聚賢莊川香農家菜

營業中

休息中

朋友推介這間川菜館，雖然門面很普通並不起眼，但菜式就很有川菜風味，都幾正宗。而且價錢並不貴，算是親民。因為坐位不多又多人幫襯，最好是先預早訂好座位。酸菜魚 $98推介一道菜式，酸辣程度剛好，不太酸也不太辣，很惹味，魚也很新鮮，份量都多。水煮牛肉 $98滑滑牛肉配青瓜、大豆芽，辣度很夠，但略為咸了一點，減少少咸便好了。夫妻肺片 $48 夫妻肺片是牛腱同牛肚，蒜蓉辣椒香濃，帶點麻辣味道。幹煸四季豆 $48不次要試下雞煲同見到好多枱都有叫的烤魚先!

同同事黎食lunch，12點半過少少，3人，唔駛等位。午餐餐牌選擇唔算多，唔食雞唔食排骨既我，只可以揀牛腩麵。留意唔係牛腩湯麵，而係牛腩麵 (冷)，即係加麻醬既拌麵吧。有湯或者汽水，要左湯，今日係番茄蛋湯。好快就有湯黎，飲落有好重既醋味(?)，我同同事都覺得係醋味。酸酸地都開胃，但愈飲愈覺得飲緊醋，唔知點解… 本身番茄湯其實已經好好味，唔需要加醋吧?~ 所以覺得個湯怪怪地。個麵賣相好特別，疊到好高。份量夠食，味道唔錯。呢個價錢既話，喺呢區略嫌有啲貴。

第一次接觸川菜係以前係牛頭角附近工作，lunch 都係到處揾下有咩新野食,於是就連同志同道合的同事一齊揾辣野食我都唔知何月何日開始愛上食辣野係牛頭角發現間小店,店內面積大約可容納20 人左右。聚賢莊價錢算抵食﹑且選擇多。2 個人可以叫3個菜左右，每碟份量唔少，仲可自行選擇辣道通常我都會叫以下：夫妻肺片干鍋手撕雞蒜蓉炒蓮偶辣子雞都係我最鐘意的另有水煮魚﹑毛血旺﹑烤魚﹑干扁四季豆等。。。餐廳位於荃灣小巴站位果邊,所以都好容易揾。

進到店裡，是舊式的裝潢，地下油油的。能看到一點點廚房和儲物的地方，看上去比較殘舊，不太乾淨。芥蘭炒肉片 - 芥蘭有一點點苦，肉片質地不韌，不辣。水煮滑牛肉 - 看上去油油地，食下去果然是川辣，麻麻的辣滲到娃娃菜、青瓜、大豆芽，和白飯是絕配。牛肉嫩滑，份量較少。皮蛋虎皮尖椒 - 尖椒籽很多，辣勁厲害。約有兩隻皮蛋，吃下去不太膩。宋氏口水雞（半隻） - 鋪上厚厚的一層蒜泥，有點味精味道。雞肉嫩滑，份量足夠。干鍋雞什 - 雞腎爽口，入味，不會過咸。有辣椒、紅椒、青椒、中國芹、洋蔥。雞腎的份量比例較少。聚賢莊是川香農家菜，食物味道較濃，也辣。價錢相對便宜，但食物味道不算很好，辣的層次較單一。店內的衛生情況也需改善。

宜安街有很多不同的食肆，但這一間平時總是有很多人。所以特意去試一下，餐廳入邊座位很少，坐得很逼夾，我們一行六個人，坐在唯一一張大圓枱上，貼着廚房很熱、很焗。詳上貼了很多不同的食物照片，很明顯大部份都是辣的菜色。老闆娘推介烤魚，感覺很普通，老實說，跟深圳的烤魚比較，味道是沒有那麼香口！干鍋肥腸 ， 還可以。大盤藕絲，很香口，但份量偏少幹煸四季豆， 很不錯，可惜有些炒燶了孜然羊扒，全晚最貴的一碟，但份量最少，而且偏乾。排骨，普通而且收碟的速度很快，我們還沒有吃完，老闆娘已經走過來說外面有人等位，暗示我們要吃快一點，結果6:30入座， 7:40已經要被催走。我們六個人，叫了六個餸，兩支啤酒，買單要$800 ，不算平，也不算貴，但絕對可以有更好的選擇。

1. More chilles than beans2. But no worries, they let you choose the level of spiciness3. Beans are fried with garlic, which makes the beans very crispy and flavoured4. If you are a chilly lover, I guest it would make you very happy to eat all the fried chillies5. Even if you are not a chilly lover like my friend, you will still find this dish very delicious and enjoyable. I guess this is why my friend recommended this restaurant to me!1. Again, you can choose the level of spiciness for your chi

之前因為表哥介紹就黎試下呢間四川菜，呢間舖比較細，所以坐得唔係好舒服😌而我地就叫左水煮魚，干鍋田雞，雞煲同埋排骨等。我覺得個排骨就最好味，排骨入面都會有d係帶肥既肉加埋調味（好似有炸蒜定孜然粉）食落去好惹味😋個雞煲個量就好少，但個味道個人覺得都幾好味，但如果再重味d既話就更加好啦😃但個水煮魚個人覺得就麻麻，個味唔係幾濃同埋d魚既份量比較少，可以唔洗叫水煮魚都得。呢間嘢入面d炒菜係好好味例如藕片😍

宜安街真係好多嘢食，泰菜，廣東小菜，川菜，拉麵，蛇羹，乜都有。不過本人都幾鐘意食辣，今次試既係農家川菜，睇下味道如何，同朋友兩個人食唔到太多嘢，所以叫左烤魚同兩個白飯就夠，因為個魚都幾大條。魚既表面滿滿都是芫茜，未必人人鐘意，但我就可以接受，放佢落湯到煮，會可以減少油膩感，而且仲有陣香菜味。魚係淡水魚，食落無泥味，而且預先走過油，唔會一夾就散，加上有豆卜，蜆同唔同既配菜，非常豐富，配料吸引到湯汁，送飯一流。

宜安街係觀塘美食既集中地之一，成街都係食肆，行親都會聞到唔同鋪頭傳出既香味。兩個人唔嗌得太多送，叫個冷盤試下先，夫妻肺片，其實沒有肺係入面，反而係牛腱同牛肚，配上大量蒜蓉辣椒，食完個口雖然好臭，但真係停唔到口，師傅落左唔少麻辣既花椒油同莞茜，麻而不太辣，主要係香，話咁快就食曬一碟。 ($4x)而干鍋土雞係用鐵鍋上，下面仲有火一邊熱住，土雞細細粒，好易入口，但碎骨比較多，同埋比較重口味，需要飲多兩啖水，配啤酒同白飯都幾好。($8x)

石鍋雞($198)賣相夠曬霸氣😮，用咗一個好大嘅石鍋，當然雞嘅份量亦都唔少啦，四個人先勉強食完，食落味道唔似普遍雞煲咁濃味，但係味道夠香😋，雞肉亦都好嫩滑，性價比好高。-風味羊排($148)用左好多香料去煮，以為食落會好濃味啦，點知味道唔係好夠鹹，香味亦都唔夠濃，但係肉質都尚算香嫩🤔，不過不失。-酸菜魚($98)以為只係一個小菜，點知嚟到都好大盤😱，魚肉都幾嫩口，不過骨就多咗少少，湯嘅酸味尚算足夠，司令就嫌佢唔夠辣同唔夠香麻啦。

好耐無食辣野，朋友介紹下黎到呢度，其實自己唔係好食得辣，但食落都ok,唔算太辣可接受!鍾意食重口味既，一定要試下!推薦炒薯仔，皮蛋，同豬肚絲! 無得輸!! 錫紙包魚係佢推薦既，香味十足，但味道未能完全滲入魚裏面，雖然唔太差，但係無明爐滾下滾下果隻甘好味!炒菜係有驚起既，佢個樣真係唔多好，但食落就停唔到手!影小左一個餸，得七張相。呢間風味幾正中，可惜坐位不多，想食最好訂定位! 因為我地等位都等左半個鐘。埋單有八五折，唔知點解，仲叫左少少野飲，四位都係$610，算係平啦比起大酒樓!

唔食得辣嘅我今日lunch 同埋d 同事嚟咗食辣雞煲🐔🥘🤣🤣🤣其實lunch 食雞煲仲要係大熱天時，好似過份咗！不過，呢間店要推介一下，雞煲叫咗小辣，竟然可以做到成盤辣椒之餘，但真係可以只做到小辣效果真係好難得！💪🏼💪🏼食到我舔舔脷！😋😋😋👍🏻👍🏻👍🏻除咗雞煲🐓🐔🍲，Lunch仲可以叫烤魚煲同小炒！我見隔離枱都食到津津有味，而其他小炒都OK，又抵食！推介也！😋😋

因為朋友說好吃，所以特意打去訂位晚餐。😡😡😡😡時間到了，明明進到店內一張留座是我的資料，結果因為別人原訂6-7位，實際到場5位，而且與店內職員（或老闆娘）相識，於是把我們的座位編排給他們。😡😡😡😡如此的態度，本人當然立刻離場。永錄我的黑名單。

酸豆角肉碎飯 千其千其千其唔好食 （好重要所以要講3次）呢碟野同求其放係枱面無人食既前菜有乜分別？說好的肉碎呢？ 咁樣都敢拿得出黎比人食？咁做生意太無良啦掛！無下次！

去親宜安街食辣野必定會食呢間，之前食過同一條街嘅另外一間辣野，太多人好逼，味道覺得好普通。喺呢間野食過好多次，由兩個2人餐都係$268，食到而家另外一個餐加左＄10由叫小辣食到中辣。我食到辣，叫中辣就正，食唔到辣就叫小辣啦。干鍋田雞真係好好食，最鍾意食鍋裏面嘅洋蔥同埋蒜頭，入晒味！之後就會食肥腸，好肥，唔係個個人都鍾意，不過我好鍾意啲芥蘭肉片就唔辣嘅，可以中和一下。跟兩碗白飯, 再可以跟埋coke Zero，配辣野最好！每次去到餸嘅份量都可能有啲唔同，有時好多好多田雞，有時唔係好多，不過一定會夠食嘅！唔使加一，連加個飯盒都唔使加錢。