聚潮潮汕地道美食

營業中

休息中

踏進呢家店，就聞到陣陣食物香味，我忍唔住期待起嚟 🤤。首先，佢哋個蠔烙做得剛剛好，啲蠔鮮嫩鮮嫩，又唔會太油，啲鹹蛋黃帶咗點小驚喜喺入面。跟住食嗰個韭菜粿，熱辣辣、外脆內軟，啖啖都有實料。特別要提嘅係鹹蛋黃卷，嗰個糖冬瓜夾帶住嗰股甜，同埋嗰啲微妙的鹹蛋味道真係絕配，啖啖惹味👍！個豬雜粉湯底鮮美，飲一啖湯都覺得舒心。豬雜配料準備得啱啱好，尤其係豬心咁滑，豬肚丸就彈牙得嚟肉汁豐富。對，忽然間發現自己唔再係嚟填飽肚，而係嚟過一次味道嘅旅行。每樣嘢食都令我覺得好親切又滿足。嗰種感覺呢...開心到連個老闆嚟問我地食得點樣，我都差啲想話：「做得好勁，肯定會再嚟」。食物同氣氛真係令人好滿足，會係我推介比朋友一個值得一試嘅好地方！ 🍲😋

在復活節假期經過和富中心，發現小店有豬雜買，於是同家人一試。我叫了豬雜米粉，－飲啖湯就知道是用豬骨湯底，非常有誠意。再看餐牌，有多款地道潮洲美食。老闆是大廚，老闆娘就幫手收錢和樓面，用膳期間，不少客人都係熟客。看到告示可以預訂海鮮，於是約埋朋友昨天終於來試晚飯。因為朋友們都是酒友，点咗椒鹽鮮魷和椒鹽九肚魚。兩個小菜做得非常出色，送酒一流。預訂咗凍馬友、潮式炒蟹和豉油王煎蝦，朋友們都讚不絕口。我哋有試咗蠔餅、豬雜湯和牛筋丸米粉。朋友都覺得小店老闆製作認真，最緊要餸菜是用心思去做，不是一般行貨。每人消費大約$280。此店一定要推介給大家，香港越來越少這些用心製作嘅小店。

原本都係聽同事講依一間嘅腸粉好好食，先特意去試吓，點知⋯⋯我反而比佢嘅墨魚卷吸引左！我可以為咗個墨魚卷再嚟‼️佢除咗腸粉和墨魚卷之外，仲有好多野食可以選擇，價錢唔算便宜（我比較少食依啲類型嘅餐廳，所以我都唔係好肯定，但係都應該屬於正常價格）不過我同同行人士兩個人就試唔到咁多，所以淨係叫咗三款唔同嘅嘢試吓特色潮腸粉（牛肉） $39 推薦指數🗯️：🌟🌟🌟雖然同事係因為腸粉先推薦我去，但係我感覺還可以，雖然味道上係唔錯嘅，就算有咁多醬油和菜圃，食落都唔算好重口味，反而有少少淡（就算我點滿醬汁也是很淡）不過佢唔係平時會食到嗰種一條條卷好，中間卷住食材嘅腸粉，而係一塊腸粉皮包咗啲雞蛋、生菜同肉碎，食落冇咁滑身，但都算特別，但係我和同行人士都係比較鍾意食滑身嗰種腸粉多啲潮式紫菜墨鱼卷 $74（8片）推薦指數🗯️：🌟🌟🌟🌟🌟依個真心推薦！佢絕對會係我再想去食嘅主因‼️首先，佢煎到外脆內軟，食落好重嘅墨魚香，有啲似食緊墨魚滑，唔會好重粉感，都唔會一咬落去就散開晒，而且配上佢旁邊甜甜哋醬汁/醬油（？）完全唔覺得油膩，唯一美中不足大嘅就是份量有啲少，好容易食完覺得唔夠喉韭菜粿 $64 （6件）推薦指數🗯️：🌟🌟🌟

兩人395，有生醃、冬菜九肚魚湯、蝦棗、煎帶魚、芋泥朋友在diet，點餐有控制，份量也確實不大。生醃有驚喜，幾乎好過我在潮汕吃到的出品（也可能因為在潮汕去的是網紅店）。朋友第一次吃，有被驚艷到，不愧是潮汕毒藥湯鮮，但九肚魚的軟刺很煩，還是更適合椒鹽。黃花魚沒有，換了帶魚，酥脆但過鹹，下酒差不多。蝦棗滿地道，但價格有點高了，108蚊不到十顆芋泥有芋味，不滑，是樸實做法，前幾口吃著蠻不錯，後面會膩，得配濃茶，不然拉嗓子。下次來試試牛肉

2月3日下午嚟到呢閒食潮洲小店，過咗午餐時間人量較小，可以輕鬆嘆吓。只因自己一人行，所以只叫咗一碗淨豬什湯+蠔餅品嚐。一碗熱辣辣豬什湯，湯底係胡椒味，內有肝、肺、粉腸、脷，每款大概有2或了片，十分豐富。蠔餅正是潮洲式做法，如果喜歡 脆卜卜油炸式味道既朋友，可以嚐試地道味道。店內仲有其他菜式，三五知己又喜歡食潮洲菜，值得過嚟一試。特別一提老闆和店內姐姐十分友善，當天趁佢哋午餐時大家都有傾談，下次一定就吓佢地招牌牛三寶和潮汕牛肉😄

很想吃潮汕腸粉，搜索到這一家，正好在北角附近就來了。腸粉的確潮汕風味，和香港茶餐廳常見的不同，解了饞。腸粉皮薄，上面撒的菜脯很好味。但是醬汁不夠有味道，總體來講比大陸的還是要遜色一些。三拼河粉選了店家推薦的魚丸和肉卷，以及牛肚。味道都還可以，但談不上驚喜，尤其魚丸不太推薦，感覺鮮味很淡。河粉應該是機切的。最後，菜心配牛腩汁很好味！總體來講，如果順路在北角附近，可以一試。但若專程尋找腸粉尋來，可能不會那麼驚喜哦！

同普通茶餐廳差唔多，冇乜特別都算。我哋叫咗個蝦棗(餐牌上完全冇寫幾錢，得相)。點知買單個陣先知$108………108蚊8粒蝦棗，仲要唔係好好吃，認真揾笨。提醒大家唔好亂叫廚師推薦上面啲小食，冇標價錢。小心又俾人屈。

👤人數：3💰埋單：261🍽口味：偏淡🍽菜份量：偏小我諗吾會有第二次，我哋點腸粉加錢加咗生蠔仔，同老闆講腸粉入面嘅生蠔好腥，同感覺唔係好熟。店主拎咗腸粉入去問廚房，最後係一位男店員拎返出嚟，同我哋講係咁樣嘅，唔係未熟。我哋皺眉，覺得就係好腥口感唔好，同以前出面食嘅唔同，男店員竟然話唔食就唔好食，嬲到我哋呢，成餐飯都覺得食得好委屈，又貴。態度感覺好差真係😡😡我哋仲點咗份生蠔餅，明顯同個腸粉嘅生蠔質唔一樣！！生蠔餅唔腥🙄

細個係潮汕食過腸粉，一直念念不忘，香港近年都開左好多間類似嘅腸粉店，但味道都同我心目中不太一樣，今次黎到北角食聚潮嘅腸粉，終於比我搵到以前嘅味道啦！呢度嘅腸粉同香港腸粉有好大嘅分別，佢哋入面係會包雞蛋、肉碎、菜，表面再撒上菜圃粒，腸粉形狀都唔係一條條，更加有食慾😂我地今次嗌左兩條腸粉、韭菜粿、汕頭吊龍麵！腸粉係我以前食到嘅味道！粉皮 皮薄軟糯，搭配雞蛋非常好食！菜圃都有點睛之筆 效果👍🏻腸粉必試！韭菜粿當地好似係叫無米粿😂 食落就好似潮州粉粿個皮包住韭菜，再去煎😆煎得好香口，唔錯唔錯👍🏻最後係吊龍麵，汕頭人食牛肉食得好仔細，仲有好多牛嘅部位名😂吊龍就係其中一個部位👍🏻 整體不過不失啦。最推薦都係腸粉🤩

見open rice啲人話幾好，諗住去醫肚，叫咗碟牛三寶飯，腐乳通菜，凍檸茶。見碟飯啲牛賣相已經好核突，食落仲有啲怪味好似係啲漂白水味。點知食完返屋企不停肚屙，之後仲嘔吐。如果大家唔怕餓嘔就去試吓。

路經北角，想食碗潮式豬雜/魚蛋粉，上openrice 搜尋，見到呢間，又未收鋪，入去試吓。一向食潮式豬雜粉麵，會諗起西營盤正街嗰間，但而家晚上8點幾，冇理由而家走去西營盤，咁就試吓呢間啦，諗住填包個肚就算。舖內為典型港式粉麵舖擺設，以四人枱為主，不算闊落，也不為擠迫。桌上有魚露、二款潮式辣油及古月粉等，達基本潮式粉店要求，店面女侍應態度友善，點了一碗豬心+魚蛋+豬肚丸米粉及凍檸茶，另加通菜一碟，5分鐘上齊，很好！豬心有驚喜，豬肚丸有肉汁，魚蛋唔錯，湯底不過咸，通菜比坊間一般餐廳大碟，全部合共60多元，比起連鎖式麵店高質。老闆會問吓顧客，食物是否合乎口味，呢種小店親切的態度，近年已少見。另一枱食客，可能同老闆熟悉，要求老闆提供hidden menu(代購靚海鮮，並以潮式方法製作)，老闆同街坊相討烹調方式，可見老闆對煮食的熱情，亦得街坊信任。下次會再幫襯，除了因為啱口味的潮式麵食，亦為了老闆對食物的熱情。

很想念家鄉的豬腸粉，在香港很少遇到跟潮汕地區一樣包住的腸粉，雖然還是不及家鄉的腸粉，但還是能夠吃出那種味道，很開心，皮要是能在薄點會更好，點上那個醬好好吃不過有點辣，總言之，想吃腸粉和牛肉丸了，我一定會一直光顧這家店。店裡還有很多菜式，都很想吃 ，奈何胃不下，不過會慢慢試，值得一提的是店員很熱情，老闆是汕頭人，遇到老鄉，會一起聊聊天，非常nice。【牛肉丸】43（淨食）★★★★☆好食好彈好有味，必推🤩【豬肉腸粉】$34★★★★☆ 【鹹蛋黃卷】$64 ★★★個人覺得還行，但並不是很驚艷到我，可點可不點，裡面有點陳皮其餘就是蛋黃餡，皮挺脆的

🌟🌟🌟🌟特式潮汕腸粉 $32 改牛肉＋$3，另加蠔仔+$5吊打平時茶樓里吃到的那些腸粉，生蠔鮮甜，腸粉嫩滑👍👍👍一定要花5蚊加生蠔，有很多生蠔，滿足感upup。一大個腸粉，吃完就半飽了，还有爽口的生菜搭配，味覺層次更豐富。但是汁很咸，注意不要裹太多。一整页潮汕特色小食，平均$60-70，量不大，平時好少見到。味道都不错，但是油炸的，吃完一定會長秤的......

============== 𝐹𝑜𝑜𝒹 𝐿𝒾𝓈𝓉·• 鮮味豬雜飯 $51·• 特潮汕蠔仔粥 $51·• 豬潤﹑魚扎﹑達濠胡椒豬肚丸米線 $43·• 香煎蠔仔格 $68·• 豬肉潮汕腸粉 $32·• 秘製五香豬手 $72·• 韭菜粿 $62𖡼.𖤣𖥧𖡼.𖤣𖥧⚘𖡼.𖤣𖥧𖡼.𖤣𖥧⚘𖡼.𖤣𖥧𖡼.𖤣𖥧⚘𖡼.𖤣𖥧𖡼.𖤣𖥧⚘𖡼.𖤣𖥧𖡼.𖤣𖥧⚘外面睇落係一間普通嘅潮州粉麵店, 點知係一間好出色嘅地道潮汕餐館~有好多款好少見嘅潮汕地道小食, 小食真係好出色👍🏽 同埋佢地自己炒嘅燈籠椒辣菜脯, 食完買左樽翻屋企哈哈.舖頭嘅姐姐好好人, 唔嫌我地煩係咁問野哈哈.聽講佢有時仲要book位先有得食🥶·• 香煎蠔仔格 ✰✰✰✰外皮好香好脆，中間嘅麵粉好煙韌！·• 豬肉潮汕腸粉 ✰✰✰第一次食潮汕腸粉, 個粉皮包住一堆材料, 肉碎﹑芽菜﹑蠔仔﹑生菜﹑蛋之類, 點佢地嘅辣菜脯食好食! 但有啲嫌佢冇一個主角嘅味, 有啲雜不lung咁~·• 韭菜粿 ✰✰✰✰外皮係潮州粉果個皮嘅口感, 入面啲韭菜冇青味, 好香~ 但我才身expect佢個皮會再燶啲脆啲~·• 鮮味豬雜飯 ✰✰✰✰豬雜滷我好入味, 所有野都煮得好軟腍.·• 特

餐廳食品地道，娃娃菜煮蕃茄清甜美味，蠔仔粥夠鮮味，魚蛋彈牙，配上自家制辛辣椒醬，邊吃邊滴汗，超級好味。員工熱情，跟食客打成一片，大家閒話家常，分享食物的烹調方式，輕鬆愉快的一頓晚餐，久遺了的氛圍！