老媽拌麵 (北角匯二期)

營業中

休息中

知道呢間係 pet friendly 餐廳，附近又有狗狗公園，所以今日行完街街就過嚟試下~日式裝修感覺幾溫暖幾舒適，入到去會有一種家嘅感覺，而且環境大，座位闊落，同朋友傾計都唔怕嘈親隔離。仲有塊大玻璃可以望到出面景色，可惜今日好 full 所以無得坐窗邊位 😋 半筋半肥牛拌麵 ~ 牛嘅油香浸晒落碗湯度，令個湯充滿住濃濃嘅牛肉香味，而且肉質入味，好正~😋 清燉牛筋湯麵 ~ 刀削麵夠彈牙有口感，牛筋炆得好淋，尤其牛筋有豐富嘅骨膠原蛋白質，啱晒女士食用！

#63 老媽拌麵🥹又係介紹台灣野sor，呢間野價錢都算可以(below $100)私房花雕雞拌麵 $78會話有珠玉在前(上個post講嘅「一起食堂」）相比之下呢間野嘅花雕雞唔ok，雞肉太嚡，唔入味，個拌麵汁完全唔夠味太淡，仲要唔夠汁比我撈勻🤡。份量正常賣相：⭐⭐⭐味道：⭐⭐⭐CP值：⭐⭐服務還算可以，但係手機落單都可以上錯野飲🥹🤡，凍飲變熱飲，侍應嘅反應速度都有待提升🙏🏼。另外店入面有$10抽獎活動，可以抽到小食，但係完全冇人講🤡。#Foodporn #Foodie #平民 #小資 #北角美食 #北角

老媽拌麵 北角匯店和牛炸醬拌麵 刀削麵（$84） 7.5/10 拌麵一定係揀粗麵/ 刀削麵先會掛汁係上面。個炸醬既特別之處係用和牛肉碎做既，食落好香而且醬既粉量好足夠。👍🏻拌麵額外仲有雲耳絲、青瓜絲同紅蘿蔔絲，食落清新又唔會好膩😆如果中意食拌麵又唔想太重口味係唔錯既選擇，會再去食🤰🏻

幾年前去過北角呢間老媽拌麵，都無咁差，今晚去簡直大開眼界。呢間嘢係好大一個直升機場「伏伏伏伏伏」。兩個人去，坐低就例牌QR CODE落單，搞一大輪，居然send唔到出去，唯有叫侍應幫手，佢話可能個系統出問題。咁算啦，佢都幫我地落。我地點咗個半筋半肉牛肉麵同香麻豬手肉燥飯，各加廿八蚊變餐有嘢飲同甜品。精彩喇，碗麵唔講佢，普普通通咁，但我個豬手飯，嚟到得三小舊，嚴重發育唔健全咁！仲有個所謂跟餐甜品雪糕，居然係牛奶公司細杯裝！嘩！我頂佢個掣，駛唔駛食水咁深啊？我唔係食唔起貴嘢，但啲嘢同你個餐牌令食客嘅期望，出入好大囉！總之一句，食完成個餐連嗰杯雪糕係唔飽嘅，夠膽死一個咁嘅餐收104。頂！仲要加一！自己落單要收加一，系統唔得浪費時間，未食完又想執走人地啲嘢！個場人又唔夠，叫人叫極都無，服務費俾咗，有咩服務啊？如果齋傳菜、埋單要收服務費，咁駛唔駛我自己入廚房煮埋啊？俾啲咁嘅嘢同服務俾客，超伏！

lunch經過呢頭想試下佢個拌麵簡左個秘製豚肉紅蔥醬油拌麵表面有啲炸蒜油，幾香拌麵底既醬油微甜味道唔重，所以食落覺得有少少淡用既系關廟刀削麵，微微彈牙豚肉就比較可惜，食落有啲乾芭樂檸檬茶唔錯，酸甜清爽

外賣等左多過一個鐘，黎到凍嘅，食左兩啖，入面有隻疑似煮熟左嘅小強⋯ 麻辣手撕雞椒麻拌麵點解會有小強做配菜⋯ $96呢個價錢得一碗麵，又唔係大碗，又唔係好食，對唔對得住食客。台灣知名連鎖過到黎差過街邊檔，仲要開係新商場入面。味道同超市買即食麵拌無分別，黎到一餅嘢咁⋯ 最恐怖係撈撈下、食兩啖、有隻小強有手有腳撩出黎⋯ 認真食物安全問題建議唔好幫襯，隻小強完整一隻。 入得嘢食即係成個廚房嘅嘢食都有可能爬過。噁心至極

叫左個三杯雞得啲殼，腳踭位，雞皮,完全冇肉，店員都說冇辦法，因為係中央控制佢話老闆說其他部分做其他才三杯雞係得呢啲下爛嘢，雞皮，雞骨腳踭，雞殼，雞翼尖斬半，以前真係差好遠，服務冇問題但是食品質素極差，店員都說已經跟老闆反映，但老闆唔聽，佢都叫我幫手去投訴，以前食開都唔會係咁樣，老闆諗縮數，一隻雞嘅做法就係啲肉用嚟做手撕雞，脾位用嚟做花雕雞，其他下攔嘢，雞皮雞骨雞腳踭雞翼尖用嚟做三杯雞，價錢有增冇減！！！！

週末既午餐唔想頹食，所以就黎咗北角呢間老媽拌麵。午市既選擇都幾多，黎到呢度就梗係要試下佢出名既拌麵啦！我同朋友嗌咗私房花雕雞拌麵同台式半筋半肥牛·微辣湯·拌麵我好鐘意佢個微辣湯，其實食落真係唔辣，只係有啲花椒既麻，令再成個拌麵惹味咗好多。牛肉係火鍋肥牛而唔係平時食開果種牛肉跟餐仲可以用$48要草莓花生雪糕吐司，作為飯後甜品一個人食就會好飽，兩個食就啱唔好，味道仲要唔錯，以跟餐價黎講真係CP值好高👍🏻值得一提既係北角分店裝修好靚，坐窗口位仲可以望住北角匯外面既草地同北角海傍，景色咁靚食野都會開心啲🥰

今日第一次食老媽拌麵，去左北角匯入面食，間餐廳嘅裝修風格係落地玻璃，再加少少日式裝修，因為我地早去，所以可以自己揀坐邊，我地揀左玻璃隔離坐，用手機叫左個沙朗肉燥飯同麻醬手撕雞肉燥飯，再加配左個草莓花生雪糕吐司。先講下個沙朗肉燥飯，大概有5至6件沙朗肉，咁都算軟嘅，唔會好靭，肉燥係肉粒果種，唔係東坡肉切粒果種。個麻醬手撕雞份量比較少同埋唔多麻醬，所以比較乾同埋唔夠味。以味道同價錢黎講，呢間嘅2個肉燥飯都好似茶木所以我比較埋個甜品，佢個雪糕吐司係午餐+$48，有一球大雪糕同6條蜜糖吐司，再加啲士多啤梨、藍莓同花生碎。份量好夠同好脆，呢個價錢算幾抵食😋

同朋友係北角匯睇完戲，又未到晚飯時間，於是就落咗樓下商場食個下午茶坐下☕️週末嘅北角匯都幾多人，朋友話見到老媽拌麵嘅下午茶都幾吸引，種類幾多，所以就算要等一陣位我哋都照等等⋯⋯餐廳裝修好舒服，座位又唔會好迫，落哋玻璃對碼頭個邊景色，真係好啱同朋友嚟傾吓坐吓🉐🉐入到去我哋坐左係窗邊梳化位置，望住窗外嘅景色嚟食真係份外relax!!我哋揀咗一個湯麵、一個蛋餅SHARE食·台式原味蛋餅（豬肉鬆）配沙拉肉鬆唔算多但勝在餡料好足，加入蕃茄同生菜，口感非常好豐富。·酥炸脆雞排湯麵揀咗川味刀削麵，湯底好香辣，雞扒鬆脆唔會只得炸粉，以下午茶來說份量尚算可以，只係刀削麵略嫌未夠口感。·熱帶水果茶天氣凍凍地，想叫杯好飲但又唔會好甜嘅飲品，所以揀咗佢花茶系列裡面嘅熱帶水果茶。嚟到真係熱辣辣，好香甜嘅水果味。水果有蘋果、士多啤梨、菠蘿同藍莓，配埋茶底酸酸甜甜咁，又暖又醒胃。

天氣轉涼 一向出名食台灣麵嘅老媽拌麵 出左新Menu 所以就即刻去試話梅酸計豬手鍋$78極力推介好好食！豬手燜至軟腍入味, 皮厚含豐富膠質,話梅嘅獨特濃酸中和豬手的膩滯，醒胃又好味臺式柚子骨鍋$80原本想試慢煮蕃茄牛肋條,但7點未夠就已經賣啦🥺第一次試臺式柚子, 雖然唔係想象中柚子蜜嘅味道, 感覺應該係用左黑醋調味, 不過味道係有驚喜嘅, 唯一不足係今日可能厨師心情唔好稍微有點過酸😂套餐加$20就可以揀臺式飲品, 仲包左2個甜品做結尾黑糖珍珠奶茶布丁(+$28)花奶仙草凍門口有一部扭蛋機, 一問店員原來午市加$10就可以玩。

老媽拌麵一個月起碼去幾次，無論lunch/tea/dinner，一帶住狗狗我就會諗起佢因為佢係pet-friendly嘅餐廳（比心心）～ 餐廳有空間感同光猛，一啲都唔迫，近門口位置有狗狗打卡/休息區主人同狗狗通常都會坐近門口位置，唔會有鄰座，坐得舒服～ 月中天氣轉涼，佢嘅餐牌都多咗新野～係涮涮鍋呀！🍲《 藥膳花雕雞涮涮鍋 💲153 》配蔬菜籃一個、珍珠米飯一碗、餐飲一杯～個湯都幾香藥膳味～ 用上三黃雞，特別肉嫩有雞味～*限時優惠* 仲送咗碟「台滷三拼」添！有牛肚、牛腱、牛筋，都好夠稔同埋入味！仲可以追加鍋料添！+娃娃菜(追加) 💲5+蓮藕片(追加) 💲5+萵筍(追加) 💲5🍖《 金沙西紅柿慢煮金沙骨鍋(配珍珠米飯)💲96 》個汁好香濃，入面有番茄，金沙骨都幾多條，厚肉入味亦嫩稔，唔錯呀，啲汁撈埋飯食都得！兩個餐都免費配飲品：《 金羅漢果海底椰 (凍) 》《 金羅漢果海底椰(熱) 》

每次嚟北角都會去北角匯搵食原來呢度都有老媽拌麵嘅分店餐廳主打台式美食伴著落地玻璃．環境寬敞舒適Lunch Set 款式好多選擇包埋飲品，仲可以追加小食擺盤有點似日式便當✨話梅酸汁豬手飯帶點話梅香甜豬手軟腍好有嚼勁好醒胃嘅主菜✨台式黑毛豬·清湯·葱油拌麵黑毛豬加入清湯之中清啖唔會太油膩粗身嘅關廟刀削麵，口感豐富✨豆乳香香雞北角店有扭蛋機，加$10可以碰運氣我哋扭到1號波，香香雞都幾好食沾上醬汁更惹味✨ 紅棗桂圓玫瑰花茶踏入冬季，一壺暖暖嘅花茶加入紅棗杞子同圓肉．滋潤又養生✨水果茶加入唔同嘅水果味道好清新唔會太甜．健康之選

老媽拌麵位於北角北角匯1樓由現在至1月1日元旦 有扭蛋機 抽出小食晚餐推出台式小菜飯限定菜式鮮果酸甜脆肉排$98蘋果沙律千島蝦球$92蝦球炸得香脆蘋果，士多啤梨，藍莓配上開胃千島醬美味心心推薦台式三杯雞$98麻油香雞肉嫰滑砵仔滾住上檯非常下飯台式柚子骨$98新品西紅柿慢煮金沙骨鍋$96西紅柿慢煮牛肋骨條鍋$98話梅酸汁豬手鍋$90套餐跟前菜，珍珠米，指定飲品前菜係蕃茄仔 好酸甜開胃珍珠米 好鬆軟，軟熟飲品可以選金羅漢果海底椰檸檬紅茶洛神花茶現在推出花茶系列原價$42套餐優惠價$30玫瑰花洋甘菊花茶熱帶水果茶桂圓紅棗玫瑰茶

第1次食老媽拌麵係朋友帶我去食旺角那間，感覺食物同環境都Ok架～北角我一星期最小去2次，所以都係周圍搵食，上次同媽經過北角滙已經想食下次食呢間老媽拌麵，今次約左好姐妹黎食，因為大家都鍾意無湯，食拌麵，上次經過真係唔知呢間咁大間，一路行入去裝修都好好，見到右手邊有個攪珠既物體，所以就問店員咩黎，原來惠顧下午茶餐就可以用10蚊參加一次攪珠，一定有獎架～ 獎品係小食🤣🤣🤣 咁幾好喎😁有得食有得玩，跟著隔離有個千秋同埋聖誕樹，可以比小朋友影相打卡，地下有寵物既屋仔👶🐶🐱真係可以帶曬全家黎玩😁 我地最後坐左可以望到北角碼頭既枱😃 睇到個海，真係好好心情呀～ 下午1430，梗係食返個下午茶啦～ 見到寫住新推出左個花茶，諗住試下啦～😄真係無諗到咁大壺，另外再叫左小食豆乳雞～ 提提大家記得由個底撈撈個拌麵🤣🤣🤣 如果唔係會淡口左小小