肉餅哥小炒料理 (已結業)

非常唏噓 肉餅哥剛開業時爆場要等位 又好食又有創意 食到今年年頭 食物質素仲保持到 但侍應已經西面冇禮貌 最近再去 感覺好像在垃圾堆食飯 廚師收銀送餐接外賣電話都係同一個人 堂食用膠兜 肉餅又霉飯又硬 金沙汁走曬樣 食到一半放棄 地下張枱黐立立 食完第二日搞肚瀉 我講出事實 當然唔係想老闆執笠 係想老闆反省振作 畀啲心機 做返以前出色嘅肉餅哥 以前真係真心好食 山長水遠由港島過嚟再幫襯 點知間舖搞成咁 真係好唏噓 希望老闆畀啲心機 搞返好佢

同男朋友係元朗渣車返荃灣，突然醒起不如買肉餅哥外賣返屋企食啦！因為平時渣車返去個時，都會經過！入到去見到有幾個人坐係度食 但係堂食都係用外賣盒食睇餐牌 得一張餐牌 又無人招呼唔緊要啦！可能疫情關係 無乜人返工啦咁我就叫左兩盒外賣一盒叫做黃金流沙肉餅另一餅叫芝士肉餅外賣有88折 總數係$135送汽水廚房師傳做埋收銀 一腳踢但態度非常差 無禮貌 我比$200 佢話無得找？咁我咪搵散銀比佢 我都係比$150咁都算啦！疫情關係 大家都忍讓下重點黎啦⋯⋯返到屋企打開個飯盒同我幻想既煎肉餅差咁遠？佢係長方形 啲肉係梅架！食到我成晚唔舒服 想嘔！我都係第一次嬲到我要上黎出post 話比大家聽！

成間餐廳主打食物就係肉餅，佢都叫幾創新，估唔到肉餅原來可以有咁多唔同嘅款式。疫情期間都唔係好想外食，所以嗌左肉餅哥外賣，蟹蓋煎肉餅，都幾得意，真係成個蟹蓋咁樣上，肉餅唔算大，飯有少少硬，例湯味道都唔錯。叫做求求其其食一餐啦，價錢來講略貴

之前已吃過很多次，覺得食物和服務都保持有質數，有水準，食過返尋味，如吃肉餅一定要來此店，也推薦給朋友！不過今天再次光顧後，感到非常失望，非常憤怒，非常不滿！進入店後，感覺入咗垃圾堆田區感，牆上好多塵，店角和牆邊都放滿倒轉的臺凳，客人飯桌側還放一對拖鞋（像老闆用的），冷氣又冇咩，上餐都用膠盒裝和即棄餐具，像吃外賣快餐感覺，食物質數也非常非常差，飯又硬，肉餅又乾，又多油！雖然話人手短缺，怎麼連一個服務員也沒有，一人的餐廳，老闆是他，收錢是他，服務是他，煮的是他，但服務和質數真的差得冇朋友，價錢也不平，真的再沒有下次了！

外賣送餐，叫左臘腸蒸肉餅飯，個蒸肉餅食落好似「梅」左甘又完全無味，一夾個肉餅就散，似係蒸左很耐很耐，不像以前甘有煎個塊肉餅同有味道......真係好好好難食。臘腸食落有筋又有渣，食到要吐番出來起初以為唔熟，再睇真點原來用既臘腸不是以前食開的味道，以前呢個飯還會有潤腸，可惜現在沒有了，最後食到要自己拿腐乳出來在家送飯食肉餅哥不是第一次光顧，以前食物很夠味，會食到你想再返轉頭幫襯。但以家甘既質素比去年差左很多很多很多很多，我們不會再幫襯。

肉餅哥平時常於茶餐廳點既餸、屋企又會成日煮到，吾會話好好味，但又吾會點伏，又飽肚。但估唔到一道咁平常既菜式，原來呢度可以玩到咁多款式第一道D芝士可拉到長長的～正邪惡食物一定唔會難食第二款黑松露好足，但相對較dry，要叫個湯同汽水飲下，味道都ok傳統中式家常菜可以fusion 西式材料，都真係幾特別。飯仲有油飯菜飯等選擇整體味道份量也不俗，一個人吃不掉一整份。最好三、四個人一齊食，試多幾款味道，又可以開心share

肉餅成pat野咁，唔係肚餓我都食唔到一半，又多筋又多肥肉，食落去係林啤啤完全唔係肉餅應有質感 ，條臘腸淨係睇色水都知瀨野，食落堅係瀨咗嘢，仲差過大陸街邊不知名臘腸，十分懷疑佢條臘腸唔知邊度做同用乜做（食落唔係普通用豬肉整既臘腸），伏到爆炸！！！！仲有個菜飯，第一次見菜飯入面d菜又黑又黃,仲有d係爛咁，d飯仲有d係生米，仲敢收67蚊！早知係咁你貼$100比我都唔食呢間野。Btw佢係app入面係可以選例湯同時選野飲，但只係送左可樂，無送湯，不過算，咁既質素，留返比老細自己飲啦！本來都唔想寫咁長，但一定要夠200字先比留評價🤷🏿‍♀️

肉餅哥當然係全部都係食肉餅啦！已經食咗好多次，最喜歡係墨汁魷魚肉餅，食落有粒粒魷魚，好足料，口感又好，調味又唔會死咸。三文魚肉餅其實都幾唔錯，塊肉餅入面又夾雜住d三文魚肉，口感幾得意，夾埋一齊個味又唔會好奇怪。京葱羊肉都推薦，有羊肉味又唔會好蘇，如果食得悶悶地轉下口味，食羊肉餅都不錯。XO醬帶子肉餅就麻麻哋，淨係得啲一pat XO醬喺塊肉餅上面，個醬味道正常，不過好多好多油喺塊肉餅上面，搞到我都唔想食。即叫即生蒸肉餅，都係推薦之一。食過臘腸潤腸蒸肉餅，同黑椒雞腎蒸肉餅，都不錯👍🏻係食到最後都有少少油喺個底。

肉餅哥果然專做肉餅，店舖取名實在。老闆後生仔，在荃灣店打享名堂後，各區都開了分店。問題出現，也是餐飲的老生常談，究竟如何維持分店出品，確保食物水準穩定如一。 外面答案就是行中央廚房制，奈何肉餅講究新鮮，行不通。 分店逐漸結業，也因租金緣故。荃灣是總店，我也只曾光顧此間，勝在門口有泊車。 點了兩個肉餅，一煎一蒸。今次廚房失手了。蓮藕蒸肉餅，竟忘了下蓮藕，不過也算吧。只嘗淨肉餅飯。肉確實鮮味，但食不到秘方，想必也加了生粉蛋漿，令肉質滑嫰。另一個是蟹蓋煎肉餅。蟹肉及膏味不夠濃，是敗筆，要改善，要後期加味。現在吃的感覺是純肉餅加在蟹蓋上。 肉做得厚，將蟹肉打碎在肉餅內，再釀回蓋中，反轉煎香。手工功夫有創意。建議買些急凍蟹膏加味，會食得更加開心。 今次確實差了。有人說，外出吃飯不要選在星期一，確實是的。但自己已光顧多次，不會因一次不足便沒殺它的價值。 人手方面，40位地方，用上樓面4個，有點多。 但奇怪都是年青貌美的少女，老闆有吸引力吧。 另外，以往吃飯有奶茶咖啡另叫，但今次卻說晚餐只有罐裝飲品了。不爽呀。門口有張不顯眼海報，支持呀。 加油。

開始要走出港島區了，到處覓食去這次來到「肉餅哥」，真囂張，自稱哥，肯定要試試，畢竟哥只是個傳說，不要太崇拜哥，是吧。嗯，的確是很特別的肉餅，特別普通的肉餅...難道是我口味的問題？？畢竟我實在沒太多吃肉餅的經驗，問了問同行朋友的意見。你身為香港人怎麼評價這個肉餅，他很尷尬的說...真的很普通...就材料混在一起煎，不是蒸的，有點乾，而且味道不是很搭。肉餅哥，我們的緣分就點到為止，很高興認識你，你沒有錯，是我被其他美食誘惑，希望我的離開你能過的更好

呢間肉餅哥不得了，一年出去食咁多餐好難得遇到間餐廳可以咁差。服務：0服務，我諗無講多謝byebye係香港會係正常發生既事。但呢 3位員工塊面由頭黑到尾，上菜就咁車兜肉餅上枱，對自己既人就嬉嬉哈哈吹水，仲要突然勁大聲播歌（唱k的音量，嚴重影響食客）。最搞笑係佢牆上有張poster叫我地原諒員工黑面係因為工作太累了，十問九唔應係因為現場環境太嘈.....咁樣就可以敷衍了事，香港既食客咁好厄咩？食物：肉餅一定有用粉那過，唔知食緊咩落肚，茶記比佢仲足料。環境衛生：拎匙羹飲湯，點知兩支都有食物殘渣係上面，OMG..枱凳也是黏黏的價錢：平均70蚊一個人頭，配上咁既體驗,完全唔值呢個價！！大家諗清楚決定係咪食呢間野..荃灣咁多食肆，唔駛咁折磨自己

聞名已久既肉餅哥呀一入座就有碗湯飲上，難得地碗湯無乜味精既 feel , 清清甜甜咁。餐牌有勁多款肉餅，有 d 好誇張既口味都有，其實我覺得成舊水食個肉餅飯係好貴既事，但係間唔中的話都 ok 既，第一次黎，我就叫左個 XO 醬帶子肉餅，仲有芝士波，味道好 nice 芝士味重。肉餅上有好多 XO 醬，帶子就唔見蹤影既，應該係已經擺埋落去一齊做成肉餅了，肉餅整體咸左少少，油得滯。但肉餅同 XO 醬都夾味既朋友叫鵝肝肉餅，成大塊鵝肝係勁厚身。咁樣3樣野 Total 就$199 不過性價比好低，不過不失吧。

我老公不喜歡吃肉餅，所以就算住在荃灣 一直都沒有來試，今日放工後我特登早咗一個巴士站落車，行咗20分鐘來試一下肉餅哥。點了鹹蛋黃蒸肉餅＋辛辣麵，其實一向行緊生酮飲食的我已經很久沒有碰過澱粉質，但今晚我決定為肉餅哥， 破戒一次！但食物係失望的。肉餅相信對好多人嚟講 都係一個兒時回憶，但放在眼前的肉餅 好明顯用嘅豬肉係非常一般嘅豬肉，肉餅應該要帶點肥、帶點油，要juicy先好送飯。 我慶幸嘅係我冇叫到白飯，如果唔係就乾上加乾。但個辛辣麵落水太多，同埋煮得太淋，一D都唔彈牙， 其實一個有塑化劑嘅麵都可以煮到唔彈牙嘅話， 廚師嘅功力可記一功！

真心，希望個老闆睇到意見，諗下點樣改善服務質素，肉餅話好食又唔係特別好食，但差又唔係好差，花膠太乾，肉餅太咸如果食物好味，員工服務態度差，我都會再幫襯，但食物又做得唔好，服務又差，點會再黎？唔係貼住張sorry，我態度差係因為心情差，唔夠訓，失戀，太忙⋯⋯⋯等等嘅借口比員工中意點差嘅態度都得，顧客係唔會接受

同朋友兩個人去食午餐餐廳位置有點偏僻但門口好易見到餐廳入面環境都好舒服雖然唔大 但坐位寬敞👍🏽叫飯就有餐湯送！🤩應該係豬肉蘿蔔湯味道唔錯 好清甜😋1️⃣金沙蛋黃煎肉餅主角黎啦！呢個真係好好食！- 上枱嘅時候熱辣辣！超香鹹蛋味！😭😋- 飯可以自選白飯/菜飯/油飯- 肉餅食落一啲都唔乾！又唔會好濕，啱啱好👍🏽2️⃣墨汁魷魚煎肉餅唔好睇佢個樣咁，佢都好好食！- 墨汁味好香，好入味👍🏽😋- 雖然唔似金沙蛋黃嗰個咁係淋啲汁上去，但呢個一啲都唔乾，都唔濕👍🏽整體而言，肉餅真好高質！味道好，又大塊，性價比好高👍🏽餐廳環境都唔錯，細細間但坐得好舒服佢仲有好多唔同特別口味嘅肉餅，下次真係要再去試！🤩