老夫子餐館 (已結業)

老夫子漫畫相信陪伴了很多年輕人成長嘅漫畫之一！之前聯成飲食業，開了一間名為「老夫子餐館」先後在深水埗及元朗都有分店，主打茶餐廳式料理！可惜，這個將會成為歷史！故勿論大家是否喜歡，老夫子也帶給我們很多歡笑！

見好似都多人排隊諗著試下，點知真係一肚火1. 叫咗個蔥油豬扒公仔麵，咸到一個點，雖然係叫蔥油，但都唔洗成口真係油。2.另外叫咗個白汁豬扒飯，個白油係又洁又凍，難食過大家樂。3. 樓面得一個加個經理，個樓面唔知自己做緊乜，食客食完又唔執枱，得個望字，然後先斯斯然行去慢慢執。個經理玩執餐具執咗20分鐘都唔幫手，睇住d凍飲係水吧等足10分鐘無人拎。唔怪得要等咁耐。樓面個阿姐d態度差到，叫位唔識叫，真係必無下次。

今朝11點15分去到餐廳門口㩒飛等堂食早餐直至11點半都未被安排入座我問樓面阿姐咁而家過左早餐時間我哋呢啲拎早餐飛嘅係唔係都可以繼續叫早餐點知阿姐話無嫁啦，無得叫我話有冇搞錯，咁頭先入面有位你又唔見我哋入座阿姐一句無人手都無辦法我好好奇，咁點解你哋有人手去做外賣都唔安排人手去執枱先？我又好好奇，咁點解你哋有人手去聽外賣電話都唔安排左堂食嘅人入座先？啲外賣落單嘅人仲遲過我哋黎但係個個都喺我哋入座前已經拎得外賣走而餐廳門口就堆左10幾20人望住餐廳入面未有人執嘅吉枱望住啲外賣係咁岀但係無人理我哋乜做飲食係咁？乜做餐廳係咁？公司咁夠人就請多個人1個阿姐做5個人嘅嘢梗係唔夠人啦又要聽電話又要執外賣又要執枱又要叫飛又要收銀我哋喺門口等左足足30分鐘最後係嬲到無食到已經走左除咗我哋，仲有兩三組客都係不滿地走左我明，Yoho Mall 茶記你哋老夫子算係獨市生意唔憂做不過我呢個post 真心想提醒大家如果你哋有心想去食你哋要準備極大耐性極好心情先好去否則都只係會一肚氣咁飽著走P.S. 希望餐廳老闆睇到呢個Post 可以回應下

星期日午餐叫左午餐既咖喱牛腩飯黎到….畢一畢兜牛腩….有一舊普通size既牛腩、兩舊薯仔….淨低既就係3粒手指甲咁大既牛腩碎同埋汁實在唔敢相信….問一問侍應侍應冷冷地回應話「午餐係咁架喎」$68唔係好多錢…當然亦唔會要求好多不過一舊牛腩兩舊薯仔….我就真係咁大個人第一次遇到長知識….兼永不回頭！

上面有芝士味濃郁的醬汁，裡面有兩件半殼青口都幾大隻厚肉身，魚扒肉質嫩滑也是大大件啖啖肉，下面是炒蛋飯和一些粟米粒，整體非常喜歡。老火湯小碗很清甜，餐飲檸茶夠凍。魚旦彈牙，水牛城雞翼有酸酸地的醬汁好醒胃。

全港只此一家的老夫子餐廳，款式特別多，玩味十足！雜扒餐·黑椒味扒類夠厚切、薯條腸仔都脆口，食落一d都唔hea！紫薯熱飲香啖啖的紫薯，滿口都是Cream！招牌必飲！棉花糖特飲

有位身穿黑色衫，黑色長方型框眼鏡，短頭髮，疑似經理/掃把的男士，服務非常差，十分無耐性。等入座時叫我地等等，需要幫2檯人埋單，但他不懂得叫其他同事幫手安排入座。見佢埋完單，又唔安排入座，係到搞其它野。我和我家人就繼續站在門口等，問多一次先肯帶我地入座。（當時餐廳有空位的）我們沒有自行入座因為想比佢睇左已掃安心出行。入座後，落左單，我地想叫佢比三杯水，他非常晦氣地講”哎你等等”。隔離檯老人家唔識用手機落單，該侍應又不耐煩地教佢地。何解想簡簡單單同屋企人食餐飯都要受佢的氣？都係用其他方式繼續支持老夫子吧。買多幾本漫畫算。餐廳就不了。

餐廳佈置全部以我細細個好鍾意睇的老夫子漫畫為主題 ， 每個角落都可以找到漫畫中看過的情景 ，令我恍然置身在漫畫世界裏， 連餐牌的設計都好似一本漫畫，十分有趣。海南雞飯 $75色澤亮麗的海南雞飯， 雞皮爽彈配上嫰滑雞肉， 再沾甜甜的豉油和惹味啲薑蓉， 絕對是最佳拍檔，配白飯一流。 吉列魚柳配沙律 (下午茶) $36 魚柳大件厚實 ，炸到金黃色， 鬆脆可口，啖啖肉的口感， 跟配的雜果沙律口感清爽，讓人喜歡。揚州炒飯 (下午茶) $46揚州炒飯炒至粒粒分明 ，十分乾身， 仲鑊氣十足。金牌乾炒牛河 (下午茶) $48茶餐廳的人氣乾炒牛河， 鑊氣十足 ，河粉Q彈， 牛肉嫩滑，配上 爽脆的豆芽， 完美配搭， 是我每次茶餐廳必點的食物。一口西多士配雪糕 (夢幻堡壘) $42經典一口西多士，是邪惡的化身， 熱辣辣的西多士，旁邊配一球雲呢拿雪糕， 十分吸引，一口size西多士， 口感軟彈， 充滿蛋香， 我的摯愛。 菠蘿黑鑽石(秦先生玩意) 跟餐半價 $38 特飲配上像雲朵般棉花糖， 造型可愛， 打卡一流，杯中的香甜菠蘿肉、 Q彈涼粉粒粒， 遇上雪碧汽水， 口感相當豐富， 帶來冰爽涼快的感覺。 蛋白杏仁茶

今日下午要出補充日用品，所以諗住喺Yoho Mall食個快的午餐，喺無咩特別期望下，就決定食老夫子。同家人各叫咗沙嗲牛肉 (一個跟通粉，一個跟米粉)。沙嗲牛肉OK, 跟餐炒蛋及煎蛋都OK飲品方面，凍朱古力太甜啦，而凍奶茶就太淡，無茶味。整體老夫子的食物係可以接受。不過服務方面，就係無任何服務可言，例如今日叫咗一個沙嗲牛肉米粉，一個通粉，職員上餐時係唔會唔，只會放晒上枱，飲品都係一樣，等我地自己分。同埋，餐牌於上餐時都唔會收走，而係要出聲同佢講先會收。

因為今日係Yoho周圍搵野食，見到老夫子咁多人食，心血來潮想試下，睇下有幾架勢！天氣太熱，咩都唔好講，即刻叫兩杯特飲先！菠蘿黑鑽石玩味十足、將七喜倒入棉花糖、菠蘿同涼粉一流！熱紫薯黑鑽石養生之選：暖粒粒甜入心–紫薯，夏日熱辣辣，都唔會覺得唔吸引！夢幻堡壘必食推介！凍與熱皆在一啖中，脆脆西多醒上雲厘拿雪糕，大人細路都一定中意白酒煙肉煮蜆味道與健康之最，輕淡的白酒配上肥卜卜的蜆，唔會重口味到過份肥仔，而係點到即止，恰到好處！煙肉野燉飯意式煮法配上菇類的鮮味，帶出新鮮的意味，亦唔會覺得太淡，好岩鬆飯一齊食

見平時餐廳都唔小人光顧，價錢又不太貴，就抱住試一試既心態食個weekend lunch. 叫左一份老夫子午餐（一份蔥油豬扒撈公仔麵+黑松露炒蛋配法包）。先來黑松露炒蛋配法包，食物只是微暖。再來撈公仔麵，豬扒用梳打粉「拿」到無左肉既質感。心想，茶餐廳既熱奶茶應該都唔會太差，點知，飲落沒茶味。食飽呢餐之後，我地全日都非常口渴。另外，環境方面仍有待改進。總括然而，地點方便，價錢ok（一般茶餐廳價錢），但食物質素真是「沒有下次」了。

早前去元朗附近郊遊😃郊遊完後去咗形點二期搵嘢食🥗🥄見到呢間老夫子餐廳幾得意就決定入去試吓餐廳以老夫子為主題周圍都見到以老夫子漫畫嘅公仔為裝飾❤️包括餐牌、餐枱、牆壁、餐具、椅子、天花板等等餐廳食物係平日港式茶餐廳嘅食物有多款套餐選擇我哋點鐘肉醬通粉，公仔麵常餐食物質素🆗✅如果你係老夫子嘅fans呢個地方打卡一流，呢度亦好啱喜歡打卡嘅朋友呢😀老夫子餐館 (元朗)元朗朗日路8號形點二期1樓A101號舖

平時見呢間老夫子都好似好多人幫襯咁今次放左工就打算同女朋友坐低食個扒做晚餐服務態度差不特止 塊扒黎到既時候 居然係凍既 個飯都可以係凍既可能因為間鋪差唔多收工 所以求求其其出餐啦但係我想講 如果我地係阻住你地收工 你地大可以CUT單唔好等到入黎食既時候 好似求其整就出個餐比個客我食到一肚氣既同時亦都食唔飽仲有個所謂經理仲要黑口黑面咁樣(感覺要催我地快啲走)都係果句啦 你唔好將我地入張枱咪算囉問你幾點CUT單 又話可以食到10點然後又黑口黑面想個客點呢其實總括黎講:以後唔會再幫襯

今日約左Miss Ni 係元朗交換禮物🎁，我就提議去我哋都冇去過嘅 ‘老夫子餐廳’ 😄😄 ‘ 內’ 人尋味吧😁😁內裏充滿老夫子色彩，包括枱、櫈、餐牌、杯杯碟碟等，我嘅童年讀物呀😆😆～～～金牌乾炒牛🐂河～～～諗住佢下午茶可能會細細碟，但黎到份量都OK，食落幾有鑊氣，色水均勻😚😚，牛🐂肉約有5-6塊，牛🐂味唔錯🙂🙂～～～炸咖喱角（6件）～～～新鮮炸起熱辣辣，味道比較淡，同埋都幾油吓🤪🤪

久不久都會光顧🤗🤗，迎合港式口味，今次再試下午茶餐🫖☕️🐮金牌乾炒牛河 ～ 一向被視為邪惡😈食物，話雖如此，我都係繼續會食，下午茶份量來說，不算小，都有好幾片牛肉，肉質唔靭，又不是被粉 ‘拿’ 到好淋，味道幾好😋另一份就係茶餐，典型既煎雙蛋🍳🍳配沙嗲牛肉麵🐮🍜，好喜歡佢既煎雙蛋🍳🍳，蛋黃煎得恰到好處，有蛋黃有蛋汁👍🏻每次必定叫一杯熱飲☕️，主要是～經典角色既杯，每次影都唔厭🤪，侍應可能係新手，落枱已倒瀉奶茶🫢