老坑火鍋

營業中

休息中

之前同老公去左"老坑火鍋", 食左佢地手打既蝦丸同膠丸, 叫左牒菇, 魷魚, 當然仲有肥牛同埋菜啦. 其實呢個火鍋冇咩特別, 我覺得d丸幾好, 其他我又唔覺得有咩咁好味, 可能我地兩個人既份量只係可以試倒有限既野, 所以唔可以一概而論, 我地埋單大約$260, 食左成2個幾鐘, 都算幾好啦!

聽到埃及兩字, 從前會聯想到金字塔, 今天會想起大車禍.聽到曲街兩字, 從前會聯想到大酒店, 今天會想起老坑火鍋.走過老坑火鍋門外, 如果沒有友人推介的話, 是不會嘗試的. 店鋪由多間小單位組成, 找桌子, 找朋友及找洗手間時, 在各小單位迂迴曲折地穿梭, 有如走進了縱橫交錯的金字塔密室. 眼底, 有豪氣萬千的麻甩們在浮一大白, 檢討著剛過去的聖誕節在深圳上下沙的英雄事蹟, 亦見舉止優雅的OL 在淺嚼輕談, 討論著快將來臨的農曆年假往曼谷的行程安排. 客滿時, 連水濕滿地的冷巷也坐滿了人, 為的, 是這裡的美食:蕃茄蟹湯底- 新鮮蕃茄連同茄醬, 加上蟹而成的濃濃湯底, 愛蕃茄的食家及蟹癡如浚, 必定喜歡, 湯底的味道已很濃, 其他食物放進去後, 已不用再點其他醬油配料了. 精彩!四寶丸- 有蝦丸, 鯪魚球, 墨魚丸及牛丸, 每款五粒, 全部新鮮的, 除牛丸外, 款款彈牙. 很精彩!手切牛肉- 新鮮牛肉味, 滑口, 無根無渣. 非常精彩!肥牛- 對比手切牛肉, 就如卡美拉跟戴安娜皇妃相對, 失色很多了.牛展- 與手切牛肉有著不同的texture , 不同口感, 可以一試.炸魚皮- 厚厚而

一月九日又去老坑,今天決定食好少有得食0既胆固醇宴,今日d湯都係咁甜,d蟹仲大隻左,又一樣係正貨(鮮甜,肉厚)!手切肥牛(大)３分－今次偏肥,但唔係雪花果隻,亦un左ｄ，佢地好失望！蝦丸墨丸雙拚３分－今次無咁好味同彈牙，水準參差！雞腸拚雞粉腸５分－好甘香，新鮮，無發過０既！豬心頂拚花膠３分－豬心頂爽脆（要烚３０分鐘）但口感不及喉嚨（烚１０分鐘）好，花膠發得過腍！豬腳根拚豬潤４分－豬腳根好爽，仲有ｌｕｎｇ住少少肉，鍾意食有咬口野０既朋友一定喜歡，豬潤則一般！八爪魚拚雞子３分－八爪魚新鮮，雞子一般不過好大粒！金菇拚油麥菜３分－新鮮！帶子５分－新鮮，鮮甜！咁多野＋１罐汽水＄５４６，今次真係好抵！　

相識多年舊網友的例牌聚會﹐一行六人﹐地點選了大家都未試過的老坑火鍋。這類巷仔火鍋店, 環境當然未盡人意﹐但看過各位食評﹐已一早有心理準備﹐感覺上還可以。老坑的火鍋是用電磁爐的﹐好處是不用怕無gas要換gas﹐及比較安全, 但火力不足及不穩定始終是個問題﹐我還是比較喜歡gas爐多一點。火鍋湯底要了人皆稱好的蕃茄蟹湯﹐湯中用料十足﹐香濃鮮甜﹐的確不錯﹐但個人認為又未至於頂級水準。而在座中有朋友亦覺得似乎略為過甜了一點﹐似乎這個招牌湯底未能如豬骨湯般討好大部份的人。火鍋料則名不虛傳﹐手切肥牛軟滑鮮甜﹐大的盛惠百三﹐我們也清了兩碟﹔扇貝夠斤兩﹐亦很鮮甜﹐六隻只售五十﹐個人認為是必吃之選。潮州魚蛋/魚角爽口彈牙﹐魚味足﹐也不容錯過﹔牛肉丸是鮮打的﹐賣相及口感都一流﹐牛味濃香中滲出淡淡胡椒味﹐此味實在值得推介﹔中蝦並非游水貨色﹐但總算鮮甜﹐亦吃得過。韭菜餃及椰菜餃從賣相看得出是自家製作的﹐味道亦合格有余。唐生菜夠脆夠綠﹐跟蕃茄湯相當配合。基本上所有火鍋料都在平均水準以上﹐唯獨油炸鬼不夠新鮮﹐炸魚皮則太大塊太硬這兩味較為令人失望。員工招呼尚算周到, 連啤酒汽水埋單共銀九百﹐平均每人百五, 以滿足度計

好難得約齊人.. 八個女仔一齊去試下呢間火鍋.. 大家都充滿期待...7點鐘去到.. 環境都冇想像中咁差.. (當然唔係好好啦..) 入到去急不及待咁叫野食..個侍應都好好人.. 俾左好多意見我地.. 幫我地搞掂.. 湯底梗係要左好想試既蕃茄蟹湯.. 好好味.. 好夠鮮味.. 所以每人都飲左好多碗..火鍋材料方面.. 叫了很多碟.. 有炸魚皮、油炸鬼、山根、雞腸、牛心定、手切牛肉、蠔、扇貝、手打丸(四寶)、菜(生菜, 西洋菜同油黑菜)、脆魭魚腩、金菇草菇同鮮冬菇..樣樣都好好味.. 尤其係手切牛肉.. 一向唔太like食牛肉既我都覺得好好味.. 就算滾耐左都唔韌.. 好厲害.. 而牛心定真係好爽口. 我都係第一次食咋.. 炸魚皮亦係水準之作.. 好香脆.. 總括黎講呢個火鍋聚餐真係好好味.. 又好鬼抵.. 大家都食得好高興.. 影左好多相.. 快d再約埋食過啦!!!

個蕃茄蟹湯好得喎。配上"油炸鬼"食，正！基本上，我地都無"點"醬油，個湯已夠味。牛肉好新鮮，竹笙都好味。我地order了餃子，佢地竟然係即叫即包的，勁！但環境就麻麻，有"小強"陪我地打邊爐。服務都係叫幾次應你半句那種。價錢就唔貴lor。

我覺得蕃茄蟹湯非常惹味, 如果想清D就可以叫蕃茄清湯或皮蛋芫茜湯心水推介食物: 手切牛肉，併雙餃，雞腸，豬腳根，豬粉腸

今次特別講肥牛，老坑的牛肉應該是牛柳肉，夠新鮮，有肉味，但與頂級手切肥牛頸"隻"位仍有很大距離。其他食品手打丸、椰菜餃都是水準以上。招牌湯蕃茄蟹湯本人認為不太適合，因必須趕快先食蟹，不然的話蟹肉會縮，我覺得蕃茄牛肉粒湯+大花蟹(價錢當然貴很多)好得多，或者蟹分開上，不要放進湯裡。地方環境十分惡劣，價錢整體來說比一般有級數火鍋店低。

由於小頭已出了長盡的食評,以下我只略略講講!禽晚大家約定6:30 於觀音廟集合後,就沿住"大酒店"方向出發，由於大家不約而同都穿上深色衫，沿途不斷有人問我地買左花未，正如小頭所言，唔係"為食鬼"真係未必會去！老坑真真正正係一條濕滑0既後巷道,一個鋪得三四張木台但有幾間鋪,格局比小菜王再差少少,而我地坐果間竟然寫住member only ,真係有趣!食物方面,個蕃茄蟹湯底真係好鮮甜,兩隻蟹亦都係正貨,我今晚自己買齊全靚海鮮料諗住整個翻版,都做唔倒佢咁正,堤0下d喉管ar係無"發"過0既,記住烚十分鐘就好食la!奈左又唔得wor,會un!係唔錯嫁!肥牛要叫就試左一半正就好叫定下一碟,佢會限住賣嫁!總括而言,早d去有著數,(無論環境同食物)探險除外!

在曼谷泰菜聖誕聚餐和Fefe 她們說起想試這店，剛巧她們也有興趣，就約埋Denny 一行六人在boxing day 來打邊爐。老實說，這店的環境真是幾令人卻步- 位處後巷，後巷地面和洗手間都濕濕滑滑，店舖入面也頗地痞格局，如非有為食敢死隊陪同，可能會打退堂鼓。沒有菜單，湯底點了大家一致推薦的番茄蟹湯，食物可以在肉、海鮮櫃前自己選。番茄蟹湯- 好鮮甜，有兩隻蟹，蟹雖然細隻但肉和膏都幾好味。四寶丸- 蝦丸、墨魚丸、鯪魚球和牛肉丸，五粒星推介。蝦丸和墨魚丸好好味，新鮮實淨爽口彈牙，反而鯪魚球和牛肉丸較普通。食過番尋味，追加一個雙拼蝦丸和墨魚丸。手切肥牛- 全力推介，好好食不肥膩，有肉味但一點也不騷，不論半生熟或全熟都不會，又追加。八爪魚、粉腸、管廷和黑柏葉- 新鮮爽口。管廷第一次食，白白圓圓，似一枝大飲管，口感特別。帶子- 鮮甜，但細隻。雲吞拼椰菜餃- 因其他配料太出色所以相比下較普通。羊肉- 夠羶亦頗肥。女當家霞姐推介一碟油炸鬼，放湯一下即夾起，索湯食幾特別。6人食飽飽，加一枝大啤酒和兩枝汽水，埋單$720，好抵食。特別鳴謝食半個人份量但夾足一個人錢的Denny 和Winnie ，真不好意

尋晚同舊同事食飯,帶左我地黎li度食.我地已經book左位,但去到都要等一陣.初初去到見到個格局,有d懷疑點解會黎咁o既地方,但食完之後發現一定要帶人去食!雖然環境唔係幾好,但食物就一流.我地點左:番茄蟹湯底生蠔併豬新鮮八爪魚併九肚魚半打扇貝半個魚頭一碟新鮮肥牛唐HO田雞臘腸煲仔飯竹蔗水四個人,埋單每人百二本來佢話仲有半份油炸鬼都俾埋我地(收半份錢),但後來話已經賣埋.下次要早d去試下先!個湯底真係超正,勁濃番茄味, d蟹好清甜, 未開始打已經飲左碗湯先. 豬都好甜好好味, 肥牛就唔使講. 未食之前我都懷疑好唔好味,但食落之後發現到牛肉o既甜味, 又唔會"un". 平時我都好少會飲湯, 但li個湯底先至係精髓, 我起碼飲左5碗!我第一次打邊爐自己親自去揀食物而唔使睇餐牌,佢有好多特別野食, 後尾睇返餐牌先知原來有牛心定--li樣真係好野黎架!我地次次上大陸都會點黎食,下次一定要o係li度試下先! 不過地點都幾難搵,我諗下次要帶地圖去先得喇!

前陣子跟同事講起不如攪下飯局,約埋兩個舊同事去打邊爐...佢地問都無問去邊度食就say yes了,真爽快~可惜因為各種原因,postpone 到琴晚先出黎,適逢o岩o岩氣溫急降,真合時啊~~~ 前日打左去book位(都有諗過呢d地方洗唔洗/有無得book呢?),都幾轉折....先打去openrice提供o既電話,頭兩次都無人聽,之後有位阿姐接,叫我打去另一個手提電話訂位,但係o個個手提電話又無人聽,最後就打左去另外一個網上搵到o既電話,今次book 到位了! 我地琴晚未夠七點已經到達,都唔係好難搵,大大個牌其實都唔算係後巷丫,幾間舖位都係老坑的,同阿姐講book左七點,但係阿姐話搵唔到我個booking ~.~"好彩...最後佢都搵到張檯比我地,入到佢發現好多張檯都已訂位,真係一額汗^^" 先黎個招牌湯底:蕃茄蟹湯(正!!)兩隻大蟹之外,原來仲有薯仔同蜆肉,未開始打邊爐已經想飲晒佢XDDDD 另外仲叫左:豬肺,鵝腸拼豬心定,大魚頭,A菜,西洋菜,本地手切肥牛兩大碟,四寶丸,三菇(金菇,草菇,鮮冬菇) 呢度d野真係好新鮮啊~~~好多野唔洗點豉油都好鮮甜,而且出面未必有得叫,最好就係好多

一行6人聚會,友人提議個老坑,因為個個細個都住紅磡,返舊地食飯中晒聚舊目的,6人分4批到步,叫左一個番茄蟹煲,由於無價錢睇,聽到友人叫就怕張單好貴,因為有海鮮關係,不過算把,好友聚會,唔諗得o甘多,上煲..發覺唔同出面o個d,出面o個d通常都係一隻所謂大隻蟹加d番茄就係o甘,呢度就有好多蟹,雖然細隻,但係人多問題蟹量都好緊要,而且蟹多個湯都會特別甜,重有成個湯都係紅色一片......好香呀....人齊,叫送....打邊爐有雲: 手切牛,無得走,先來2碟,再來沙蜢魚,黃喉,水餃,油炸鬼,生魚皮當然有主角.....beer...哈哈食完唔夠又補倉, 再落, 肥牛一野,A菜併潺菜, 老闆娘話豬肺幾好.....信,一碟,再來牛天梯,問鵝腸係鮮定"發", 老闆娘如實報導......係"發", 有失望,不過對老闆娘的老實感動,因為好多老闆都會話係新鮮,不過一上菜就係發過中金多寶的鵝腸,喜歡你夠老實,老闆娘一見又失望樣就推介話雞腸就係真真正正鮮腸...好又一野,老闆娘話不如雙併野,價錢一樣,可以食多D款,不過唔駛照上,豬肺有幾件炒濃左DD,其他到係得....正所謂歡樂時光過得特別快,又係時間講BYE

雖然環境唔太好，但食物質素真係一流，手切肥牛非常新鮮，必試。其他可試的包括:蕃茄蟹湯，生魚皮，椰菜餃，魚雲，手打丸。

經過各名醫會診，詳盡的身體檢查報告，相信，是時候引退了。引退前…無奈地來個告別火鍋。告別湯底係胡椒豬肚，湯底清甜。手打蝦丸，未有渾入蝦糕，扣不小分。雞腸小小膏，感覺如食毒藥。魚標同牛喉咩都係毒藥，不過係爽脆的毒藥，泥同鱔一般。蠔，洗得好白，異常咁白，懷疑係漂的。牛，無傳說中咁勁，兩個菜都一般，整體來講，係價錢平，三舊水食咁多野，仲有兩支B酒。但食的係屬下欄野，都唔收得貴。如果要食龍蝦象拔螃，就要預先打電話搵霞姐講聲。