老富昌色彩 (已結業)

沒想到短短兩日又來到新世紀廣場，上次試過Appletree既食物很一般，所以今日望住商場指南都諗左好耐先決定試Le Fauchon Colours~ 來到門口，侍應冇招呼我地，連正眼都冇望過我地一眼，跟住就開始打電話…唔通我地透明？！ 等左幾分鐘先有另一個侍應問我地幾多位，之後帶我地入去一個鮮綠色做主調既地方~ 呢一邊既餐廳樓底比較矮，加上今日有好多小朋友同屋企人黎食晏，所以呢一區好嘈吵，好大回音~ 我地問侍應可唔可以搬去餐廳既另一邊，雖然唔算好樂意，不過最後都幫我地搬~睇緊餐牌既時候，有一籃微暖法式長包，烤得脆但係乾~ 好多款午餐揀，乜都有得食，所以唔知佢想賣咩菜，最後我地四個人揀左一個二人午市套餐，包括兩客餐湯，一份自助沙律，兩份三選一的主菜和特飲，主菜我們點左海鮮墨汁麵意粉和黑松露牛肉薄餅~ 另外仲要左一客汁煮牛肋骨拼薯蓉的午餐，和餃子雞翼拼煎龍利柳石頭飯午餐~ 最後爸爸見白酒煮青口既相片不錯，所以決定試一試~我一向都對自助沙律吧冇信心，因為D野放左幾耐又唔知，個個客人都掂過撩過D食物，有D人鍾意一路講野一路拎野食，唔知會唔會噴左D口水落去…所以我覺得好唔衛生~ 我冇食，不過爸爸

平日黎high tea,見間野幾好特色,又唔係好多人,試試la xd唔係好餓就2個人叫一個餐好la叫左個夏威夷蕃茄pizza,個餐無野飲,有d dry要野飲要俾多十幾蚊,所以無叫到=(個pizza幾好食,個底幾薄,好似biscuit咁但配埋上面d餸就唔覺得dry,做high tea 就岩岩好一個pizza有6件,可以同人share下,幾好下次試下其他

早幾日跟一班朋友們去呢度吃晚飯，選擇有很多，但我們之前有來食過，好回味d PIZZA同意粉，所以就算見到有芝士石鍋都未有打算食；在我們吃飯聊天過程中，也看到附近有不少食客惠顧芝士石鍋，但以我所見，很多食客都不懂得如何去食芝士石鍋！以我所知，芝士石鍋是有別於出面的火鍋，並沒有爐頭在下面燒及可隨意加湯，只會將石鍋燒熱後倒入芝士汁奉給客人，那些配料並不可以像火鍋般全部倒晒落去，只係俾你用支「差」拮著配料輕輕浸一會芝士汁就取出食用，而且那些配料是事前已煮熟後雪凍，只須加熱就食得，如果個個都咁樣倒晒落去，芝士汁好快就無晒；我見到有些客人向服務員要求加芝士汁，服務員說要收費30元，那些客人竟說無理要找經理投訴服務態度差？雖然我不是從事飲食業，但都知咁樣係我服務態度無關，要怪就只怪你們不懂如何去享受芝士右鍋了！請他們在投訴之前，先考慮自已有否用錯方法食野先！

以往經過都被它的裝修吸引住：門口玻璃旁飯檯的食客變成了人肉裝飾品（雖然我是暗中對自己說打死都不會坐那張檯！）朋友生日飯建議到這間吃才第一次嘗試我吃了個煙肉意粉（？），比想像中好吃，而且是暖的！（很多西餐廰的意粉上到檯都是冷掉了的！）我們坐著聊了很久都沒被趕走（正值晚飯七八點時間）感覺非常好，下次手頭鬆一些再來吃飯兼試試它的甜品。環境有點吵，感覺拖友談情就不太適合囉。

同老公兩個人行過好多次, 但都冇食過, 今次特別去試下, 本來諗住叫set, 但後來都係決定散叫南瓜蟹肉意粉 – OK啵, 雖然好明顯係返叮的食物, 但夠香牛柳拚羊架 – 正, 好過椰x閣嗰啲, 但羊比牛好田螺焗薯蓉 – ok啦, 冇特別驚喜芝士焗西蘭花 – 一般, 唔夠味囉不過都幾重味精, 所以食完有啲口乾, 要飲好多水service ... 麻麻地, 有個waiter好好笑地見我地份牛柳拚羊架有件薯蓉, 响我地面前大大聲call入廚房問點解唔係份份有 ...

其實呢間我係專登去試家。由於佢既裝修好得意同埋色彩繽紛．所以決定入去一食食過dina同tea個人就唔多推dina...因為唔算平而且味道真係毫不特別不過tea又幾得wow!! 我地一行三人叫左個拼盤同埋1 tea set個拼盤好令咁用幾層盤上，即係英式tea果d tray而且價錢都係50元．慢慢食咁傾住計係好寫意

因為突然想食心太軟…而暫時晌我心目中覺得最好食既心太軟就係晌老富昌食既…所以就特別試下呢個同老富昌個名差唔多既老富昌色彩啦…下午茶並無心太軟…一心想食唯有另外叫啦…另外仲叫多左個炸帶子蟹鉗沙律…..落單既時候個待應一黎就話要等廿分鐘喎……想食, 無辦法啦~照等~炸帶子蟹鉗沙律好快就黎到….味道不過不失啦, 都係雪藏既貨色~隔左一陣個心太軟都到呢~都係十零分鐘到之嘛~呢個好明顯同老富昌唔同, 個朱古力好似淡左少少, 不過勝在係有流出黎…唔太差, 可以一試~如果忽然間想食都可以試下既~但係賣成四十幾呢~咁又似乎去返老富昌食好0的啦…

睇了食評, 昨晚帶朋友一家來黎試o下呢度 d 晚餐.叫了 鵝肝醬牛肉 pizza 真係好香鵝肝味, 好好味,香脆！什扒 真係好正又抵食! 但d 牛就太熟了.南瓜蟹肉意粉味道很好,有蟹肉o既.南瓜湯就太稀, 無南瓜味:叫了一個西 花焗飯, d 飯太硬, 味道一般.蒜容抄雜菜, 份量很細, 味道一般.朋友叫了一杯士多啤梨蘋果橙, 甜到好落, 加水都唔掂甜品朋友叫左個心太軟, 話內面d朱古力醬粉太多, 味道一般.

同老公兩個人撐枱腳, 帶佢o黎試o下呢度 d 晚餐鵝肝醬牛肉 pizza 真係好香鵝肝味, 正呀個什扒就樣樣都有 d, 一次過滿足你多個願望, 真係好正又抵食!不過因為間舖頭好大, 成日都搵唔到 d 侍應o既....

上星期同朋友去食飯,平日都爆晒,入面環境係幾colourful o既...不過好嘈呀,唔知係咪撞正一班最多人o既台,好嘈,好似街市咁,應該係街市都冇咁嘈,好彩可以坐近門口,冇咁嘈ja...我地叫左好多野食呀,睇相好吸引,但係食落就好一般...一口牛肉-一d牛味都好,我估佢落左d粉拿過d牛肉,所以唔好食小食拼盤-一般都會叫個拼盤,咩都有得食下嘛,佢個拼盤係幾多款野食下,有春卷,有雞翼,有雞寶,有蟹子沙津,有田螺薯蓉,炸o既野麻麻地...磨菇意大利飯-本身唔食菇,都係食左少少,唔討好...南瓜蟹肉意粉-就唔錯,個汁都ok,有蟹肉o既...南瓜片唔夠林南瓜湯-都有南瓜味,唔差牛肉漢堡-失望呀,原全唔係o個固事,可能之前係798食o個個好味,點知lei度o既,冇牛肉味,好乾淨淨,芝士唔溶架,唔建議食呀ribs-佢地話個汁ok,但我就覺得認真麻麻,雪味重...朱古力布甸加雪糕-我諗全餐我覺得最好味o既一樣,即係朱古力軟心,好味!夠朱古力,我鍾意overall黎講,都係正正經經食個餐,食個意粉就算,咩野牛排呀我唔會叫,因為唔方好食,小食認真麻麻...可以入去飲下野,食下甜品都ok o既同埋呀,d

最好味係一口牛 ~ 不過 size 好細 ~ 2個人都唔太夠 !size 脆 + 薄底, 都 ok 叫左四款意粉, 都唔差有水準 !薯餅炸到好厚粉 ~ 麻麻 !

成日見到呢間野個HIGH TEA SET FOR TWO飽受批評於是呢日行開新世紀就同家姐四點來去歇下食個下午茶.$99 high tea茶餐連2杯飲品 (我係熱檸檬茶,家姐係熱咖啡)外觀：除左食物同平時食既貴TEA唔同之外,呢度係用玻璃架唔係鐵架味道：朱古力西多士唔錯但唔夠熱, 麥樂雞就一般般, 炸蟹鉗就OK, 炸帶子唔錯, 藍梅芝士蛋糕幾好幾滑,pizza最正好脆好多芝士,燉蛋好儂但易濟成個餐其實係唔錯.呢個價錢也算合理

不抱任何期望，反而更有驚喜。由於時間尚早，我們的胃口都不大，只點兩個菜，分別是Carbonara和夏威夷薄餅。Carbonara︰只賣四十多元，但份量都不少，而且賣相也不差。意粉煮得有咬口，每一條意粉都有濃濃的汁包圍著，吃起來很豐腴呀。夏威夷薄餅︰同樣地價錢便宜，只需$3x，但是味道就明顯不太好了。餅底太硬了，是致命傷。而配料都是菠蘿火腿，沒有甚麼特別的。又點了一杯士多啤梨蘋果橙的飲品，因為有半價的關係。賣相很不錯，喝起來不大分到三種水果的味道，但是明顯地橙占了比較重的味道。我倆可以坐到卡位，很舒服，所以也吃得很開心。價錢不貴，可以一試的。

看完戲,見到此餐廳,記得一直想試便入左去叫了2個tea set : 一個是照燒汁雞翼, 另一個是照燒汁雞柳扁意粉雞翼的照燒汁煮得杰左少少扁意粉粉量不多, 仲少過大快活的三絲炒麵, 味道不過不失奶茶很差, 因是用茶包沖的服務生態度ok

上星期四我們三個女仔約食飯, 為左就其中一個大肚婆朋友座得舒服和交通方便, 所以決定去新世紀廣場搵食, 之前睇過食評, 老富昌色彩既意見好壞參半, 便嘗試一下啦!!!感覺地方乾淨, 座位亦不算太密密麻麻, 野食方法真的很不錯1). 煙三文魚pizza - 約$60係薄薄的脆餅底, 上面有很香的芝士味, 雖然材料不多, 但仍新鮮好味, 最可惜是煙三文 魚太少了, 只有一堆切到一粒粒的三文魚粒放在整個pizza中間, 所以如果分開了一件件pizza時, 只有個三角位的少量三文魚, 一口已咬掉了。2). 牛柳拚羊架 - $68份量也不少 (以$6x 多元的價錢來說), 牛柳2件, 羊架2個, 牛柳味道沒什麼特別, 不過也可以, 羊架比較好, 很軟淋, 不錯 3). 芝麻燒雞沙律 - 約$38主角芝麻燒雞有4-5片, 沒什麼特別, 反而個汁令我非常回味, 因為不是一般沙律醬或沙律油, 是芝麻醬, 我們三個都非常鍾意4). 朱古力曲奇特飲 - $38我個人非常鍾意, 有啖啖曲奇碎, 杯上有一個雪糕球, 仲可以改埋朱古力味架(原本個圖係雲呢嗱味)飲完好滿足5). 朋友飲的石榴特飲 - $28佢話麻