聚友小廚

營業中

休息中

石門是一個沙田新開發地區，個人非常喜歡到這裏覓食，因為坐屯馬綫，都只是十數分鐘，而且出地鐵站不久，就會有很多美食和購物地方， 十分方便。鮑魚滑雞煲、古法蒸龍躉頭腩每份 $248。鮑魚滑雞煲，鮑魚雖然不是很大隻，不過軟腍可口，滑雞吸收了濃郁的醬汁，非常惹味，必須點碗白飯來佐膳。古法蒸龍躉頭腩，厚厚的龍躉皮爽滑可口，充滿了豐富的骨膠原，龍躉肉味道鮮甜，配上紅棗和木耳，味道更加鮮味。蕃茄野菌浸時蔬$78，蕃茄湯底味道酸酸甜甜，惹菌份量十足，白菜仔爽甜可口，如果再軟腍一點更好。凍檸茶$20，檸檬茶份量比較大，差不多是平常份量的1.5倍，茶味濃郁，檸檬份量充足，用來佐飯非常合適。題外話：這裏有位女收銀員，雖然職責負責收銀，不過她很熱情主動招呼客人，在這現今世代，非常罕有，希望老細對他好一點。

曾是沙田居民的我，相約舊街坊開枱耍樂，抽水食飯，街坊們推介石門站旁的「集友小廚」。當年的工業區石門，自從有了地鐵站後，搖身變成商業旺區，商店食肆臨立，可謂十年人事幾番新。問問店長有何推介，首推酸菜魚$168！酸菜魚是近年流行菜式，可謂成行成市；餐廳以此作推介之選，足見其廚師信心十足。微辣湯底配合酸菜，酸味十分特出，充份帶出魚的鮮甜。魚肉口感爽脆，份量亦多，抵食又好食。黃金海中蝦$168 ，一字排開七隻新鮮海中蝦，睇見已經食指大動；再配合撲鼻的咸蛋香氣，已經先聲奪人。新鮮海蝦鮮甜之餘口感飽滿，外殼的咸蛋黃當然也不會錯過。蠟味崧扒豆苗$118；豆苗的翠綠，映襯著顏色低調的蠟味，對比中見和諧，賣相著實不錯。豆苗無渣，蠟味鬆軟香甜，都是優質食材。意猶未盡，點了兩隻豉椒炒蟶子$116配料以豉椒爆香，火候十足；芡汁厚薄適中，十分惹味。蟶子超級鮮甜，肉多之餘爽口彈牙，一試難忘！又一道色香味全撚手菜。地道港式飲品，當然首選凍檸茶。

天氣凍咗，都想食羊腩煲暖身羊腩煲味道好濃，羊肉好腍好嫩，燉得剛剛好。湯汁好鮮美，加上啲蔬菜同香料，好開胃。好適合喺冬天食，暖胃又暖心，超級入味，但係又唔會太鹹食個份量真係啱啱好BB乳鴿呢道係一道好經典嘅廣東菜，鴿肉好鮮嫩多汁，煮得好啱，肉質好鮮美。表皮烤得香脆，入面仲保留住肉汁嘅鮮味。配上特製嘅醬料，口感更好。係一道令人垂涎嘅美食。蠔仔湯飯，好濃郁嘅海鮮湯飯，入面嘅蠔仔增添咗好多鮮味。湯底清澈鮮美，飯身都好軟糯好入味。蠔仔嘅鮮嫩同湯汁嘅香濃互相輝映，好勾人食慾炒麵熱辣辣又滋味

呢日同屋企人去咗石門呢間餐廳食dinner，餐廳好熱鬧，好有氣氛。打開餐牌，見到餐廳有好多好吸引嘅小菜。我哋見到今日有個晚飯孖寶都幾吸引，就點咗孖寶A餐。呢個油浸筍殼魚超級好食，筍殼魚拎咗去咋，外皮非常香脆，咬落去索索聲，入面啲魚肉好嫩滑。另外仲有呢個油鹽水浸花甲，花甲好新鮮，粒粒都好多肉。蔬菜方面，點咗呢個瑤柱扒豆苗，豆苗非常鮮嫩，上面鋪上醬汁同埋滿滿嘅瑤柱，健康又好味。呢幾道菜撈飯食都好正，下次要再嚟encore ！

今日黎到石門拎回鄉證, 順便食個早飯, 朋友介紹我黎呢間中菜餐館, 之前佢食過話好味, 當然要黎試下, 黎到餐館, 門口已經見到好多生猛海鮮, 包括有魚, 蝦, 蟹.餐廳座位包左大圓枱同卡位, 座位都相當寬敞, 亦都好適合附近寫字樓員工聚餐或三五知己開懷暢飲食飯!*雙冬黑草羊腩煲而家秋冬起, 店員介紹可以試下佢地出名既雙冬黑草羊腩煲, 仲附送唐生菜一碟, 我見隔離枱都食緊, 都好耐無食, 一講起即刻想食, 正!羊腩煲一黎到用爐興熱, 隨後就聞到陣陣香味, 羊腩好多件, 食落一啲都唔酥, 好軟腍腍, 啲皮又滑, 點埋腐乳醬, 好味, 店員話佢地加左冬筍, 出面餐廳比較小會加冬筍, 其他配料有枝竹, 冬菇, 馬蹄, 都好入味, 拾埋生菜, 吸收了羊腩煲湯, 好食~*薑蔥焗桶蠔薑蔥焗桶蠔一開蓋就香氣撲鼻, 生蠔肥美, 肥美的生蠔先煎再焗, 食落很香口順滑, 同埋都好多隻, 食極都仲有, 十分滿足~*豉椒炒蜆呢度餐牌有提供十大推介菜式, 叫左豉椒炒蜆, 食落都幾惹味~真係食得開心又滿足, 飽飽的~

據聞石門食肆雲集，當中有一間朋友點名讚過，所以今晚就決定嚟探店！門口貼有menu，見到每一日都會有唔同嘅特價項目，而且賣樣都非常吸引！入座後，仲見到有秋冬特別餐牌，遲啲天氣再凍啲一定大受歡迎最勁爆嘅驚喜係餐廳set有兩個餐，喺孖寶！！非常抵食！！每個孖寶都係200多，作為師奶仔嘅我，當然點曬抵食嘅孖寶啦！！兩個孖寶，總共四個餸！非常豐富海鮮全部都係活捉活劏，未上枱已經非常期待椒鹽八頭鮑魚~鮑魚裹上薄薄嘅炸漿，炸至金黃色，再配上惹味嘅調味料同佐料，多重口感，重點係一啲都唔韌，大滿足！蒜蓉粉絲蒸中蝦~尺寸合理，夠曬鮮味、彈牙！蒜蓉同蔥花比例行剛好，墊上嘅粉絲吸曬蝦汁，鮮味無窮！西蘭花炒帶子~帶子非常厚！一口一粒，絕對能夠令人有滿足感！烹調時間亦都唔會過火~好味道！清蒸沙巴龍躉班~蒸魚一向要蒸得剛剛好先至可以保持魚嘅幼滑，而呢度嘅大廚完全拿捏到「剛剛好」呢件事！對於師傅嘅技術絕對無懸念，將食材嘅層次提高到極致！

餐廳名稱: 聚友小廚 (沙田)沙田石門安群街1號京瑞廣場2期地下G9號味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：秘製麻辣雞煲 $158，剁椒蒸鯇魚飯 $52聚友小廚鄰近石門地鐵站，由C出口步行而至只需時2分鐘，交通方便！😄😄😄餐廳有多款美食，豐儉皆宜，宵夜時段更有特價菜式，非常抵食！👍👍👍秘製麻辣雞煲：雞肉特多，食極都有，煮得非常入味，咬下去鮮嫩多汁。麻辣湯底的辣度剛剛好，刺激但不霸道，是較柔和的程度，適合與不太食得辣的親朋共享。底部的醬汁是精華所在，配上明爐煲住食，香氣四溢，令人食指大動！😋😋😋剁椒蒸鯇魚飯：這個是星期四特價飯餐的其中一款，鯇魚鮮嫩幼滑，經蒸煮後更添鮮美。剁椒的辣味與魚肉的鮮甜完美搭配，把魚汁混著熱米飯食更添滋味，讓人回味無窮！飯餐還包了例湯及飲品，湯是五指毛桃煲唐排，湯味鮮甜，飲品加$3要了少甜凍檸茶，夠大杯，解渴提神！👍👍👍

今日黎到呢間位於石門既中餐廳"聚友小廚"食大排檔小炒~~好味既小炒唔易搵, 好好彩又俾我搵到間餐廳環境闊落, 有car位又有大圓枱, 適合親友聚餐~當晚見到好唔少生猛海鮮供應~~餐牌有超多菜色選擇~~各式各樣既小炒呢道都有, 超豐富!!!油浸筍殼魚 $238油浸筍殼魚嘅賣相非常吸引 整條魚身完整無缺, 師傅手勢一流!!!筍殼魚經過油浸後, 魚皮變得金黃酥脆, 外脆內嫩~~肉質鮮甜多汁, 一D都唔膩冰鎮咕嚕肉 $128冰鎮咕嚕肉被重重冰粒包圍住, 上面則鋪滿左色彩鮮艷既水果配菜~咕嚕肉本身切成小塊, 每一塊都煮得恰到好處, 色澤紅潤, 外皮鬆脆~~冰鎮底下嘅低溫令到咕嚕肉更加清爽, 帶出一種涼爽嘅口感咕嚕肉鮮嫩多汁, 配上酸酸甜甜既醬汁更加開胃!!聚友小炒王 $128職員推介既小炒王果然唔錯!!!小炒王色彩豐富, 有韭菜花, 蝦乾, 腰果, 豆芽, 紅椒黃椒等~~師傅炒得非常惹味, 多款配料有豐富口感

石門收工第一時間去(聚友小廚)找有哥熟客無人不識有哥，爽快健談性格，所以點菜搵有哥無甩拖👍👍👍，食得開心更放心，店舖有新鮮魚、蝦、蟹、龍蝦、鮮魷樣樣齊，來了加工也無任歡迎。❣️大澳香蝦骨大澳蝦醬香氣樸鼻，這道菜色澤金黃，外脆內軟😋😋❣️豉油王中蝦🦐肉質爽脆彈牙，豉油的香味與蝦的鮮甜完美融合❣️薑蔥焗肉蟹🦀蟹肉鮮嫩可口，加上薑蔥的香氣，泡製而成的肉蟹更顯得香酥可口，外脆內嫩，每一口都散發出濃郁的蟹肉香味❣️椒鹽鮮魷🦑口感酥脆爽口，椒鹽的微辣與魷魚的鮮甜相得益彰❣️啫啫通菜煲材料極之豐富，蝦乾飽滿完整，厚肉味濃，碎肉鮮甜，加上蒜頭，辣椒……等配料，通菜嫩綠清爽，味道極之香濃

哇個豬潤真係超級韌，個口感而味道非常難食😵 同譚仔或者其他嘅茶餐廳嗰啲豬潤簡直係啲奇怪嘢，又韌又冇豬潤味。個豬潤麵呢就得四塊豬潤，厚度同晒士嘅都算係正常。個湯就幾好味，啲薑同蔥嘅香味真係有入到湯。係一個好清又香既湯👌🏻可惜個豬潤實在太難食，個湯救唔到碗麵😂 因為個豬潤實在食太難食，齋食麵同湯就真係非常唔飽🥲好嘢嘅薑汁豬潤面真係難搵。傷心😭😭個奶茶就正常嘅但係就好提供啲砂糖。個奶茶都唔算好苦所以冇落糖都係🆗嘅。

食咗三次味道越食越差，唔會再幫襯，店鋪完全無冷氣，想食到身水身汗嘅人可以考慮。豉油王大蝦品嘗途中，其有一兩隻蝦發霉，向其店員反映。對方反應冷淡及輕佻，非常強硬回答他們的海鮮是不會出現這個問題，但那幾隻發霉嘅蝦我就放喺佢面前，其實食客反映俾你聽又唔係要你換，人哋唔會無中生有，何況隻蝦都擺個落口裏面試過，真係發霉先同你講，唔好俾人感覺你覺得食客有心搞事，錢我就俾足，同你反映唔需要啲咁嘅嘲笑態度。 講聲唔好意思唔使死的

冇食兩個月今晚去食返，燉湯淡味、椒鹽鮮魷唔好食(以前係超好食！) 小炒王份量唔夠，友善地問佢點解少咗咁多？阿姐話：我點知啫！又唔係我煮！心諗：你係咪傻x咗？咁答客人？佢哋當冇事發生，跟住我再大聲問：宜家係咪份量淨係得咁少？？？另一阿姐靜靜走過嚟，攞咗碟餸入去，5分鐘後拎番碟大碟少少嘅出嚟放低，冇講嘢整體味道及份量大不如前！完全唔係以前嘅質素！樓面換晒人，又唔認廚房換咗人，叫阿姐攞碟辣椒豉油都遲鈍過人，好似未聽過辣椒豉油咁🙄問係唔係易左手又唔應人，叫人點會再幫襯呢！？

冇食兩個月今日去返，叫燉湯、椒鹽鮮魷、小炒王，味道及份量大均不如前！完全唔係以前嘅質素！樓面換晒人，又唔認廚房換咗人，叫碟辣椒豉油都遲鈍過人……問係唔係易左手又唔應，叫人點會再幫襯！？

1. 乳鴿 - 全港最難食乳鴿排行榜第一名第一次發現，原來乳鴿係可以咁難食，我已經唔敢用龍x 酒店既乳鴿質素去比，但佢呢間野同街邊任何一檔既乳鴿相比，實在難食太多太多。點樣難食法？見圖見到有幾乾柴柴嗎，咬多啖仲有渣(見圖) ，原來乾柴柴既乳鴿係可以難食成咁，原來好食既乳鴿乳鴿唔係必然，原來就咁將隻乳鴿拎去炸，完全不用調味都夠膽拎出嚟賣，食過咁多次乳鴿，都真係幾少可要用淮鹽，但呢度係必須要用。。。2. 豉椒炒蜆相比冠軍乳鴿，都叫做不會太差，但有3成既蜆有沙3. 水晶雞Un到爆炸機隔夜雞，當佢明將咁試，包你食完每隻牙都要撩牙

📍石門  京瑞廣場地面鋪  聚友小廚📍冬至晚餐同一家人食，嚟到呢間聚友小廚！雖然佢係酒樓嘅華麗裝修，但食物嘅質素一D都唔會比下去！🤭🤭✨上湯龍蝦($528@)可以二食：上湯＋米粉底（＋$50） & 芝士（＋$30）＋伊麵底（＋60）龍蝦係即捉即煮，非常新鮮，係西澳龍蝦，啖啖肉。✨花膠螺頭燉竹絲雞($188@)勁足料嘅燉湯！服裝員會幫手分埋湯，再上埋一碟湯渣。淨係睇湯渣都知有幾足料，而且D湯渣都好好食！✨木桶水晶雞($200@)超嫩滑嘅雞肉，即使係雞胸呢D咁影「鞋」嘅位，都好嫩滑！係我食過數一數二嘅雞！✨豉油王中蝦($300)大大隻新鮮海蝦，無得頂，勁鮮味！✨八珍豆腐煲($88)✨清蒸海斑($888)✨蒜蓉炒白菜仔($88)✨蒜蓉豆苗($88)