聯邦金閣酒家

營業中

休息中

其實已經幫襯過好多次，野食好味，價錢划算...總括來寫la~牛尾煲- 由於每次都係帶新朋友上去食，於是每次都必食牛尾煲，d 牛尾好「林」，個汁好好味，次次都要撈飯食，介紹親俾每個朋友都讚好~片皮鴨- 個皮真係幾脆wor。一鴨兩食，另上炒鴨絲，響Aus 返來的uncle 都like。千島醬骨- 仲食左千島醬骨，d 骨好熱好香口，用千島醬炒都ok，不過d 醬可以少d蛋白炒飯- 都好好咪wor~牛油果軟腳蟹壽司–中式酒樓有如此水準已經好唔錯紫薯漫菜苗–菜式特別，連啖湯都好飲牛肋骨配凱撒salad –都係0個句，中式酒樓有如此水準真係好唔錯，Caesar salad 雖唔及dan ryan's 好食，但都好味過outback wor~ 牛肋骨好大份呢d 係比較有印象的菜式，整體好好味，有誠意，感覺亦比一般酒樓high d，但又唔算貴。係服務就一時時，d 侍應只係有時唔夠醒，at least 都有禮貌la

今晚同2個朋友食飯, 因為大家都係片皮鴨癡, 所以專登黎呢度試下.我地叫左片皮鴨2食, $178, 分別係片皮同生菜鴨鬆.片皮鴨好正, 隻鴨唔肥, 皮好脆, 3個人真係食唔哂,但係d餅皮唔夠夾, 要加多$30要多1打皮.生菜鴨鬆: 好食, 同鳳城有得fight, d生菜剪得好靚(個人認為有d多餘), 唔太咸.魚湯竹笙浸菜苗: 魚湯好甜好清, 都ok.我覺得呢間service都ok幾好, 食完飯仲送水果盤, 不過唔知點解冇乜人, 10:30只係得番我地一枱客.我下次都會再去幫襯佢既片皮鴨!

2007年4月13日，20:30難得欽差大臣有空，便與他倆來頓便飯。因誤會有夜茶(點心)，誤打誤撞入了這店。因大人夫人是洋人，所以二話不說，大臣要了客蚧子沙律。本想點片皮鴨兩食，奈何沽清>.<。祇好要了至尊生菜包，再加了鬼馬牛肉和海皇豆腐。最後為夫人來份芒果布丁。蚧子沙律：食味一般，未見突出，中菜館點西菜- 收貨！鬼馬牛肉：梳打牛肉，鬼仍脆。海皇豆腐：內含鮮魷、桂蚌、帶子、蝦仁和豆腐，不失鮮味。至尊生菜包：配料有鴨鬆、魷魚、松子仁…等，食味偏鹹。伙計反應稍慢，自作主張，有點心不在嫣。題外話：和大臣認識已過廿載，但見他倆仍十指緊扣。大臣對夫人仍是無微不至，真是羨煞旁人！

坦白講, 我不嬲對聯邦集團都冇咩好感, 無他, 咪就係覺得佢地d野唔好食, 名大過實囉! 但好衰唔衰, 屋企人無啦啦話去呢間野試下喎, 話佢新開張都未試過, 於是咪懷著呢個15/16心情, 博一博囉!冇訂位就去食晚飯, 好彩都比較早, 一行五人唔使等位, 地方大, 好光猛, 環境唔錯! 侍應招呼都算ok!咁我地叫左片皮鴨兩食, 上湯蒜子浸豆苗, 豉油王蒸豆腐, 例湯(西洋菜煲豬肺), 同埋生炒糯米飯! 片皮鴨兩食之第一食片皮鴨, 特登叫佢地搵一隻瘦d, 皮好香好脆, 片得都好薄, 而配片皮鴨粉皮亦都好薄, 食落唔會成口油, 幾好味; 片皮鴨兩食之第二食七彩炒鴨絲, 鴨絲好鬆, 一d都唔老, 配上味菜芽菜一齊炒, 好爽好惹味, 好七彩同埋好開胃添; 上湯蒜子浸豆苗, 豆苗好嫩, 個湯好清, 幾好; 豉油王蒸豆腐, 豉油唔會太咸仲有少少甜咁, 豆腐好滑, 唔使咬都吞得, 一流; 例湯(西洋菜煲豬肺)足料, 冇味精好味; 生炒糯米飯, 糯米煙煙韌韌, 好有咬口, 媽媽仲話佢真係生炒冇蒸過, 炒得好好味, 係d蝦米味太咸同埋太大隻, 有d恐怖! 不過最後我地都係一件不留, 全部食晒! 再叫左B

上星期係度飲，開席初頭都冇嘜問題，因為呢度係由伙計分配食物，但開始食緊個乳豬時，個伙計己經好心急咁要收我碟，我用不滿眼神望不望佢，佢就話咁樣會食得快，好過自己慢慢，而且個伙計全程一笑容都冇，你話服務態度係咪好差。

禮拜朋友約我去佐敦永安上面間聯邦金閣食晚飯,估唔到裝修得好新穎,都幾優雅.同我去開D聯邦好唔同.連食物品種都好國際化,竟然有壽司,七味軟殼蟹,燒牛肋骨,Caesar Salad...D西式日式食物做得好PRO,問經理佢話有獨立日本廚師做,唔係中廚做埋,所以好得!而中菜方面我地食半隻燒鵝,焗魚咀,排骨菜心煲,炸鱔球...唔記得重有什麼(因為唔係本人點菜)全部都好好味!我個人好鍾意呢個中西日組合,我會再同屋企人食,因為老人家可以食傳統中菜(佢有個大魚池都好多海鮮品種),細路後生實鍾意食壽司,唔駛D後生同阿爺去酒樓食飯好難為佢咁.晚埋單9個人每人AA制$110 連貼士,一般出街食飯消費價,但以是晚質素就好抵食!