老夫子餐館 (已結業)

餐牌食品名稱已好有心思帶小朋友黎食就一定要叫飲品，黎到見到棉花糖緊係要打卡啦。仲有叫兒童餐，小朋友一定like. 其他食物質數對得起茶餐廳價錢。係呢個位置都抵，最好係唔洗點等位

今日放假有事需要出去，返到元朗差唔多4點，未食午飯諗咗一輪決定食老夫子。去到餐廳無需等位，職員示意我邊張枱我就自己行入去。坐低見未有落單的QR code, 又見未抹枱就叫職員幫手。後來發現原來都有好幾枱客同樣揾緊職員抹枱，不過職員正忙於送餐。終於等咗一陣抹好枱，攞到QR code叫咗沙嗲牛肉公仔麵，炒蛋多士，凍奶茶。食物送到後，個麵份量都仲算OK, 但沙嗲牛肉竟然無咩汁，好乾。而份多士就來錯咗份普通的三文治。揾緊職員更換的同時，我就聽到職員向其他食客話今日無多士，只得普通麵包。至於杯凍奶茶，完全淡而無味。整體食物的質素只係勉強OK!同時，我短短20分鐘的時間，發現職員都忙於送餐，因為似乎按照枱號送的，全部都唔正確，所以要逐張枱問，而且職員都好似已經習慣呢個問題，因為另一職員不停又問緊個炸春捲其實係邊張枱。到我食完去埋單時，我發現個收銀阿姐係會向每位埋單的客人，確認相關枱號記錄內的點餐是否正確，相信係因為經常發生錯誤所致。無法相信一間餐廳係竟然可以咁混亂！

好耐無去老夫子茶餐廳。今日專登去食午餐。先睇個菜單，用老夫子插圖真係好精美。大人細路都啱睇。之後我用手機點咗個牛舌飯加炸春卷。合共$82。因為初時以為係豬舌飯，我唔食牛，所以只落咗D咖喱汁混入白飯。再加炸春卷。滋味無窮。個炸春卷好重越南風味，加入咖喱汁。好食。足料夠份量。嘆埋個老火湯，咁就perfect。個老火湯好味。個橫裝好重老夫子特色。好似走進老夫子世界一樣。建議如是老夫子迷，萬勿錯過。

農曆新年還有兩星期多就到了，努力入手賀年禮盒😆，這次選擇了雞蛋卷來送給長輩。無論是送禮或自己吃也可以🤤，去年吃過覺得不錯，所以值得回購🙈。今年有三姐加持，用了全新升級配方，就更想試試看🤩。-💥蜂巢雞蛋卷 HKD$108，傳統口味的蛋卷加入新派元素，用了蜂蜜混入蛋漿，令到味道更香口😚。打開已聞到很香蛋味，蛋卷的蛋味濃郁。口感脆脆的很鬆化，蜂蜜味道清新甜甜的☺。 -買來送給長輩是個不錯的選擇，所以會再回購。

第一碟上來係黑色嘅，成舊碳咁，真係嚇襯，第二碟先係正常雞翼！黑色食落去又咸又老，唔知點解黑成咁都上得檯面？？？？？究竟係咪我色盲啊？杯野原價38，加配價19蚊，好大一舊棉花，倒雪碧落去就會融咗，杯野得雪碧味，冇菠蘿味，真係搵笨！！而且超級甜，我寧願飲雪碧好過啦，垃圾餐廳，今世唔去第二次！環境污糟，檯面好油，仲有蟲仔係咁飛，睇到都想嘔，服務態度一般，價錢又貴，又冇！呢間餐廳好差差差差差差差差差差差差差差差差差

兒時回憶老夫子 餐廳裝飾好靚 叫左個兒童餐 淨係食左啖雞排同少少飯 都係得少少少暖 差不多常溫咁 叫左侍應換 換完飯仲凍啲 常溫咁 好差既體驗😥😥😥最後叫個焗豬 味道ok 但啲飯係好濕好淋 唔會再試了

開張既時候已經想試，今晚係yoho mall諗唔到食咩又唔使等位就試下。環境燈光偏暗，客人都好多，差唔多坐滿，見唔少人都叫食鐵板餐。自助落單，等左大約15分鐘先上主菜。黑松露野菌煙肉天使麵($68)是日晚餐 包餐湯及餐飲。意大利雜菜湯，幾開胃，普通。主菜 黑松露野菌煙肉天使麵，黑松露超級少，望落成碟都係得少少黑點，雖然價錢唔係貴，但真係太少了...成碟意粉味道偏淡，唔係好覺有黑松露味，反而天使麵份量夠多，普普通通為填飽肚。老夫子為主題既港式茶餐廳...特別想講，上菜時碟邊個條天使麵好礙眼。裝湯個碟都有少少痴笠笠。"友人"表示好難食。(個人口味S: 3/5)(個人口味E: 3/5)瑞士雞翼(追加$8)唔係好熱，偏瘦，唔係好食既雞翼。(個人口味E: 3.1/5)蜜桃焗豬扒飯($72)豬扒夠厚，但味道似烚豬扒，唔似焗豬扒 。醬汁夠多，但飯底太濕。覺得大家X既焗豬更好食。(個人口味E: 3.1/5)總結：我地未必會再幫襯。如果食，可能想試鐵板餐。

老夫子係香港人嘅集體回憶👯🏻‍♂️朋友同我講原來元朗有間用老夫子做主題嘅餐廳😳咁當然就要去朝聖下🥳回味下我嘅童年回憶🤣 一去到門口就見到老夫子👴🏻迎接我們進入漫畫世界！成間餐廳裝修得好靚🌟無論枱、櫈、牆壁😆以至於上菜用嘅碟都有老夫子或大蕃薯嘅身影🤣印係每張枱嘅都係一篇篇不同嘅老夫子故事😁係等野食黎嘅時候可以睇住枱上嘅漫畫黎打發時間😜好有心思👍🏻 雜菜湯  $18 鐘意飲菜湯嘅我嗌左個雜菜湯🥣打頭陣先！同一般西餐廳嘅紅湯唔一樣，呢度個雜菜湯超大碟！好足料😋飲到蕃茄嘅鮮味🍅加上甜甜嘅紅蘿蔔🥕令我地個胃口大開！ 瑞士汁炒牛河 $68 去懷緬舊時香港漫畫當然要食返d經典港式主食！ 瑞士汁炒牛河🐃呢個配搭將兩樣香港經典味道combo埋一齊🤯 竟然有驚喜！炒牛河冇乾炒牛河咁油咁乾身，因為有瑞士汁微微濕炒😋唔會太油膩！另外瑞士汁嘅少少甜味同咸味更帶出牛肉嘅鮮美😌奏出第甜與咸交響曲嘅第一篇章🎵牛肉有嚼口😬好有牛味🐮係經典中帶出不一樣嘅配搭👏🏻好有新意同心思🥰 美式原隻蘋果豬扒意粉 $68 美國蘋果豬扒個名睇落好普通🤣但煮起上黎好有心機❤三層加左玉桂煮冧左嘅蘋果🍎同三層煎得外脆內嫰嘅豬扒🐷相互交錯🔄仲有蒜

老夫子漫畫陪著很多香港人長大，能夠置身其中，享受一份豐富悠閑的早餐，確實係一件賞心樂事。屯馬線的開通(只需38分鐘)，拉近了彼此的距離。餐廳的裝修有很多打咭點，餐具、菜單及其他細節位一絲不苟，能夠感受到老闆的至臻完善。久違了的豬膶(配通粉)，加上薑絲、蔥花與杞子，提鮮之餘，齒頰留香，值得一讚。煎蛋用小煎 pan 奉客，有如小鐵板，食物保溫又脆邊，真有心思👍

叫左兩個扒餐跟薯菜一份雜扒不過不失，上餐時漏俾薯條。後叫職員補上。一份西冷牛扒。7成熟。點知黎到已見不對路。十成熟…..十成….食緊牛肉乾咁。好難食。乾到呢。難以想像。好似食緊煲完湯既湯渣肉….見lunch 好多人食，今晚行經所以入去試。當時都係得2檯人…早知見少人食，唔入去食…冇下次。未曾食過咁難食既西冷牛扒…難食到我要留comment…應該因為客人少，職員都顯得hea………………………………..

晨早流流去咗老夫子餐廳食早餐，呢間餐廳至少有五年冇嚟過，雖然佢非常近我。因為上一次覺得嘢食麻麻地，今次決定俾多次機會佢。我嗌咗個仿鮑魚絲火腿通粉，依家佢哋自助落單，好多嘢可以自選，例如煎蛋炒蛋、烘唔烘底、多牛油少牛油、啲麵淋啲爽啲。食物其實普通啦，佢啲嘢食同老夫子其實冇關連😂又唔係老夫子食嘅嘢，純粹係裝修佈置有啲卡通喺度。求求期期食個早餐都還可以嘅。我叫咗個公仔麵偏淋，但係都係比較爽口，其中一塊多士叫咗加烘，但係都係同另一塊一樣。嘢食品質仲係維持着麻麻地😮‍💨

昨日食早餐11月4日，早上8點左右用QR code落單，咖啡已寫明「走奶」+「少煉奶」之後俾左杯正常版無「走奶」既我人有錯手或睇錯，明既咁就麻煩侍應幫幫手轉番好，同埋都俾佢睇埋我張單都已寫明侍應態度ok但個朝bar檯個黑衫帶眼鏡個師傅就嘈我坐到埋近yoho商場位既玻璃窗位都聽到個師傅大大嘈「走奶學咩人加煉奶呀？」侍應就糾正佢話個客張單寫明要咁佢都仲要嘈一輪先沖名氣大到咁，連bar檯師傅都咁有格調？已black list如果有餐廳管理層見到，麻煩跟進一下我脾氣好咋，免得你地下次俾人拍片擺上網公審，上埋東網或東張西望就唔好啦

今日同家人又再幫襯午餐，落咗2個沙嗲牛肉常餐+炒蛋多士+飲品。食品品質方面，老夫子(即係金記冰室) 一向都做得唔錯，性價比係絕對OK。個炒蛋及多士雖然係配角，但我同家人都鐘意。希望於服務及衛生方面可以加強，今日帶位後發現座位上有水，但餐具的櫃筒無晒紙巾，問店員攞紙巾抹，只係俾咗2張。後來再聽到另外有客要多啲時，原來有新規定係每人只俾2張。

7.5/10 basically a hk cha chan ting in a shopping mall, comfy seating, cute tableware. Normal quality, evil and good. The fried rice and fried noodles was normal, not particularly impressive and oily as it should be. Swiss chicken wings were also good too and I recommended to order if you pay a visit.

今晚再來，試埋晚餐🍽，點了一個自選2人小菜餐，有湯，可選2款小菜，2個白飯🍚及飲品☕️。我哋將老火湯轉為意大利雜菜湯🥣🥬🍅🥔，味道十分之濃郁，仲有好多茄汁豆。小菜就選擇了：1）菠蘿🍍咕嚕肉：色香味俱全，新鮮菠蘿🍍配3色椒🌶🫑及紫洋蔥🧅，顏色鮮艷，味道及鑊氣，比起酒樓，絕不遜色，酸味味，好開胃😋2）粟米🌽魚柳：家常小菜的風味，有汁撈飯，魚柳不會炸得太乾，粟米🌽大大粒，有𡁻口。飲品叫了熱檸檬菜蜜🍋🍯☕️及凍好立克🥤，熱飲又可以影多次老夫子個杯，彌補上次隻杯個樣花咗，今次完整了🤪