聚賢莊川香農家菜

營業中

休息中

今日好想去食辣嘢，經過呢間店聞到好香嘅辣椒味於是入去試一試。我們一家三口只有我一個食辣，所以我只點左一樣辣味菜式：乾扁四季豆；一款吾辣菜式：一品雞煲。乾扁四季豆點左中辣，幾香，亦都夠乾身，但豆嘅頭尾段太“鞋“口(我知通常餐廳都吾會摘)，食多幾條有介到喉嚨嘅感覺，吾多討好。而另一菜式吾辣雞煲，份量好少吾緊要，醬料太多味道太重，好濃味，吾啱我地食，要問阿姐拎碗熱水浸下先入得口。順帶一提：門口有台，適合吸煙人士。總結：適合喜歡濃味人士。

這間菜馆已不只吃1次，昨晚再约3-5個好友到此店暢饮和享受食物，個人喜歡餐牌上的鄉村雞煲，少辣已鋪满红红的乾椒旨天椒，怕辣的大家都吃得到，好满足呀，足料值得分享，另一款系烤魚……1條爐魚烤好上盤，内還有其他菇菌……芽菜……豆卜……薯粉……青瓜等非常美味，魚肉嫩滑，吃過烤鱼後還可原盤内再加湯打邊爐，精彩精彩，食物即叫即製。唯一系地方雖少，最好謹記电話訂坐，支持小店制作美食同我往年吃的味道依然不变，希望繼續堅持保持水準風味特色菜，果然有特别的風格，由於系小店，叫外賣的老友不妨先致电order才去领取，免卻在店外等得太耐而心情蕉急烦燥(食物的享受就被影响）大厨老板娘慢功出细貨，堅持家鄉風味，加油，堅持為客人厨出食物的味道才是生意轨道之道。

幫襯過幾次都係食烤魚，今次試佐魚雞鍋，味道唔錯，叫佐小辣，但其實唔算辣，食得辣或想食辣最好要大辣個將軍鴨麻麻地，太幹同冇咩肉食，大部分都係骨同皮土豆絲酸味比辣味濃，我本人更愛辣味濃D，不過都幾開胃同爽口木耳肉片個木耳好入味，不過就係份量小D茄子豆角味道都可以就係油佐D同份量小D另外附加餐牌俾大家瞭解下

叫左3個外賣等左8個字，離哂譜！同佢講話唔要啦，佢就拖你話，整好啦！跟住算啦等多陣！我等咁耐當然會黑面啦，最尾走果陣佢話：小姐！我地唔係做你一個人生意嫁！果下勁嬲！🔥🔥🔥佢講句唔好意思我都算，但係講d咁既野！服務差，野食幾好都冇用！！！唔會再去!!

昨晚去了聚賢莊食雞煲，試食毛血旺，家人食豬紅覺得臭左無法食落去，通知服務員，佢自己試食講無問題，我地講無可能，甘臭都講無問題？我地要求退，佢就問甘係咪唔要？還是叫其他，我地講唔要啦，佢講係咪倒左佢，我地講好，點知到比錢時，佢照計錢，同佢理論就係甘講自己食無問題，真的態度超級差

今晚在官塘晚餐因太夜了約十點幾！又唔知食咩好，原本去了一間叫澳門XXX茶餐廳（出名咖哩牛腩）招牌寫住個間，是但入左去叫了雞煲及招牌炒牛河，點知仲伏雞煲得個兩三件仲係'mui '叫伙記來取消之後走人（已付茶銭費$15元）之後上了一條街見到有聚賢莊便試試因本人也喜歡吃辣。叫了半隻囗水雞小辣（已很辣美味）水煮魚片小辣（一般辣）下次可以試中辣，多人來食可以試多些款式。直得一試。

今次係第二次去，其中叫左碟孜然排骨！成碟都係骨來！肉同骨比例差不多1比99！好聲好氣同佢地講聲！點知大大聲凶人話排骨當然有骨..隔離台都都有叫呢碟野！睇到佢地碟都叫正正常常..冇下次

自從一年半前偶爾路過發現此店，至今已經去過十幾次。一直想寫食評，一直為這間店的好評那麽少憤憤不平，只可惜，懶癌又發作了⋯⋯今天去之前，便立下軍令狀，一定要為這間隱密的小店寫一次食評。他家的味道就是一個大寫的讚字。（川菜水煮系列除外）兩個人三個菜，兩瓶青島，一罐涼茶是標配。今天點的是鄉村牛雜（小辣）。辣椒雖然看起來很多，但實際辣度尚可，大概就是譚仔中辣的水平。我們曾經點過一次大辣，我吃了三口嘴巴就腫了，不停流眼淚。牛雜處理的很軟很乾淨，加上秘制醬料的辣味和乾鍋的焦香，送酒下飯都是一流。還嘗試了野山椒牛柳絲（中辣）。辣度也可以接受，牛柳非常軟嫩，炒的也很入味帶有泡椒微微的酸味，實在令人稱讚。今晚是肉食大會，第三個菜也是重肉系列：孜然寸骨。他家的豬寸骨比羊排好吃，也許因為羊排肉太厚，不易入味。而豬寸骨對比九龍城的那間著名湘菜性價比高很多。寸骨炸的比較透，肉質鬆軟不柴，配上孜然豆豉辣椒碎，其中滋味，我不說，相信也可縈繞在你的口中了。小店位置不難走，桌子比較少，晚上七點後一般要等位，有興趣的，請趕早

同朋友食晚餐，店舖不算大大約二十多個位，幾簡潔叫咗田雞鍋同一個水煑魚田雞鍋配料很多，十分麻辣可惜斬得細件沒有咬口，蒜頭辣椒餸飯一流水煮魚都有好多魚片，十分鮮味個汁餸飯亦都一流，兩個人十分䦕胃叫左五個白反總結出品吾錯，一定再嚟