聚悅庭 (已結業)

最近見到位睇開嘅網路紅人居然介紹粉嶺呢間小店，講到好好味，性價比好高，最大賣點係星期一至五先有嘅$28炸髀西多下午茶。其實我睇過餐牌🤔，覺得以村屋餐廳嚟講，價位比較高😐。不過屋企人話想試，就即管比個機會佢啦。星期五晚上7點只有一枱客，到我地8點幾走都唔多食客。餐廳望落以為係茶記，但價錢係酒樓價，另外仲有加一同茶芥$10/位，我地四個人，叫左五樣野，連加一$720。菠蘿山楂咕嚕肉 $108上枱好大陣酸味，咕嚕肉份量中規中矩，食落仲有少少脆，而且每粒都有肉，唔會只有肥膏。菠蘿就差D，唔新鮮。避風塘鮮魷$128好多炸蒜、好香!! 用嚟撈飯食一流!!鮮魷份量合理，有厚有薄，厚果D彈牙、有魷味；薄果D炸粉就厚左D。籠仔荷菜蒜香龍躉飯(炒飯底) $148呢個飯有驚喜，全餐最好味係佢，蒜蓉份量多，龍躉厚肉又夠滑；炒飯炒到粒粒分明，而且吸收哂D蒜香，好正，但唯一缺點係好油、勁油😂，一定要多人先好叫。蜂蜜芥未脆豬手 $188呢個要等20分鐘，上枱果陣排得好靚仔。豬皮炸到好脆，食落唔會好油膩，個人覺得唔點醬已經OK，一嚟個醬好稀，二嚟沾左醬反而油膩感重左。豬手肉望落好紅，不過食落唔鹹。XO醬乾炒牛河 $1

之前見好多食客俾like,讚放題高質扺食，所以特登親weekend 黎試一試。結果大失所望，雞煲/烤魚任食放題己沒有做，改為散叫。故隨意先叫一個雞煲（一隻雞）先試試，份量非常少，只係一隻普通燒春雞size份量，而且味道一般，要$300，此份量，其它店約$200左右，故性價比非常低，而其它火鍋配料亦標價不便宜，午餐肉都要索價$60，選擇亦不多，故最後只叫一個雞煲，兩碗白飯，一些飲品，埋單己要四百幾，下次不會再試。

話說華明邨以前都有傳統嘅酒樓，執吓執吓就冇晒，所以第一次試吓呢間新式嘅茶樓環境雖然同上一手裝修好似冇乜大分別(上一手係一間日式餐廳)所以今次就講吓佢哋嘅食物蒸飯好多老人家都有食，不過就要留意落單時間，好似唔記得11點定12點前完蔥油餅質素正常另外亦都叫咗幾款點心，不過不失，正常發揮

不建議點即炒菜式！干炒牛河炒到碎濕濕？！另外，職員話要食滿$300先可以用信用卡找數，十分不方便！！！！！！建議改善一下！星期六日假日茶錢每位$10，農曆新年是加二。

餐廳光猛企理，侍應亦好好客和有禮貌，屋村茶居有種貼地和親切感。留意這間餐廳不收茶位費喔🫶🏻這間餐廳離我家不近，但以下兩道菜已經足以令我下次再回訪😎🍲世一沙嗲肥牛煲 $138裏面有肥牛、粉絲、金針菇、紅綠椒。份量很足，而且醬汁味道超正，裏面的食材已入味，撈飯吃一流，不會太油膩🤤🍲魚香茄子煲 $98茄子份量好多，而且茄子內部軟綿，但不會過於軟爛，而且都超入味🫶🏻🫶🏻魚香醬汁同樣都很惹味，由豆瓣醬、辣椒醬、蒜末等材料而成。🍲大大杯紅豆冰 $35原本覺得$35一杯紅豆冰有點貴，原來是很大杯，而且紅豆都很多🥹飲品甜味主要來自於紅豆，紅豆原本已經煲得很「沙」，因此只要搞勻幾下，整杯紅豆冰馬上充滿紅豆香味😝

食中菜除咗酒樓、茶餐廳之外，亦有一啲精品級數嘅中菜餐廳，座位會比茶餐廳坐得舒適，而相對地亦冇酒樓咁嘈吵，而且服務一流！絕對係我嘅不二之選！更何況晚市做緊限時小菜八折優惠，真係非常抵食！魚香茄子煲～茄子依然可以保留亮麗嘅紫色，而且汁料非常夠味，分量十足！非常惹味！豆豉鯪魚炒油麥菜～豆豉鯪魚可以保留到「一件件」嘅狀態而唔係「碎濕濕」，而且非常厚身，整個口感截然不同！油麥菜亦沾滿醬汁佐飯一流！西檸雞～西檸雞外脆內嫰，脆漿一啲都唔厚！微酸嘅芡汁均勻地沾滿每件雞，非常開胃！越食越想食！

#20230812 📝📍 聚悅庭 粉嶺華明路21號華明邨華明商場地下G05號舖➖➖➖➖➖➖➖➖➖➖➖➖➖➖➖➖➖➖#煎釀尖椒 $22💭 超級欣賞佢刮啲籽刮得好乾淨，好多時食尖椒好似抽獎咁🎟️有時唔辣但又有既辣到飛起，就係因為師傅無刮清啲籽，呢度舊舊都唔辣，啲魚肉唔會落左好多調味，連個豉油都較過，就算唔係即刻食都唔會浸到咸晒👍🏼.#黑椒牛仔骨 $30💭 牛仔骨啲肉好淋身，好容易就做到骨肉分離😜個黑椒汁好似有少少同出面黑啲唔同咁，🐷隱約食左啲蛋黃既味道👅雖然底墊左好多芋頭，但面頭既牛仔骨都唔少，算係少數係酒樓入面抵食既牛仔骨.#宮廷翡翠餃 $34💭 寫住每天限量發售😎餃皮唔係普通既皮，溝左啲菜汁所以有淡淡綠色，但都無影響佢既晶瑩通透，口感比起一般果啲再彈牙啲，入面啲料有蒜頭味好香🧄比多幾蚊都係有道理.#鴛鴦燒賣 $32💭 粒燒賣大大粒，唔同顏色幾趣緻，好少可見係咁，其實係平時啲燒賣再加牛肉燒賣，燒賣面頭隻蝦好大粒🦐牛肉賣好重芫荽味🌿一籠可以滿足兩種口感😬.#蠔皇鮮竹卷 $22#鮮竹牛肉球 $25#味醬蒸鳳爪 $27#香茜牛肉腸 $28💭 腸粉滑身，其他都正正常常，每籠份量都唔細，食到尾🐷都覺

今晚接人放工喺粉嶺小店開餐，整體水準不錯啊！首先要讚一讚啲茶，小店有這樣水準的不苦澀及清香的鐵觀音值得一讚！我們點了三個小菜，分別是美極香煎牛仔骨、美極豉油王蝦及西蘭花炒牛肉。三碟小菜食物份量足，牛仔骨外層煎至金黃酥脆，但肉質仍保持嫩滑，鮮嫩多汁👍美極豉油皇蝦經過烹調後搭配豉油皇調味，展現出豐富的鮮香味道。豉油皇的醬汁帶有濃郁的醬香和微妙的甜味，與蝦子完美融合。另蝦肉鮮嫩多汁，口感彈牙，相當惹味😋西蘭花炒牛肉結合了蔬菜的清爽和牛肉的鮮美。西蘭花保持了脆嫩的口感，與嫩牛肉搭配在一起，相互襯托，是一道不錯的小菜🤗總括來說，這店舖的食物味道美味，坐得舒服，中午還有點心供應，可再來試試👍

比起去傳統茶樓，喺點心店食點心抵好多！雖然冇茶樓嘅華麗裝修，但簡單舒服嘅環境同精緻點心已經好令人滿足，我哋假期去飲茶，計埋茶錢人均只係$100左右，仲食到好飽😋🌟水晶蝦餃皇 $32晶凝通透嘅蝦餃大大粒，入面嘅鮮蝦爽口鮮甜🌟蟹籽燒賣皇 $28豬肉燒賣好多汁，皮薄餡靚🌟沙律明蝦卷 $30三條炸沙律卷大小同粗幼平均，炸到金黃色好鬆脆，蝦肉滿滿🌟懷舊馬拉糕 $24馬拉糕係我嘅最愛，香甜鬆軟，大大嚿好滿足🌟蜜餞雞中翼 $30除咗蜜糖，上面仲灑左白芝麻，雞翼炸過但唔會太乾🌟原隻鮮蝦腸 $32腸粉質地好滑，包住鮮甜嘅原隻鮮蝦，個豉油仲好香添

聚悅庭石鍋鮑魚雞煲$118真係估吾到雞煲都有鮑魚喺入邊裏面有好多配料 ，有洋蔥芫荽辣椒 ，秀珍菇雞煲醬汁10分好惹味，又唔會太油。雞肉鮮味濃郁，口感嫩滑，送飯一流。聚悅庭小炒王$148韭菜花 唔會太老 同埋都鮮甜，加埋蝦乾魷魚同埋腰果，味道十分香口。啫啫飛天通菜煲$78裏面加左豬肉碎同埋蝦乾一齊炒未食入口，已經聞到陣陣嘅香味，好有鑊氣！餐廳座位舒適，冷氣夠凍，適合一家大細黎食。聚悅庭 (粉嶺)粉嶺華明路21號華明邨華明商場地下G05號舖

今日去開粉嶺華明邨見餐廳設計以為食西餐原來係中式飲茶食點心街坊小店抵食小茶居 - - - - - - - - - - 🌿 - - - - - - - - - -綠色木系小清新配合輕快純音樂環境舒適又闊落- - - - - - - - - - 🥢 - - - - - - - - - ✎籠仔豉汁白鱔飯𝙷𝙺𝙳𝟽𝟷久違的鱔魚我超愛😍鱔魚大概有十塊熟成度剛好肉質嫩滑鮮香不腥不易散鱔魚皮爽又彈 (小心細骨)飯有炒底蛋香加荷葉淡香配上適量咸中帶甜豉椒汁好惹味略嫌木耳較為遜色但整體很不錯✎蟹籽燒賣皇燒賣肉香質感強平時的口感似免治豬肉(有肥肉)這家肉塊肉粒感且有咬口調味少可以食到豬肉鮮香加上肉質結實鮮蝦口感豐富👍🏻✎黑椒金錢肚金錢肚大而厚 質感爽而有咬口清甜入味蘿蔔墊底除黑椒亦有五香粉吊味咸度適中整體油膩感少✎翡翠帶子餃外皮厚度口感似粉果皮彈牙小粒帶子爽脆翠玉瓜大粒爽口鮮蝦搶了帶子風頭✎脆卜卜奶卷熱辣辣炸鮮奶！🤤外酥脆內軟滑還有陣陣椰子香放涼了也不會太甜太油膩✎千層紅棗糕口感煙靭軟糯清香紅棗甜度剛好紅棗味再濃點就更好食

👩🏻‍🍳聚悅庭 (粉嶺)🧑🏻‍🍳👣值得科勞指數：🏃🏻🏃🏻‍♂️🏃🏻🏃🏻‍♀️今日黎到粉嶺祥華邨既聚悅庭食飯，先知原來呢度除左有任食既雞煲或烤魚放題，仲有家常小菜食，而且水準仲相當不俗添。🍽️ 椒鹽九肚魚炸得恰到好處，粉漿唔厚，魚質新鮮嫩滑。呢道小食係一般中菜餐廳唔常見架，好驚喜可以係呢度食到。🍽️ 甜酸菠蘿生楂咕嚕肉粉漿又係做得好出色，薄薄地包住咕嚕肉，肉質酥軟，酸酸甜甜好開胃，拎黎送飯一流。🍽️ 蠔仔黃金餅份量十足，蛋香濃，每塊蛋餅都有好多蠔仔，又足料又好食。📍地點：粉嶺華明路21號華明邨華明商場地下G05號舖#hkfood #hkfoodblogger #hkblogger #hkfoodblog #hklifestyle #foodstagram #instafood #foodoftheday #hkiger #hkeat#hkig #foodie #hkfoodpic #hkrestaurant #相機食先 #香港美食 #followme #followmetasting #粉嶺探店 #粉嶺美食 #粉嶺探食 #聚悦庭

今日咁啱踩開單車入粉嶺，夜晚去到華明邨發現呢間新開張環境乾淨企理嘅中式小菜，見佢主打唔少中菜，夜晚又有任食雞煲火鍋。價錢非常親民，真係街坊價。我哋食唔到咁多，所以散叫中菜醫肚。兩個人食叫咗三個餸，有菠蘿咕嚕肉、椒鹽鮮魷同大大兜嘅腐乳通菜煲。咕嚕肉炸得香口鬆脆，夠晒酸甜開胃。椒鹽鮮魷份量都唔少免頭佈滿，炸蒜，辣辣地送飯一流。個腐乳通菜煲份量多，入邊仲有唔少蝦乾，非常惹味！我哋仲叫咗兩碗飯食添。飲品方面，佢都有唔少啤酒汽水選擇，啱晒家常便飯未到高質嘅抵食中菜。

同好朋友入黎粉嶺呢邊行下街到晚飯時間去左呢間餐廳食飯 餐廳晚市有小菜同任食火鍋揀👍🏻我地揀左食小菜店內坐位好闊落 落得舒服落左單食物都好快到🥢XO醬西蘭花龍躉球西蘭花整得夠腍 龍躉球都炒得好味道仲要有5-6大件兩樣野都有XO醬味道 惹味得黎又健康👍🏻🥢籠仔蒜蓉蝦飯(炒飯底）籠仔飯份量都幾多 蝦肉新鮮 炒飯同蝦好香蒜味 旁邊仲有啲黑木耳 好食🫶🏻🥢甜酸菠蘿山楂咕嚕肉咕嚕肉食落仲脆身 肉身好軟腍冇骨配料都幾多 賣相好豐富 個甜酸汁食落好開胃 正啊👍🏻聚悦居係一間性價比唔錯嘅餐廳 而且味道好唔錯😋

好耐都冇入粉嶺佢啦，今次朋友帶左我去一間食小菜嘅餐廳食飯我地2個人叫左3樣野食，籠仔蒸飯、咕嚕肉同埋瑤柱金菇扒西蘭花1.瑤柱金菇扒西蘭花以西蘭花為主角，再加上瑤柱同金針菇炆煮而成。我覺得呢道菜嘅味道幾清新，清爽嘅西蘭花同瑤柱嘅鮮味，同金針菇嘅口感都好好，呢道菜係一道比較健康嘅選擇，對於想食得健康又唔想太辣太重口味嘅人，絕對係一個好選擇2.菠蘿咕嚕肉呢道菜係一道粵菜嘅經典，用豬肉同菠蘿炒製而成，再加上醬汁同其他調味料。呢道菜嘅味道相當豐富，菠蘿嘅甜味同豬肉嘅味道好夾，而且炸得非常香脆，餸飯簡值一流3.籠仔豉汁蒸白鱔飯以新鮮白鱔為主角，加入豉汁同飯一起蒸製而成。我覺得呢道菜嘅味道好鮮美，白鱔嘅鮮味同豉汁嘅香味好夾，而且比飯吸收晒，個飯仲要係炒底，味道非常正。整體黎講，食物質素高，可以一食再食