肥佬德滷水小炒 (已結業)

星期日，六點幾上到去叫左三樣野等左成個鐘一樣野都未黎個，叫個 侍應追下，，都吾知有冇追過，真心講肚餓千其咪去食！，之前剛剛黎都有枱客話等左半個鐘都未到，所以Cut 單走，但最另我討厭係佢不停出外賣比車手，如戶。戶。。同熊貓仔囉！

青衣友就知道，青衣真係冇好野食，尼間以前都可以的，近兩三年， 食物質素包括味道明顯大幅下降，試完今次， 寧願去百佳食三餸飯都唔會再幫襯這間肥佬德。 今天叫了三個小菜，雜菜煲，孜然京蔥牛肉， 黃金魷魚鬚 ，先講雜菜煲，只是雜菜加了腐乳醬再加水，食落去一係冇味一係大篇腐乳味。跟著就是孜然京蔥牛肉，只是牛肉加了孜然粉，牛肉是牛仔骨的牛肉 ，除了牛肉有孜然粉的味道外，其他一律冇味，最後是最精彩的一味黃金魷魚鬚，上菜時魷魚鬚和炸米粉混在一起 ，一看就知番做，食肆做到佢咁 ，真係難得一見，難道這是青衣友的特色，唔好食也要食。

始終都係送外賣要等得較耐，平日(星期一至四)都要等1.5小時以上....打去問先大叫:XXXX出得未?跟住就話出喇，而家出...咁我唔打去追係咪唔出呢.....結果又等多30-45分鐘.....即係前後等左大約2個鐘先有得食，D野黎到都已經凍哂！知道你地忙，已經搭正6點就落單，點知都要等咁耐先有得食....希望可以再大大改善。

朋友介紹，話好抵食好好味，咁我就去試啦，去到環境一般，好彩天氣仲涼涼地，如果唔係，應該會好焗。叫左一隻炸乳鴨，40蚊。炒蜆， 薑葱蟹，涼瓜倉魚，沙拉骨。落完單，先黎一碗例湯，青紅蘿蔔湯，一般啦，一定唔係老火湯。乳鴨炸得唔夠脆， 夠脆先好味囉！炒蜆唔新鮮，d肉實同無味。薑葱蟹可以接受，涼瓜倉魚無問題，一般，沙拉骨好味，最夠味係e樣啦，但size就大舊左d。普遍今日小炒係唔夠鑊氣，唔夠香，味道唔夠濃， 價錢係抵食既！

光顧數年， 食品質素尚能保持， 不時推出新菜式， 可見食店仍保持熱誠， 特別是黃金蝦及小炒王更能吃出本土大排檔風味， 食品價格亦未見有太大的上漲情況。而在新年期間更有盆菜食品，4人能完全食用6人份量盆菜，可見食品份量不多，而味道有別於其他大型食店的盆菜，味道獨特而有自己個人風格，推薦一試。可惜顧客吸煙問題仍未能改善， 特別在人多熱鬧時， 四周的煙霧的確影響用餐心情， 望日後能改善情況。整體來說， 肥佬德滷水小炒確能推薦於朋友一嘗本土大排檔風味。

原本叫二個餐一個餸，問店員幾耐送到 ，起初話半個鐘，等咗一個鐘，打去問又話己送，結果等咗差不多2個鐘，重點是又送錯野嚟之餘d食物比之前差很多，结果好肚餓嘅情況下都只吃了三分之一，決定以後不用錢都不會食，但值得一讚外賣嗰位四眼叔叔好有禮貌，聽電話嗰位大嬸就態度好差又大聲，有待改進進

一行3人，去樓下東菇亭食晚餐。叫左一支啤酒，3個小菜，總數$250找。炒蜆，汁濃，多蜆肉。沙拉骨，唔似出面豬排，再塗上沙律汁，而係簿簿粉漿，包住豬臉肉，令人換然一身之感。其次，啫啫滑雞煲，蔥香爆出雞味，沒有那份冰鮮雞的雪藏味道。

去開青衣探朋友，果頭無咩好食，朋友推薦食大排檔，甘就去試下去到各人叫了一個套餐：套餐包例湯，飯，一碟小菜。我同朋友就叫了京都骨同滷水鵝：例湯係冬瓜湯，無咩味精，淡京都骨不錯，肉不會un。汁酸酸甜甜，不過洋蔥仲好硬，可以煮淋少少。滷水鵝都不錯，夠入味。肉都夠淋唔會鞋。不過好少肉，皮同骨比較多。

由細食到大，幾乎所有食物都好好味道，特別係炒嘅小菜都好香又夠鑊氣；星期六日或假期會多人啲要等位，但閒日去就吾洗等，少人啲，結果第一次閒日去食就出事了，詳請如下：幾枱嘅呀叔係店入面食煙，居然冇人管！同呀姐講，只有去處理左一個人，然後叫我地換枱！話我阻住佢地食煙呀！？店入面咁多禁止吸煙嘅牌放尼做咩嫁！？一班呀叔係個餐廳入面食煙居然冇問題！！！？吾係外面嗰行，係入面呀！咁大陣煙味點食飯呀！？仲有幾個好似係員工添！啲食煙呀叔又同某幾個員工呀姐好似好熟咁！熟人就可以食煙！？超不滿意嘅一次用餐，搞成咁，食物幾好味都冇用了。

早幾年食過，當時係貨van送貨。今年母親打算唔煮，建議買鴻X鮑魚盤菜，不過只有6人份量。團年前一星期，家姐見到佢Facebook廣告似乎好吸引，於是轉軚，證明佢廣告幾成功！食物睇相啦！由於相片限量，仲有好索汁的蘿白、豬皮、支竹冇入鏡

之前月頭上上下網發現呢間盆菜先記得就黎中秋,拿拿林做reserach 發現好多好評,咁過2日經開銀行就入數啦,但我唔記得拎收據,大獲了,心諗會唔會攪到遲左架...whatsapp左對方聯絡人,(我估係老闆仔仔),話左我過左數,但唔記得拎收據,同講底左幾時要食。對方完全無為難過我就ok左,當晚老闆仔仔whatsapp 左我同我夾定送貨日子同時間,真係好有禮貌,多謝前唔該後,,呢度我非常欣賞!! 睇得出佢地好有心機做生意!之後知道車費之後我成日都唔記得過數,去到今日早上先去左過數,過左即刻whatsapp 老闆仔仔啦,對方完全無問題! 咁就等今晚食餐飽啦.因為我安排左送左媽媽屋企,原本約左5點送到,老闆4:30 就到左打比我,good,我鍾意人早到既~!咁我叫我屋企人拎啦,屋企人話番比我知老闆好有禮貌咁教佢地點食.都係多謝前多謝後~未食對service 好滿意,唔知食果時點呢?番熱左一輪,水滾食得,我食左蝦先,唔錯,爽口唔係莓既,再試個雞,個雞本身有少少咸,加埋個汁就very good.到我鍾意食既腩肉啦,好入味,好正~我4個人食就岩岩好(我叫左個迷你盤),不過對我呢d食肉獸黎講肉可能少左

之前食過盤菜, 今次襯五一去荃灣睇完隻黃色巨鴨, 一眾友好買埋海鮮黎呢度晚餐啦~士多啤梨骨, 酸酸甜甜, 真如其廣告話, 初戀的感覺... 我就FEEL唔到, 夠入味夠唸, 送啤酒一流, 骨都吮埋.小炒王, 蒜芯夠嫩口冇渣, 加入魚仔腰果等等猛火上枱, 眾肉中的一點綠, 冇法, 一枱食肉飲酒獸.豉椒聖子王, 來料加工, 收費相宜, 最重要係大廚功夫好, 否則你比幾靚料都冇用, 剛剛熟, 又夠味, 又不失本身鮮味.蒜蓉粉絲蒸象拔仔, 來料加工之2, 都係夠料夠味又剛好熟, 仲有來料3魚鮑魚仔, 來料4東風螺, 掛住食冇影相.炸大腸, 又一大排檔至食到之作, 外脆內軟, 入味冇異味, 又係送酒菜, 連舊那間泉X居都冇佢咁有火侯.椒鹽九肚+油浸荀殼, 又係考功夫之作, 做到皮香脆, 剛熟, 入面肉汁依然, 魚肉仍然鮮味.青衣火鳳鮮, 招牌菜之一, 台式雞煲, 少少麻, 少少辣, 同紅磡出名那間有得FIGHT, 佢入面有樣獨門武器, 真係超正! 送生菜一碟, 正好中和一下咁多肉食.

每年過年過節都會諗要煮咩食，又吾想老人家辛苦，今年不如整過盤菜試下。經朋友介紹，係青衣長康村有間小炒嘅盤菜吾錯，即管叫一個試下。係兩個星期前已經打電話預訂年廿九送貨，聽電話嗰位先生好有禮貌，多謝前多謝後，仲講明送貨時間下午5-6點會送到。到年廿九正日，電話係下午4:45已經打嚟，應該係老闆個仔，好有禮貌咁預約我約十分鐘會到我屋企樓下，如果方便，可否到落下交收，我當然無問題，我好準時到樓下，原來佢哋俾我還要準時，老闆個仔係車上，老闆行過嚟交收，交收時，又再次多謝前多謝後，還說新年快樂。。。。個仔仲要係車上向我打招呼，真係好有禮貌。講番啲食物，佢哋好有心思，於盤菜上印左一張食用說明書，教我們如何品嘗，聽朋友講，佢個汁比較濃，如果怕太濃的話，可以考慮加水開稀，我哋真係照做，先用水開稀左啲汁，之後加入盤菜裡面先慢火加熱15分鐘，好快已經滾起，當然趁熱，大家起筷食，裡面有好多不同食物：蝦碌，魚柳，雞，西蘭花不錯鯪魚蛋夠彈牙扣肉好鬆化，又入味支竹豬皮蘿白吸晒啲汁後勁好味食到最底，原來佢哋好有心思用個蒸架隔住底部，怕黏底。食依類屋村風味嘅盤菜，感覺很正，總好過集團式經營嗰啲，又鮑魚，瑤柱等，一來好難

團年飯唔想同人迫又唔想自己煮，上嚟做咗功課一於決定試吓呢間 "肥佬德" 睇下係咪咁得先~打去問預訂時間同要唔要比DEPOSIT另改餸等問題，聽電話位哥哥仔一一解答!最𡙁係有埋送貨，同屋企人商完後決定ORDER個細盤 ($398) 嚟試吓，但因為我地唔好鴨，所以叫咗哥哥仔同我走鴨轉為扣肉份量增加 (呢個選擇完全正確!!!!)送貨前一天哥哥仔打電話嚟覆實地址時間，佢原來係肥佬得德個仔喎!時間好準時，汁是自己煮熱前加落盤的，面頭有張 notice 叫番熱 30分鐘但我地實在太飯了! 見到頂頭出已經急不及待開餐蝦碌, 魚柳，雞，西蘭花 ok鯪魚蛋阿媽激讚夠彈牙不過我地全部人嚟講，最激讚既係 "扣肉"，色水靚，肥瘦適中又"鬆化" (呢個係我爸既形容詞)落內重有支竹豬皮蘿白及收哂啲汁哎爭啲講漏咗佢地汁，味正好香好濃，重有啲蠔仔喺內面好得意送貨無耐老闆仔打嚟問司機送貨時間是否準確夜晚食包包再打嚟問啲味岩唔岩今時今日呢啲小當既服務態度實在差唔多絕跡不過咁，我也個建議比老闆仔，如果個蘿白可以再甜少少/入味少少就更好!

見朋友推介加上"末日"同"做冬" ....所以叫左"肥佬德"盤菜試下....我之前食既都係好傳統既圍村新界盤菜, 所以今次試下新野!! 結果~~~SO GOOD 啊...因我係新界住, 佢地有埋送貨 簡直FIT晒.......我個人覺得佢地個盤菜,味道真係唔錯, 好食,唔油,份量又夠, 我最鐘意食就係"東茹"好入味.........最尾當然清晒啦....我家人仲加粉C 落去撈埋個汁食啊!! 正~~~~