聚悅庭 (已結業)

比起去傳統茶樓，喺點心店食點心抵好多！雖然冇茶樓嘅華麗裝修，但簡單舒服嘅環境同精緻點心已經好令人滿足，我哋假期去飲茶，計埋茶錢人均只係$100左右，仲食到好飽😋🌟水晶蝦餃皇 $32晶凝通透嘅蝦餃大大粒，入面嘅鮮蝦爽口鮮甜🌟蟹籽燒賣皇 $28豬肉燒賣好多汁，皮薄餡靚🌟沙律明蝦卷 $30三條炸沙律卷大小同粗幼平均，炸到金黃色好鬆脆，蝦肉滿滿🌟懷舊馬拉糕 $24馬拉糕係我嘅最愛，香甜鬆軟，大大嚿好滿足🌟蜜餞雞中翼 $30除咗蜜糖，上面仲灑左白芝麻，雞翼炸過但唔會太乾🌟原隻鮮蝦腸 $32腸粉質地好滑，包住鮮甜嘅原隻鮮蝦，個豉油仲好香添