老爹 (已結業)

通常都去銅鑼灣食飯多，今次去左灣仔QRE好多選擇，見daddy’s kitchen 新開無耐星期一約friends 去食飯，lunch time 爆場夜晚反而少人，可能限聚令未過，商業區食肆比較少人個名叫老爹，有一種親切感坐位十分寬落十分舒服有個小型台餐湯羅宋湯，好濃味，微微酸味炸魚配薯角炸魚吾算大件，但好香口，肉質軟滑鵝肝配士多啤梨細細件但都好好味，入口即溶牛肩扒紐倫堡腸牛扒5成熟，剛剛好，多肉汁羊架大大件，啖啖肉，仲有大量薯角，真係好飽

西餐廳成日都會食，但係呢間有小小中西合壁感覺既西餐應又幾特別，環境加食物既配搭可算係「別有一番風味」。早幾日灣仔做完嘢就去咗 朋友訂了新開的老爹西餐廳，位置坐得好舒服，多梳化位同燈光暗暗地幾有格調。今次試了大蝦沙律，焗田螺，鵝肝海鮮飯同埋麻辣雞意粉，再加一杯珍珠奶茶，佢哋仲有得選擇主菜跟湯同埋嘢飲，薯蓉好香，隻蝦好新鮮新鮮，麻辣雞意粉辣味啱啱好，個鵝肝又煎得好香，佢哋個裝修啲燈飾好靚，最重要所有食物價錢都唔貴性價比超高。

今日灣仔行完街街，就去咗QRE新開嘅老爹餐廳試一試， order左佢哋嘅焗田螺，大蝦沙律，麻辣雞意粉同鵝肝海鮮飯。再加一杯珍珠奶茶，佢哋個薯蓉非常滑，沙律都好新鮮，麻辣雞意粉好友fusion 菜感覺. 加埋佢哋嘅裝修拍得住五星級酒店，性價比超高值得一試。

灣仔開咗間新嘅西餐廳，裡面超大超寬敞！煙三文魚海撒沙律（$80）- 煙三文魚有四塊，好驚喜！蒜香雞翼（$48）- 雞翼好香口，熱辣辣又脆卜卜，仲要價錢一啲都唔貴。雖然係星期六的晩上，但餐廳都仲有個好掋食嘅全日精選套餐。套餐跟蒜蓉包同餐湯。蒜蓉包即叫即烘，好香脆之餘仲見到有蒜蓉粒係面。餐湯方面可以揀忌廉蘑菇湯同羅宋湯，我哋嗌咗羅宋湯就不過不失。美國頂級牛肩扒拼扭倫腸意粉（$138）- 估唔到weekend百幾蚊就有牛扒套餐食。牛扒我嗌咗medium, 肉質非常嫩滑，裡面帶點紅，好juicy。平時唔太好腸嘅我竟然覺得呢個腸都幾好食。個餐仲可以配飯、意粉或薯菜，所以一定夠晒飽。香煎三文魚忌廉汁意大利飯（$138）- 呢個好高質！個三文魚外表煎得好脆口，魚肉又鮮嫩。意大利飯一啲港式style 都無，配上忌廉汁又唔覺得膩，一定要試下。加八蚊仲可以轉特飲水蜜桃綠茶和蜂蜜蘆薈綠茶很飽，但非常滿足。灣仔都有CP 值咁高嘅餐廳，一定會再幫襯。

夜晚約左人係QRE飲杯野，就落樓下醫下肚😆 見到有間新開既西餐個名好特別-叫老爹，就走去睇下個menu，西餐黎講價錢唔算貴，就一於試呢間😛叫晚餐會跟埋餐湯同蒜蓉包，餐湯係蘑菇忌廉湯，好香好滑～太肚餓叫左2個小食先～ 蒜香雞中翼 ($48)同焗田螺 ($78) 雞翼超級正，炸到外脆內軟仲好香蒜味！焗田螺都好正好抵食，除咗田螺新鮮之外下面既薯蓉都好好味😋之後叫咗紐西蘭壹級法式羊扒 (3支骨) 配薯菜 ($228) 羊扒揀咗medium well，食落去仲好多肉汁，而且外面都煎得好香，越食越正🥰 呢個要叫夠兩份先夠分🤣另一樣係香煎鮮三文魚忌廉汁燴意大利飯 ($138) 三文魚加咗少少黑椒調味，煎到微脆，上枱已經聞到陣香味，risotto夠味之餘都好有口感，重點係呢度性價比超級高環境又靚，係encore 之選🥰

Lunch time見到難得有新餐廳，就試一試!環境都唔錯，啲凳係梳化凳，坐得好舒服，睇啲裝修以為係貴貴地嘅西餐廳。點知一睇menu, 有驚喜！竟然都係around 一百蚊樓下嘅lunch set餐湯叫左忌廉磨茹湯，有一舊蒜蓉包。雖然個湯有啲稀，但都幾好飲。主菜就食黑松露帶子意粉，帶子入面仲係好juicy一啲都唔乾。黑松露忌廉汁夠creamy，食完好滿足飲品好多選擇，竟然有珍珠奶茶不過我已經好飽，所以都係飲左凍檸茶。整體都好好，價錢又抵，有機會一定encore

與幾名女性友人逛至利東街覓食，隨意揀選了此店，環境幽雅舒適，當晚客人不多大約只有5枱，服務員態度有禮，我們點了個2人餐，再加一份小食炸雞翼，但這 (2人餐) 提供3份主食，份量很足，所以後來也沒有再加點其他，首先來餐湯麵包，以及餐前沙律，我選了羅宋湯，配料能吃出有很多蔬菜，味道亦香濃，且喝後不會很口渴那種，蒜蓉包香脆蒜味重，而煙三文魚沙律，那朵三文魚玫瑰很茂盛，用料一點不吝嗇，沙律菜新鮮爽脆，配以微酸沙律汁恰到好處，跟著上小食炸雞翼，熱騰騰的香脆夠味，正常演繹但沒太大驚喜，下次會挑選其他，至於主食肉眼扒，大廚完美展示梅納反應，外表煎至焦脆而內裡不失5成熟肉質，沒有過多調味，能吃到滿口牛脂牛香，再來是煎帶子香檳白汁意粉跟黑松露意大利飯，帶子同樣外脆內嫩，香檳汁出色能嚐出淡淡酒香，意大利飯黑松露醬夠香濃，意粉跟飯質地al dente，水準不俗，餐飲點了茉香珍珠，正常茉香，甜點心太軟大量流心，外皮鬆脆朱古力味濃，配以清爽士多啤梨片重置味覺，甜而不膩，整體用餐體驗滿意，下次再試其他菜式

灣仔 QRE Plaza 一向係我同家人搵食嘅好地方，皆因這棟食廈經常有新餐廳進駐。最近瀏覽網頁，得知位於上環皇后大道西嘅人氣西餐廳「老爹 Daddy’s Kitchen」，喺 QRE Plaza 開咗分店，所以這晚就特意來嘗新。餐廳環境很不錯，地方寬敞闊落，氣氛柔和而不拘束，配合窗外的景致，安坐其中，讓人有份悠然自在的感覺。翻開店員送上的餐牌，食物選項與上環總店大同小異，除了有頭盤/沙律/小食、廚師推介套餐等外，還有意粉/意大利飯、全日精選套餐、一系列特飲同二人套餐。我哋揀咗兩個廚師推介，另外再加咗一客焗田螺做頭盤。先吃焗田螺 ($78)，田螺用香草來焗，大大隻，熱力逼人。螺肉彈牙有嚼口，入口濃郁味鮮，而且仲食到好香嘅牛油味，連埋墊底的薯蓉一起吃，十分美味。主菜方面，揀了廚師推介嘅香煎鮮三文魚拼大蝦配薯菜 ($148)  及紐西蘭法式羊扒。每份套餐都配有餐湯、餐包同飲品一杯。餐湯揀咗一紅一白，兩款餐湯味道都唔錯，濃稠程度非常理想，而且上檯時仍熱辣辣，夠曬暖胃。蒜蓉包香脆可口，帶濃郁蒜蓉香味，水準亦不俗。香煎鮮三文魚拼大蝦配薯菜 ($148)  三文魚煎得啱啱好，魚皮微脆，魚肉唔散，吃

咁啱行過見新張試業就上去試咗下，環境好優美、食物都好好味份量又夠足。今日試咗羊架同一級牛粒，羊架一D都唔so我，牛粒肉質也好好。總體今晚嘅食物質素都非常唔錯，真心值得推介👍

同老公去灣仔行街無意中接過一張傳單咁岩又到左食飯時間而阿姐話呢間餐廳家陣係新張試業仲有送埋杯嘢飲🥤所以我哋決定不妨一試。間餐廳喺9樓環境好大裝修好靚好有年代feel，我哋嗌左兩個：一個牛小扒歺同一個羊架拼大蝦。額外仲叫咗一個$68嘅香煎鴨肝配無花果。首先呢個蘑菇忌廉湯好正菇味好濃塊法包也蒜味好濃好好味👍。牛小扒同羊架擺碟好靚份量也充足。羊架好香一D都唔SO牛小扒也煎得啱啱好，脂肪味濃郁肉味好濃。聽店員介紹呢份係美國頂級牛小扒我都係第一次食呢個真的很唔錯，下次會再試。今日總體來講味道都唔錯。見到餐牌仲有其他好多唔同嘅食物下次決定帶小朋友再來食。😋

行過囍帖街肚餓揾食，見QRE plaza 有間新開既西餐就上左去試，入到去環境舒適，新店新裝修，食物都唔錯😄蒜蓉多士香脆，羅宋湯不錯意粉香辣，岩食得辣既人牛扒牛味濃，唔駛點汁都好食，性價比高咖啡有榛子味好飲，唔係沖粉