真係好鍾意食片皮鴨，所以今次朋友一約去食，我好快就即刻mark喺行事曆！餐廳裝潢古色古香，極具中國特色，也設有不同的庖箱座位，大大提升左私隱度和空間。北京烤鴨半隻因為我朋友好細食，所以烤鴨叫了半份。烤鴨一上檯已經香味四溢，鴨色澤紅潤，鴨皮很香脆，入口油香。餅皮熱烘烘，質地夠薄，另外亦備有京蔥、青瓜條、京醬佐料，把食物放在的餅卷上捲起，就能品嚐鴨肥油香的片皮鴨！孜然羊肉孜然和羊肉絕對是完美配搭，孜然能去除羶味和解肉膩，為羊肉的味道生色不少，而且仲加入芫荽快炒，絕對是色香味俱全👍🏻！高力香蕉自從自己開始學會整甜品，外出時點甜品都揀選一啲要講功夫和考耐性嘅甜品，而呢個高力香蕉就正合我心意！揀香蕉係因為覺得它比紅豆較為健康，而口感味道絕不遜色！大大滿足了味蕾！下次食片皮鴨我都會介紹朋友嚟呢度，因為性價比真係好高👍🏻😀！

放lunch比同事帶咗嚟食，白飯、粥、涼拌青瓜涼皮同中湯都可以任添，而且仲有生果任拎。而啲餸都唔算好貴而且味道ok，不過酸菜魚就差啲，食落好一般，冇咩事應該唔會再叫。大約叫咗五至六個餸，除返開5個人都係65蚊位，都幾抵食。

今晚與 honey 一齊嚟呢間位於銅鑼灣嘅「老北京」品嚐下京滬菜！😚餐廳地方雖然不太大，但環境寧靜舒服！😊🥢蔥油海蜇 $88 ～ 海蜇好爽脆，撈埋青瓜絲、蘿蔔絲、蔥油一齊食，配添好味！🥢蒜泥茄子 $88 ～ 矮瓜真係好清甜、柔軟，加埋一些蒜、辣醬調味，味道恰到好處！🥢糖醋里脊 $118 ～ 排骨冇骨啖啖肉，外皮脆卜卜，肉質嫩滑，配合酸酸甜甜嘅鮮菠蘿、洋蔥、青紅椒，食落味道好豐富！🥢拔絲香蕉 $98 ～ 壓軸驚喜就係呢個雀巢造型、賣相得意超吸引嘅拔絲香蕉；糖漿香脆一絲絲，香蕉又炸得外脆內軟， 令人食得超開心！

已預早好幾天預約訂座而餐廳已確認。突然於餐前一晚於深夜自動取消預約說已滿座。後竟然不再交代完全冇道德可言！太過份，亦沒有禮貌！完全打亂客人計劃，不確會作罷！不會再光顧！而餐廳方面只以訊息交代幾句完全對客人沒有禮貌也不將客人當成一回事！