肉餅哥小炒料理 (已結業)

蕉姐呢兩日嚟個荃灣區飲食分享，因為近日同位荃灣區街坊傾開，平時係荃灣好咩飲食習慣，佢話每次放工回家都見到肉餅哥，而且食客也很多，叫我有時間就嚟一趟。好~今次就嚟荃灣踩踩場~來到“肉餅哥小炒料理”，餐廳內真係座無虛席，坐到密密麻麻，每擡都叫了肉餅，我同朋友梗係唔錯過叫番個肉餅啦～不過首先被“肉餅哥秘制沙爹牛肉”吸引，哈哈~先講沙爹牛肉，香濃沙爹超惹味，牛肉嫩滑，同我哋搭檯隔離位對夫婦見到都話碟沙爹牛好吸引， 我梗係義不容辭分享美食給隔離位試試啦～竟然佢哋高舉手指，大贊肉餅好食，連沙爹肉都不錯，下次必定要再食。到肉餅了，我哋叫了“ 蝦膏蟹棒肉餅”及“ 秘制金沙蛋黃肉餅”。先講蝦膏蟹棒肉餅，肉質鬆化還見到一絲絲紅色的蟹棒，蝦膏又夠香，不太膩。至於秘制金沙蛋黃肉餅，好香好邪惡，鹹香味極重，肉餅仲要兩邊煎香，而且不油，肉質紮實，口感彈牙，配飯一流。我就加2蚊要菜飯，朋友加5蚊叫了辛辣麵。加1蚊仲有菜一碟，共有3條。如果食普通白飯就唔需要加錢，仲送例湯一個，仲有湯料附送，價錢尚算合理啦～見到有“榴槤炸彈”點可以唔叫，28蚊有3個大波波，一口咬落榴槤蓉流心架，糯米皮煙韌及不油，超好食，我鍾意。另外順

肉餅哥真係整肉餅最好食既餐廳。我同男友都好鐘意食佢。今日黎到荃灣又係食肉餅哥既時候。一入到黎就送上兩碗足料靚湯。男友想試新野就點了「蝦膏蟹棒肉餅」，而小妹都係鐘意照舊食「鮮味蟹粉肉餅」。先講「鮮味蟹粉肉餅」，肉餅哥既蟹粉肉餅真係好有良心。肉餅上的蟹粉真係唔野少。蟹粉鮮味十足，而且蟹味香濃。同肉餅味道好夾。蟹粉真係好足料，差唔多鋪滿成個大肉餅。男友上食既「蝦膏蟹棒肉餅」用成個蟹殼裝住肉餅。更大隻，食量足料！肉餅切開更厚。蝦膏味好濃，可惜蝦膏味蓋過了蟹肉味。食落口感似蝦餅混合了肉餅的味道。---小妹最鐘意食炸雞脾，貪佢大大隻。所以就試下「珍寶級炸雞脾配飛機沙律」。睇落好大塊，有小妹成隻手掌咁大。果然珍寶級呀。肉餅哥都幾貼心，將雞脾切開。因為可以好輕鬆去到雞骨。👍🏻👍🏻👍🏻咁大塊雞脾肉都唔薄，食落肉質都幾滑。炸得好香脆。味道偏淡少少，如果多少少調味料就岩岩好啦。而小妹最鐘意食反而係個沙律，成個都俾小妹一人食曬！肉餅哥最妹食都係肉餅。肉餅選用的豬肉料靚，肥瘦適中。而且所以肉餅都大大件，好足料！一真唔怪得客似雲來啦！👍🏻👍🏻👍🏻

曾經食過大圍果間肉餅哥果陣已經覺得唔錯見openrice荃灣店既評價更好喎梗係要黎一試啦==============================一坐低就可以先黎一碗老火靚湯鮮味蟹粉煎肉餅肉餅煎得好香而面頭有少少脆身咁肉身又軟綿綿，好搭配蟹粉真係好鮮味食得到好香既蟹鮮味另外我轉左做菜飯可以見到幾足料而且佢唔止白菜仔仲加左其他菜令口感好豐富原隻龍蝦煎肉餅可以見到肉餅入面撈左龍蝦肉令到除左有本身既豬肉香仲有少少龍蝦既鮮味唔好唔記得仲有隻鉗都可以拆黎食架晚市１２蚊仲可以加多碟生菜或者菜心我就叫左生菜，夠晒新鮮，咬落去好爽口

好耐冇過嚟荃灣呢邊,當然就係因為工作關係,今日山長水遠過嚟荃灣,既然過到嚟,梗係同班同事去探訪一下肉餅哥肉.😍😍😍以前最鍾意食佢個金沙蛋黃煎肉餅,真係非常香口,送飯一流,每一次黎都係不二之選.今次終於轉一轉口味,終於試咗佢個足三兩花膠肉餅,堅係足三兩花膠咁多,我一個人真係食唔晒,雖然知道唔係一啲好頂級嘅花膠,但係入口依然有lim lim 嘅口感,肉餅配合花膠汁拌飯一流,肉餅質素依舊,口感依然彈牙,依然係我喜歡嘅肉餅哥.

話說9:21落完第一次單 大概9:30野食到左 9:35想加單 職員先話已經last order左 我地問佢做咩冇職員通知？ 個丫叔仲大大聲講 「唔記得左咪冇人通知你地囉」 真心覺得服務好差 大大話話都幫親左成年 之前班90後妹妹仲好服務過依架班大叔 以後都唔會再幫親 貼錢買難受

Finally made an effort to eat at #肉餅哥 because of omnipork.Ideally the steamed omnipork with lotus root should have been ordered but I have already tried the panfried version at Kind Kitchen. There was also Chiuchow style and Sichuan style patties in the omnipork series.To be honest, it is better off ordering the steamed ones because they don't have the old oil pan fried taste which is worse if you order the meat version because more people eat meat so the oil is probably stronger as the oil is r

一支公無飯開，又掛住媽媽整嘅肉餅，就去左專賣肉餅嘅肉餅哥度試試環境都ok，櫈就坐得麻麻舒服無得”唉”，枱同枱間又好密集，唔好諗住伸懶腰，實撞到後面個！我坐左係中間嘅長枱位置，打開餐牌，見到啲肉餅選擇好多，有啲肉餅組合好奇怪，咖啡煉奶煎肉餅、特色果醬煎肉餅，完全偏離傳統肉餅嘅軌道！自己一個，梗係叫啲穩陣啲，叫左個原隻帆立貝黑松露煎肉餅配飯，佢仲可以配粥同米粉未叫餐老火湯送到，老火湯足料味濃，不錯！肉餅大塊，原隻帆立貝同有黑松露係面，的確無欺場！不過略嫌黑松露味唔夠出，肉餅有啲dry，如果免費有條菜會生色不少！另加左罐裝飲品，埋單$104，以肉餅來講有少少貴！

先來一個送既例湯，清清地未去到例水入面有片果皮都ok因爲menu太多不同肉餅花多眼亂，睇落雖然多選擇，實際無乜野選到，原本想食咸魚煎肉餅但無呢個選擇而且鋪內無煎咸魚香味，最終叫左個秘制金沙蛋黃肉餅，主菜咸蛋無乜咸蛋味，金沙咸蛋只係淋汁上面，同想像中既黃金蝦做法有出入。但其實睇賣相未入口都覺得佢煮法係油溫太低，做出泥既黃金咸蛋會好油唔香，結果入口如上所述。油膩唔多香口，肉餅有點散無乜特別同家常菜是一樣，$75泥講價錢就是一個「驚」喜。同場老婆叫左個xo海皇醬帶子肉餅，除左上面多左xo醬之外，大家個肉餅味都是差不多，係多左幾粒蝦米多左幾粒無乜味帶子粒。總結價錢值唔值見人見志，但36種口味理應不是肉餅上面淋汁就算，可以做得認真一d真正改變一下食落去既口味。

本人好喜愛食蒸肉餅飯，之前已經聽過肉餅哥好出名，所以夜晚入去荃灣一嚐肉餅飯😼😼去到荃灣，大約七點半左右，一入去就有位，夥同友人立即點餐，點左一份臘腸潤腸肉餅飯及足三兩花膠肉餅飯😋😋大約等左10分鐘，蒸肉餅終於來啦🤤肉餅既份量唔會好大，但賣相已經好吸引，肉汁好多，食落去味道濃郁配搭臘腸食，味道好夾，沒有油膩嘅感覺！另外足三兩花膠肉餅飯，好大份嘅花膠係肉餅上，口感黏口，不錯👍🏻另外叫菜飯食，好似屋企煮嘅菜飯，有家的味道☺️整體不錯，會再嚟食❗️

Personally, i like chinese food. This restaurant really suit my taste. The meat biscuit here is very tasty. The staff here are very nice too. I really like the decoration here. It is very modern and chinese. The food here is not expensive. I would recommend my friends to come here.

肉餅哥聽就聽過好多次，經過都有好幾次，一直都未有去嘗試，可能初時比佢推出既怪味肉餅嚇親，一直都未提起勇氣今日家姐係附近黎搵我食午餐，佢話想試下，因為有煎肉餅。好啦！陪下你啦......因為我lunch 時間係12：30去到都唔太多人，家姐未到，我去搵位坐低先入到去問我幾多位，坐低之後就比兩碗例湯我，標晒煙咁好熱下，望落奶白色，無油係面太熱啦，等陣先飲啦！望下今日星期一餐牌有三個精選午餐，“老干媽豆豉煎肉餅”、“芫茜煎肉餅”、“麻辣香菇煎肉餅”。三選二最後揀左1，3因為生芫我同家姐都唔鐘意。叫多左個菜心，兩杯凍飲，飯可以加$2轉油飯或菜飯，唔加錢都可以轉米粉或白粥，我地就轉左油飯。試下個湯先，都幾好飲，唔係味精湯，真係好清同好甜飲完湯，好快就有野食啦好大塊喎！半隻碟咁大，仲有一大碗飯，試下個麻辣肉餅先佢外表睇唔出佢咁有辣勁，麻辣慢慢出黎嘩，好味喎老干媽豆豉肉餅，望到咁大堆豆豉我以為會咸死，原來無喎！呢度兩款肉餅都係煎到好脆，但又唔乾真係好味道下次可以再黎試下。今餐家姐請我食，總數$91算抵食啦

金沙蛋黃煎肉餅Haven’t been to this restaurant for a while. I had a good impression of it after my last visits, when it just opened. No disappointment after years, n my favourite 金沙蛋黃煎肉餅still maintains the quality. The flavour of the egg yolk alone already made me water-mouthing. It was very crispy too!

數數看，都有一段時間無嚟荃灣了，諗緊食咩之際，腦海突然浮出我要食肉餅嘅諗頭。之前都有食過肉餅哥嘅花足両膠肉餅，夠足料！就決定去食。肉餅哥！今次點左糖醋肉餅，肉餅煎香後淋上糖醋醬，酸酸甜甜的味道，好開胃！糖醋汁酸甜適中，因為自己好鍾意食糖醋嘅食物，但好多餐廳都好難做到啱口味，會太甜或太酸，但肉餅哥呢個糖醋汁啱啱好，好鍾意！今次就配左個菜飯，有肉之餘又可以食啲菜，均衡飲食吧！😂不得不說，肉餅哥嘅肉餅真係好多款，傳統嘅有創意嘅又有，搞到樣樣都好想試！下次再食過💪🏾

呢間開咗有無2年一直沒有去試，終於到失去理性時候，走咗入去……晚上8時入去有枱，坐得幾迫，食完要走嗰隻，有乜龍虾、花膠……肉餅，點叫得落手成舊水，並一定浪費了食材，點了……1.東蔭公肉餅(完全食唔到乜蔭公味，個味怪怪地)2.咖啡肉餅(有咖啡味有D新意，第二啖就覺怪)3.椒鹽肉餅(正常少少……椒鹽整最多鹹味遮)4.唔好提肉餅，求期落啲醬上肉餅面加菜清水整完全一點味也沒有非常健康，餐唔包飲品，水自己倒有啲日本feel,每位平均$90元肉餅食唔到有乜特別的肉味及手工烹調 法，收呢個價食呢D肉餅餐，太過了建議可以加小熊軟糖肉餅 合小朋友食，可賣100元……

同老婆去食肉餅哥，點知個龍蝦肉餅飯同過花膠肉餅飯， 咸 到阿媽都唔認得， 尤其隻龍蝦， 鹹到好似食緊海鹽咁。 唔單只鹹，食完個飯超頸渴 ， 我相信啲味精非常犀利 ， 龍蝦如果係超咸只有一個原因 就係唔新鮮 ， 就好似食自助餐雪長腳蟹一樣 ， 因為唔新鮮所以要畀好多鹽去醃 ， 咁樣就可以擺幾耐都得 ， 真係一啲龍蝦嘅鮮味都食唔到， 花膠好啲，起碼冇咁鹹， 不過塊肉餅都係超鹹😝。 開飯前客人都會有一碗老火湯， 幸好碗老火湯都唔係好咸， 碗飯真係少得可憐😓，如果男士去食一定要食兩碗以上先夠飽 ，整體嚟講128蚊一碗龍蝦飯唔值