聯邦皇宮

營業中

休息中

今日又到我最愛嘅飲茶時間，今次我哋去到聯邦度飲茶，可能因為午餐嘅關係，所以都唔少人喺度已經飲緊茶。 今次我哋兩個就叫咗五個小食和點心，味道都唔錯，但係有啲就未夠熱。點會錯過最愛的馬拉糕，但馬拉糕唔夠熱，幸好口感仲唔錯，而且有少少甜味，十分之好。雞包仔包入邊嘅材料都好足，而且味道不錯。 牛肉腸都係帶點凍，而且牛腸材料不多。蒸小籠包，小籠包可能因為周邊冇落油的關係，所以周邊會比較黏，食得比較困難，味道唔錯，而且還有少少肉汁。最後就係食炸雲吞，小小油但係入邊材料就偏小，如果熱一點

打風後，一個人飲早茶。很多人排隊，一個人也排了半小時呢！一張枱坐了三批人，還可以啦。點了三個點心，分別是三色腸粉，燒賣和綠豆沙。我覺得三色腸粉這個很好，有時一個人想吃腸粉，但同一款吃三條卻太多，三色腸粉就很好地解決了這個問題。燒賣，味道正常。可惜有點韌，希望下次會再好吃些。綠豆沙，很足料，不錯耶。對我來說，這個甜品結尾，很滿足。早茶時段到1130，因為先前等位的緣故，飲得有少少趕，大家飲茶記得預留等位時間，會舒服一點喔。

呢間酒樓真係一次比一次差， 今次同屋企人去飲茶，因為稻香好多人，結果去咗呢間唔使等位嘅聯邦皇宮... 入去坐低咗，等咗15分鐘冇人行埋你問你要乜嘢茶， 舉手？你會見到啲員工喺不遠處圍埋一堆傾計… 好啦，終於叫到人買嚟擺返啲餐具啦，我哋有六個人 佢擺5套餐具，咁我就出聲話畀佢知我哋有6個人啦， 結果個侍應好大聲咁同我講： 我點知呀！我啱啱先返工我！又唔係負責你呢張枱嘅！你同我講嚟做乜嘢呀！ 嗰一刻 我忽然之間覺得自己係貼錢買難受！ 完全不知所謂嘅服務態度！！！

放假同家人去屯門碼頭嘅聯邦酒樓飲茶順便拎埋啲蘿蔔羔，雖然未夠三點半酒樓啲員工已經圍哂板準備夜晚擺酒，都唔緊要嘅 明白過年過節人多食飯需要時間準備，見人家咁趕咁食左都走喇，因為中間又嚟錯左點心，而且之前又試過收多左錢，所以埋單睇下張單有冇錯都應該是正常吧⋯咁見張單列出嚟 點嘅點心都有寫係咩，其中一個就冇寫咪問一下，點知個電左髮嘅收銀員就發脾氣 係出大排擋拎嘅野 係到話次次飲茶都咁樣，講真都唔係因為中間有嚟錯野之前又收錯錢 都唔會睇，唉，好聲好氣問下，消費重要比人鬧番轉頭 以後都唔去依間垃圾酒樓 重話係聯邦集團 請埋依啲人唔怪得啲茶客越嚟越少 祝聯邦集團早日被依啲人拖累 早日關門大吉！！！！

聯邦這間酒樓成日好多人，星期六比較好d，今日好快有枱的。叫左碟牛肉腸粉，唔夠熱，腸粉也ok，唔算好厚，都幾滑身！出面大排檔叫了蘿白豬紅，蘿白夠淋，入味，少少辣夠惹味，豬紅好味，唔散又唔實，好爽口好味！生炒排骨，蕎頭煮的，好味，酸酸甜甜，排骨香脆，唔肥，粉身夠薄，好好味呀，有d青椒的，正細細個水壼，下午茶好多人煎尖椒，樣子討好，薄薄魚肉一片，尖椒唔辣，好味道糯米包，好大個，好香，糯米唔算好粘，有臘腸粒，花生粒，好食咖喱魷魚，好大碟，配蘿白，咖喱醬好結身，唔算好辣，魷魚爽身好味干蒸牛肉，四粒，不過唔乾身，似山竹牛肉多d好多葱粒，有馬蹄粒，好味唔粉身叉燒瀨粉，好稀，好多湯，叉燒好肥又乾，呢個一般

今日去飲茶全部點心食哂；唯個蒸飯等左半個鐘都未到；追單先知未落。等多15分鐘都未到；跟住搵個侍應個待應當新客透明唔認；再叫佢加水；佢就唔願意咁攞左個水壺；但佢唔係幫我加水；而係去熟客度服侍熟客；仲要個身背住我老公；個嘴不段鬧我老公；態度非常差！所以我決定以後都唔會去聯邦。

碌卡三干！。 個部長返轉頭抓tips...話要交代老細！。 🔥🔥姑姐話俾五十！😡我聽到好滾，加左一！。 點解要交代老細！可以咁核突問人拎ka 咩！。 點解要俾！🔥。blacklist ！。 本身服務係ok ge..不過冇下次食物普通

同媽媽個邊既親戚到了屯門的聯邦酒樓吃飯，這算是個大的家庭聚會吧！我地嗌左一圍枱，成個package都唔算好貴唔少得一黎既一大隻乳豬，乳豬皮香脆而且脂肪不算太多，調味也不錯，不算太鹹 ,一人大約兩至三件，都好好食。其實之後都係個d啦無特別，大約係鮑魚時菜，炸水果卷配沙律醬，伊麵，飯等等。白灼蝦，時間控制得不錯呢，因為它不算太鞋口，一點也不老，爽口彈牙！不過鮑魚時菜就唔好味啦，因為鮑魚太林口了，又勁多汁，都唔似食緊鮑魚糯米飯同伊麵都OK.壽包，好有意頭！中心熱而甜，甜在心頭成餐飯有講有笑 都幾開心的，食物水準還oK吧，服務不錯。

聯邦酒樓在屯門碼頭已經很多年了，很耐冇嚟，今次去湖蝶邨新街市，所以順便來飲茶，等了幾個字有位，點心紙只有一張，夠方便。潮州粉果，皮薄多料，好味，好香沙葛花生的味道叉燒包，都好香，叉燒唔肥好味，包夠軟身，好味。通菜夠綠夠新鮮，好味，加埋腐乳一齊食，正。糯米包，皮薄好味，唔係好多酒樓都有，入面糯米有花生，臘肉好香，好好味呀。牛肉好淋，唔多似干蒸，不過都夠味的，有葱的。炒麵好多芝麻，正，夠香乾身，唔油，加d甜醬好好味仲有蛋tart, 生炒排骨，紫薯包，都好好味，蛋夠滑，紫薯唔甜夠香，生炒骨ok唔肥的。

叫左隻片皮鴨，點知佢碟京蔥叫有四粒，我地問個部長有冇得加，佢話要十蚊，十蚊得四粒京蔥都係第一次見，仲要話係公司要求，我從來未見過食片皮鴨係咁囉，真係好失望！仲話大酒家，不知所謂！

前後去過4次，頭2次野食新鮮有驚喜，後2次去1次比1次差，應該再去機會唔大，除非野食同上枱改善番價錢以同區黎計算貴少少，講番野食方面：牛肉：第一、二次ok，之後越黎越差，連佳寶仲好食過佢新鮮牛肉：暫時覺得最好既一款食物，有牛味鮮蝦丸：最保持到水準既食物，應該係新鮮打出黎，呢個推介要食雲吞：第4次去時，皮硬肉少，唔會再食同埋佢每枱會送一碟「所謂」海鮮，同芝士丸，海鮮除左蝦外可以唔食同唔建議食，如果佢芝士丸可以任點會仲好！**補充：下面相片係第一次影，而家既上枱擺設同水係唔會想食，希望店家見到後可以改善番水準！

爸爸媽咪總覺得屋企附近的酒樓質素一般，  他們卻喜歡到 <聯邦皇宮> 食晚飯！  所以，父親節晚飯及媽媽生日飯也選址位於屯門啟豐園的 <聯邦皇宮> 慶祝！ 2015/6/12我們一家選址到屯門啟豐園 <聯邦皇宮> 食晚飯慶祝父親節！ 由於，我掛住 shopping，所以最遲到！去到媽媽已經點好菜！ 雜豆酸菜 $12埋單時，才留意到這樣小食的收費！  蠶豆、青豆、炸花生，全部都香口惹味！ 惠顧晚市會送贈劵，只要刮中指定號碼，便會獎賞不同美食！ (惠顧滿 $380 才可使用！每枱只限使用一張！)海蔘扣鵝掌 (贈劵送兩客)冬菇軟腍入味，  鵝掌卻是甩皮甩骨！ 花尾躉兩味 $168媽咪最喜歡一魚兩味！ 燒汁翡翠炒球炒龍躉魚質嫩滑鮮味，翠玉瓜則青爽，整體口味清新！ 豆腐豉蒜蒸頭腩 由於魚頭魚腩出油，整碟較油膩！  加了陳皮作調味，魚肉鮮滑之餘，亦帶有陳皮味！  卻是蒜頭豆豉調味重手一點！ 百合雲脆瓜鴕鳥片 $60 炒鴕鳥肉跟牛肉的色澤及肉質都幾相似！  起碼食完不會令我皮膚敏感！ 肉質鬆化而且夠入味！ 波士頓龍

屋企人有天話經過見到都抵$388有3個餸，找了一天平日8點去食。去到吾叫多人，有一半都劃左房之類，或許因為佢而家叫左聯邦皇宮，價錢都加左價。所以少左人黎，我都見不少人叫這個餐。芝士波士頓龍蝦伊面：個汁都有芝士味，汁的杰度可以接受，龍蝦都有幾舊肉睇下同都有口感而冇梅的情況。面分量都不少同入到芝士味。脆皮吊燒雞：雞肉仲嫩滑同有雞味，皮都仲有少少脆口，味道剛好不用落豉油就可以。份量都多。清蒸沙巴斑仔：魚質都叫滑同有沙巴仔口感，有蒸得太淋而吾好食，份量都大約一斤，豉油汁加䓤食就最好，但太遲黎關係都食飽。最後係食吾完。等到差不多食完先黎魚，其實都飽吾想食，買左個蛋糕開左，待應都快手問要吾吾碟都吾錯態度。但結帳由原本$388變成$450左右，覺得一般抵，因為都百多元一位。

屯門碼頭,啟豐園我估有十幾二十年歷史,只係屋邨商場,賣的東西,大部份都是中學生愛的玩意,食店只是小生意,全部商店也是較舊,唯獨呢間聯邦皇宮燈火通明,全部不設塔台,環境衛生.服務.也合乎水準.义燒腸18.8元:腸粉的皮相當滑.而夾下去亦會散.可惜义燒實在太凌碎.而且肉質偏瘦.太少.味道,不會覺得甘香,反而感到义燒肉質有點實而無味.海哲熏蹄32元：沒有影飯.其實相當大碗,材料海哲熏蹄份量亦大,其實涼菜味道差極有限,味道的確感鮮甜,點酸醋拌飯.亦較醒胃.點心拼盤21.8元:我只吃了蝦餃.燒賣.义燒飽...蝦餃.大大粒.皮厚薄適中,有蝦粒同荀尖,蝦爽口.不會太乾..燒賣,肉質亦算新鮮,味道香甜.义燒飽,皮較硬,同樣犯著义燒粒瘦的錯.一般還有一個48元的飯.二人茶錢....145元合理..味道不差..環境亦不俗,不過不會特登來此處飲茶...

今年母親節！媽咪決定到屯門啟豐園 <聯邦皇宮> 食晚飯！  她說笑：母親節並非無親節！  但她不想喝其他人迫，叫我們慶祝後補母親節！裝修後的 <聯邦皇宮> 簡約光猛鮮明！寧舍醒神！ 我們看過印刷精美的餐牌，好像 File 入住，相當企理！( 不過，磨紗膠袋影響，影出來朦一點！)  雲耳百合脆瓜鴕鳥 $60駝鳥肉無論外表及肉質，跟牛肉很相似！ 肉質軟腍，同屬紅肉；駝鳥肉比牛肉更為健康！咬落軟腍多汁！還有青翠爽口的脆玉瓜及軟滑的雲耳，整體不過不失！ 金磚豉油王海蝦以豉油爆新鮮蝦！色香味俱全！  鮮甜彈牙！同時，豉油能提升味道更惹味！  連蝦殼也是脆卜卜！薄得來還可以吞落肚！ 原隻湯鮑扣玉掌 $48 x 4 鮑魚扣鵝掌是務實的配搭！ 以鮑魚汁去扣，精華盡在此！鮑魚及鵝掌皆入味！ 用上原隻六頭鮑魚真材實料！又富嚼勁！ 鵝掌軟腍容易入口！真是回味無窮！ 京式賽螃蟹 $63用上蛋白、蝦肉粒、花生粒、瑤柱去炒，伴上一隻云蛋黃，蛋白炒得尚算滑！把蛋黃拌勻，口感更加嫩滑！ 杏仁茶 (贈送)意想不到除了紅豆沙之外，還有杏仁茶！很驚喜！杏仁茶散發清