影片
營業時間
今日營業
11:30 - 21:00
星期一至日
11:30 - 21:00
公眾假期
11:30 - 21:00
公眾假期前夕
11:30 - 21:00
以上資料只供參考, 請與餐廳確認詳情
今日嚟到呢間老嗲，呢間雖然話係西餐，但又有台式飲品。咁啱下午茶時段，下午茶同午餐其實主食一樣，分別只在於午餐多左餐包同餐湯，當然午餐價錢都會高d。叫左一個煎雞扒飯配秘制汁，雞扒皮脆肉嫩，煎得啱啱好。配菜並唔係一般餐廳用嘅雜豆，係紅蘿蔔同青瓜，不過唔好以為佢求其生切或者齋烚，係用蒜蓉炒過嘅，一d都唔求其，仲炒得幾好食。佢嘅秘制汁，其實就係豉油汁，呢個汁雖然我食唔出佢加左咩，總之就當係豉油。飲品係我嚟呢度例牌都叫嘅熱炭燒咖啡，平時我係唔點飲咖啡嘅，不過嚟親呢度就一定飲呢杯。佢嘅炭燒咖啡唔係得個名，係飲落堅係有炭燒味，好香、唔酸唔澀、入口有回甘，非常啱我口味。雖然佢呢度係除左普通餐廳嘢飲，仲有好多唔同款嘅台式飲品，但我強烈建議大家至少試一次炭燒咖啡！😋環境方面，呢度嘅空間好闊落，就算滿座都唔迫夾。地方乾淨整潔。佢有部分嘅燈係用唔同嘅煲嚟整嘅，呢方面幾有特色，其他就同普通餐廳一樣。
繼續閱讀
💬朋友最近帶領去一間老港式嘅西餐廳，真係乜都有得食，鋸扒、拉麵🍜、豉油西餐，人流當然普通，但價錢正常，有湯有嘢飲咁。可惜近日原來執咗笠，感覺到其實真係唔係好捱得住，而家只有上環店繼續經營中。食物方面不過不失，但氣氛到士氣同服務就覺得係問題所在。.———————————————————————————🥢黑毛叉燒流心蛋飯💬配菜有青瓜🥒紅蘿蔔🥕，係煮過唔係生切，算係有誠意；黑毛叉燒腍身，無港式叉燒燶而焦脆，一隻流心蛋有水準，加上秘製豉油汁整體理想🤔
繼續閱讀
8點鐘夜晚搵飯醫肚，行過見到餐牌ok就上去食。平日8點幾，餐廳得2成入座率，我哋都求醫肚無所謂。用qr code手機落單，套餐有野飲。裝修都有投入資源，食物性價比好，平均70就一個套餐，相信係打工仔飯堂好地方。青咖哩豬頸肉意粉，夠飽肚，意粉就一般嗰啲粗身意粉質地，豬頸肉都煎得夠香。龍利柳燒汁意粉，魚肉都煎得夠香，味道唔會有太雪藏味。餐肉蕃茄直通粉，厚切餐肉夠過癮，味道酸甜夠平均，通粉掛汁唔會太乾身。
繼續閱讀
有時間浪費嘅不妨試下呢間 堂食遲入過我都食完埋單 外賣坐足一個鐘等 份量唔係多完全唔明點解要60分鐘整😂 主菜等成個鐘 湯同熱飲就一早拎出黎 等到黎齊飲品都凍哂 不如叫凍飲？
繼續閱讀
完全係中伏，入咗去食完先知道原來呢間嘢態度不嬲都咁差。嘢食非常之難食，態度差到PK，其實根本應該執咗佢啦，做到咁唔想做，不如就咪做啦。一入到去睇都未睇Menu，已經問你食乜嘢，話未諗到就西口西面態度極之非常差，見到你要諗食咩就要對你呼呼喝喝。”咁你到底飲嘜野/食嘜野”，做得西餐態度咁差，簡直難以置信，嘢食同態度咁差價錢仲要收得咁貴，一啲服務都冇。奉勸大家唔想一肚氣嘅話，千祈唔好嚟呢間舖頭食。坐喺窗邊見到嗰啲窗咁污糟一啲胃口都冇。Btw都未見過有食西餐會會攞交比人食野
繼續閱讀