肥姐麻辣餐廳

營業中

休息中

甚小食麻辣嘅我諗住襯朋友生日過嚟挑戰下。其實黎幫襯肥姐大多數都係街坊，熟客嚟嘅因為就我所以朋友嗌咗少少辣可惜原來我接受辣嘅程度都幾低如果鍾意食麻辣嘅人一定會鍾意。

夜麻麻喺荃灣想食辣，但係OpenRice搵咗一陣，喺滿樂大廈呢邊有間麻辣野，用「肥姐」開頭，成日都覺得用呢啲朵開頭嘅餐廳都會食到啲好正宗嘅嘢🤣 想食辣又冇咩選擇嘅情況下就入咗去一打開餐牌，就見到一句「一直被模仿，從未被超越」，咁串，我就知自己冇揀錯。今晚嘅晚餐有🤟🏻前菜：辛辣度🔥🔥🔥一邊係花另一邊係自家製麻辣臘肉呢個係熱身前菜，一開始真係覺得好辣，但慢慢越食越過癮，尤其是個臘肉，啲油好香口口水雞：辛辣度🔥🔥🔥🔥🔥呢個應該係我人生食過最辣嘅口水雞，有雞腿肉亦有雞胸肉，個辣味係好出眾，個嘴有麻麻嘅感覺，個辣亦都喺你個口度停留一陣，不過食呢個口水雞真係要一邊食一邊飲嘢。下面仲有一大堆芽菜，鍾意食麻辣嘅朋友應該會覺得好好味酸菜魚：辛辣度🔥🔥🔥應該係口水雞令到條脷level up, 個酸菜魚食落就輕鬆啦，酸菜夠酸，魚嘅份量都好多，仲有啲海帶，呢碟啱晒送飯炒菜：辛辣度🔥🔥個炒菜係估唔到咁特別，睇返個餐牌其實剩係得呢一味寫住「必食」🤣，佢落咗好多辣椒乾，同埋秘製調味料，簡單嘅炒菜都俾佢吵到好特別

#ftf_荃灣正宗惹味麻辣川菜老闆娘話呢度嘅辣比出邊辣一兩級，試完我都好同意（平時譚仔食小辣）。順帶一提，老闆娘肥姐好親切！夫妻肺片 （小辣）$78⭐️⭐️⭐️⭐️⭐️夫妻肺片份量多，刀功一流，厚薄剛好，肉質爽嫩，蒜香味重，夠麻香，唔會死辣蓋過肉味同醬料嘅香味，重點係溫度夠凍，配合埋底下青瓜嘅爽脆，多重口感得黎又有清新解膩嘅感覺，好開胃~推介！酸菜魚 （BB辣）$168⭐️⭐️⭐️⭐️採用鮮魚，魚鮮味重，火候控制剛好，肉質嫩滑，唔會太老，但又唔易散開。入面仲有芽菜、海帶，湯底味道濃郁，但唔會蓋過魚鮮味，不過個人稍為覺得酸菜就咁食有啲鹹，同埋可以再酸啲。手撕包菜 $88⭐️⭐️⭐️⭐️⭐️果然係必食推介！睇落平平無奇，食落芬香撲鼻！椰菜十分爽口，香辣同淡淡牛油嘅香氣極之配合，即使用牛油嚟炒，都唔會覺得有油膩同飽濟。無糖烏龍茶 $18⭐️⭐️⭐️健康之選，但冇乜特別。熱量上有quota嘅話，可以試佢既特飲~回頭率🤡🤡🤡🤡性價比🤰🏻🤰🏻🤰🏻🤰🏻🤰🏻#feedtiffood #吃吧孩子 #吃到懷孕

肥姐位處沙咀道滿樂大廈地下，係荃灣區內主力做街坊客生意嘅小店💪入到嚟嘅食客好多都會同肥姐好似朋友咁打招呼，事關肥姐嘅招呼真係好熱情🥳坐低冇耐就會奉上兩碟前菜，辣度分別係小辣同中辣😎小辣都還好，中辣嗰碟真係食到有啲流鼻水🤣🤣黃金皮蛋皮蛋本身平平無奇，亦稱不上係高級貴價食材，不過將佢以麻辣形式處理就即刻升級不少😜每塊皮蛋都沾滿辣汁，入晒味🤩🤩水煮厚切牛肉經典川菜之一，上到枱真係俾佢嚇一嚇親，估唔到係咁大份😝牛肉真係厚切，每一塊都係啖啖肉😋牛肉本身醃得夠入味，生熟程度適中，唔會煮得太老✌️清炒土豆絲前面食咗兩個辣嘢，食返個清清哋嘅土豆絲😆製作好簡單，但永遠都好好味嘅一道中式小炒，好滿足✌️食辣嘢，唔少得要飲返罐凍嘢，呢度有王老吉😆

今日帶咗都好鍾意食辣嘅朋友一齊食！💆🏻‍♀️ 一坐低就有前菜食。有芽菜同鳳爪！兩樣都辣到不得了！以為自己食開3小都唔叫唔食得辣啦！ 點知原來可以辣到咁😂😂 我同朋友即刻叫姨姨俾BB辣我哋，好在之後啲餸都真係bb辣。第一樣嚟嘅係夫妻肺片！又爽口、辣度又啱啱好🤤🤤 朋友鍾意到眨下眼就食哂！ 然後就係炒菜同馳明炸子雞！ 果然係川菜餐廳！炒菜都非常之惹味同埋都幾辣！ 炸子雞外貌非常特別！ （我好鍾意個黑色碟🤣🤣） 炸子雞非常之好食！ 用咗好多花椒、辣椒、蒜片爆香！所以非常入味！！ 💆🏻‍♀️💆🏻‍♀️門口個姨姨好好客！佢講解緊川菜有咩特別，教我哋點樣分川菜同上海菜！ 我相信呢個就係叫工作嘅熱誠啦！ 態度又好、食物又好！絕對直得回頭！😄

餐廳位於福來邨附近，喺荃灣西西鐵站行過去好近，荃灣廣場過少少就到，位置易搵就腳，黎到荃灣想食川菜過一過口癮可以一試。餐廳環境光猛，衛生不錯（廁所都好乾淨😂呢點對我黎講都幾加分😂😂），地下唔會濕立立咁。另外，老闆娘亦好熱情，會推介唔同嘅菜式俾客人，食物有辣有唔辣，任君選擇。🤪🤪講返菜式，一坐低就有碟小食拼盤，分別係辣菜圃同芽菜，菜圃喺出面比較少見，同埋真係幾辣。首先黎到係夫妻肺片，份量都幾多，辣油好夠香，都幾抵食，夏天食更加係爽。再黎就係川菜名品酸菜魚，黎到好大盤，魚片應該係鯇魚，但肉質都唔錯，唔會散晒咁，而且好大塊，我見到都呆左😂😂。香料方面見到有花椒、泡椒、乾辣椒等等，食落香辣足料。最後就叫左碟手撕包菜，本身睇相以為冇特別冇乜味，但原來都幾入味幾惹味，夠晒鑊氣👍🏻👍🏻。

近日香港天氣非常濕熱，又下着滂沱大雨，弄得個人很煩躁，身體濕氣又很重，非常疲倦。中國人食療方法"辣”去濕氣，第一時間腦袋浮現“麻辣”荃灣有間"肥姐麻辣餐廳”，店內有位肥姐好友善好客。1.菜脯和大荳牙~菜脯肥姐自家制作中辣，菜脯爽脆，前菜測試吓食客嚐辣的程度，大荳牙少辣，大荳牙新鮮豆香味爽甜加上芝麻香淆為一體👍👍2.招牌口水雞~口水雞四川名物，其麻、辣、香令人垂涎三尺，潑辣紅油，加上惹味的香料辛香，嫩滑雞肉和爽口彈牙雞皮3.招牌水煮魚~招牌水煮魚可以滿足一眾辣迷，魚片完全吸收辣湯湯汁，食到啖啖辣味魚片肉，還有配菜、海帶。曾經聽過食海帶可以解辣🤔，大家可不防一試🤣🤣🤣4.酸辣土豆絲~土豆絲清爽香辣惹味，一碟絕不糊口土豆絲"正”

冬天食辣可以保暖，所以食嘅機會特別多夏天真係好少去食辣嘢但係今日行過荃灣呢間麻辣餐廳真係忍唔住要入去試吓餐廳入面燈光非常光猛雖然店舖不算太大但四周都處理得非常清潔整齊坐落都好舒服，枱同枱之間亦都夠晒距離冷氣亦非常足夠原來負責人叫肥姐他為人有善仲介紹每款菜式給我們，雖然呢間係食麻辣的餐廳，但亦都可以選擇BB辣，中辣，大辣所以唔食辣嘅朋友都可以嚟試吓點了一個招牌口水雞，一看口水雞表面滿佈調味和辣椒、辣油，但一食出乎我意料，並不太辣而且還很好味，好嘢味，雞肉嫩滑，雞皮爽口，最主要雞肉夠嫩，靈魂是他的調味汁料，加上雞肉一齊食，真心非常不錯，和白飯一齊食絕配送飯一流點了一個秘製醬汁骨架，這道菜他是選用了很多調味料，而且花了相當多的時間來熬製的，入口味道濃郁，這道菜是不辣的，肉嫩，10分好味。點了一個手撕包菜，放了辣椒去炒，夠鑊氣之餘又很好味，辣的程度可以接受，識落仲好有油香味店舖每樣食品都是用心製作，最後加上一杯凍飲透心涼飲品跟餐有好多款選擇今日我就揀咗茅根竹蔗同埋一杯凍檸茶，飲品最重要梗係夠凍

今日同朋友去荃灣行街睇戲，睇完場戲又想食完晏先再行街，朋友問我想食乜，我最鍾意嘅辣嘢，佢就帶咗我去沙咀道169號滿樂大廈。肥姐麻辣餐廳 👍餐廳俾我感覺好整潔，而且卡位坐得好舒適，仲聞到陣陣嘅香辣味，聞到都已經流口水🤤。同朋友叫咗兩個精選套餐，跟飯同埋飲品，都係幾十蚊，價錢公道，性價比好高。秘製醬骨架 78 元，肉質非常嫩滑，仲要係好入味，加上蔥花同埋芝麻，令到味道層次更加豐富，底下嘅芽菜完全吸收晒啲肉汁，做得好出色。另外醬汁味道香濃，配上白飯真係無敵。一定要試。👍👍👍皇牌酸菜魚 淨係個賣相已經好吸引，而且魚嘅份量都好多，每一片魚肉都好嫩滑好鮮貼，而且魚肉吸收左香料同酸辣嘅味道，味道真係好豐富，加上有少少麻香同酸菜，味道真係一試難忘。加落個飯度食特別開胃嘢未。🤤麻婆豆腐 ，呢個麻婆豆腐完全有驚喜，有少少辣味，豆腐吸收咗少少麻辣，加上調味啱啱好，又開胃又惹味。味道唔會太辣，唔食得辣嘅人都啱，估唔到一個麻婆豆腐都做得咁出色。真係食得好滿意，每碟餸嘅份量都多，仲要做得好好味，下次去荃灣一定會再過嚟幫襯，一流👍👍👍

今天剛剛去完荃灣shopping，行過公園附近見到肥姐麻辣餐廳，因為都幾耐未食過啲勁辣嘅嘢，所以就入去試試；入到餐廳坐喺卡位，坐位都好闊落，見肥姐好熱情咁樣招待啲賓客氣氛好融洽；我和朋友就點咗三個招牌菜；就係辣子雞，口水雞同埋麻婆豆腐，再加支啤酒，啤啤佢。開胃菜就嚟咗個送嘅麻辣蠶豆同埋牙菜，辣辣地都真係幾開胃，跟住就喺一個用鏟做碟，上嘅辣子雞，睇個樣都好特別，面頭鋪滿滿的辣椒，好有氣勢，食落真係唔錯，有啲雞炸過，比較脆口，辣度亦都相當強勁，絕對推介；口水雞嚟到時，真係好似啲口水浸住啲雞，食落啲雞好滑，同埋好有雞味，啲青瓜亦都好入味，不妨一試。跟住個麻婆豆腐，啲豆腐好入味，好滑，真係食到唔停得口，支森堡啤，有驚喜，飲落唔錯喎，見佢平平哋試下，但係又冇苦味好清涼。一個出曬汗，熱辣辣嘅晚飯！好水冷氣都勁涼。

招牌口水雞（例牌）$78辣度可以選擇，BB辣、小辣、中辣、大辣。我只係揀咗BB辣，雞份量好足，除咗雞底下仲有芽菜，初初食唔覺得好辣，越食越辣，辣到懷疑人生。黃金皮蛋$43辣度都一樣有選擇，出面大多數用黑麻麻皮蛋，呢隻皮蛋好似鹹蛋咁既色，好特別，有青瓜伴碟，辣度同樣BB辣，但一樣都好辣鹹檸檬七喜$26由細到大都好中意鹹柑桔，去出面食飯，必叫呢種飲品，真材實料，真係有兩大粒鹹柑桔，好味😋，用嚟解辣必備

平時都好少食辣嘢，今日同個朋友去到荃灣，路過呢間麻辣餐廳，門口聞到好香嘅辣味，又見天氣涼涼地，一於入嚟瘋癲一下又差唔多到lunch time ,就入去試試，一踏入餐廳門口已經感覺到冷氣非常充足，燈光有夠光猛，環境舒服地方非常寬敞而且店員仲會親自介紹招牌菜式俾我非常細心午餐嘅選擇都有好多，叫咗兩個午餐，再加一份清炒土豆絲$78土豆絲切到厚度非常適中做到好爽口入面加咗少量嘅蒜片同䓤花，土豆絲做到好有層次感，無論口感同味道我都比滿分，清清地完全係健康之選水準不錯嚟到呢度點可以唔試食個主菜酸菜魚酸菜同埋香料份量都非常多，料頭有酸菜芽菜海帶都好多味道唔會太酸今次叫左微辣，啱啱好，如果鍾意辣嘅朋友可以選擇大辣，挑戰一下🤣魚肉嫩滑，新鮮又冇骨食到停唔到口魚嘅鮮味亦都非常出眾極力推介，午餐時段仲可以跟埋飯加飲品$88，性價比相當高另一個午餐就叫咗秘製醬骨架，呢個菜式係完全唔辣，秘製嘅豬骨味道非常特別，好惹味餸白飯一流肉質嫩滑帶有少少豬肉嘅脂肪，口感一流，店員話這個秘製將用咗好多配料來調配我食一啖入口已經非常滿意食到停唔到口

平時出街最中意食川菜，今次黎到朋友成日介紹既肥姐麻辣餐廳試下佢地既撚手川菜。一坐低,店員奉上自家製辣油花生同菜脯，果然幾辣下，老闆娘就話佢地既辣度比出面更辣，好細心問我地平時食開幾辣。我地最後叫左泡椒雞腳同手撕包菜做前菜同sode dish. 雞腳好入味而又唔會太咸，麻辣程度一般，愈食愈滋味。而手撕包菜有驚喜，炒菜既鑊氣夠，炒出黎既菜先會香口好食。主菜就試左酸菜魚，料頭香料同酸菜份量都好多，唔會太過酸而遮左條魚既鮮味。魚肉滑嫩新鮮又無骨，食過唔停口，推介！

天氣凍一定要食返啲辣野肥姐麻辣餐廳最啱晒冬天食。佢嘅辣到可以俾我哋選擇，唔同菜式可以揀唔同嘅程度嘅辣。去到先會比小食我哋絕對非常開胃，但我見我個枱嘅小食同隔離枱唔同，所以應該都係隨機嘅。我食咗個豬腳，雖然係小辣但係都足以令到我非常期待佢其他嘅辣度！主菜方便我就叫咗個水煮魚，同埋清炒菜。水煮魚個份量非常大，而且係用鯇魚。魚質非常滑，唔會話好老。配料都非常多，其實就咁食盆菜都已經有3成飽之後就清炒菜，都比較清新，可以去咗啲水煮魚嘅肥膩。食完今餐真係⼀食完成身暖粒粒

話說都係晚市禁堂食前一晚幫襯，距離而家一段時間，早兩日睇返啲相勉懷下舊時，今日順便打篇食評支持下，始終飲食業都過得幾艱難。設於荃灣廣場附近，門面幾光鮮，亦播住電視推介嘅片，睇落都唔錯，食落仲唔錯添，要幾辣就有幾辣，夠曬惹味。小食都幾麻辣惹味，應該有平時約小辣至中辣嘅level。點菜時，光係食幾辣，店員都同我地confirm左幾次，話小辣都好辣，辣過譚仔中辣/大辣喎，咁我就點BB辣算。招牌水煮魚：我硬係覺得唔似BB辣，唔知有無比錯小辣，因為我食開譚仔大辣都覺得呢碟野更辣......儘管如此，其實佢嘅招牌麻辣真係幾得，唔會太麻，但好有辣勁，非常惹味，係幾好食。魚肉新鮮之餘，又夠辣味，都幾香口好食。平時食譚仔大辣唔洗飲水，食呢碟野飲曬成支水...夫妻肺片：簡單而言就係香蒜辣油拌牛肚、牛舌、牛心等等，仲有少許涼拌青瓜墊底。呢個又真係唔辣，反而蒜香幾突出，小麻小辣，鮮香而不太油膩，內臟亦無腥味。炒土豆絲：雖然簡單，但又真係幾好食，土豆絲鮮嫩爽脆，口感不錯，酸辣又帶啲甜味。