老坑火鍋

營業中

休息中

紅磡區兩間極負盛名既火鍋店(另一間咪係鴻福)早早便安排一切例牌番茄蟹窩底,肉蟹花蟹兩者中選了後者,貪其鮮甜,可惜茄膏過火,搶去花蟹的清甜感,配料中扇貝,牛頸脊,手切本地牛,豬腳筋,桂花蚌等是我比較喜好的食品,其他都是例牌野,不過如是服務是跟得好足,半途換煲毫無半點不悅,快手快腳,一讚.扇貝好肉而鮮甜,牛頸脊,手切本地牛口感豊腴,桂花蚌爽甜,呷一口啤酒,再風花說月一番,正如南瓜所講,此刻無價.

約左一班義工朋友一齊團年同gather一下，見近兩個星期咁凍，決定去打邊爐。睇見食評大讚呢間火鍋店，一於試下。第一次黎食，冇訂位，幸好老闆娘好nice，在外街開左一圍俾我地。我地一行9個人，決定要一個蕃茄蟹湯底($200)，湯底有一隻大蟹、蕃茄、薯仔、蜆仔、芫茜同蔥。當o的湯滾起，我地每人飲一碗，真係好甜，值9分。經老闆娘的介紹，我地點左o的菜︰皇牌肥牛--超正，雪花牛肉，由於手切，所以肉身較美國肥牛片為厚，更好咬口，食落甘香鬆化，值10分。豬喉嚨定--外貌似牧童笛，幾爽脆，值8分。豬潤、豬腰--刀工好有水準，但我個人唔食的。友人話好新鮮。鮮粉腸--好靭，唔得。珊瑚蚌--好爽，值8分。雜菌--吸左湯底，好甜，值8分。椰菜餃--期望過高，只係一般，值5分。鮮四寶丸--正！味道鮮甜，丸的肉質好彈牙，值9分。鱔片--我個人唔好白鱔但都覺得好甜。刀工好好，每一塊都灼幾下就食得，肉質好脆。值8分。其他仲有生根、粉絲、雜菜(西洋菜、生菜、蓎蒿同油麥)。整體黎講，大家都食得好滿足，值得推介。之後我地去左附近的糖水舖芝麻綠豆食糖水。至於糖水的質素如何？請收睇暖笠笠團年飯之延續篇。

天氣咁凍,晒好緊係打邊爐啦,winson話哩間野好出名,咪一齊去試下囉!!8點幾黎到,full左,幾辛苦先係馬路邊有張檯,2個人叫左個蟹煲、一碟生蠔、一碟丸同一碟牛肉,個蟹煲真係好好味好新鮮,tamoto湯底又正,至憎食tomato既我都飲左兩碗湯先走人,牛肉好彈牙。雖然天氣好凍,但邊凍邊食熱野特別唔同,好似特別好味咁~~~不過唯一唔好既就係服務真係麻麻...坐低除左叫完野食,d野落晒檯面之後,就再冇見到waiter行過了。直至埋單都係自己行出去埋... . ..

話說星期五已提到要打個邊爐，因嚴寒下不吃得暖和一點是不行的﹗天文台又話星期六會回暖，點知都係咁凍，著少件衫都真係會冷親。大家都知紅磡是大酒店集中地，曲街聽就聽得多，但係行入去真係第一次，九點幾人影都唔多隻，兩旁都係全賣酒店用品的商店，仲要未關門......望入去....陰陰寒的雖然話就話不做虧心事踢門撞門也不驚，不過北風陣陣下總有點不安之感，好在不到幾分鐘就比我地見到食野的一條街了......食店的那條街燈火通明，大家可以放心，大大隻招牌寫住老坑火窩好易見到﹗佢最出名係咩蕃茄蟹肉窩，不過成二百蚊一窩我地得兩個人都係唔好搞喇﹗於是點了.......冬蔭公湯底，七十蚊﹗我地都係第一次食﹗入面有蟹仔、蝦仲有瀨尿蝦做底，開頭好香茄酸味，食多半個鐘唔洗沾醬油都已經辣到無朋友﹗好正﹗深海大墨魚，厚切，放落湯灼幾野就食得﹗好鮮甜超有咬口真係讚不絕口﹗手切肥牛，切得厚身，但係就係因為佢厚身唔係紙咁薄所以個牛味入口好厚好濃，不算入口即溶，但新鮮上台仲有血水出，肥瘦分明好香呢﹗帶子半打，即叫即開，好大粒好肥呢﹗手打四寶丸，魚、蝦、墨、牛肉丸四隻都好香濃，咬落起哂膠有口感﹗墨丸仲要啖啖墨魚粒，一試難忘﹗炸魚

沒有井然有序的氣氛沒有千篇一律的對白有的,就是met randomly的驚喜,新舊知雨,為了一窩蟹窩,甘願一同勇闖陰陽路.十多名隊員,新舊人佔一半,連貴網也有兩名代表列席,實屬我們之榮幸.爐兄作為今次的領隊,所有菜式差不多由他作主,我就拿住部錢七,亂影一通.小弟未到前,眾人正飲著嘉士伯,看狀面色一沉,下一轉就轉飲大陸啤.因為是敵對球會的長年贊助商,所以抵制.對這份無瀨的堅持,不知還要到幾時?例牌的番茄蟹窩,上年同圍內朋友來,每個也讚不絕口,可是今次的蟹窩,蟹味吃不出,反而充斥著濃烈的茄膏味.坐在旁邊的星爺我上年黎過好幾次,每一次也是如此.)配料甚多,不能盡錄.轉眼已經叫到一桌紛陳,雜亂無章.貫切小弟崇尚的met randomly之風格.扇貝肥大肉厚,灼熟之後依然沒有點縮水,吃落鮮甜爽口.牛肉當然要本地牛,亦都有叫牛展,牛頸脊,其牛肉雪花分明,吃落充滿肉味,沒有一點點渣.豬腳筋同豬天梯,口感爽脆.生蠔亦夠鮮味.桂花蚌略略灼幾秒,已經又爽又甜.還有主流的魚皮,鵝腸,雲吞,牛丸墨丸等等,其他的,已多到記不起了..吃到近乎尾聲,P.J才到,不知道他倆在戰壕之中,找到幾多剩餘物資?陰陽路之後,照

上個星期再來此友聚，一共五人，這次已經是我第十幾次來吧。湯底是最愛的番茄紅蟹湯底($200)，之前試個用肉蟹($180)、試過走茄膏，亦試過淨番茄湯、清湯等。個人意見是，不要吝嗇那二佰元，要番茄紅蟹(不要走茄膏)，因紅蟹是鹹水蟹，海鮮味較重，湯鍋到來，不要太猛火地慢慢煲滾湯底至蟹熟，先喝小小湯，再立即吃蟹，鮮味得很。今次的兩隻蟹，一隻是有橙色糕的，另一隻是青綠色油糕的。當晚兩隻蟹都很肥美，值95分。其它火鍋料包括本地牛頸脊、扇貝、魚旦、魚角、魚肚、椰菜餃、韭菜餃、油炸鬼、八爪魚、墨魚等。當晚的牛頸脊是多次光顧中最好的，脂肪如網紋般平均分佈，亦如霜降般，軟滑牛味重，值九十八分，是近幾年間在外吃火鍋中最好的，這是可遇不可求，牛肉短缺，我們亦只可配給這一小碟，使我們更加珍而重之。扇貝、八爪魚、墨魚作火鍋料亦十分叫好，扇貝比平時蒸煮的更加鮮甜。叫墨魚的其實是大尾魷，墨魚是有一片白色硬脊，大尾魷如魷魚般只有一片透明軟骨，但較一般魷魚更厚肉。食味以大尾魷更鮮，亦算爽脆，只是墨魚更爽脆罷。油炸鬼、魚肚吸收番茄蟹湯亦配合得很好。雙餃以椰菜餃為佳，此餃餡料已熟，只要煮熟外皮便可吃。魚角與魚旦是爽口之物，

約兩年前已試過老坑火鍋, 本來早已有意再去光顧, 但因為地點略為偏僻, 較難召集一班朋友去光顧. 直到有食友最近去過並將相片跟大家分享, 才形成了一股原動力去約成今次飯局.一行十人, 坐於"偏廳"最入的位置, 感覺似一間密室, 有點侷促, 不過地痞火鍋店, 向來如此, 本也無甚麼可投訴, 但後來發現店方雖然貼出不準吸煙的告示, 實情卻是對在場吸煙的食客"隻眼開隻眼閉", 完全無作出任何勸阻行動, 令整個密室煙霧瀰漫, 煙灰四飛...洗手間亦屬"忍得就忍下"級別, 故環境及衛生一項實在無法不給予低分. 食物方面, 蕃茄蟹鍋湯底是一貫的高水準, 鮮甜無比, 跟兩年前吃過的並無分別, 似乎老坑的出品穩定性甚高. 蟹我沒有吃, 但看下去也應該無令人失望.阿姐告之炸油條即將售罄, 又據說為自家製作, 便怎樣也先來一客試試, 脆是脆的, 但看橫切面已見中央還有一團粉未炸透, 證明自家製作只能保證新鮮, 並不能保證高質素. 而且吃罷覺得炸油條還是配麻辣湯底會較為好吃, 因為本身帶油的炸麵粉糰浸了頗甜的湯底後, 味道還可以但感覺有點膩.牛頸脊油花充足, 分佈也算均勻, 切得厚薄適中, 故口感不錯, 但

今次由豬娜召號，短短時間已集合了10人應約，人多打邊爐就最開心。湯底當然是招牌蕃茄蟹湯，未開始我已嘗"頭啖湯"，蕃茄味濃郁，亦帶出鮮甜的蟹香，及後雖然不斷加上湯，但其他食物的精華釋放出湯中，味道更為複雜，平日不渴湯的我，亦連飲多碗。除了湯外，食友稱蟹亦肥美多肉，鮮甜味仍可保存。湯底是主角，還需有其他食物來"附和"，有牛頸脊、牛脆骨、豬腳根、豬喉管、豬潤、羊肉片、鱔片、生蠔、魚腸、扇貝、手打墨魚丸及蝦丸、椰菜餃併菜餃、油炸鬼、炸魚皮......其中我最愛豬腳根，雖然至少要灼30分鐘，我鍾意那種軟中帶硬的膠質口感；豬潤是大塊厚切，有口感之餘亦夠爽嫩；手打丸類除了夠彈呀，亦有本身墨魚及鮮蝦的味道；扇貝味道一般，但$50一打，已交足功課；而羊仔片味道最差，羊羶味是有，肉質明顯可是雪藏過久，味道有點怪怪。大家食得飽飽，每人只是$110，之後再去食甜品，又同一班食友有講有笑，真是滿足的晚上。

同細bu老公心血來潮食老坑...因為我不能食蟹的原因...細bu老公就要遷就我...那麼老坑沒有蕃茄蟹煲的威力如何呢?湯底~ 冬陰公併胡椒豬肚冬陰公~辣得太搶喉，小妹不是不吃得辣，已是搶過食物的味道...就不太好了胡椒豬肚~一樣，胡椒太搶喉了...火鍋是要吃食物的原味麻...**我想...下次還是寧願要沒有蟹的蕃茄蟹煲湯好了~**花甲HK$50 (已白灼的)好鮮甜~有10隻，隻隻都好大隻...墨丸併蝦丸HK$50墨丸~尚可，彈牙，但又不算很有墨魚味蝦丸~比墨丸差少少，細bu老公話似食雲吞鵝腸併生蠔HK$50鵝腸~好瘦啊~不肥的鵝腸怎會好食呢...生蠔~好細隻，不過好新鮮...西洋菜併支竹HK$35西洋菜~可能未係旺節所以老左少少...支竹~我無食到...不睇落應該幾好...手切本地牛肉例HK$90老闆娘話驚唔夠貨...唔俾我地叫大，佢話例夠我地食~~哈哈碟牛黎到之後...突然老闆娘問我地鍾意食牛要肥定瘦，之後就換過碟新既，新來的牛脂肪分佈的好靚...我和細bu老公急不及待將剛熟的牛放進口~yummy...牛的脂肪入口即溶...又好濃肉味...好像食和牛一樣全晚拍爛手之作...90元..

蕃茄湯底：OK，但要注明加蕃糕，否則較淡牛肉：好味，牛味重無揸墨魚：好味，鮮味爽口沙猛：no good，有D鯹泥猛魚：好味，鮮味墨魚丸：好味　蝦丸：好鯹整體上OK,但很快便沒食物，一定要早

看見評語好似幾好，特登楂車去試，不過有些失望，因沒有我最愛多膏肥鵝腸，只係冰鮮，沒有鴨粉腸，肥牛只係一般，嚴格來講差，鮮鯇魚皮賣哂，鯇魚腩好醒，好嘅有鷄粉腸，同服務

蕃茄湯很濃, crab很甜, 料多到8人都差點食唔晒, 墨魚很新鮮. 切到細細粒, 好食和爽. 牛肉味夠濃, 整體都好好, 朋友都喜歡..但附近冇乜野行,,可行去芝麻綠豆食糖水

專登黎試佢個湯底, 真係好普通咋bor,唔知佢既水準係咪下降左呢, 都冇o的相片咁紅咁多蕃茄, 要成$160唔抵, 湯都冇鮮味又唔夠蕃茄, 加左水後, 更冇咩味, 話有蜆, o的蜆細粒又小, 好多地方個湯底都俾佢整得好好多

今晚聽人介紹去食~ 真係好多人好熱鬧~不過個個都介紹到好好食咁... 可能抱有太高期望, 覺得冇心眼中咁好食, 同埋訂位時叫佢地留既野~ 留左幾樣, 都冇幫我地留到, 或者, 因為我地唔係熟客掛, 又冇話補番o的野黎氹下, 唉...。明明已經o係電話講得好清楚, 都幾失望~~~ 如果大家留野既時候, 記得再三叮囑, 因為佢地夜少少o的野食都都好多賣哂~ 值得讚既係,佢既野食算幾新鮮~ 但地方就好街坊, 價錢就唔太街坊, 碟碟都最少差唔多45,50蚊左右食過佢既小食~ 魚皮小吃~ o係一個涼盤, 撈左好多麻油同葱, 魚皮爽, 但係唔太多我地一大枱人, 仲叫左鵝腸, 雞什, 豬潤, 墨魚膠, 手打牛肉丸, 雙併餃, 鱔, 脆鯇, 手切牛, 雞子, 金菇, 菜.. 海鮮冇咩叫.. 因為夜都冇哂..鐘意食牛肉既人... 呢度既牛肉唔好抱太大期望, 而我地個湯底, 係例牌$160既蕃茄蟹湯底, 冇大家講得咁好食... 唔太鮮味, 又係加水唔係加湯~~~~ 唔太抵v_v

我們四人點了鮮茄蟹湯, 非常鮮甜, 但總覺得"無間火鍋"的湯底更清甜。我們還點了鵝腸,黃喉, 墨魚膠, 蝦丸膠, 牛肉丸, 生蠔, 仙貝等, 非常新鮮, 而且很乾淨呢! 一定要推介"炸魚皮", 香脆可口。服務都尚可以, 很多夥計幫手。