肉餅哥小炒料理 (已結業)

服務態度差價錢偏貴不值這個價錢我三點半去到班佢話不設堂食只可以外賣，我仲專登從觀塘搭車去試一試他們的肉餅但最終都係要買外賣而且服務態度差冇禮貌本身想坐低可以嘗試多幾個菜式但因為是可以外賣所以試一個就算。試後亦不個普普通通

因為公務，小人近來頻頻在荃灣區出沒，食無定時，通常都找一些快靚正的一人餐解決。是日竟然遇上久未吃過的肉餅哥，心下大喜，一人前的肉餅飯正合朕意。今次叫的是墨汁魷魚煎肉餅；首先肉餅跟飯的晒士居然是一對一，似乎肉餅的份量不夠。吃下肉餅，豬肉和魷魚的比例尚可，肉餅依然鮮甜、魷魚有咬口而不靭；但就獨欠墨魚汁的香。雖說是煎肉餅，卻不怎麼覺得有煎的效果，似是跟蒸的差不了多少。白飯雖則大碗，惟過軟身，非小人所欲也。看來下次到肉餅哥還是吃蒸肉餅較為穩妥。

話說今日約左朋友食飯，唸吾到食咩就緊係OpenRice search 下睇睇有咩野食食啦，一search 就見到哩間肉餅哥排得好前就緊係即刻去試啦！黎到比左例湯比我，個湯係我史試最好飲既例湯去到見到有花膠肉餅， 流沙蛋黃同芝士流心勁多吾同款式叫就同朋友叫左個花膠肉餅，芝士流心、 流沙蛋黃加最受老友記歡迎既鹹魚蒸肉餅飯！果然冇令我失望， 花膠好足料， 夠唒你玩boomerang 去震個流沙蛋黃真係好邪惡好香！芝士流心如果係芝士控一定好鍾意， 因為個芝士好足料， 可以拉絲！上菜又快， 如果大家經過荃灣又唸吾到食咩真心可以過黎試一試！唯一美中不足係碟菜冇得蠔油

又是開心星期五，那當然要到處去找好的吃。今天去了荃灣吃了一個朋友推薦很久的店，肉餅歌。沒想到吃肉餅飯也會有這麼多的選擇，我最後千條萬選地挑了龍蝦煎肉餅飯。感覺這裡還挺貼心的，因為主菜都還沒有挑，就馬上給我上了一個老火湯。主菜賣相本來就非常吸引，看著龍蝦就很想馬上地放進口。肉餅看起來也是煎得恰到好處，看得出廚師有花了很多時間去做這道菜，非常的用心，所以我就帶著很感恩的心情去吃。最後我只能說我的感覺都是物超所值，下次肯定會再帶朋友過來吃！

平時都一直忙到九點才慢慢地去找吃的，今天才工作到八點，我的朋友就叫餓了，說有一家特別想吃的，立馬就開車奔過去了，我心想到底是餓了還是好吃得太誇張呢？才一吃，原來真的是隱世美食店，位在荃灣比較偏的地方，一看環境，完全普通，只賣肉餅飯，但款式還真的挺多選擇挺別出心裁的。我挑了鵝肝煎肉餅菜飯，完全是貴族與平民的搭配，好久沒有幾十塊嚐到大大塊鵝肝，加上特製的醬油，還有那幾乎把所有菜飯完全蓋著而煎得恰到好處的肉餅，我只能說，正！色香味俱全！

平時去開荃灣都見到呢間肉餅店，今次終於有機會試喇，一入到去裝修幾靚幾有風格，唔似平時啲茶餐廳，有機會可以約埋朋友仔一齊嚟試下，別有一番風味，坐低就有碗老火湯，然後同男朋友一齊叫咗芝士流心肉餅菜飯同羊肉肉餅飯（唔記得全名，但得一樣系有羊），送上嚟熱辣辣，唔洗加豉油都夠哂味，仲有半溶嘅芝士另外再叫咗個小食芝士薯仔波，我就覺得麻麻地，整體嚟講環境都唔錯，乾淨衛生，抵食又好味道，突然想食住家飯都可以去下，一定會再嚟！

叫了一客吉列肉餅油飯， 但味道比較淡一點而且吉列比較硬， 油飯又沒有味道 ，晚上只有汽水，心目中有點失望！而且收銀的侍應招呼我入去坐和收銀時都黑口黑面，我想不會再有下次了 !

今日專登入黎試下佢。。。自己一個人食無乜所謂！搵搵下見佢係OpenRice 有咁多好評諗住應該都唔差既！ 我搵左勁耐路，終於搵到了...以為會好正，但。。。完全錯了首先佢地上左碗湯。。。我地唔小心倒跌左小小落枱！佢地見到之後 吱 左一聲拎走左叫左佢地抹下， 佢地都無理鹹到一個點啊頭幾啖都可以既！ 算有小小驚喜食食下愈食愈鹹！開始要叫野飲黎送而碗野 油飯麻麻， 正正常常~就係肉餅極鹹食完都好口渴唷價錢偏小小貴！ 加油飯要另外加$2元！

流心芝士肉餅🧀真係完全冇諗過肉餅可以有禁多唔同既款色 見到自己最愛既芝士可以融入肉餅之中一定要試下👅肉餅可以揀蒸或者煎 我最後揀左煎既因為想香口d 煎左既肉餅幾乾身外層有少少脆 一切開d芝士真係湧出好邪惡 可以一試!

價錢偏貴，服務態度差、串。一入去明明好多位，係要你坐係啲迫啲嘅位。千其唔好嗌蝦膏蟹捧肉餅，同普通肉餅係冇分別，只係加左個蟹蓋係出面炸，仲要70蚊。 另外叫左個金沙蛋黃肉餅，味道幾好，但食得多會覺得流。

位置唔係十分方便，但係每一次見到都有一班人在等候，肉餅哥的名稱好簡單容易理解，系食肉餅為主嘅，首先一入到餐廳，侍應會放低一碗湯，然後我就好快咁揀咗蒸黑椒肉餅飯再加一杯凍奶茶，等咗大約十分鐘 賣相好好，我沒有加豉油都覺得味道十足， 配一碗份量啱啱好嘅菜飯，食後嘅感覺係抵食好味，希望下一次嚟嘅時候都可以保持質素，亦會試下其他煎肉餅的款式。

晚市繁忙時間直入都有不少空位. 坐下看菜單, 一位黑直髮長度及肩的女店員幫忙下單,我記得以前食過一次肉餅係可以選擇蒸或煎,但可能我記錯啦所以向店員問清楚. 店員就答所有食物只跟菜單,菜單有就有,無就無. 因為店員在等我下單,菜單有至少十頁,我不想浪費她時間,就直接問有沒有咸蛋蒸肉餅飯? 因為如果有,我就不用花時間看菜單可以直接點菜. 但店員一幅很不耐煩的表情重覆答:菜單有就有,無就無. 我很驚訝店員做服務性行業但態度可以甘差,我不是聾的,說過的話其實不用重覆. 加上其實我們都好有禮貌去問卻被一幅臭串的口臉去回覆, 我開始明白點解繁忙時間都甘少人光顧了.肉餅飯平均7X元一個但份量好少, 相比起大圍另一間肉餅店只售4X元但肉餅份量有1.5倍. 味道普通肉偏肥,其實荃灣甘多美食, 真係唔需要再光顧呢間服務態度奇差的店舖.

今日同朋友約好去試下久仰大名嘅肉餅哥坐低後，待應哥哥送上2碗例湯節瓜湯例湯嘅質素，無咩要求我地揀左秘制金沙蛋黃肉飯XO海皇醬帶子肉餅我同朋友都覺得金沙肉餅好味啲，個金沙好邪惡，不過真係好正啊😋，係個蛋黃細左少少，大約好似個5毫子咁大，帶子肉餅啲帶子究竟去左邊呢🧐，撈左落XO醬度定肉餅度？榴槤炸彈（上）油菜（下）榴槤炸彈好多粉下，榴槤味唔太出+$5的油菜，Ok啦凍鴛鴦（左），凍奶茶（右）鴛鴦咖啡比較重，有少少苦，唔太覺有奶茶味朋友話奶茶唔似奶茶，佢飲左少少就無飲

Fusion菜市面上有唔少, 肉餅fusion真係幾有創意, 仲要淨係肉餅都有三十幾種, 真係犀利。之前已經聽過呢間幾出名, 今次去開荃灣終於試到啦! 閒日夜晚八點去, 店內尚有座位, 唔洗排隊。但我見到牆身貼住繁忙時間用餐限時45分鐘, 相信佢繁忙時忙起上黎實不得了。一坐低, 餐牌都未掀, 已經有例湯送上。雖然湯既味道唔係話好出色, 但呢個舉動係幾窩心, 好似一D茶餐廳咁。我地兩個人打算叫一個傳統肉餅, 一個fusion肉餅, 兩樣都試下, 考下佢功架。傳統我地叫左秘製蓮藕蒸肉餅, 都算好食, 火侯岩岩好, 唔會蒸得太老。肉味幾香幾鮮, 但個人覺得蓮藕可以再多D。不過口感爭左少少, 略嫌唔夠彈牙。 Fusion我地叫左原隻波士頓龍蝦煎肉餅, 嘩, 聽到個名都勁啦, 一上菜, 嘩嘩, 真係原隻, 砌好埋個龍蝦形俾你, 夠晒過癮。食第一啖即刻覺得傳統既被比下去, 其實唔係傳統既唔好食, 但煎過既肉餅真係香口好多。外層有少少脆, 內層嫩滑仲有龍蝦香味, 呢款肉餅真心唔錯。 我地各自加左一碟菜 (+$12), 份量唔算多, 但係烚得幾靚。如果你都鐘意食肉餅, 不妨試下呢度既fusion肉餅,

約左朋友７點食，岩岩好有位，店內位置唔多，要食就最好8點前，如果唔係就要排隊。坐位其實唔算好舒服，如果想一班人傾耐Ｄ計，呢到唔算係一個選擇，感覺有D茶餐廳，店員的態度不友善，認真要改善一下又話4人坐6人台,之後又轉4人台,之後再轉我地去中間D BAR 台咁，都唔似客人既感覺，你叫我做咩就做咩咁。ＭＥＮＵ好多選擇，又唔算好貴，有煎又有蒸。有湯飲左先，唔係好味精，又夠熱。超喜歡食呢個，黃金煎肉餅，係咸蛋黃，煎得好脆又唔實。呢個係蒸既，因為唔想太熱氣。　配左油飯，反而菜飯好食Ｄ,不過蒸既係耐D,好新鮮整，都唔差。足３兩花膠都係$99幾抵食，花膠好大片，仲有２大片，　雖然唔係入口即溶果Ｄ，但係呢個MATCH都幾特別，可以一試。ＯＶＥＲＡＬＬ　其實煎肉餅好香口好食,但係食完就好快要走，又唔係坐得太舒服，都幾迫，平平地，可以兩人晚餐都唔錯既。