老虎堂黑糖專売 (渣甸街)

營業中

休息中

早年流行既珍珠奶茶而家已經演變成黑糖珍珠鮮奶每日打開社交平台 一定有幾個飲食post分享而我亦都係珍珠控 最鍾意食啲烟烟un un 既野奈何珍珠奶茶真係超肥 如果大家想修身真係間唔時飲杯算啦而呢隻老虎 係各大平台足奏下 點都要一試排隊足足排左半個鐘先買到 之後制作又要等叫左波霸鮮奶 珍珠緊係愈大粒愈烟un啦搖之前要影相打卡先 話晒排左咁耐虎紋係做得好靚既 珍珠夠烟un 果然係大粒既好黑糖鮮奶搖要後整杯都有黑糖味 唔會話俾奶味蓋過 不過 佢就無果種飲一次有一嗚驚人既效果同其他相比 係好飲既 珍珠又好食但佢未係我飲過最重黑糖味既一杯如果唔駛排隊 係可以一試既但如果又要排成半個鐘 下次還是不了

今天在銅鑼灣食完lunch ，準備坐車返公司嘅時候，經過渣甸街見到一堆人在排隊買Tea ，連續有幾間，朋友話老虎堂好，咁就呢間。食完飯買個Tea好像已經成為左香港人的習慣，結果我就排埋一份，好在唔係太多人，買完等左一陣間就有得攞啦，速度真係好快！👍我叫左個虎虎生風厚鮮奶$30，其實即係黑糖+鮮奶+奶茶，用左黑糖又真係好味啲，加埋鮮奶，甜度啱啱好唔會太甜😋外表黑糖紋夠特別，珍珠又彈牙又增加口感，好好味。

每次經過銅鑼灣都見到三間台式飲品店前堆滿晒人，開咗好一段日子，都仲係咁多人黎朝聖。雖然都係條長龍，已經比開張時好好多。平時冇飲開，但見大家都瘋狂洗版，都忍唔住要試吓！！揀咗中間嘅老虎堂，先排隊落單，叫咗杯招牌波霸厚鮮奶，落完單等拎野飲嘅地方都冇位企，要企係對面馬路，前後都要半個鐘先拎到杯波霸厚鮮奶！！黑糖味好夠！甜度對我黎講都係偏高，但飲開台飲嘅巴絲打們應該啱啱好！珍珠size細粒幾好，奶味好重。對我黎講，都係傳統珍珠奶茶半糖啱口味多啲。

老虎堂!一黎到見到條龍尾已經嚇一嚇！呢間野由開業到宜家都係咁多人排！為左飲老虎堂...我等一個鐘都會等嫁！幾經辛苦終於拎到！虎虎生風厚鮮奶！拎上手仲熱架！仲有好令既虎紋～超正！間野有哂指示，首先要打卡先！幫佢影張令相！影完就要上下均勻搖晃15下！令啲黑糖可以完全融入杯野到！平時我飲珍珠奶茶一定要飲少甜，可惜呢到無得自己揀甜度同冰既份量。雖然無得揀甜度，但佢絕對係我心目中既No.1!黑糖同奶既比例岩岩好！拎上手既時候，杯虎虎生風仲係熱嫁！珍珠口感都唔錯！飲過一次就返唔到轉頭！好彩佢宜家開多左分店，唔洗黎銅鑼灣先飲到😋

銅鑼灣老虎堂聽得太多，今日食完飯路過點都排下，反正今日一支公大把時間，剛好我排既時候前面得3個人，心諗隔離鋪咁多人排係咪呢間野已經跌watt呢，但無乜人排我當然試飲呢杯先，如果唔好飲下次就試隔離間，結果我用左10分鐘內左右買到我等緊杯野既時候，後面條龍又排番20個人到，似乎剛才是我幸運無人排😆。先睇杯珍珠奶色澤，非常靚，比較起我過去飲過既咁多間黑糖珍珠奶。呢間老虎堂係有d料到。黑糖味十足，奶香濃厚，珍珠煙un唔會淋patpat總結值得試飲

中午時間銅鑼灣老虎堂大排長龍 等了廿分鐘才拿到手的黑糖波霸厚鮮奶旁邊的幸福堂人流較少 但最後還是選擇了老虎堂 因為被排隊的人影響 感覺人多會比較好飲在初初開的時候有喝過一次 那時味道不錯 今次再戰 只可以用難飲黎形容 無得揀甜度 成杯好似糖溝水 成杯超甜 無奶味 波霸過腍 唔煙靭 唔知食緊咩 似仙草咁腍的珍珠 珍珠一點黑糖味都沒有 完全係糖還糖珍珠還珍珠 完全唔值排30分鐘飲呢杯 真係無下次 唔明點解而家仲可以開到第三間分店超難飲招牌黑糖波霸厚鮮奶

行完街，原本打算搭車走人，點知見迎面黎既人個個手上都有黑糖珍珠，我又走左去趁熱鬧。好多人排隊，好熱鬧，一場黎到無理由唔排埋佢。唔識應該叫邊隻先有虎紋邊，問店員，佢推介我飲黑糖波霸厚鮮奶，見住店員將鮮奶倒入黑糖珍珠到，加分，用料無馬虎，拎上手個底d珍珠係微熱既，而上面d鮮奶係凍既，咁靚，當然要相機食先，因為咁，忘記左要shake下佢先飲。雖然係成30蚊杯，但佢其實好大杯，黑糖珍珠又多，最重要係好好飲，鮮奶本身無乜甜味，加埋甜既黑糖珍珠真係好夾勁好飲，又可以呃like。

日日都比Ig瘋狂洗板的黑糖奶茶，令我忍不住好奇心去試試。老虎堂果然人氣爆登！下午6點去差不多排左45Mins 先買到。先到虎虎生風呢個名咁霸氣，就叫左la，同行的朋友就試波霸厚鮮奶。首先，呢杯虎虎生風的紋理的確好吸引人的，像老虎的斑紋，怪唔得這麽多IG打卡。排得咁辛苦當然要影返張相，搖均勻候就可以飲la，飲落去黑糖味好重！甜度剛剛容易接受，不需要少糖。虎虎生風裏面有大細珍珠幾得意！珍珠幾好咬口QQ彈彈。係值得一試的，不過如果每次都要排45分鐘的話就令人有少少卻步la。

次次經過都排長龍，終於今日早啲行去見到得5,6個人，一於要試下珍珠好有咬口！黑糖好彩唔算好糖，配合埋啲鮮奶好夾，加上啲顏色好靚睇落好吸引！希望以後無咁多人排隊可以成日飲

今日午飯後剛巧經過銅鑼灣，心血來潮想飲杯珍珠奶，於是走去渣甸街睇睇，平日大排長龍嘅老虎堂，可能因為已經兩點幾，個個都趕住返公司，見到唔算好多人，即刻走去龍尾排隊先，但係等等吓都排咗半個鐘。我叫咗杯黑糖波霸系列嘅波霸厚鮮奶(含奶霜)。嘩！果然係人氣店，出品果然有返咁上下，入口幼滑、奶味香濃、甜度適中，啲珍珠煙韌又彈牙，總之就係口感豐富、滑溜，在港飲過眾多珍珠奶，暫時都係覺得老虎堂最好飲，不枉我排咗咁耐隊先買得到，真係要慢慢好好品嚐先得！

之前聽得多，成日行過見勁多人排隊，完全無時間亦唔敢排！而家放長假，閒日行過見到唔係好多人排，先有時間有心情去排吓，本來都想試吓隔離的幸福堂，得一個胃😅就𢵧左老虎🐯先，今次試有大小珍珠的虎虎生風厚鮮奶，珍珠比想像中軟身，但味道還可以，小珍珠會濃味些，整杯飲落味道較順滑，不喜歡芝士奶蓋的應該會鍾意老虎🐯，如果鍾意芝士奶蓋可試幸福堂（個人覺得較咸和厚稠）！鹿角都試過，幸福和鹿角的珍珠都幾好咬，比老虎Q些，幸福的味道較濃，鹿角係兩者之間！不口味係個人感覺，大家可能都會有不同😄我就鍾意老虎🐯

係銅鑼灣行過渣甸街，我成日都會望下幸福堂同老虎堂多人🤦🏻‍♀️成日離遠見到條龍已經知道無大半個鐘都飲唔到🥤身為打工仔又點有咁多時間排🤦🏻‍♀️但今日好好彩，食完飯過到去竟然唔使排隊👍👍👍終於有機會試到啦！黎到一定係叫黑糖珍珠啦，但原來佢黑糖珍珠都有兩種，大珍珠（波霸，同平時珍珠差不多大小），小珍珠（大西米少少，我覺得咬唔到）🧐因為第一次飲，所以叫咗兩種都有嘅虎虎生風厚鮮奶，等咗7分鐘就有得飲👍👍可能本人重口味，覺得黑糖味唔係好夠，但都好好味，唔會太甜😋抵佢成日都咁多人等

排咗一個鐘，心理作用點都覺得好飲啲？🔹黑糖波霸鮮奶$30完全係做晒心理準備去排嘅超人氣大熱打卡呃like飲品，未見到間鋪已經見到轉咗彎嘅人龍，唔好怯！！排佢老虎！！！飲品表咁多款傻傻分不清，google咗一陣先知波霸係大珠，珍珠係細珠，厚鮮奶係奶蓋，黑糖鮮奶就有虎紋！我超唔鍾意細珠所以緊係all in大珠，830pm開始排，期間聽到店員講冇乜乜乜，但又聽唔到其實係冇乜，勁驚。一個鐘後終於到手，我用十五分鐘欣賞其形態，再用十五分鐘去影相，好野終於飲得！飲前要搖十五下，冇得嗌少甜之下個奶都岩岩好，係唔太甜嘅黑糖味奶，珍珠夠晒大粒，但就冇想像中咁煙韌好𡁻，係幾好飲，但始終上唔到我嘅第一位。計返一個鐘最低工資呢杯奶成60幾蚊架，排一次好喇，再排不了。

很久沒有那麼失望，慕名試一試大排人龍的波霸厚鮮奶，排隊約20分鐘，終於可以喝，賣相很不錯，但味道令人大感失望，鮮奶並不綿滑，而且有點淡，珍珠亦不算很Q彈。可能抱有期望，所以那麼失望，竟然不能全部喝下去。

之前次次見到都勁多人，但今日平日又唔係lunch hour，點幾兩點去等左十分鐘就有啦！本身自己飲開30%甜又唔太好珍珠同黑糖，但見唔係太多人排就同朋友share一杯試下。個甜到比我想像中無咁甜，同埋個甜味有d黑糖既香味，所以就算甜左d都唔會話接受唔到。而個珍珠就真係做得好出色，唔會覺得粉一來，二來又唔會太甜又有少少黑糖味。個牛奶又係好香既，所以夾埋都黎除左有d甜之外，我都非常滿意。波霸厚鮮奶 $30