影片
港鐵荔枝角站 C 出口, 步行約2分鐘
繼續閱讀
電話號碼
23303008
營業時間
今日營業
11:00 - 18:00
星期一至六
07:00 - 21:00
星期日
11:00 - 18:00
以上資料只供參考, 請與餐廳確認詳情
影片
相片
沙嗲牛肉芝士熱香餅漢堡
+1.6K
+136
食家推介
裝修好有特色 加入門口戲棚元素店內仲有一幅特色龍鳳牆店內餐具同樣帶點玩味 杯碟上或底下會有唔同金句/迷語有時要食到底先發現驚喜老荔常餐 港式最經典嘅常餐又點可以無沙嗲牛肉我自己最鍾意嘅沙嗲牛配搭就一定係煎太陽蛋成個感覺都充滿港式風味老荔冰室嘅沙嗲牛肉同食開嘅有少少唔同係鹹中帶甜嘅沙嗲醬中又帶點微微麻辣香氣同公仔麵絕對係最夾嘅組合滑蛋叉燒飯 叉燒份量夠晒足料叉燒唔會太肥亦唔會太乾淋上豉油配埋滑蛋又香平時最怕街外白飯太糊 呢到啱啱好粒粒分明沙嗲牛肉芝士熱香餅漢堡 老荔冰室另一主打之一即叫即做又重蛋香嘅熱香餅配搭帶花生及麻辣香嘅沙嗲牛肉再加上芝士 鹹甜交織 相當惹味生炸雞脾即炸雞脾 送上枱熱辣辣外層香脆得黎炸漿又唔會過厚撕開雞脾即刻流晒肉汁椰汁紅豆冰咁邪惡嘅炸雞脾當然要配椰汁紅豆冰味道飲落唔會太甜充滿紅豆及椰汁甜味阿華田脆脆火山 阿華田上鋪滿阿華田脆脆口感鬆脆 令阿華田味更濃厚
繼續閱讀
.荔枝角地鐵站出嚟冇幾耐🚇 就見到間勁五光十色既茶餐廳霓虹燈sharp到爆裝修有啲諗法門口有戲棚大光燈招牌勁多搞鬼金句岩哂打卡🤪.🌟沙嗲牛肉麵 🍜 茶記必點Item沙嗲牛份量多味道偏甜帶少少麻辣好惹味 😎😎.🌟金沙朱古力流心西多士 🍞 邪惡至極但又好好味🤤中間夾住金沙朱古力醬 特別好味😋外面仲有朱古力脆脆啖啖都係朱古力🍫.🌟沙嗲牛肉炒蛋熱香餅漢堡即叫即整 係熱辣辣嘅熱香餅♨️🥞 加埋少少辣嘅沙嗲牛肉 🥩 仲有炒滑蛋 🥚 甘樣夾埋一齊 咸甜沖擊好特別一次過滿足晒沙嗲牛同pancake嘅兩個願望加埋糖漿更加好味.🌟滑蛋叉燒飯金黃色的蛋➕ 鮮紅叉燒🈵🈵覆蓋白飯叉燒鮮嫩 蛋香滑 加啲甜豉油簡單又直接既好味😋勁鍾意❤️.🌟生炸雞髀🍗即叫即炸超大隻有少少嚇親熱辣辣🔥外脆內軟真心正.🌟阿華田脆脆火山🌋🥤 好有兒時回憶小朋友飲一定好開心😉.全部野食都好大份保留到茶記味道又有特色👅我第一次喺茶餐廳🍴叫甘多野食🤪仲要用香港做主題🇭🇰 店內播住懷舊金曲 (我番🏠有特登聽番黃耀明既歌 🎶)食的係情懷呀🥹.仲有個小彩蛋 🐣 食完啲杯杯碟碟有好多金句等大家去發掘吓.貼地又好味真🤍推薦🥰.📍荔枝角青山道495號誠信中心地下1號舖.
繼續閱讀
星期五約了朋友一起吃晚飯，答應了到荔枝角接她下班。朋友介紹最近荔枝角開了一間「老荔冰室」，裝潢漂亮，於是過來看看。這間「老荔冰室」門口是霓虹燈招牌，離遠看已非常吸睛。店內更有一對舊式酒店常見的龍鳳裝置，充滿舊香港情懷念。滑蛋包裹著白飯，上枱時，蛋汁還在垂垂欲滴，頗為誘人。雞蛋滑溜有蛋香，而叉燒入口就有蜜香味。白飯淋上豉油，鹹鹹香香，簡單又美味，但就稍嫌飯粒有點硬身。沙嗲牛肉麵，茶記名物！牛肉肉質幾腍，沙嗲醬濃郁惹味，鹹中帶甜，花生香味明顯。配上煎雙蛋，邪惡非常，蛋黃漿拌上麵條又是另一番美味。最欣賞麵質煮至帶爽身，同行朋友表示想encore多一碗。近來好hit的熱香餅漢堡，同樣配了沙嗲牛肉和炒蛋，賣相吸引。熱香餅軟熟有牛油香，中間夾著滑溜的炒蛋、香濃的沙嗲牛肉。3種不同的味道和口感，但組合起來又幾搭。大大件的金沙朱古力流心西多士！多士舖了阿華田脆脆作裝飾點綴，切開時已感受到它的酥脆。麵包外酥內軟熟，中間是朱古力流心醬，味道香甜。和朋友各點了一杯特飲：阿華田脆脆火山、椰汁紅豆冰。2款都幾好飲，不會過甜。
繼續閱讀
荔枝角有一間以舊香港為主題嘅新派茶餐廳，食物選擇多，主打沙嗲牛，都有創意食品，我地今次都試左唔同嘅味道。睇下餐牌先內部環境老荔特餐 沙嗲牛肉太陽蛋公仔麵$55沙嗲牛肉特別濃，又有花生香，不過味道偏鹹，所以適合配湯麵，減低牛肉本身嘅鹹度，同時令湯底更香濃。滑蛋叉燒飯 $68滑蛋叉燒，淋上炒過嘅甜豉油，加埋蔥花，會忍唔住，係咁食飯。阿華田脆脆火山 +$8同東南亞國家嘅美祿恐龍有異曲同工之妙，香港嘅阿華田增加口感，唔係沖多啲粉，整到有粉粒，而係直接加阿華田脆脆粒，咬落口感更豐富，不過都有啲甜。阿華田椰香 +$8茶餐廳嘅阿華田同好立克，都會加奶沖粉，今次加入椰奶，會多一種香味同滑溜，不過都係好甜。沙嗲牛肉芝士熱香餅漢堡 $38日本麥當勞#mcgriddle 來到香港之後，香港唔同茶餐廳都有所回應。今次嘅版本用沙嗲牛肉，呢度外皮同一般熱香餅一樣咁薄，但煎得硬少少，更似麵包，所以口感同麥當勞相近。呢度沙嗲牛肉好濃味，但偏鹹，連埋少少融化嘅芝士，加少少糖漿出奇地夾，味道呢個創意好欣賞，只係有啲難咬。西多士糖漿分開上，可以自己控制甜度，值得一讚。炸單骨雞翼+$18雞翼香料味重，但可以接受，最出嘅香料係花椒，少少麻，但完全唔辣，好開胃。外皮落左少少炸粉，令佢更香脆。肉燥時蔬 +$18白灼生菜上面，淋上台式肉燥，有豬肉嘅油香鹹味至於，更加有八角等香料補充，減少食菜嘅單調感覺。金沙朱古力流心西多士 $38睇個名以為好膩，原來西多士中間都有蛋香。金沙香脆嘅效果，係用阿華田脆脆營造，而中間嘅醬，就係nutella榛子醬，甜而不膩。提提大家，必須要趁熱食，因為一攤凍，就兩個世界啦！凍- 檸檬可樂 $26×2=52就係普通凍檸樂，只係需要啲氣，就叫左。總數：$303
繼續閱讀
懷舊既是佢優點，全因為有港式冰室，先至留得住香港人嘅胃荔枝角呢間冰室裡裡外外都充滿港味，播住懷舊金曲，就算出面排晒隊，啲人都唔會鼓噪嚟得冰室醫肚，當然想食飽肚啲嘅碟頭飯，呢碟滑蛋叉飯都好人氣，炒蛋炒到好金黃，好多片叉燒鋪喺蛋上，非常誘人點豉油食更係神來之香，成啖飯level up沙嗲牛麵亦係冰室台柱，呢碗沙嗲牛調味極之獨特，微辣且香，肉質嫩而少筋，仲有兩粒勁圓勁靚嘅煎蛋公仔麵又入晒味，可以喺荔枝角爭霸喇沙嗲牛除咗可以煮麵，原來仲可以變Griddle，價錢好抵，就已經有好多層次熱香餅好鬆軟，有大大塊芝士，仲有大量沙嗲牛肉，食極都仲有咁，呢個性價比九龍真係存在？平時食開普通嘅西多士，金沙朱古力流心究竟又點呢？一嚟真係嘩嘩聲，好多見脆喺面，撥開再切開，好流呀，好澎湃嘅朱古力湧泉流出跟餐有得飲熱奶茶，都幾香濃，攤一陣會表面會琼住咗，睇嚟真係足茶料仲可以加錢升級特飲，奶茶紅豆冰好爆料，差唔多2/3杯都係紅豆，煮得夠爛，同奶茶好夾
繼續閱讀